Mósè 7

Nígbàtí Wòlíì Jósẹ́fù Smith kọ́kọ́ kọ́ nípa Énọ́kù àti Ìlú ti Ìwàmímọ́ rẹ̀, ó ní ìmísí. Ó “mọ̀ pé ọjọ́ náà ti dé nígbàtí Olúwa yíò gbé Síónì kalẹ̀ lórí ilẹ̀ ayé lẹ́ẹ̀kansíi” (Àwọn Ènìyàn Mímọ́, 1:108–9), ó sì bẹ̀rẹ̀ ìgbìrò ìgbésí ayé kan láti gbé Síónì ga. Kíka Mósè 7 lè mísí yín láti tẹ̀síwájú nínú ìtiraka náà ní òní.

Ẹ lè bẹ̀rẹ̀ nípa wíwá àwọn ìbéèrè náà kiri “Kínni Síónì jẹ́?” àti “Báwo ni ó ṣe yàtọ̀ sí ìyókù ayé?” Ẹ yẹ títòsílẹ̀ àwọn ìdáhùn tí ó nwá sí yín bí ẹ ti nṣe àṣàrò Mósè 7, nípàtàkì nínú àwọn ẹsẹ 16–21, 27, 53, 62–69.

Àwọn ìdáhùn yín sí àwọn ìbèèrè wọ̀nyí lè fi hàn kedere pé a ṣì ní ọ̀pọ̀lọpọ̀ iṣẹ́ láti ṣe láti gbé Síónì ga. Nítorínáà báwo ni a ó ti ṣe? Ó lè ṣèrànwọ́ láti ronú nípa àwọn àkokò nígbàtí ẹ ti ní ìmọ̀lára pé ẹ jẹ́ “ti ọkàn kan àti inú kan” pẹ̀lú ẹnìkan (Mósè 7:18). Bóyá ó jẹ́ nínú wọ́ọ̀dù kan, ẹbí, tàbí ní ibi-iṣẹ́ tàbí ilé-ìwé. Kínni àwọn ènìyàn ṣe láti dá ìdàpọ̀ òdodo sílẹ̀?

Ní ìhín ní àwọn ohun èlò tí ẹ lè wákiri láti rí àwọn èrò àti ìmísí. Ẹ mú ọ̀kan tàbí púpọ̀ síi láti ṣe àṣàrò, kí ẹ sì kọ àwọn ohun tí ẹ ní ìmọ̀lára ìmísí láti ṣe láti gbé Síónì ga sílẹ̀:

• Àwọn ará Fílíppì 2:1–4; 4 Néfì 1:15–18; Ẹ̀kọ́ ati awọn Májẹ̀mú 97:21; 105:5.

• Ulisses Soares, “Ẹ̀yin Arákùnrin àti Arábìnrin nínú Krístì,” Làìhónà, Oṣù Kọkànlá. 2023, 70–73.

• D. Todd Christofferson, “Ọ̀kan nínú Krístì,” Làìhónà, Oṣù Karun 2023, 77–80.

Kínni ó túmọ̀sí fún yín láti ní Jésù Krístì bí Ọba yín? Ẹ kíyèsí àwọn àkọlé míràn nínú ẹsẹ yí. Kínni wọ́ kọ́ yín nípa Rẹ? Kínni ẹ rò pé ó túmọ̀sí láti wọlé “ní ẹnu ọ̀nà kí ẹ sì [gun] òkè nípasẹ̀ [Rẹ̀”?

Bákannáà wo “Wá, Áà Ìwọ Ọba àwọn Ọba,” Àwọn Ìwé-orin Ìsìn, nọ́mbà 59.

Àwọn ènìyàn kan rí Ọlọ́run bí ẹni jíjìnà kan tí kìí ní ìmọ̀lára ẹ̀dùn ọkàn nípa ohun tí ó nṣẹlẹ̀ sí wa. Énọ́kù jèrè ìwò yíyàtọ̀ nípa Ọlọ́run nínú ìran tí a kọsílẹ̀ nínú Mósè 7. Kínni òun kọ́ nípa Ọlọ́run—kínni ẹ̀yin sì kọ́—nínú àwọn ẹsẹ 28–40? Kínni ìdí tí ẹ fi rò pé Énọ́kù ní ìyanilẹ́nu láti ri tí Ọlọ́run sọkún? Kínni ìdí tí ó fi ṣe pàtàkì fún yín láti mọ ohun tí Ó máa nṣe?

Bí ìran ṣe tẹ̀síwájú, Énọ́kù sọkún pẹ̀lú. Ṣùgbọ́n Ọlọ́run bákannáà pín àwọn èrèdí láti yọ̀ pẹ̀lú rẹ̀. Ẹ wá wọn nínú Mósè 7:41–69. Kínni ẹ kọ́ láti inú ìran Énọ́kù tí ó lè ràn yín lọ́wọ́ láti “gbé ọkàn yín sókè, kí ẹ sì ní inúdídùn,” pẹ̀lú “ìkorò” nínú ìgbésí ayé yín (ẹsẹ 44)?

Jeffrey R. Holland, “Ọlánlá ti Ọlọ́run,” Làìhónà, Oṣù Kọkànlá. 2003.

Ìran Énọ́kù, nípàtàkì ohun tí a kọsílẹ̀ nínú Mósè 7:59–67, jẹ́ ọ̀kan lára àwọn àsọtẹ́lẹ̀ ìwé-ìtàn àkọ́kọ́ ti Bíbọ̀ Ẹ̀ẹ̀kejì Olùgbàlà. Kínni ó wọ̀ yín lọ́kàn nípa ọ̀nà tí àwọn ẹsẹ wọ̀nyí fi ṣe àpèjúwe àwọn ọjọ́ ìkẹhìn? Fún àpẹrẹ, ẹ ṣe àyẹ̀wò bí ẹ ti ní ìmọ̀lára pé àwọn àsọtẹ́lẹ̀ láti inú ẹsẹ 62 ṣe ndi mímúsẹ. Kínni àwọn gbólóhùn ọ̀rọ̀ wọ̀nyí kọ́ọ yín nípa iṣẹ́ Ọlọ́run ní àwọn ọjọ́ ìkẹhìn?

Bákannáà ẹ wo Henry B. Eyring, “Àwọn Arábìnrin ní Síónì,” Làìhónà, Oṣù Kọkànlá. 2020, 67–69.

• Láti ran àwọn ọmọ yín lọ́wọ́ láti kọ́ nípa Énọ́kù àti Síónì, ẹ lè lo “Wòlíì Énọ́kù” nínú Àwọn Ìtàn Májẹ̀mú Láéláé (19–21) tàbí ẹsẹ “Ẹ Tẹ̀lé Wòlíì” (Ìwé-orin àwọn Ọmọdé, 110–11). Lẹ́hìnnáà ẹ lè ní kí àwọn ọmọ yín ràn yín lọ́wọ́ láti tún ìtàn náà sọ ní àwọn ọ̀rọ̀ ara wọn. Àwọn àwòrán ti Énọ́kù nínú ìlànà yí lè ṣèrànwọ́.

• Ní ìhín ni ọ̀nà kan láti ran àwọn ọmọ yín lọ́wọ́ láti ní òye ohun tí ó túmọ̀sí láti jẹ́ “ọkàn kan àti inú kan” (Mósè 7:18): Mú bébà ọkàn kí ẹ sì gé e sí àwọn ẹ̀là, tí ó tó fún ọ̀kọ̀ọ̀kan ọmọ láti ní ọ̀kan. Ẹ jẹ́ kí wọ́n kọ orúkọ wọn sórí ẹ̀là wọn kí wọ́n sì ṣiṣẹ́ papọ̀ láti fi ọkàn náà papọ̀. Bí wọ́n ti nṣe é, ẹ lè sọ̀rọ̀ nípa àwọn ohun tí ẹ fẹ́ràn nípa ọmọ kọ̀ọ̀kan.

• Ẹ ran àwọn ọmọ yín lọ́wọ́ láti ka oye ìgbà tí ọ̀rọ̀ náà “Síónì” hàn nínú Mósè 7:18–21, 62–63, 68–69. Ìgbà kọ̀ọ̀kan tí wọ́n bá rí ọ̀rọ̀ náà, ẹ ràn wọ́n lọ́wọ́ láti ṣe àwárí ohun tí ẹsẹ náà sọ nípa Síónì “Síónì,” Ibi-ìkàwé Ìhìnrere). Báwo ni a ṣe lè dàbí àwọn ènìyàn tí a júwe nínú àwọn ẹsẹ wọ̀nyí síi?

• Láti fi Mósè 7:32–33 hàn sí àwọn ọmọ yín, ẹ lè bá wọn sọ̀rọ̀ nípa àṣàyàn kan tí wọ́n ti níláti ṣe láìpẹ́. Lẹ́hìnnáà ẹ lè ka àwọn ẹsẹ náà papọ̀ láti wá ohun tí Baba Ọ̀run nfẹ́ kí a yàn. Kínni àwọn àṣàyàn tí ẹ lè ṣe láti fihàn pé a yàn Án. Bóyá àwọn ọmọ yín lè yípo ní ṣíṣe àwọn àṣàyàn wọ̀nyí nígbàtí àwọn ẹlòmíràn nṣe àròsọ ohun tí ìṣe náà dúró fún.

• Nínú Mósè 7:59, Énọ́kù béèrè ìbéèrè kan lọ́wọ́ Olúwa. Ẹ pe àwọn ọmọ yín láti wá a, àti nígbànáà ẹ sọ fún wọn láti wá ìdáhùn nínú ẹsẹ 60. Bákannáà ẹ lè sọ̀rọ̀ pẹ̀lú wọn nípa àkokò kan nígbàtí wọ́n nreti kí ẹnìkan padà wálé. Ẹ béèrè lọ́wọ́ wọn bí wọ́n ṣe nímọ̀lárá sí àti ohun tí wọ́n ṣe láti múra sílẹ̀. Báwo ni a ṣe lè múra sílẹ̀ fún Jésù láti padàwá?

• Ẹ ṣe àgbéyẹ̀wò fífi àwọn àwòrán ti àwọn àkokò nígbàtí Olùgbàlà ti farahan sí àwọn ènìyàn bí irú Ìwé Ọnà Ìhìnrere, àwọn nọ́mba. 60, 82, 83, àti84). Kínni àwọn ènìyàn nṣe nínú àwọn àwòrán náà? Báwo ni àwọn ènìyàn ṣe nímọ̀lára sí nígbàtí wọ́n pàdé Jésù? Ẹ lè kọ orin kan bákannáà nípa Bíbọ̀ Ẹ̀ẹ̀kejì Olùgbàlà, bí irú “Nígbàtí Ó Bá Wá Lẹ́ẹ̀kansíi” (Iwé-orin àwọn Ọmọdé, 82–83), kí ẹ sì bèèrè lọ́wọ́ àwọn ọmọ ohun tí wọ́n rò pé yíò dàbí nígbàtí Jésù bá wá lẹ́ẹ̀kansi. Ẹ jẹ́kí àwọn ọmọ pín bí wọ́n ṣe ní ìmọ̀lára sí nípa wíwo Jésù nígbàtí Ó bá wá lẹ́ẹ̀kansi.