“February 2–8. ‘Jehovah Okot Ikɔt Esie Zion’: Moses 7,” Edi, Etiene Mi—Eke Ufɔkiduŋ ye Ufɔk Abasi: Akani Testament 2026 (2026)
“February 2–8. ‘Jehovah Okot Ikɔt Esie Zion’,” Edi, Etiene Mi: 2026
Enoch Edikut Edikem Ini, otode Jennifer Paget
February 2– 8: “Jehovah Okot Ikɔt Esie Zion”
Moses 7
Ke ofuri eyo mbuk, mme owo edomo ndinam ŋkpɔ se Enoch ye ikɔt esie ekenamde-ekure: ndibɔp eti obio emi ubuene mme obom-obom uwem miduhe. Nte ikɔt Abasi, nnyin imibuana ke udɔŋ emi. Nnyin ikot oro edibɔp Zion, ndien oro esine—ke edidian ke ndikpeme mbonowo emi edude ke unana ye edisɔŋɔ emem—enamde ediomi, eduŋde ɔtɔkiet ke edinen-ido, enyuŋ ekabare edi kiet ye kiet eken ye Jesus Christ, “Edidem Zion” (Moses 7:53). Edieke ererimbot, obio mbufo, mme ufɔkemana mbufo imidighe se mbufo oyomde nte oro edi, eyeŋwam ndibup ete, Didie ke Enoch ye ikɔt esie ekenam oro? Didie ke mmɔ ekekabare“edi esit kiet ye ekikere kiet” (Moses 7:18) kesioho eneni emi akanare mmɔ okuk? Kotu ediwak ɔyɔhɔ-mbuk Moses 7 ɔnɔde nnyin kabaŋa Zion, akpan ufɔn kiet enɔde Mme Ndisana Owo ke Ukperedem Usen ekeme ndi-di emi ke: Zion ikidighe obio ikpɔŋ—ekedi ndaha eke esit ye spirit. Zion, nte Jehovah ekekpepde, edi “mbonowo emi esanade ke esit” (Doctrine ye Covenants 97:21). Ntem ndusuk ata eti usuŋ ndibɔp Zion edi nditɔŋɔ ke mme esit ye ufɔkemana nnyin.
Mme Ekikere ke Edibɔ-ukpep ke Ufɔkiduŋ ye ke Ufɔk Abasi
Moses 7:16–21, 27, 53, 62–69
Ami mmekeme ndiŋwam mbɔp Zion.
Ke akpa ini emi Prophet Joseph Smith ekekopde abaŋa Enoch ye Edisana Obio esie, enye ama okop inemesit. Enye “edidiɔŋɔ ke usen oro edisim emi Jehovah edifiakde iwuk Zion ke isɔŋ” (Saints, 1:108–9), ndien enye editɔŋɔ anyan-ini utom udɔŋ edibɔp Zion. Ndikot Moses 7 ekeme ndidɔŋ fi ndika-iso nam utom oro mfin emi.
Mbufo emekeme editɔŋɔ ke ndiyom mbume nte “Nso ŋkpɔ idi Zion” ndien “Didie ke oro ɔkpuhɔ ɔkpɔŋ ererimbot?” Kere-baŋa ndibat ibɔrɔ emi mbufo edibɔde nte mbufo okotde Moses 7, akpan-akpan ufaŋ 16–21, 27, 53, 62–69.
Ibɔrɔ eke mbufo ɔnɔde mbume emi ekeme ndinam aŋwaŋa ke nnyin isuk inyenyene ediwak utom ndinam ke ndibɔp Zion. Ntem didie ke nnyin inam utom oro? Oro ekeme ediŋwam ndikere kabaŋa mme ini emi mbufo okopde ke mbufo ekedi “okodu ke esit kiet ye ekikere kiet” ye owo efen (Moses 7:18). Ekeme-ndidi oro ekedi ke ward, ufɔkemana, mme eboho kiet ke iti-utom mme ke ufɔkŋwed. Nso ŋkpɔ ke mme owo ekenam ke ndinyene edinen edidiana-kiet?
Se mme ubak ŋkpɔ-uŋwam mi emi mbufo ekemede ediduŋɔ ndikut mme ekikere ye ifiɔk. Sio kiet mme awakde kot, ndien ekem wet se mbufo ekerede ke ɔfɔn ndida mbɔp Zion nim:
-
Ŋwed Mbon Philippi 2:1–4; 4 Nephi 1:15–18; Doctrine ye Covenants 97:21; 105:5.
-
Se ŋko Ulisses Soares, “Nditɔ-eka Irenowo ye Iban ke Christ,” Liahona, Nov. 2023, 70–73.
-
D. Todd Christofferson, “Kiet ke Christ,” Liahona, May 2023, 77–80.
Abasi oyom ete ikɔt Esie edi “ke esit kiet ye ekikere kiet” (Moses 7:18).
Moses 7:53
Jesus Christ edi “Edidem Zion.”
Nso ŋkpɔ ke ɔwɔrɔ ɔnɔ mbufo ke ndinyene Jesus Christ nte Edidem mbufo? Se mme enyiŋ efen eke Jesus Christ ke ufaŋ-ŋwed emi Nso ke mme ufaŋ-ŋwed emi ekpep nnyin abaŋa Enye? Nso ŋkpɔ ke mbufo ekere ke oro ɔwɔrɔ ndi “duk ke inua-otop nyuŋ [ndɔk] enyɔŋ ke [Enye]”?
Se ŋko “Come, O Thou King of Kings,” Hymns, no. 59.
Moses 7:28–69
Abasi atua-eyet—onyuŋ adara—kabaŋa nditɔ Esie.
Ubak owoekut Abasi nte owo emimodude ke anyan-ebiet emi mikereke ŋkpɔ kabaŋa ŋkpɔ se itibede ye nnyin. Enoch ama enyene isio-isio ekiekre abaŋa Abasi ke ŋkukut emi ewetde ke Moses 7. Nso ŋkpɔ ke enye ekekpep abaŋa Abasi—ndien nso ŋkpɔ ke mbufo ekpep—ke ufaŋ 28–40? Nsidi ntak emi mbufo ekerede ke ama-akpa Enoch idem ndikut nte Abasi atuade eyet? Nsidi ntak emi edide akpan-ŋkpɔ ɔnɔ fi ndidiɔŋɔ ke Enye ama atua-eyet?
Nte ŋkukut oro akade iso, Enoch ŋko editua eyet. Edi Abasi ŋko ama abuana ye enye mme ntak ke ndidara. Se mme ntak idara emi ke Moses 7:41–69. Nso ŋkpɔ ke mbufo ekpep eto ŋkukut Enoch emi aŋwamde fi ke “edimenede esit fo, nyuŋ ŋkop idaraesit,” kesioho “mme idot-ŋkpɔ” ke uwem fo (ufaŋ 44)?
Se ŋko Jeffrey R. Holland, “The Grandeur of God,” Liahona, Nov. 2003, 70–73.
Moses 7:59–67
Jesus Christ eyefiak edi ke mme akpatre usen emi.
Ŋkukut Enoch, akpan-akpan ŋkpɔ se ewetde ke Moses 7:59–67, edi kiet kotu mbuk eke mme akpa prophecy abaŋade Edidi Andinyaŋa Ɔyɔhɔ Ikaba. Nso ŋkpɔ inem fi kabaŋa usuŋ nte mme ufaŋ-ŋwed emi owutde mme akpatre usen emi. Nte uwutŋkpɔ, didie ke mbufo ekere ke mme prophecy otode ufaŋ 62 nte ediwɔrɔde osu. Nso ŋkpɔ ke mme udim-ikɔ emi ekpep fi abaŋa utom Abasi ke ukperedem usen emi?
Se ŋko Henry B. Eyring, “Sisters in Zion,” Liahona, Nov. 2020, 67–69.
Ke oyomde awak, se mme ŋwed-ndise eke ɔfiɔŋ emi Liahona ye Enɔde ke Ŋsɔŋɔnda eke Iwaad .
Mme Ekikere nnɔ Edikpep Nditɔ-ŋwɔŋ
Moses 7:18–21, 62–63, 68–69
Abasi oyom nnyin ete idu “ke esit kiet ye ekikere kiet.”
-
Man eŋwam nditɔ mbufo ndikpep mbaŋa Enoch ye Zion, mbufo emekeme edikama “Prophet Enoch” ke Mbuk Akani Testament (19–21) mme udiana ufaŋ-ŋwed eke “Etiene Prophet” (Children’s Songbook, 110–11). Ekem mbufo emekeme edidɔhɔ nditɔ mbufo ete efiak-etiŋ mbuk oro ke ikɔ idem mmɔ. Ndise Enoch emi odude ke ŋwed ukpep-ŋkpɔ emi ekeme ndiŋwam.
-
Se emi edi usuŋ kiet ndiŋwam nditɔ mbufo ndifiɔk se oro ndidi “ke esit kiet ye ekikere kiet” (Moses 7:18): Enam ababru esit ndien esibe oro esin ke mbai-mbai, emi awakde ekem ɔnɔeyen kiet-kiet ndinyene kiet. Yak mmɔ ewet enyiŋ mmɔ ke mbai-ŋwed mmɔ enyuŋ enam-utom ɔtɔkiet ndidian esit oro ɔtɔkiet. Nte mmɔ enamde, mbufo emekeme editiŋ mbaŋa mme ŋkpɔ emi mbufo amade abaŋa eyen kiet-kiet.
-
Ŋwam nditɔ mbufo ndibat adaŋa ini ikɔ oro “Zion” odude ke Moses 7:18–21, 62–63, 68–69. Ini ekededi emi mmɔ ekutde ikɔ oro, ŋwam mmɔ ndifiɔk ŋkpɔ se ufaŋ-ŋwed oro etiŋ kabaŋa Zion (se ŋko Ndausuŋ enɔde Ŋwed Abasi, “Zion,” Gospel Library). Didie ke nnyin ikpibiet mbonowo emi etiŋde-ebaŋa ke mme ufaŋ ŋwed emi?
Eŋwam mme owo ete ekot ŋwed Abasi. Mme ke mbufo ekpep ufɔkemana fo ke ufɔkiduŋ mme ke ubet ukpep ke Sunday, kiet kotu ata eti usuŋ emi mbufo ekemede ediŋwam mbon efen ndinyene edibighe mbuɔtidem ke Jesus Christ edi ndiŋwam mmɔ edinyene ido ndiyom ifiɔk-ukpep ye ŋwed Abasi ke idem mmɔ eke idem mmɔ. Buana mme ifiɔk-ukpep emi mbufo enyenede oto ŋwed Abasi, ndien teme ufɔkemana mme mbon ubet ukpep fo ndibuana ifiɔk-ukpep mmɔ. Ini emi nnyin ikopde kabaŋa nte edikot ŋwed Abasi ɔdiɔŋde mbon efen, esiwak edinem nnyin ndiyom ukem edidiɔŋ emi nto Jehovah. (Se Teaching in the Savior’s Way, 25.)
Moses 7:32–33
Ete eke Enyɔŋ oyom mi mmek nditiene Enye.
-
Man eda Moses 7:32–33 owut nditɔ mbufo, mbufo emekem nditiŋ nnɔ mmɔ kabaŋa mbumek kiet emi mmɔ enyenede ndinam ke mmi-mmi-emi. Ekem mbufo emekeme edikot ufaŋ-ŋwed oro ɔtɔkiet ndikut ŋkpɔ se Ete eke Enyɔŋ oyomde ete nnyin imek. Ewe mbumek ke nnyin ikeme ndinam ndiwut ete ke nnyin imimek Enye? Ndusuk nditɔ mbufo ekeme ndida ini nnam kiet kotu mbumek emi ŋwut kini mbon efen ekerede ebaŋa ŋkpɔ edinam oro adade ɔnɔ.
Moses 7:59–67
Jesus eyefiak edi ke isɔŋ.
-
Ke Moses 7:59, Enoch ama obup Jehovah mbume kiet. Dɔhɔ nditɔ mbufo ete eyom mbume oro, ndien edikem dɔhɔ mmɔ ete eyom ibɔrɔ oro ke ufaŋ 60. Mbufo emekeme ŋko edineme ye mmɔ kabaŋa ini kiet emi mmɔ ekekerede ke owo kiet eyefiak ɔnyɔŋ edi ufɔkiduŋ. Dɔhɔ mmɔ nte mmɔ ekekopde ye ŋkpɔ emi mmɔ ekenamde ndibeŋe-idem. Didie ke nnyin ibeŋe-idem inɔ Jesus edifiak-ndi?
-
Kere-baŋa ndiwut mme ndise eke ini emi Jesus ɔkɔbiɔŋɔde ɔnɔ mbonowo (utɔŋ nte Gospel Art Book, nos. 60, 82, 83, and 84). Nso ŋkpɔ ke mme owo enam ke mme ndise oro? Didie ke mme owo ekeme ekekere kini mmɔ esobo-de ye Jesus? Mbufo emekeme ŋko edikwɔ ikwɔ kiet abaŋade Edidi Andinyaŋa Ɔyɔhɔ Ikaba, utɔ nte “When He Comes Again” (Children’s Songbook, 82–83), ndien bup nditɔ mbufo se mmɔ ekere nte ŋkpɔ edidide kini Jesus edifakde idi. Eyak nditɔ-ŋwɔŋ ebuana nte mmɔ ekerede kabaŋa edikut Jesus kini Enye edifiakde idi.
Ke oyomde awak, se ŋwed-ndise ɔfiɔŋ emi eke Ufan .