Jenèz 3–4; Moyiz 4–5

Se vre chwa Adan ak Èv la te mennen nan anpil difikilte nou sibi nan mòtalite a. Men, sa pa vle di nou regrèt chwa yo te fè an. Pandan w ap li Jenèz 3 ak Moyiz 4, ou ka mande tèt ou, poukisa Chit la te enpòtan pou plan Bondye a?

Selon Moyiz 5:9–12, kijan Adan ak Èv te santi yo konsènan Chit la? Kijan w ka aplike pawòl yo sou eksperyans ou nan monn pèdi sa a? Ki lòt bagay ou aprann nan 2 Nefi 2:19–25?

Gade Mozya 3:19; Alma 12:21–37; ak Doktrin ak Alyans 29:39–43.

Istwa Adan ak Èv la se youn nan espwa ak redanmsyon atravè Jezikri. Pou wè poukisa, ou ka kòmanse chèche rezilta Chit la nan Jenèz 3:1–7; Moyiz 4:22–31 epi make oswa fè yon lis sa ou jwenn. Ki efè rezilta sa yo gen sou ou? Lè sa a, ou kapab fè rechèch Moyiz 5:4–15, pou chèche plan Bondye pou rachte nou anba efè sa yo. Poukisa Adan ak Èv te “kontan” apre zanj lan te vizite yo? Kisa yo aprann ou konsènan plan Pè Selès la?

Gade tou nan “Because of Him” (videyo), Libreri Levanjil.

2:44

Pasaj ekriti sa a pafwa mal entèprete tankou l vledi ke yon mari jwenn jistifikasyon pou l trete madanm ni san jantiyès. Nan epòk pa nou an, pwofèt Senyè a te anseye ke yon mari ak madanm ta dwe wè youn ak lòt kòm patnè egal nan akonpli responsablite divin yo nan fanmi an (gade “Fanmi: Yon pwoklamasyon pou mond lan” [Libreri Levanjil]). Èldè Dale G. Renlund ak Sè Ruth Lybbert Renlund te eksplike ke yon mari jis “ap chèche pou l sèvi, l ap rekonèt erè epi chèche padon; l ap vit pou ofri louwanj; l ap gen konsiderasyon pou preferans manm fanmi li; l ap santi gwo pwa responsablite pou founi ‘bagay ki nesesè pou lavi ak pwoteksyon’ pou fanmi li; l ap trete madanm ni avèk pi gran respè ak deferans posib. … L ap beni fanmi li” (Prètriz Melkisedèk la: Konprann Doktrin nan, Viv Prensip yo [2018], 23).

Èldè DaleG. Renlund te anseye, “Objektif Papa nou ki nan Syèl la antanke paran se pa pou fè pitit Li yo fè sa ki jis; men se pou fè pitit Li yo chwazi pou yo fè sa ki jis epi finalman pou yo vin tankou L” (“Chwazi Jodi A Menm,” Lyawona, Nov. 2018, 104). Poukisa li tèlman enpòtan nan plan Papa nou ki nan Syèl la pou nou chwazi fè sa ki dwat?

Pandan n ap li Moyiz 4:1–4, chèche sa Papa nou ki nan Syèl la ak Jezikri te fè pou pwoteje dwa nou genyen pou nou chwazi—libabit nou. Kijan w ka aksede pouvwa pwoteksyon yo? Pou jwenn ide, konsidere etidye seksyon “Fè chwa enspire” an nan Pou fòs jèn yo: Yon gid pou fè Chwa (4-5).

Konsidere yon lekti sou sa Leyi te anseye konsènan libabit lan nan 2 Nefi 2:11–20, 25–30. Poukisa opozisyon nesesè pou libabit? Ki jan w ka montre rekonesans ou pou Jezikri poutèt ou “lib pou w chwazi”? (2 Nefi 2:27).

Gade tou Dallin H. Oaks, “Opozisyon nan tout bagay,” Lyawona, Me 2016, 114–17; Sijè ak Kesyon, “Libabit,” Bibliyotèk Levanjil; “Bien Choisir,” Cantiques, non. 154.

Pandan w ap li Moyiz 4:4–12; 5:13–33, konsidere fè yon lis fason Satan te eseye tante Adan ak Èv ak pitit yo. Kijan li eseye fè menm bagay sa yo jodi a? Kijan Pè Selès la ede nou reziste anba twonpri Satan?

Apre Adan ak Èv te fin pran fwi Bondye te entèdi a, Adan ak Èv li te eseye kouvri pwòp toutouni pa yo. Annapre, Senyè a te ofri yo pou l abiye yo. Pandan w ap li Moyiz 4:13–16, 27, konsidere bagay sa yo:

• Reflechi sou kisa toutouni ak kisa abiman ka reprezante nan ekriti yo (gade, pa egzanp, Revelasyon 7:9, 13–15; 2 Nefi 9:14; Doktrin ak Alyans 109:22–26, 76). Ki sa w aprann apati eksperyans Adan ak Èv nan konsènan toutouni ak abiman?

• Si w te dote nan tanp lan, konsidere kisa Adan ak Èv ta ka di w konsènan siyifikasyon gaman tanp ou ak sa li reprezante.

Gade tou “Sacred Temple Clothing” [Rad Sakre Tanp lan] (videyo), Libreri Levanjil la.

4:12

Pandan w ap etidye Moyiz 5:4–9, 16–26la, konsidere diferan atitid Adan ak Èv ak de pitit gason yo, Kayen ak Abèl, anvè sakrifis. Poukisa Senyè a te aksepte sakrifis Abèl la men pa pa Kayen an?

Kisa Senyè a mande w pou sakrifye? Èske gen yon bagay nan vèsè sa yo ki bay jan w panse konsènan sakrifis sa yo fòm?

• Pou ede pitit ou yo pi byen konprann Chit Adan ak Èv la, ou te ka kopye foto yo nan “Adan ak Èv” (nan Istwa Ansyen Testaman, 13–16) epi koupe yo. Apresa ou ta ka travay ansanm pou mete foto yo nan lòd pandan w ap diskite sou eksperyans Adan ak Èv la. Pandan w ap fè sa, pale sou rezon ki fè li te enpòtan, nan plan Papa nou ki nan Syèl la, pou Adan ak Èv kite Jaden Edèn nan.

• Timoun ou yo ka santi rekonesans pou Ekspyasyon Jezikri a pandan y ap konprann ki jan Li simonte efè Chit la. Pandan w ap li ansanm Moyiz 4:25; 6:48; Women 5:12; 2 Nefi 2:22–23, ede timoun ou yo jwenn fason pou yo fini fraz sa a: “Akoz Chit la, mwen …” Lè sa a, pandan n ap li Moyiz 5:8–11, 14–15; 6:59; Alma 11:42, yo te kapab fini fraz sa a: “Gras ak Jezikri, mwen …” Pataje youn ak lòt rekonesans nou pou Jezikri.

• Panse a yon leson pratik senp pou ilistre enpòtans prensip libabit la: envite timoun yo pou yo kolorye paj aktivite semèn sa a, men ba yo yon yonsèl koulè pou yo itilize. Poukisa li t ap pi bon pou nou gen chwa? Lè sa a, nou ta ka li ansanm Moyiz 4:1–4 epi pale sou rezon ki fè Bondye vle pou nou kapab chwazi ant sa ki byen ak sa ki mal. Kijan Pè Selès la ak Jezikri ede nou fè bon chwa?

• Ede timoun yo panse oubyen desine konsènan bon chwa yo kapab fè pou yo suiv Jezikri. Oubyen ou kapab chante ansanm yon kantik sou bon chwa, tankou “Choisir Le Bien” (Chants pour les enfants, 160-61). Ou gendwa pale youn ak lòt konsènan yon tan kote ou te fè yon bon chwa epi dekri kijan ou te santi w apre sa.

• Lè Adan ak Èv te oblije kite Jaden Edèn nan, yo pa t ka avèk Papa nou ki nan Syèl la ankò. Li Moyiz 5:4, 8 avèk timoun ou yo, epi ede yo jwenn sa Adan ak Èv te fè pou santi yo toupre Li epi tande L. Ki bagay nou ka mande Pè Selès la nan priyè nou yo?