Genesis 3–4; Moises 4–5

Kini tinuod nga ang pagpili ni Adan ug ni Eva migiya ngadto sa daghang mga kalisod nga atong nasinati sa mortalidad. Apan kana wala magpasabot nga nagmahay kita sa ilang pagpili. Samtang kamo nagbasa sa Genesis 3 ug sa Moises 4, mahimong mangutana ka sa imong kaugalingon, nganong ang Pagkapukan importante sa plano sa Dios?

Sumala sa Moises 5:9–12, sa unsang paagi gibati ni Adan ug ni Eva ang mahitungod sa Pagkapukan? Unsaon nimo paggamit ang ilang mga pulong ngadto sa imong mga kasinatian dinhi niining makasasala nga kalibotan? Unsa pa ang imong nakat-onan gikan sa 2 Nephi 2:19–25?

Tan-awa usab diha sa Mosiah 3:19; Alma 12:21–37; ug Doktrina ug Mga Pakigsaad 29:39–43.

Ang istorya ni Adan ug ni Eva maoy usa ka kabahin sa paglaom ug pagkaluwas pinaagi ni Jesukristo. Sa pagtan-aw kon ngano, mahimong ikaw magsugod pinaagi sa pagsiksik alang sa mga resulta sa Pagkapukan diha sa Genesis 3:1–7; Moses 4:22–31 ug sa pagmarka o sa paglista sa unsay imong nakaplagan. Sa unsang paagi kini nga mga resulta nag-apektar kanimo? Dayon ikaw makasiksik diha sa Moises 5:4–15, mangita alang sa plano sa Dios sa pagtubos kanato gikan niini nga mga epekto. Nganong si Adan ug si Eva “nalipay” human sa pagbisita sa anghel kanila? Unsa ang imong nakat-onan gikan kanila mahitungod sa plano sa Langitnong Amahan?

Tan-awa usab ang “Because of Him” (video), Gospel Library.

2:44

Kini nga tudling sa kasulatan usahay sayop ang pagkasabot nga nagkahulogan nga ang bana may katarongan sa pagtagad sa iyang asawa sa walay kalooy nga paagi. Sa atong panahon, ang mga propeta sa Ginoo nagtudlo nga ang usa ka bana ug asawa kinahanglan nga magtan-aw sa usagusa isip managsama nga mga kauban sa pagtuman sa ilang balaang mga responsibilidad sa pamilya (tan-awa diha sa “Ang Pamilya: Usa ka Pamahayag ngadto sa Kalibotan” [Librarya sa Ebanghelyo]). Si Elder Dale G. Renlund ug Sister Ruth Lybbert Renlund mipasabot nga ang usa ka matarong nga bana “maningkamot sa pagpangalagad; siya moangkon og kasaypanan ug maninguha og kapasayloan; dali siya nga mohatag og pagdayeg; siya mahunahunaon sa mga gusto sa sakop sa pamilya; mobati siya sa dakong gibug-aton sa responsibilidad sa paghatag ‘sa mga kinahanglanon sa kinabuhi ug sa pagpanalipod’ alang sa iyang pamilya; motagad siya sa iyang asawa uban sa labing dakong pagtahod ug pagtagad. … Siya mopanalangin sa iyang pamilya” (The Melchizedek Priesthood: Understanding the Doctrine, Living the Principles [2018], 23).

Sama sa gitudlo ni Elder Dale G. Renlund, “Ang tumong sa atong Langitnong Amahan sa pagka-ginikanan dili ang pagpabuhat sa iyang mga anak unsa ang matarong; kini ang paghimo sa Iyang mga anak pagpili sa pagbuhat sa matarong ug sa kataposan mahimong sama Kaniya” (“Magpili Kamo Niining Adlawa,” Liahona, Nob. 2018, 106). Nganong importante kaayo kini sa plano sa Langitnong Amahan nga kita magpili sa pagbuhat sa unsay matarong?

Samtang imong basahon ang Moises 4:1–4, pangitaa kon unsay gibuhat sa Langitnong Amahan ug ni Jesukristo sa pagpanalipod sa imong katungod sa pagpili—imong kabubut-on. Sa unsang paagi ikaw makagamit sa ilang gahom sa pagpanalipod? Alang sa mga ideya, hunahunaa ang pagtuon sa seksiyon “Make inspired choices [Paghimo og dinasig nga mga pagpili]” diha sa Alang sa Kalig-on sa Kabatan-onan: Usa ka Giya alang sa Paghimo og mga Pagpili (4–5).

Hunahunaa usab ang pagbasa unsay gitudlo ni Lehi mahitungod sa kabubut-on diha sa 2 Nephi 2:11–20, 25–30. Nganong ang oposisyon importante alang sa kabubut-on? Unsaon nimo sa pagpakita sa imong pagpasalamat ngadto ni Jesukristo alang sa paghimo kanimo nga “gawasnon sa pagpili”? (2 Nephi 2:27).

See also Dallin H. Oaks, “Oposisyon sa Tanang mga Butang,” Liahona, Mayo 2016, 114–17; Mga Hilisgotan ug mga Pangutana, “Kabubut-on,” Librarya sa Ebanghelyo; “Pilia ang Matarung,” Mga Himno, nu. 146.

Samtang imong basahon ang Moises 4:4–12; 5:13–33, hunahunaa ang paglista sa mga paagi nga si Satanas misulay sa pagtintal ni Adan ug ni Eva ug sa ilang mga anak. Sa unsang paagi siya misulay niining sama nga mga butang karon? Giunsa sa Langitnong Amahan sa pagtabang kanimo sa pagbatok sa mga panglingla ni Satanas?

Human mikaon sa gidili nga prutas, naninguha si Adan ug si Eva sa pagtabon sa ilang kaugalingong pagkahubo. Sa kadugayan, ang Ginoo mitanyag sa pagsapot kanila. Samtang imong basahon ang Moises 4:13–16, 27, hunahunaa ang mosunod:

• Pamalandonga unsa ang girepresentar sa pagkahubo ug sinina diha sa mga kasulatan (tan-awa sa, sama pananglit, diha sa Gipadayag 7:9, 13–15; 2 Nephi 9:14; Doktrina ug Mga Pakigsaad 109:22–26, 76). Unsa ang imong nakat-onan gikan sa kasinatian ni Adan ug ni Eva sa pagkahubo ug pagka adunay sinina?

• Kon ikaw natugahan diha sa templo, hunahunaa unsa kaha ang isulti ni Adan ug ni Eva nganha kanimo mahitungod sa kahulogan sa imong garment sa templo ug unsa ang girepresentar niini.

Tan-awa usab sa “Sacred Temple Clothing” (video), Gospel Library.

4:12

Samtang ikaw nagtuon diha sa Moises 5:4–9, 16–26, hunahunaa ang mga kinaiya ni Adan ug ni Eva ug sa ilang duha ka anak nga lalaki nga si Cain ug si Abel ngadto sa sakripisyo. Nganong gidawat sa Ginoo ang sakripisyo ni Abel apan wala ang kang Cain?

Unsa ang gipangayo sa Ginoo nga imong isakripisyo? Aduna bay bisan unsa dinhi niini nga mga bersikulo nga mihulma sa paagi nga ikaw naghunahuna mahitungod niadtong mga sakripisyo?

• Aron matabangan ang imong mga bata nga mas masabtan og maayo ang Pagkapukan ni Adan ug ni Eva, ikaw makakopya sa mga hulagway gikan sa “Adan ug Eva” (diha sa Mga Istorya sa Daang Tugon, 13–16) ug guntinga kini. Dayon makatrabaho kamo nga magdungan sa pagbutang sa mga hulagway nga magsunod-sunod samtang kamo maghisgot sa mga kasinatian ni Adan ug ni Eva sa pagbiya sa Tanaman sa Eden. Samtang ikaw nagbuhat, pagsulti mahitungod kon ngano nga kini importante, diha sa plano sa Langitnong Amahan, alang ni Adan ug Eva nga mobiya sa Tanaman sa Eden.

• Ang imong mga bata mobati nga mapasalamaton alang sa Pag-ula ni Jesukristo tungod kay ilang nasabtan kon sa unsang paagi Siya nagbuntog sa mga epekto sa Pagkapukan. Samtang magdungan mo sa pagbasa diha sa Moises 4:25; 6:48; Mga Taga-Roma 5:12; 2 Nephi 2:22–23, tabangi ang inyong mga bata sa pagpangita og mga paagi sa pagkompleto niini nga kapahayag: “Tungod sa Pagkapukan, ako …” Dayon, samtang kamo magdungan sa pagbasa diha sa Moises 5:8–11, 14–15; 6:59; Alma 11:42, makakompleto sila niini nga kapahayag: “Tungod ni Jesukristo, ako …” Pakigbahin sa usag usa sa inyong pasalamat alang ni Jesukristo.

• Paghunahuna og usa ka sayon nga leksiyon nga maggamit og butang [object lesson] aron sa pagpaila sa baroganan sa kabubut-on: dapita ang mga bata sa pagkolor niini nga pahina sa kalihokan karon nga semana, apan hatagi lamang sila og usa ka kolor nga magamit. Ngano nga mas maayo ang adunay mga pagpili? Kamo dayon makabasa og dungan diha sa Moises 4:1–4 ug makasulti mahitungod kon nganong ang Dios gusto kanato nga mahimo sa pagpili tali sa matarong ug sa sayop. Sa unsang paagi ang Langitnong Amahan ug si Jesukristo nagtabang kanato sa paghimo og maayong mga pagpili?

• Tabangi ang imong mga bata sa paghunahuna ug sa pagdrowing og mga hulagway sa maayong mga pagpili nga sila makahimo sa pagsunod ni Jesukristo. O kamo makakanta og dungan sa usa ka awit mahitungod sa paghimo og maayong mga pagpili, sama sa “Pilia ang Matarung nga Paagi” (Songbook sa mga Bata, 60). Mahimong magsinultihay kamo sa usag usa mahitungod sa usa ka panahon sa dihang mihimo kamo og usa ka maayong pagpili ug sulti mahitungod kon unsay imong gibati human niana.

• Sa dihang si Adan ug si Eva kinahanglang mobiya sa Tanaman sa Eden, dili sila makahimo nga makig-uban pa sa Langitnong Amahan. Basaha diha sa Moises 5:4, 8 uban sa inyong mga bata, ug tabangi sila sa pagkaplag unsay gibuhat ni Adan ug ni Eva nga mobati og duol Kaniya ug makadungog Kaniya. Unsa ang pipila ka mga butang nga kita makasulti ngadto sa Langitnong Amahan diha sa atong mga pag-ampo?