Genesise 1–2; Moše 2–3; Aberahame 4–5

Le fa re sa itse gotlhe ka ga ka fa lefatshe le bopilweng ka teng, go a kgatla go lemoga se Modimo a itshenketseng go se senolela ka Tlholego. Modimo o go ruta eng mabapi le se se mo Genesise 1:1–25; Moše 2:1–25; le Aberahame 4:1–25? Ke eng A batla gore o itse dilo tse? Fa o tlhatlhanya ka dipego tse, o ka akanya gore di go ruta eng ka Rara wa Legodimo, Jeso Keresete, ka lefatshe, le ka ga wena.

Go tokafatsa ithutontsho ya gago, akanya ka go bala ditemana tse o le kwa ntle mogare ga lebopo la Modimo, kgotsa fa o reeditse pina jaaka: “All Creatures of Our God and King” (Hymns, no. 62). O ka bona ditshwantsho tsa dibopiwa tsa Gagwe tse di go thusang go ikutlwa o tlotla Mmopi. Akanya go abelana ditshwantsho tse, ga mmogo le bopaki, le ba bangwe.

Bona le gone Dithuto le Dikgolagano 101:32–34

Fa o bala Genesise 1:26–27; Moše 2:26–27; le Aborahama 4:26–27, tlhatlhanya gore go raya eng go bopiwa mo “setshwanong” le go “tshwana” le Modimo, monna le mosadi. Ke eng go le botlhokwa mo go wena gore o itse boammaruri mo ditemaneng tse? Sekai, boammaaruri jo bo ama jang tsela e o iponang ka yone, e o lebang batho ba bangwe le Modimo ka yone? Bo ka go thusa jang fa o na le maikutlo a a sa siamang ka wena?

Go go thusa go akanya ka dipotso tse, leka go feleletsa seele se se tshwanang le se: “Ka gore ke a itse gore ke bopilwe mo setshwanong sa Modimo, ke itshenkela go …” Akanya sesha “Your body is sacred” mo For the Strength of Youth: A Guide to Making Choices (ditsebe 22–29) go ka thusa. Akanya ka go itlhopela sengwe se o tlaa se dirang go supegetsa Modimo gore mmele wa gago o boitshepo.

Mo setshwantshong sa motshikinyego sa “God’s Greatest Creation” (Motlobo wa Efangele), Poresidente Russell M. Nelson o file bopaki ka mmele o o gakgamatsang wa motho. Fa o lebile setshwantsho se sa motshikinyego, ipotse gore, “Rara wa Legodimo o batla ke ikutlwa jang ka mmele wa me?” Se se farologanye jang le melaetsa e o ka e utlwang mo go ba bangwe?

2:51

Batho bangwe ba ka nna ba re go bopiwa mo setshwanong sa Modimo go raya gore ditlhaloganyo tsa rona tsotlhe, maikutlo, le dikgatlego di amogetswe ke Ene mme ga re tlhoke (kgotsa ga re ka ke) go tokafala. O ka reng ka se? Ke dintha dife tse o di amogetseng mo Mosia 3:19 le Ethere 12:27?

Bona le gone Russell M. Nelson, “Your Body: A Magnificent Gift to Cherish,” Liahona, Phatwe. 2019, 50–55.

“Atamo le Efa ba kopantswe mmogo mo lenyalong ga nako le bosakhutleng ka thata ya boperesiti jo bo sa khutleng” (Russell M. Nelson, “Lessons from Eve,” Ensign, Ngwanatsele 1987,87). Tlhatlhanya se jaaka o bala Genesise 1:27–28; 2:18–25; Moše 3:18, 21–24; Aberahame 5:14–18 O ka tshwara lenyalo jang ka boitshepo jo Modimo a bo le neetseng?

Balang mmogo 1 Bakorinthe 11:11; “Lelwapa: Kanamiso go Lefatshe,” Motlobo wa Efangele.

Ke eng se Genesise 1:28; Moše 2:28; le Aberahame 4:28 di re akantshang sone ka maikarabelo a rona mo dibopiweng tsa Modimo? Ke eng se Dithuto le Dikgolagano 59:16 le 104:13–18 di se tlatsang mo go se o se tlhaloganyang.

Bona gape Gérald Caussé, “Our Earthly Stewardship,” Liahona, Ngwanatsele 2022, 57–59; Topics and Questions, “Environmental Stewardship and Conservation,” Motlobo wa Efangele.

Modimo o dirile letsatsi la Sabata boitshepo, ebile O re kopa gore re le itshepise . Fa o bala Genesise 2:2–3; Moše 3:2–3; le Aberahame 5:2–3, akanya ka se se dirang gore Sabata e “segofale” mo go wena.

Bona gape Dithuto le Dikgolagano 59:13; “The Sabbath Is a Delight,”(setshwantsho sa motshikinyego), (Motlobo wa Efangele).

0:50

• O ka dira jang go ithuta ka Tlholego gore go kgatlhe mo baneng ba gago? O ka ba tsaya go batla dilo kwa ntle tse di dirilweng ka nako e nngwe le nngwe ya Tlholego. Bana ba gago ba ka leba ditshwantsho tsa dilo tse Jeso a di dirileng (bona “Tlholego ya Lefatse” mo Dipolelo tsa Kgolagano e Kgologolo, 8–12). Ke gone wena le bana ba gago le ka bua gore le ikutlwa jang ka Jeso Keresete fa le sena go bala ka Tlholego.

• Le ka akanya go opela mmogo ka ga lefatshe la rona le lentle mo pineng jaaka “My Heavenly Father Loves Me” (Children’s Songbook, 228–29). Gongwe bana ba gago ba ka tlatsa mo pineng dilo dingwe tse Modimo a di bopileng tse di ba thusang go utlwa lerato la Gagwe.

• Bana ba gago ba ka tlhabolola tlhaloganyo ya bone ya tlotlo le go tlotla mmele ya bone le ya ba bangwe fa ba ithuta gore rotlhe re bopilwe mo setshwanong sa Modimo. Go ba thusa go tlhaloganya gore go raya eng, o ka letla bana ba gago go leba moriti kgotsa setshwantsho fa o ntse o ba balela Moše 2:26–27 . O ka ba supegetsa gape ka fa diphologolo tse dinnye gantsi di leng mo “tshwanong” ya batsadi ba tsone (bona setshwantsho mo tshobokong e, sekai). Se se ka gogela kwa puisanong ya gore ke eng go le botlhokwa go itse gore o bopilwe mo setshwanong sa ga Rara wa Legodimo.

  

• Wena le bana ba gago le ka itumelela go tshwantsha mmele wa motho mme la kgaola setshwantsho go dira diphasele. Jaaka bana ba gago ba kgobokanya diphasele, ba ka bua ka ditsela tse ba ka supegetsang Rara wa Legodimo gore ba lebogela mebele ya bone.

• Fa o ntse o bala Moše 3:2–3, kopa bana ba gago go reetsa se Modimo a se dirileng ka letsatsi la bosupa. Thusa bana ba gago go batla kgotsa go tshwantsha ditshwantsho tsa dilo tse ba ka di dirang ka Sontaga go le dira letsatsi le le boitshepo le go farologana le malatsi a mangwe. Abelana le mongwe le yo mongwe gore ke eng gole botlhokwa mo go wena go itshepisa letsatsi la Sabata.

• Thusa bana ba gago go tshameka karolo ba tlhalosetsa tsala gore ke eng fa ba tlhopha go dira dilo ka Sontaga tse di tlotlang Rara wa Legodimo le Jeso. Ntsha mogopolo gore ba dirise Genesise 2:2–3 mo ditlhalosong tsa bone. Go itshepisa letsatsi la Sabata go supa jang lerato la rona kwa go Rara wa Legodimo le Jeso Keresete?