“Janueri 12–18. ‘Bipo Bipo Tru God i Mekim Kamap Skai na Graun’: Stat 1–2; Moses 2–3; Abraham 4–5,” Kam, Bihainim Mi—Bilong Haus na Sios: Olpela Testamen 2026 (2026)
“Janueri 12–18. ‘Bipo Bipo Tru God i Mekim Kamap Skai na Graun’,” Kam, Bihainim Mi: 2026
Janueri 12–18: “Bipo Bipo Tru God i Mekim Kamap Skai na Graun”
Stat 1–2; Moses 2–3; Abraham 4–5
Dispela ples graun yumi stap long en i nais tru, olsem na i hat long tingim taim em i “stap nating na narakain tru” na “nogat wanpela samting stap long en” (Stat 1:2; Abraham 4:2). Wanpela samting stori bilong Kamap bilong dispela graun i skulim yumi, em God i ken mekim wanpela gutpela samting tru long samting i stap nabaut nabaut pinis long en. Dispela tingting bai helpim yu sapos laip i gat planti hevi. Papa long Heven na Jisas Krais i mekim ol dispela samting, na wok bilong Tupela wantaim yumi i no pinis yet. Ol i ken mekim lait kamap insait long taim yumi stap insait long tudak, long laip bilong yumi. Ol i ken pulmapim yumi wantaim gutpela samting. Ol i ken mekim yumi kamap husat yumi bai kamap long en. Dispela em as bilong God i kamapim yumi olsem Em yet (lukim Stat 1:26). Yumi ken kamap olsem Em: yumi stap antap tru, yumi gat biknem, na yumi stap long heven.
Long lukim liklik toktok bilong olgeta samting insait long buk bilong Stat, lukim “Genesis” insait long Bible Dictionary.
Ol Sampela Tingting bilong Lainim long Haus na long Sios
Stat 1:1–25; Moses 2:1–25; Abraham 4:1–25
“Long Wanpela Pikinini Tasol bilong mi, mi kamapim ol dispela samting.”
Yumi i no save long olgeta samting long graun i kamap olsem wanem, tasol em i gutpela long save long wanem God i soim yumi long taim Em kamapim skai na graun. God i skulim yu wanem long dispela, long Stat 1:1–25; Moses 2:1–25; na Abraham 4:1–25? Bilong wanem na Em laikim yu long save long ol dispela samting? Taim yu tingting long ol dispela storim yu ken tingting tu long dispela i skulim yu wanem long Papa long Heven, Jisas Krais, na yu yet.
Long lainim moa ol samting, yu ken ritim ol dispela samting taim yu stap namel long ol samting God kamapim o taim yu harim wanpela song olsem “All Creatures of Our God and King” (Hymns, no. 62). Yu ken painim ol piksa bilong ol samting Em mekim, na ol i ken mekim yu bel gut long Husat i kamapim yumi. Yu ken soim ol dispela piksa, wantaim testimoni bilong yu, long ol narapela.
Lukim tu Doktrin na ol Kavanen 101:32–34.
The Garden of Eden, Grant Romney Clawson i mekim
Stat 1:26–27; Moses 2:26–27; Abraham 4:26–27
Bikpela i mekim mi long piksa bilong Em yet.
Taim yu ritim Stat 1:26–27; Moses 2:26–27; na Abraham 4:26-27, tingim wanem as bilong God i kamapim yumi long “piksa” bilong Em, man na meri. Bilong wanem na em bikpela samting long yu long save long ol tok tru insait long dispela ol ves? Kain olsem, ol dispela tok tru i bosim rot yu save lukim yu yet, ol narapela, na God olsem wanem? Ol i ken helpim yu olsem wanem taim yu gat tingting nogut long yu yet?
Long helpim yu tingting long ol dispela askim, traim mekim kain tok olsem: “Mi save olsem God i mekim mi long piksa bilong Em yet, olsem na mi mas …” Taim yu ritim “Your body is sacred” insait long For the Strength of Youth: A Guide for Making Choices (pages 22–29) ken helpim yu. Yu ken mekim samting long soim God yu save bodi bilong yu em i holi.
Insait long dispela vidio “God’s Greatest Creation” (Gospel Library), Presiden Russell M. Nelson i tokaut long bodi bilong yumi man, em i narakain tru. Taim yu lukim dispela vidio, askim yu yet, “Papa long Heven laikim mi pilim olsem wanem long bodi bilong mi?” Dispela samting i narakain long ol toktok ol narapela bai tokim yu?
God's Greatest Creation
Sampela bai tok olsem taim God i mekim yumi long piksa bilong Em, Em wanbel long olgeta tingting na laik bilong yumi na yumi i no bai stretim gut yumi yet. Yu bai tok wanem long dispela? Wanem sampela tingting yu kisim long Mosaia 3:19 na Ita 12:27?
Lukim tu Russell M. Nelson, “Your Body: A Magnificent Gift to Cherish,” Liahona, Aug. 2019, 50–55.
Stat 1:27–28; 2:18–25; Moses 3:18, 21–24; Abraham 5:14–18
God i makim marit long kamap namel long wanpela man na meri.
“Adam na Iv i bung wantaim long marit, long nau na oltaim, wantaim strong bilong dispela prishud bilong stap oltaim” (Russell M. Nelson, “Lessons from Eve,” Ensign, Nov. 1987, 87). Tingim dispela taim yu ritim Stat 1:27–28; 2:18–25; Moses 3:18, 21–24; na Abraham 5:14–18. Yu bai larim pasin bilong marit i stap holi olsem God i makim long en olsem wanem?
Lukim tu 1 Korin 11:11; “The Family: A Proclamation to the World,” Gospel Library.
Stat 1:28; Moses 2:28; Abraham 4:28
Em wok bilong mi long lukautim ol samting God kamapim long en.
Stat 1:28; Moses 2:28; na Abraham 4:28 i tokim yumi wanem samting long wok bilong yumi long ol samting God kamapim? Doktrin na ol Kavanen 59:16–21 na 104:13–18 givim wanem moa tingting long yu?
Lukim tu Gérald Caussé, “Our Earthly Stewardship,” Liahona, Nov. 2022, 57–59; Topics and Questions, “Environmental Stewardship and Conservation,” Gospel Library.
Stat 2:2–3; Moses 3:2–3; Abraham 5:2–3
God i blesim na mekim de Sabat i kamap holi.
God i mekim de Sabat i kamap holi, na em askim yumi long larim de Sabat stap holi. Taim yu ritim Stat 2:2–3; Moses 3:2–3; na Abraham 5:2–3, tingim wanem i save mekim de Sabat wanpela “blesing” bilong yu.
Lukim tu Doktrin na ol Kavanen 59:9–13; “The Sabbath Is a Delight” (vidio), Gospel Library.
Highlight: The Sabbath Is a Delight
Long kisim sampela moa tingting, lukim Liahona na For the Strength of Youth megesin bilong dispela mun.
Ol Sampela Tingting bilong Lainim ol Pikinini
Stat 1:1–25; Moses 2:1–25; Abraham 4:1–25
Jisas i kamapim dispela graun.
-
Wanem rot bai yu mekim ol pikinini bilong yu amamas long lainim stori bilong kamap bilong dispela graun? Yu ken kisim ol go painim ol samting long autsait, ol samting Bikpela i mekim long wan wan de Em kamapim ol samting. Ol pikinini bilong yu ken lukim tu piksa bilong ol samting Jisas i kamapim (see “The Creation of the Earth” in Old Testament Stories, 8–12). Bihain yu na ol pikinini bilong yu ken toktok long yupela pilim olsem wanem long Jisas Krais bihain long yupela ritim stori bilong Em kamapim ol samting.
-
Yupela singim wanpela sing i toktok long dispela naispela graun yumi stap long en, olsem “My Heavenly Father Loves Me” (Children’s Songbook, 228–29). Ating ol pikinini bilong ken putim insait long dispela song ol narapela samting God i kamapim na i mekim ol pilim olsem Em laikim ol.
Helpim ol pikinini bilong soim aut wanem tingting ol gat. “Taim yu askim ol long dro, sanapim, kalaim, o raitim wanpela samting bilong ol as toktok bilong gutnius, lainim ol gut long dispela samting na givim ol wanpela samting bilong helpim ol tingim samting ol lainim long en” (Teaching in the Savior’s Way, 32).
Stat 1:26–27; Moses 2:26–27; Abraham 4:26–27
God i mekim mi long piksa bilong Em yet.
-
Ol pikinini bilong yu ken stat long gat rispek long bodi bilong ol yet na bilong ol narapela taim ol lainim olsem God kamapim yumi olgeta long piksa bilong Em. Long helpim ol save gut long as bilong dispela, larim ol pikinini bilong yu lukim ol yet long glas o piksa taim yu ritim Moses 2:26–27 long ol. Yu ken soim ol olsem ol pikinini bilong ol animal tu i “wankain” olsem papamama bilong ol (lukim piksa i stap long hia). Dispela ken statim wanpela toktok bilong wanem as em bikpela samting long save olsem Papa long Heven i kamapim yu long piksa bilong Em.
-
Yu wantaim ol pikinini bilong yu ken droim piksa bilong bodi bilong man na katim i go hap hap. Taim ol putim dispela hap hap pepa wantaim, ol ken toktok long ol rot ol i ken soim Papa long Heven olsem ol amamas long bodi bilong ol.
Stat 2:2–3; Moses 3:2–3; Abraham 5:2–3
De Sabat em i holi.
-
Taim yu ritim Moses 3:2–3, askim ol pikinini bilong yu long harim wanem God i mekim long namba 7 de. Helpim ol pikinini bilong yu painim o droim piksa bilong ol samting ol i ken mekim long Sande long mekim kamap holi na narakain long ol narapela de. Toktok go kam namel long yupela, bilong wanem na em bikpela samting long tingim de Sabat na makim bilong Bikpela tasol.
-
Helpim ol pikinini bilong yu long pilai olsem ol i tok klia bilong wanpela poro bilon ol bilong wanem na ol save mekim ol samting long Sande bilong liptimapim Papa long Heven na Jisas. Yu ken tokim ol long yusim Stat 2:2–3 insait long toktok bilong ol. Taim yumi tingim de Sabat na makim em bilong Bikpela tasol, em i soim laikim bilong yumi long Papa long Heven na Jisas Krais olsem wanem?
Long kisim sampela moa tingting, lukim Friend piksa buk bilong dispela mun.