Ol Toktok i go Pas bilong Olpela Testamen

Wanpela rot bilong kisim strong bilong spirit insait long Olpela Testamen em long painim Bret bilong Laip, em Jisas Krais (lukim John 6:48). Kain olsem, yu lukim Jisas Krais insait long ol dispela samting olsem wanem?

• Mana (Exodus 16:4, 11–15; John 6:35)

• Sipsip bilong ofa (Exodus 12:3–5; John 1:29)

• Snek bras (Numbers 21:4–10; John 3:14)

• Jona (Jonah 1:4–17; Matthew12:38–41)

Ol dispela samting i skulim yumi wanem long Jisas Krais? Wanem sampela samting long Olpela Testamen i toktok long Jisas Krais yu save long en?

Long toktok bilong em “Jesus Christ Is the Treasure,” Elda Dale G. Renlund i tok strong long yumi long “tingim na lukluk olgeta taim long Jisas Krais” (Liahona, Nov. 2023, 98). Yu ken ritim toktok bilong em, na painim ol samting yu ken mekim long painim Jisas Krais, i no insait long Olpela Testamen tasol, long laip bilong yu tu.

Lukim tu “Types or Symbols of Christ” insait long Guide to the Scriptures, “Jesus Christ,” Gospel Library; “Seek the Lord Early,” Children’s Songbook, 108.

Presiden Dallin H. Oaks i skulim yumi olsem: “Papa i soim yumi pinis Wanpela Pikinini Man bilong Em, olsem Man bilong kisim bek yumi, na Em i tokim yumi long ‘bihainim Em.’ Long dispela, yumi luksave olsem insait long tok bilong God, ol toktok bilong ‘God’ o ‘Bikpela’ em ol toktok bilong Jiova, em Bikpela bilong yumi husat i kirap bek, Jisas Krais” (“The Teachings of Jesus Christ,” Liahona, Mei 2023, 102).

14:7

Taim ol hetman bilong ol Juda i tok pait wantaim Jisas long Em bilong wanem hap, Jisas i tok, “Taim Abraham i no kamap yet, Mi Yet Mi Stap Olsem.” Dispela tok i mekim ol manmeri bel kaskas, na ol i laik sutim Em long ston (lukim John 8:58–59). Yu ken ritim Exodus 3:13–15; 6:3–5 long lukim bilong wanem ol sampela Juda i belhat long wanem Jisas i tok.

Bilong wanem na em i bikpela samting long save olsem Jisas Krais em Jiova?

Bikpela i soim Nifai long driman long kamap bilong Buk Baibel, na Em tok klia olsem “planti bikpela samting” ol bai rausim long en. Yu ken ritim 1 Nifai 13:21–29, 38–42, long painim wanem rot Bikpela bai “soim ol dispela bikpela samting.” Long 2 Nifai 3:12, Buk Baibel na Buk bilong Momon i save wok wantaim olsem wanem?

Taim yu lainim Olpela Testamen long dispela yia, yu bai lainim tu ol “narapela buk” Nifai i lukim. Ol dispela buk em:

• Buk bilong Moses, em hap bilong wok Josep Smit i mekim long stretim Buk Baibel. Em soim ol tok tru na ol stori i no stap long Stat 1–6.

• Buk bilong Abraham, we Bikpela i soim long Josep Smit taim em wok long skelim wanpela pepa bilong ol Isip long bipo (lukim Topics and Questions, “Book of Abraham,” Gospel Library).

• Ol sampela ves bilong Joseph Smith Translation, sampela i kamap long ol liklik toktok long aninit long ol pes, ol toktok bihain long Buk Baibel, na long Guide to the Scriptures.

Hia em ol sampela stori bilong Olpela Testamen Josep Smit i kamapim gen: Biktaun Saion bilong Enok (Moses 7:18–19, Driman bilong Abraham long bikpela kibung antap long heven (Abraham 3:22–28), na wok bilong Melkisedek (Joseph Smith Translation, Genesis 14:25–40). Bilong wanem na ol dispela stori i “bikpela samting” long yu?

Olpela Testamen em stori bilong God i laik mekim yumi kamap “manmeri bilong [Em] stret” taim yumi mekim kontrak wantaim Em (Kisim Bek 19:5). Long dispela as, wanpela gutpela rot long redi long ritim Olpela Testamen em long lainim ol kontrak—na dispela kontrak bilong stap oltaim God i givim long ol profet long bipo, olsem Abraham, Aisak, na Jekop, na ol tumbuna bilong ol. Na wanpela gutpela rot long lainim ol kontrak em long ritim toktok bilong Presiden Russell M. Nelson “The Everlasting Covenant” (Liahona, Oktoba 2022, 4–11).

Taim yu ritim, askim yu yet: Bilong wanem na ol kontrak em bikpela samting long mi? Wanem “narakain marimari na laikim” mi bai kisim long God taim mi bihainim ol kontrak mi mekim wantaim Em? Taim yu ritim Olpela Testamen dispela yia, lukim ol samting God laik skulim yu long stap bilong yu wantaim Em taim yu mekim kontrak wantaim Em.

Lukim tu Jeremaia 31:31–34.

• Em bai hat liklik long ol pikinini save gut long ol toktok na kastom bilong Olpela Testamen, tasol yu ken helpim ol luksave long Jisas Krais insait long ol sain o mak, na ol stori. Ating yu na ol pikinini bilong yu ken lukim dispela piksa long aninit, The Prophet Isaiah Foretells Christ’s Birth. Larim ol pikinini bilong yu toktok long wanem ol lukim insait long ol dispela piksa. Kisim tingting bilong ol go long bebi Jisas insait long dispela piksa. Bihain yu ken ritim wantaim ol wanem Aisaia i raitim long kam bilong Jisas Krais long Aisaia 7:14; 9:6. Toktok namel long yupela long yupela pilim olsem wanem long painim Jisas Krais insait long Olpela Testamen long dispela yia.

  

• Yu na ol pikinini bilong yu i ken ritim Buk Song 23 o Aisaia 53:3–9 long painim ol toktok i helpim yu tingim Jisas Krais. Ol dispela tok i lainim yumi wanem samting long laip bilong Em na ofa Em mekim bilong kisim bek yumi?

• Ol kontrak em bikpela samting insait long Olpela Testamen. Long soim dispela long ol pikinini bilong yu, toktok long ol promis ol i save mekim na bihainim, wantaim ol famili o ol poro bilong ol, na bilong wanem em i bikpela samting tru long yu inapim dispela ol promis. Yu ken lukim wanpela piksa bilong wanpela i kisim baptais na toktok long promis, o kontrak, yumi mekim wantaim God taim yumi kisim baptais (lukim Mosaia 18:10,13). Yu ken soim tu wanpela piksa bilong tempel na toktok long wanem yu pilim long ol kontrak yumi mekim insait long hap.

• Pes bilong ol Praimeri bilong dispela wik i ken helpim ol pikinini bilong yu amamas long mekim na bihainim ol kontrak wantaim Papa long Heven. Yupela ken singim tu wanpela song i toktok long mekim ol kontrak, olsem “When I Am Baptized” (Children’s Songbook, 103).

• Ol pikinini bilong yu i save long wanpela husat i gat kain kain nem bilong kain kain hap em i go? Ating ol i save kolim wanpela papamama o tiksa wanpela nem long wok, na narapela ol nem long haus, na long sios. Toktok long ol dispela nem; na ritim wantaim Kisim Bek 6:3 na askim ol pikinini bilong yu long painim ol nem bilong Jisas Krais bipo long em kam hia long graun (Lukim tu Joseph Smith Translation long ol liklik toktok c).