“Jānwōde 12–18. ‘Ilo Jinoin Anij Ear Kōm̧anm̧an Lan̄ im Laļ’: Jenesis 1–2; Moses 2–3; Ebream 4–5,” Itok, Ļoor Eō—N̄an M̧weeo im Kabun̄ in: Kallim̧ur M̧okta 2026 (2026)
“Jānwōde 12–18. ‘Ilo Jinoin Anij Ear Kōm̧anm̧an Lan̄ im Laļ’,” Itok, Ļoor Eō: 2026
Jānwōde 12–18: “Ilo Jinoin Anij Ear Kōm̧anm̧an Lan̄ im Laļ”
Jenesis 1–2; Moses 2–3; Ebream 4–5
Kōnke laļ eo ipeļaakid ekanooj in aiboojoj im em̧m̧an, epen n̄an pijaikļo̧k laļ in ke ekar “ejjeļo̧k wāween, im ejjeļo̧k kobban” “ejjeļo̧k kobban im ajjimake” (Jenesis 1:2; Ebream 4:2). Juon men kōn bwebwenato in Kōm̧anm̧an eo ej katakin kōj bwe Anij emaron̄ kōm̧m̧ane, eļap jān jon̄an juon men ekabwilōn̄lōn̄ jān juon men eo ejjab jejjōt. Ejipan̄ n̄an keememej āinwōt n̄e mour etarpok. Jemedwōj Ilan̄ im Jisōs Kraist rej Rikōm̧anm̧an ro, im jerbal eo eaiboojoj Aer ippād ejjan̄in dedeļo̧k. Remaron̄ kōm̧m̧an bwe meram en romaak ilo iien ko remarok ilo mour ko ad. Remaron̄ kobrak kōj kōn mour. Remaron̄ ukōt kōj n̄an kōmanm̧an ko rekwojarjar me jen kar baj erom̧. En̄iin ej ej meļeļe in kar ejaak ilo nememein Anij, ālikin Jekjekūn (lale Jenesis 1:26). Ewōr ippād kōjatdikdik eo n̄an erom āinwōt E: armej ro rej mour ilo aiboojoj eo eutiejtata, aiboojoj, kwojarjar.
Kōn juon etale ekadu kōn bok in Jenesis, lale “Jenesis” ilo Bible Dictionary eo.
Ļōmņak ko n̄an Ekkatak ilo M̧weeo im ilo Kabun̄ in
Jenesis 1:1–25; Moses 2:1–25; Ebream 4:1–25
“Jān Nejū Iaar Make Keotake Iaar kōm̧anm̧ani men kein.”
Mekarta jejjab jeļā aolep men kōn wāween an kar ejaak laļin, ekabwilōn̄lōn̄ ilo ad kile ta ko Anij ekar kāālet in kwaļo̧ki kōn Kōm̧anm̧an eo. Ta ko Anij ej katakin eok kake ilo Jenesis 1:1–25; Moses 2:1–25; im Ebream 4:1–25? Etke Ekōņaan bwe kwon jeļā men kein? Ilo am̧ lin̄ūri bwebwenato kein, kwomaron̄ ļōmņake ta ko rej katakin eok kōn Jemedwōj Ilan̄, Jisōs Kraist, laļin, im kwe make.
N̄an kōļapļo̧k katak ko am̧, ļōmņak in riiti eoon kein ilo am̧ pād ibwiljen kōm̧anm̧an ko an Anij ak ilo am̧ ron̄jake juon al āinwōt “All Creatures of Our God and King” (Hymns, no. 62). Kwomaron̄ pukot pijaan kōm̧anm̧an eo An me rej jipan̄ eok en̄jake kautiej n̄an Rikōm̧anm̧an eo. Ļōmņak in kwaļo̧k pija kein, ippānļok naan in kam̧ool eo am̧, n̄an ro jet.
Lale barāinwōt Katak im Bujen Ko 101:32–34
Jikin Kallib Eden, jān Grant Romney Clawson
Jenesis 1:26–27; Moses 2:26–27; Ebream 4:26–27
Kar kōm̧anm̧an eō ilo nememeen Anij.
Ilo am̧ riiti Jenesis 1:26–27; Moses 2:26–27; im Ebream 4:26–27, kōļmenļo̧kjeņ ta meļeļein kar kōm̧anm̧an kōj ilo “wāwee[n]” ak “āinwōt” Anij, m̧aan im kōrā. Etke aorōk ippam̧ n̄an jeļā m̧ool ko ilo eoon kein. N̄an waanjon̄ak, ekōjkan an men kein jelet wāween am̧ kalimjōk eok make, ro jet, im Anij? Elmen aer maron̄ jipan̄ eok n̄e en̄jake ko am̧ rejjab em̧m̧an kōn kwe make?
N̄an jipan̄ eok ļōmņak kōn kajjitōk kein, kajjieon̄ kam̧ōj juon jantōj āinwōt in: “Kōnke ijeļā kar kōm̧anm̧an eō ilo nememeen Anij, ij kāālet n̄an …” Etale “Ānbwinūm̧ ekwojarjar” ilo N̄an Kōkajoorļo̧k Jodikdik Ro: Juon Tōl n̄an Kōm̧m̧ani Kālet Ko (peij 22–29) emaron̄ jipan̄. Ļōmņak in kāālet juon men kwonaaj kōm̧m̧ane n̄an kwaļo̧k n̄an Anij ke kwojeļā ke ekwojarjar ānbwinūm̧.
Ilo pija eo “God’s Greatest Creation” (Gospel Library), Būreejtōn Russell M. Nelson ej kwaļo̧k an kam̧ool kōn an kabwilōn̄lōn̄ ānbwiņin armej . Ilo am̧ alooje pija in, kajjitōk ippam̧ make, “Ekōjkan an Jemedwōj Ilan̄ kōņaan bwe in en̄jake kōn ānwbwinnū?” Elmen an men in oktak jān enaan eo kwomaron̄ ron̄ jān ro jet?
God's Greatest Creation
Jet armej remaron̄ ba ke kōm̧anm̧an ilo nememeen Anij meļeļein ke aolep ad kōļmenļo̧kjen, en̄jake, im ikdeelel Enaaj kaweeppāni im bwe jeban (ak jab maron̄) em̧manļo̧k. Ta eo kwonaaj ba kōn men in? Ta ļōmņak ko kwoj buki jān Mosaia 3:19 im Ether 12:27?
Bar lale Russell M. Nelson, “Your Body: A Magnificent Gift to Cherish,” Liaona, Aug. 2019, 50–55.
Jenesis 1:27–28; 2:18–25; Moses 3:18, 21–24; Ebream 5:14–18
M̧are eo ikōtaan juon em̧m̧aan im juon kōrā ej ekkapit jān Anij.
“Adam im Iv raar koba ippān doon ilo m̧are n̄an iien im indeeo kōn kajoor eo [an] priesthood ejjeļo̧k jemļo̧kin” (Russell M. Nelson, “Lessons from Eve,” Ensign, Nov. 1987, 87). Kōļmenļo̧kjeņ kōn menin ilo am̧ riiti Jenesis 1:27–28; 2:18–25; Moses 3:18, 21–25im Ebream 5:14–19. Elmen am̧ maron̄ kōjparok m̧are eo ekwojarjar an Anij eaar letok?
Bar lale 1 Korint 11:11; “Baam̧le Eo: Juon Kean̄ n̄an Laļ in,” Gospel Library.
Jenesis 1:28; Moses 2:28; Ebream 4:28
Ij eddoin kōjparok kōm̧anm̧an ko an Anij.
Ta ko Jenesis 1:28; Moses 2:28; im Ebream 4:28 rej kwaļo̧k kōn eddo ko ad n̄an kōm̧anm̧an ko an Anij? Ta ko Katak im Bujen Ko 59:16–21 im 104:13–18 rej kobaik waj n̄an meļeļe eo am̧?
Bar lale Gérald Caussé, “Ad Bōk Eddo ioon Laļin,” Liaona, Nob. 2022, 57–59; Unin Kōnono ko im Kajjitōk ko, “Environmental Stewardship and Conservation,” Gospel Library.
Jenesis 2:2–3; Moses 3:2–3; Ebream 5:2–3
Anij ekar kōjeraam̧m̧an im kakkwojarjar raan in Jabōt.
Anij ekar kōm̧m̧an kakkwojarjar raan in Jabōt, im E kar kajjitōk bwe jen kakwojarjar e. Ilo am̧ riiti Jenesis 2:2–3; Moses 3:2–3; im Ebream 5:2–3, ļōmņak kōn ta ko rej kōm̧m̧an an Jabōt “kōjeraam̧m̧an” n̄an kwe?
Bar lale Katak im Bujen Ko 59:9–13; “The Sabbath Is a Delight” (pija in alooj), Gospel Library.
Highlight: The Sabbath Is a Delight
N̄an ļōmņak ko reļļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik ro māākjiin.
Ļōmņak ko n̄an Katakin Ajri ro
Jenesis 1:1–25; Moses 2:1–25; Ebream 4:1–25
Jisōs ekar kōm̧anm̧an laļ.
-
Ekōjkan am̧ naaj kōm̧m̧an bwe katak kōn Kōm̧anm̧an eo en limo n̄an ajri ro nejum̧? Kwomaron̄ bōk er n̄an juon iien kappok men nabōj me kar kōm̧anm̧ani ilo kajjojo iien Kōm̧anm̧an eo. Ajri ro remaron̄ bar kalimjōk pijaan men ko me Jisōs ekar kōm̧anm̧ani (lale “Kōm̧anm̧an eo an Laļin” ilo Bwebwenato ko jān Kallim̧ur M̧okta, 8–12). Innām kwe im ajri ro nejum̧ maron̄ kōnono kōn ekōjkan ami en̄jake kōn Jisōs Kraist ālkin ami riit kōn Kōm̧anm̧an eo.
-
Ļōmņak in al juon al ippān doon kōn laļin ad eaiboojoj, āinwōt “My Heavenly Father Loves Me” (Children’s Songbook, 228–29). Bōlen ajri ro nejum̧ remaron̄ kobaik waj ippān al eo men ko jet Anij ekar kōm̧anm̧ani me ej jipan̄ er en̄jake iakwe eo An.
Kōm̧m̧an bwe ajri ro ren kōm̧m̧ani jekjek ko aer rejej uwaer. “N̄e kwoj kajjitōk ippān ajri ro n̄an jipan̄, ekkal, kōļar, ak je juon men eiookļo̧k juon pedped an gospel eo, kwoj jipan̄ er kōkm̧anm̧anļok aer meļeļe pedped in katak eo im kwoj leļo̧k n̄an er juon kein kakeememej n̄an ta ko raar katak” (Katakin ilo Wāween eo an Rilo̧mo̧o̧r, 32).
Jenesis 1:26–27; Moses 2:26–27; Ebream 4:26–27
Kar kōm̧anm̧an eō ilo nememein Anij.
-
Ajro ro nejum̧ remaron̄ ejaake juon m̧wil n̄an kaorōk im kautiej āibwinier im ānbwinin ro jet ilo aer ekkatak ke kar kōm̧anm̧an kōj aolep ilo nememeen Anij. N̄an jipan̄ er jeļā ta meļeļein men in, kwomaron̄ kōtļo̧k bwe ajri ro nejum̧ ren kalimjōk juon kūlaaj ilo am̧ riti Moses 2:26–27 n̄an er. Kwomaron̄ bar kwaļo̧k n̄an er an ekutkut an mennin mour jiddik ko āinwōt ro jiner im jemāer (lale pija eo ilo elmakot in, n̄an waanjon̄ak). Menin emaron̄ tōl n̄an juon ekōnono kōn etke eaorōk bwe kwon jeļā ke kar kōm̧anm̧an eok ilo nememeen Jemedwōj Ilan̄.
-
Kwe im ajri ro nejum̧ maron̄ m̧ōņōņō in jin̄aik ābwninin juon armej im m̧wijit jin̄a eo bwe en erom bajjōļ. Ilo an ajri ro nejum̧ karōk bajjōļ ko aer, kwomaron̄ kōnono kōn wāween ko remaron̄ kwaļo̧k n̄an Jemedwōj Ilan̄ ke rej kam̧m̧oolol kōn ānbwinier.
Jenesis 2:2–3; Moses 3:2–3; Ebream 5:2–3
Raan in Jabōt ekwojarjar.
-
Riiti Moses 3:2–3, im kajjitōk bwe ajri ro nejum̧ ren ron̄jake ta eo Anij ekar kōm̧m̧ane ilo raan eo kein kajiljilimjuon. Jipan̄ ajri ro nejum̧ pukote ak jin̄aik pijaan men ko remaron̄ kōm̧m̧ani ilo Jabōt n̄an kōm̧m̧an bwe en juon raan ekwojarjar im oktak jān raan ko jet. Kwaļo̧k n̄an doon etke eaorōk bwe komin kōjparok bwe raan in Jabot en ekwojarjar.
-
Jipan̄ ajri ro nejum̧ kōm̧m̧an role-play ilo aer kōmeļeļeik n̄an juon m̧ōttaer etke rej kāālet n̄an kōm̧m̧an men ko ilo Jabōt me ej kautiej Jemedwōj Ilan̄ im Jisōs. Leļo̧k ļōmņak n̄an kōjerbal Jenesis 2:2–3 ilo kōmeļeļe ko aer. Elmen ad kokwojajar raan in Jabōt im kwaļo̧k ad iakwe im kautiej n̄an Jemedwōj Ilan̄ im Jisōs Kraist?
N̄an ļōmņak ko reļļapļo̧k, lale ennaan eo an allōn̄ in ilo Jera māākjiin.