Moses 1; Ebream 3

Eļan̄n̄e Irooj en kar kajju kōnono n̄an eok,” Būreejtōn Russell M. Nelson ekar katakin, “men eo jinointata E en kar lale bwe kwon meleļe kake ej lukkuun wōn kwe” (“Choices for Eternity” [worldwide devotional for young adults, May 2022], Gospel Library). Im Setan enaaj kajjieon̄ kappok eok ilo ejja men in wōt. Kappukot jon̄ak in ilo enaan eo an Anij n̄an Moses ilo Moses 1:4, 6 im enaan eo an Setan ilo Moses 1:12. Ta eo kwoj ekkatak jān eoon kein kōn oktak ko ikōtaan Anij im Setan?

Būreejtōn Nelson ekar bar katakin, “Wāween am̧ ļōmņak kake lukkuun wōn kwe ejelet eitōn aolep kāālet ko kwonaaj kōm̧m̧ani” (“Choices for Eternity”). Ļōmņak in kōm̧m̧ane juon laajrak in kāālet ko kwoj kōm̧m̧ane kōnke kadkadim̧ āinwōt juon nejin Anij ej itok m̧okta jān taitōļ ko jet.

Eoon im naan ta ko jet ilo Moses 1 ej jipan̄ eok meļeļe kōn aorōkūm̧ ekwojarjar? Kwomaron̄ bar riiti enaan eo an Būreejtōn Nelson ilo jekjōn eo an “Choices for Eternity” kar ņae etan “First: Know the truth about who you are.” Ta eo im̧we eo kwoj en̄jake n̄an kōm̧m̧ane bwe kadkadim̧ āinwōt juon eo nejin Anij en kadkad eo eaorōktata?

Bar lale “I Am a Child of God,” Hymns (1985), no. 301; “Our True Identity” (video), Gospel Library; Topics and Questions, “Children of God,” Gospel Library.

3:39

Ilo an Moses 1 kalikkare, en̄jake ko rekajoor an jetōb rejjab meļeļein bwe jeban bar iioon mennin kapo. Ilo m̧ool, juon iaan kōl ko an Setan ej n̄an kapo kōj bwe jen jab tōmak en̄jake kein. Ilo am̧ riit kōn uwaak eo an Moses n̄an Setan ilo eoon 12–26, ta eo kwoj ekkatak me emaron̄ jipan̄ eok m̧ool wōt n̄an naan in kam̧ool eo kwaar bōke? Ta eo me ekar jipan̄ Moses anjo̧ jān Setan?

Bar juon ekkatak jān en̄jake eo an Moses ej bwe Setan ej kapo kōj kōn men ko reitōnļo̧k m̧ool im kajoor an Anij. Ļōmņak kōn men riapin ko an jet men, āinwōt riapin mennin eddōk ak juon dolly. Elmen am̧ jeļā ke riapin? Innām ļōmņake men ko reitōnļo̧k Setan ej kōjerbali rainin n̄an kapoik eok. Ta eo kwoj katak jān Moses 1:13–18 kōn wāween kile im elļo̧k jān men kein reitōnļo̧k? Ekōjkan an Irooj maron̄ jipan̄ eok (lale Moses 1:24–26).

Bar lale Matu 4:1–11; Gary E. Stevenson, “Deceive Me Not,” Liahona, Nov. 2019, 93–96; “I Am a Son of God” (video), Gospel Library.

6:31

Ālkin an lo juon visōn kōn kōm̧anm̧an ko an Anij, Moses ba n̄an Irooj: “Ba n̄an eō … etke men kein rej āindein” (Moses 1:30 Ta eo ej un̄ūr eok kōn uwaak eo an Irooj ilo Moses 1:31–39 Ta eo eoktak ikōtaan jab wabanban im mour indeeo? (lale Unin Kōnono ko im Kajjitōk ko, “Mour Indeeo,” Gospel Library). Ewi wāween an Jisōs Kraist jipan̄ kakūrm̧ool men kein jim̧or? Ebream eaar barāinwōt wōr juon an visōn, kar ļo̧o̧ke ilo Ebream 3. Ta eo kwoj loe ilo eoon 24–26 im emaron̄ jipan̄ uwaak kajjitōk eo an Moses?

Jejeļā jidik wōt kōn mour eo ad mokta. Ak eitōn aolep ta ko jejeļā rej itok jān visōn eo an Ebream ilo Ebream 3:22–28. Ilo am̧ riiti eoon kein, kōm̧m̧ane juon laajrak in m̧ool ko kwoj loi—ekoba m̧ool ko kōn kwe make im kōn Jisōs Kraist. Etke m̧ool kein raorōk n̄an kwe? “Ta oktak ko rej kōm̧m̧ane ilo mour eo am̧?

Bar lale Unin kenono im kajjitōk ko, “Mour eo M̧okta,” Gospel Library.

• Ālkin ami riit ippān doon kōn enaan eo an Anij n̄an Moses ilo Moses 1:4, ļōmņak in kōtļo̧k bwe ajri ro nejum̧ ren kalimjōk juon kūlaaj im leļo̧k n̄an er make ejja enaan in wōt : “N̄a nejin Anij.” Innām remaron̄ leļo̧k ejja naan eo n̄an doon: “Kwe juon nejin Anij.” Kwomaron̄ bar kappok pija in jet armej im karuwaineneiki ajri ro nejum̧ bwe ren jitōn̄ kajjojo iaer im ba, “En̄in ej juon nejin Anij.” Kwaļo̧k n̄an doon etke kwōj m̧ōņōņō bwe kwojeļā kom ej ajri ro nejin Anij. Elmen an jeļāļo̧kjeņ in ukōt wāween am̧ lale eok make im ro jet?

• Kwe im ajri ro nejum̧ maron̄ keidi enaan eo an Anij n̄an Moses ilo Moses 1:4 ippān naan eo an Setan ilo eoon 12. Ekōjkan am̧ maron̄ jipan̄ ajri ro nejum̧ lale oktak eo ikōtaan enaan eo an Anij n̄an er im eo an Setan?

• Ilo am̧ riiti Moses 1:6 ippān ajri ro nejim, komaron̄ kōņaan kōnono ippaer kōn “jerbal” eo an Moses jān Anij. Ļōm̧ņak in kōjerbal Bok in Gospel Pija, nō. 13–16, ak Bwebwenato ko jān Kallim̧ur M̧okta, pages 64–84, n̄an jipan̄ ajri ro lo ta eo Moses eaar kōtōprake kōn jipan̄ eo an Jemedwōj Ilan̄. Ta jerbal eo em̧ōj an Anij letok bwe jen kōm̧m̧ane (lale, n̄an waanjon̄ak Katak im Bujen Ko).

• Ilo am̧ ekkatak Moses 1:12–26 ippān ajri ro, jipan̄ er lo ta eo Moses ekar kōm̧m̧ane n̄an anjo̧ jen Setan (lale eoon 13, 15, 18, 20–22, 26). Emaron̄ limo n̄an er n̄e rej kwaļok ta ko remaron̄ kōm̧m̧ani n̄an anjo̧ jen kapo ko an Setan (āinwōt jar, etetal etoļo̧k jān, ak kajjitōk jipan̄).

• Jeļā kōn mour eo ad m̧okta emaron̄ un̄ūr kōj n̄an kōm̧m̧ani jokāālet ko ad pedped wōt ioon m̧ool ko ejjeļo̧k jem̧ļo̧kier. N̄an jipan̄ er ekkatak kake, komaron̄ leļo̧k n̄an er jet naan ko ak jantōj ko bwe ren pukoti ilo Ebream 3:22–28, āinwōt “m̧okta jān kar laļ,” “jetōb,” “kōm̧m̧an juon laļ,” im “mālejjon̄e.” Ta ko eoon kein rej katakin kōj kake etke Jemedwōj Ilan̄ ekar jilkintok kōj n̄an laļ?

• Juon al “I Will Follow God’s Plan” (Children’s Songbook, 164–65) emaron̄ kōkajoor ta eo Ebream 3 ej katakin. Bōlen kwomaron̄ karuwainene ajri ro nejum̧ n̄an jin̄aik pija ko me rej ekkeijelļo̧k ippān naan ko.

• Jipan̄ ajri ro ļōm̧ņak kōn jekjek ko me rej aikuj kāāleti eļan̄n̄e renaaj kōm̧m̧ani ta ko Irooj ekar kajjitōk bwe ren kōm̧m̧ani ak jaab (lale Ebream 3:25; bar lale N̄an Kōkajoorļo̧k Jodikdik Ro: Juon Tōl n̄an Kōm̧m̧ani Kālet Ko) Kōtļo̧k bwe ren kaminene uwaaki men ko renaaj kōm̧m̧ani ilo kain jekjek kein. Ekōjkan an Rilo̧mo̧o̧r jipan̄ kōj n̄e jej kōm̧m̧ane juon kāālet ebōd?