« ថ្ងៃទី១២–១៨ ខែមករា ‹ កាលដើមដំបូងឡើយ ព្រះបានបង្កើតផ្ទៃមេឃ និងផែនដី › ៖ លោកុប្បត្តិ ១–២; ម៉ូសេ ២–៣; អ័ប្រាហាំ ៤–៥ » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ ព្រះគម្ពីរសញ្ញាចាស់ ឆ្នាំ២០២៦ ( ឆ្នាំ២០២៦ )
« ថ្ងៃទី១២–១៨ ខែមករា ‹ កាលដើមដំបូងឡើយ ព្រះបានបង្កើតផ្ទៃមេឃ និងផែនដី › » ចូរមកតាមខ្ញុំ ៖ ឆ្នាំ២០២៦
ថ្ងៃទី១២–១៨ ខែមករា ៖ « កាលដើមដំបូងឡើយ ព្រះបានបង្កើតផ្ទៃមេឃ និងផែនដី »
លោកុប្បត្តិ ១–២; ម៉ូសេ ២–៣; អ័ប្រាហាំ ៤–៥
ដោយសារពិភពលោកនៅជុំវិញយើងមានភាពស្រស់ស្អាត ហើយអស្ចារ្យខ្លាំងណាស់ នោះវាពិបាកដើម្បីនឹកស្រមៃពីផែនដីនេះពេលវាបាន « ខូច ហើយនៅទទេ » « គ្មានរូបរាងទេ ហើយនៅទទេ » ( លោកុប្បត្តិ ១:២; អ័ប្រាហាំ ៤:២ ) ។ រឿងមួយដែលដំណើររឿងនៃការបង្កបង្កើតបង្រៀនយើងគឺថា ព្រះអាចធ្វើអ្វីដែលអស្ចារ្យកើតចេញពីអ្វីមួយដែលរប៉ាត់រប៉ាយបន្តិចម្តងៗ ។ ការណ៍នោះមានប្រយោជន៍ដើម្បីចងចាំ នៅពេលជីវិតទំនងជាមានភាពចលាចល ។ ព្រះវរបិតាសួគ៌ និងព្រះយេស៊ូវគ្រីស្ទគឺជាព្រះដ៏បង្កបង្កើត ហើយព្រះរាជកិច្ចដ៏ច្នៃប្រឌិតរបស់ទ្រង់ទាំងទ្វេជាមួយនឹងពួកយើងនៅមិនទាន់ចាប់សព្វគ្រប់ទេ ។ ទ្រង់ទាំងទ្វេអាចធ្វើឲ្យពន្លឺភ្លឺចេញពីគ្រាងងឹតនៅក្នុងជីវិតរបស់យើងបាន ។ ទ្រង់ទាំងទ្វេអាចបំពេញភាពទទេរបស់យើងនូវជីវិត ។ ទ្រង់ទាំងទ្វេអាចផ្លាស់ប្តូរយើងទៅជាតួអង្គដ៏ទេវភាពដែលយើងនឹងប្រែក្លាយជា ។ នោះហើយគឺជាអត្ថន័យអំពីការត្រូវបានបង្កើតតាមរូបរបស់ព្រះ ឲ្យដូចទ្រង់( សូមមើល លោកុប្បត្តិ ១:២៦ ) ។ យើងមានសក្ដានុពលដើម្បីប្រែក្លាយដូចជាទ្រង់ ៖ ត្រូវបានលើកតម្កើង មានសិរីល្អ ដូចជាស្ថានសួគ៌ ។
សម្រាប់ទិដ្ឋភាពទូទៅស្ដីពីគម្ពីរលោកុប្បត្តិ សូមមើល« លោកុប្បត្តិ » នៅក្នុងសេចក្ដីណែនាំដល់បទគម្ពីរទាំងឡាយ ។
គំនិតសម្រាប់ការរៀនសូត្រនៅឯគេហដ្ឋាន និងនៅឯសាសនាចក្រ
លោកុប្បត្តិ ១:១–២៥; ម៉ូសេ ២:១–២៥; អ័ប្រាហាំ ៤:១–២៥
« ដោយសារព្រះរាជបុត្រាបង្កើតតែមួយរបស់យើង ទើបយើងបានបង្កើតរបស់ទាំងនេះមក » ។
ទោះបីជាយើងមិនយល់អ្វីគ្រប់យ៉ាងអំពីរបៀបដែលពិភពលោកត្រូវបានបង្កើតឡើងក្តី ក៏វាជាការគួរឲ្យចាប់អារម្មណ៍ក្នុងការកត់សម្គាល់អ្វីដែលព្រះបានជ្រើសរើសដើម្បីបង្ហាញអំពីការបង្កបង្កើតដែរ ។ តើព្រះបង្រៀនបងប្អូនអ្វីខ្លះអំពីការណ៍នេះនៅក្នុង លោកុប្បត្តិ ១:១–២៥; ម៉ូសេ ២:១–២៥ និង អ័ប្រាហាំ ៤:១–២៥ ? ហេតុអ្វីបានជាទ្រង់ចង់ឲ្យបងប្អូនដឹងការណ៍ទាំងនេះ ? នៅពេលបងប្អូនពិចារណាដំណើររឿងទាំងនេះ នោះបងប្អូនក៏អាចពិចារណាពីអ្វីដែលវាបង្រៀនបងប្អូនអំពីព្រះវរបិតាសួគ៌ ព្រះយេស៊ូវគ្រីស្ទ ពិភពលោក និងខ្លួនបងប្អូនផ្ទាល់ ។
ដើម្បីបង្កើនការសិក្សារបស់បងប្អូន សូមពិចារណាអានខគម្ពីរទាំងនេះខណៈដែលចំណាយពេលនៅក្នុងធម្មជាតិដែលជាការបង្កបង្កើតរបស់ព្រះ ឬពេលស្តាប់បទចម្រៀងដូចជាបទ « ឱ ! អស់ធម្មជាតិនៃព្រះយើងអើយ » ( ទំនុកតម្កើង ល.រ. ២៤ ) ។ បងប្អូនអាចស្វែងរករូបភាពនៃការបង្កបង្កើតរបស់ទ្រង់ដែលជួយបងប្អូនមានអារម្មណ៍មានគារវភាពសម្រាប់ព្រះដ៏បង្កបង្កើត ។ សូមពិចារណាចែកចាយរូបភាពទាំងនេះ រួមជាមួយនឹងទីបន្ទាល់របស់បងប្អូន ជាមួយអ្នកដទៃផងដែរ ។
សូមមើលផងដែរ គោលលទ្ធិ និងសេចក្តីសញ្ញា ១០១:៣២–៣៤ ។
The Garden of Eden [ សួនច្បារអេដែន ] ដោយ ហ្គ្រែន រ៉មនី ខ្ល័រសុន
លោកុប្បត្តិ ១:២៦–២៧; ម៉ូសេ ២:២៦–២៧; អ័ប្រាហាំ ៤:២៦–២៧
ខ្ញុំត្រូវបានបង្កើតតាមរូបភាពនៃព្រះ ។
នៅពេលបងប្អូនអាន លោកុប្បត្តិ ១:២៦–២៧; ម៉ូសេ ២:២៦–២៧ និង អ័ប្រាហាំ ៤:២៦–២៧ សូមជញ្ជឹងគិតថាតើវាមានន័យយ៉ាងណាដែរ ដែលថា ត្រូវបង្កើតតាម « រូប » ឬ « ដូច » ព្រះ ទាំងបុរស និងស្រ្តី ។ ហេតុអ្វីវាសំខាន់ចំពោះបងប្អូនដើម្បីដឹងពីសេចក្តីពិតនៅក្នុងខគម្ពីរទាំងនេះ ? ឧទាហរណ៍ តើសេចក្តីពិតទាំងនេះជះឥទ្ធិពលដល់របៀបដែលបងប្អូនមើលឃើញខ្លួនឯង អ្នកដទៃ និងព្រះយ៉ាងដូចម្តេច ? តើវាអាចជួយបងប្អូនដោយរបៀបណានៅពេលបងប្អូនមានអារម្មណ៍អវិជ្ជមានអំពីខ្លួនឯង ?
ដើម្បីជួយបងប្អូនគិតអំពីសំណួរទាំងនេះ សូមព្យាយាមបំពេញប្រយោគដូចនេះ ៖ « ដោយសារខ្ញុំដឹងថា ខ្ញុំត្រូវបានបង្កើតតាមរូបរបស់ព្រះ នោះខ្ញុំជ្រើសរើសដើម្បី … » សូមមើល « រូបកាយរបស់អ្នកគឺពិសិដ្ឋ » នៅក្នុង ដើម្បីកម្លាំងនៃយុវជន ៖ សេចក្តីណែនាំដើម្បីធ្វើការជ្រើសរើស ( ទំព័រ ២២–២៩ ) អាចជួយបាន ។ សូមពិចារណាជ្រើសរើសអ្វីដែលបងប្អូននឹងធ្វើដើម្បីបង្ហាញព្រះថា បងប្អូនដឹងថារាងកាយរបស់បងប្អូនគឺពិសិដ្ឋ ។
នៅក្នុងវីដេអូ « ការបង្កបង្កើតដ៏មហិមាបំផុតរបស់ព្រះ » ( បណ្ណាល័យដំណឹងល្អ ) ប្រធាន រ័សុល អិម ណិលសុន ថ្លែងទីបន្ទាល់អំពីរាងកាយមនុស្សដ៏អស្ចារ្យ ។ នៅពេលបងប្អូនមើលវីដេអូនេះ សូមសួរខ្លួនឯងថា « តើព្រះវរបិតាសួគ៌ចង់ឲ្យខ្ញុំគិតយ៉ាងណាអំពីរូបកាយរបស់ខ្ញុំ ? » តើវាខុសពីសារដែលបងប្អូនអាចស្ដាប់ឮពីអ្នកដទៃដោយរបៀបណា?
God's Greatest Creation
មនុស្សមួយចំនួនអាចនិយាយថា ការត្រូវបានបង្កើតតាមរូបភាពរបស់ព្រះ មានន័យថា គំនិតរបស់យើងទាំងអស់ អារម្មណ៍ និងបំណងប្រាថ្នាត្រូវបានអនុម័តដោយទ្រង់ ហើយថាយើងមិនចាំបាច់ ( ឬមិនអាច ) ធ្វើឲ្យប្រសើរឡើងទេ ។ តើបងប្អូននឹងនិយាយអ្វីខ្លះអំពីរឿងនោះ ? តើការយល់ដឹងដែលបងប្អូនអាចទទួលបានមកពី ម៉ូសាយ ៣:១៩ និង អេធើរ ១២:២៧ មានអ្វីខ្លះ?
សូមមើលផងដែរ រ័សុល អិម ណិលសុន « Your Body: A Magnificent Gift to Cherish » Liahona ខែសីហា ឆ្នាំ២០១៩ ទំព័រ ៥០–៥៥ ។
លោកុប្បត្តិ ១:២៧–២៨; ២:១៨–២៥; ម៉ូសេ ៣:១៨, ២១–២៤; អ័ប្រាហាំ ៥:១៤–១៨
អាពាហ៍ពិពាហ៍រវាងបុរសម្នាក់ និងស្ត្រីម្នាក់ត្រូវបានតែងតាំងឡើងដោយព្រះ ។
« អ័ដាម និងអេវ៉ាត្រូវបានរួបរួមគ្នានៅក្នុងអាពាហ៍ពិពាហ៍ចំពោះវេលាកាល និងចំពោះអស់ទាំងភាពអស់កល្បជានិច្ចដោយអំណាចនៃ[ ប ]ព្វជិតភាពដ៏អស់កល្បអស់កាលជានិច្ច » ( រ័សុល អិម ណិលសុន« Lessons from Eve » Ensign ខែវិច្ឆិកា ឆ្នាំ១៩៨៧ ទំព័រ ៨៧ ) ។ សូមពិចារណាការណ៍នេះ នៅពេលបងប្អូនអាន លោកុប្បត្តិ ១:២៧–២៨; ២:១៨–២៥; ម៉ូសេ ៣:១៨, ២១–២៥ និង អ័ប្រាហាំ ៥:១៤–១៩ ។ តើបងប្អូនអាចប្រព្រឹត្តចំពោះអាពាហ៍ពិពាហ៍ជាមួយនឹងភាពពិសិដ្ឋដែលព្រះបានប្រទានឲ្យដល់អាពាហ៍ពិពាហ៍ដោយរបៀបណា ?
សូមមើលផងដែរ កូរិនថូស ទី១ ១១:១១; « ក្រុមគ្រួសារ ៖ ការប្រកាសដល់ពិភពលោក » នៅលើបណ្ណាល័យដំណឹងល្អ ។
លោកុប្បត្តិ ១:២៨; ម៉ូសេ ២:២៨; អ័ប្រាហាំ ៤:២៨
ខ្ញុំទទួលខុសត្រូវក្នុងការការថែទាំការបង្កបង្កើតរបស់ព្រះ ។
តើ លោកុប្បត្តិ ១:២៨; ម៉ូសេ ២:២៨ និង អ័ប្រាហាំ ៤:២៨ ផ្ដល់មតិយោបល់អំពីការទទួលខុសត្រូវរបស់យើងចំពោះការបង្កបង្កើតរបស់ព្រះអ្វីខ្លះ ? តើ គោលលទ្ធិ និងសេចក្ដីសញ្ញា ៥៩:១៦–២១ និង ១០៤:១៣–១៨ បន្ថែមអ្វីខ្លះទៅលើការយល់ដឹងរបស់បងប្អូន ?
សូមមើលផងដែរ ជែរលដ៍ ឃូសេ « ការកាន់កាប់ត្រួតត្រានៅលើផែនដីរបស់យើង » លីអាហូណា ខែវិច្ឆិកា ឆ្នាំ២០២២ ទំព័រ ៥៧–៥៩ Topics and Questions « Environmental Stewardship and Conservation » នៅលើបណ្ណាល័យដំណឹងល្អ ។
លោកុប្បត្តិ ២:២–៣; ម៉ូសេ ៣:២–៣; អ័ប្រាហាំ ៥:២–៣
ព្រះបានប្រទានពរ ហើយញែកថ្ងៃឈប់សម្រាកជាបរិសុទ្ធ ។
ព្រះ បានធ្វើ ឲ្យថ្ងៃឈប់សម្រាកទៅជាបរិសុទ្ធ ហើយទ្រង់សុំឲ្យយើង រក្សា ថ្ងៃនោះឲ្យបរិសុទ្ធ ។ នៅពេលបងប្អូនអាន លោកុប្បត្តិ ២:២–៣; ម៉ូសេ ៣:២–៣ និង អ័ប្រាហាំ ៥:២–៣ សូមគិតអំពីអ្វីដែលធ្វើឲ្យថ្ងៃឈប់សម្រាក « ផ្ដល់ពរ » ដល់បងប្អូន ។
សូមមើលផងដែរ គោលលទ្ធិ និងសេចក្តីសញ្ញា ៥៩:៩–១៣; « The Sabbath Is a Delight » ( វីដេអូ ) នៅលើបណ្ណាល័យដំណឹងល្អ ។
Highlight: The Sabbath Is a Delight
សម្រាប់គំនិតបន្ថែម សូមមើលការចុះផ្សាយទស្សនាវដ្តី លីអាហូណា និង ដើម្បីកម្លាំងនៃយុវជន ប្រចាំខែនេះ ។
គំនិតសម្រាប់បង្រៀនកុមារ
លោកុប្បត្តិ ១:១–២៥; ម៉ូសេ ២:១–២៥; អ័ប្រាហាំ ៤:១–២៥
ព្រះយេស៊ូវបានបង្កើតផែនដី ។
-
តើបងប្អូនអាចធ្វើឲ្យការរៀនអំពីការបង្កបង្កើតមានភាពរីករាយសម្រាប់គ្រួសាររបស់បងប្អូនតាមរបៀបណា ? បងប្អូនអាចនាំពួកគេធ្វើការស្រាវជ្រាវនៅខាងក្រៅរកវត្ថុដែលបានបង្កើតឡើងនៅអំឡុងគ្រានៃការបង្កបង្កើតនីមួយៗ ។ កូនៗរបស់បងប្អូនក៏អាចមើលរូបភាពនៃអ្វីដែលព្រះយេស៊ូវបានបង្កើតផងដែរ ( សូមមើល « ការបង្កបង្កើតផែនដី » នៅក្នុង ដំណើររឿងព្រះគម្ពីរសញ្ញាចាស់ ទំព័រ ៨–១២ ) ។ បន្ទាប់មកបងប្អូន និងកូនៗរបស់បងប្អូនអាចនិយាយអំពីរបៀបដែលបងប្អូនមានអារម្មណ៍អំពីព្រះយេស៊ូវគ្រីស្ទបន្ទាប់ពីអានអំពីការបង្កបង្កើត ។
-
សូមពិចារណាច្រៀងបទចម្រៀងជាមួយគ្នាអំពីពិភពលោកដ៏ស្រស់ស្អាតរបស់យើង ដូចជាបទ « ព្រះវរបិតាស្រឡាញ់ខ្ញុំ » ( សៀវភៅចម្រៀងកុមារ ទំព័រ ១៦–១៧ ) ។ ប្រហែលជាកូនៗរបស់បងប្អូនអាចបន្ថែមរបស់ផ្សេងៗទៀតទៅនឹងបទចម្រៀងនោះ អំពីអ្វីដែលព្រះបានបង្កើតដែលបានជួយពួកគេទទួលអារម្មណ៍ពីសេចក្តីស្រឡាញ់របស់ទ្រង់ ។
សូមជួយកុមារឲ្យបង្ហាញគំនិតច្នៃប្រឌិតរបស់ពួកគេ ។ « នៅពេលអ្នកអញ្ជើញកុមារឲ្យគូរ សាងសង់ ផាត់ពណ៌ ឬសរសេរអ្វីមួយដែលទាក់ទងនឹងគោលការណ៍ដំណឹងល្អ នោះអ្នកជួយពួកគេឲ្យយល់គោលការណ៍នោះបានកាន់តែល្អប្រសើរ ហើយអ្នកផ្តល់ការរំឭកយ៉ាងច្បាស់ជាក់ស្តែងដល់ពួកគេអំពីអ្វីដែលពួកគេបានរៀន » ( ការបង្រៀនតាមរបៀបរបស់ព្រះអង្គសង្គ្រោះ ទំព័រ ៣២ ) ។
លោកុប្បត្តិ ១:២៦–២៧; ម៉ូសេ ២:២៦–២៧; អ័ប្រាហាំ ៤:២៦–២៧
ខ្ញុំត្រូវបានបង្កើតឡើងតាមរូបព្រះ ។
-
កូនៗរបស់បងប្អូនអាចអភិវឌ្ឍអារម្មណ៍នៃគារវភាពនិងការគោរពចំពោះរាងកាយរបស់ពួកគេផ្ទាល់ និងអ្នកដទៃនៅពេលដែលពួកគេរៀនថា យើងទាំងអស់គ្នាត្រូវបានបង្កើតឡើងតាមរូបភាពរបស់ព្រះ ។ ដើម្បីជួយពួកគេឲ្យយល់ពីអត្ថន័យនេះ នោះបងប្អូនអាចអនុញ្ញាតឲ្យកូនៗរបស់បងប្អូនមើលរូបរបស់ពួកគេនៅក្នុងកញ្ចក់ ឬរូបភាព ខណៈពេលដែលបងប្អូនអាន ម៉ូសេ ២:២៦–២៧ ឲ្យពួកគេស្ដាប់ ។ បងប្អូនក៏អាចបង្ហាញផងដែរដល់ពួកគេនូវរបៀបដែលកូនសត្វតូចៗ ជាញឹកញាប់ « ដូច » ទៅនឹងមេរបស់វា ( សូមមើលរូបភាពនៅក្នុងគម្រោងនេះ ជាឧទាហរណ៍ ) ។ ការណ៍នេះអាចដឹកនាំឲ្យមានការសន្ទនាអំពីហេតុអ្វីវាមានសារៈសំខាន់ចំពោះបងប្អូនដើម្បីដឹងថា បងប្អូនត្រូវបានបង្កើតតាមរូបភាពរបស់ព្រះវរបិតាសួគ៌របស់បងប្អូន ។
-
បងប្អូន និងកូនៗរបស់បងប្អូនអាចរីករាយនឹងគូររូបរាងកាយមនុស្ស និងកាត់គំនូរធ្វើជាល្បែងផ្គុំរូប ។ នៅពេលដែលកូនៗរបស់បងប្អូនដាក់ល្បែងផ្គុំរូបរបស់ពួកគេរួមគ្នា ពួកគេអាចនិយាយអំពីរបៀបដែលពួកគេអាចបង្ហាញព្រះវរបិតាសួគ៌ថា ពួកគេអរគុណចំពោះរាងកាយរបស់ពួកគេ ។
លោកុប្បត្តិ ២:២–៣; ម៉ូសេ ៣:២–៣; អ័ប្រាហាំ ៥:២–៣
ថ្ងៃឈប់សម្រាកគឺជាថ្ងៃបរិសុទ្ធ ។
-
នៅពេលបងប្អូនអាន ម៉ូសេ ៣:២–៣ សូមឲ្យកូនៗរបស់បងប្អូនស្ដាប់សម្រាប់អ្វីដែលព្រះបានធ្វើនៅថ្ងៃទីប្រាំពីរ ។ សូមជួយកូនៗរបស់បងប្អូនស្វែងរក ឬគូររូបភាពនៃអ្វីដែលពួកគេអាចធ្វើបាននៅថ្ងៃអាទិត្យ ដើម្បីធ្វើឲ្យវាក្លាយជាថ្ងៃបរិសុទ្ធ និងខុសពីថ្ងៃផ្សេងទៀត ។ សូមចែកចាយជាមួយគ្នាថាហេតុអ្វីបានជាវាមានសារៈសំខាន់សម្រាប់បងប្អូនដើម្បីរក្សាថ្ងៃឈប់សម្រាកឲ្យបរិសុទ្ធ ។
-
សូមជួយកូនៗរបស់បងប្អូនសម្តែងពីការពន្យល់ទៅកាន់មិត្តម្នាក់ពីមូលហេតុដែលពួកគេជ្រើសរើសយកការធ្វើកិច្ចការ ដែលគោរពដល់ព្រះវរបិតាសួគ៌និងព្រះយេស៊ូវនៅថ្ងៃអាទិត្យ ។ ចូរឲ្យយោបល់ដល់ពួកគេឲ្យប្រើ លោកុប្បត្តិ ២:២–៣ នៅក្នុងការពន្យល់របស់ពួកគេ ។ តើការរក្សាថ្ងៃឈប់សម្រាកជាថ្ងៃបរិសុទ្ធបង្ហាញពីសេចក្តីស្រឡាញ់ចំពោះព្រះវរបិតាសួគ៌ និងព្រះយេស៊ូវគ្រីស្ទយ៉ាងដូចម្ដេច ?
សម្រាប់គំនិតបន្ថែម សូមមើលការចុះផ្សាយទស្សនាវដ្តី ប្រិយមិត្ត នៅខែនេះ ។