1. Mósebók 1–2; HDP Móse 2–3; Abraham 4–5

Þótt við vitum ekki allt um það hvernig heimurinn var skapaður, þá er áhugavert að vita hvað Guð hefur valið að opinbera um sköpunina. Hvað kennir Guð ykkur um efnið í 1. Mósebók 1:1–25; HDP Móse 2:1–25; og Abraham 4:1–25? Af hverju vill hann að þið vitið þessa hluti? Þegar þið hugleiðið þessar frásagnir, gætuð þið líka íhugað hvað þær kenna ykkur um himneskan föður, Jesú Krist, heiminn og ykkur sjálf.

Íhugið að lesa þessi vers meðan þið eruð úti á meðal sköpunarverka Guðs, til að auðga nám ykkar eða meðan þið hlustið á söng eins „Öll sköpun syngi Drottni dýrð“ (Sálmar, nr. 16). Þið gætuð fundið myndir af sköpunarverki hans sem stuðla að lotningu fyrir skaparanum. Íhugið að miðla öðrum þessum myndum, ásamt vitnisburði ykkar.

Sjá einnig Kenning og sáttmálar 101:32–34.

Þegar þið lesið 1. Mósebók 1:26–27; HDP Móse 2:26–27; og Abraham 4:26–27, hugleiðið þá merkingu þess að vera sköpuð í „mynd“ eða „líkingu“ Guðs, karl og kona. Af hverju er ykkur mikilvægt að þekkja sannleikann í þessum versum? Hvernig hefur þessi sannleikur t.d. áhrif á það hvernig þið sjáið ykkur sjálf, aðra og Guð? Hvernig getur hann hjálpað ykkur þegar þið hafið neikvæðar tilfinningar gagnvart ykkur sjálfum?

Til að hjálpa ykkur að íhuga þessar spurningar, reynið þá að ljúka setningu eins og þessari: „Þar sem ég veit að ég er skapaður/sköpuð í mynd Guðs, vel ég að …“. Það getur verið gagnlegt að lesa „Líkami þinn er heilagur“ í Til styrktar ungmennum: Leiðarvísir að ákvarðanatökum (bls. 22–29). Íhugið að ákveða eitthvað sem þið munið gera til að sýna Guði að þið vitið að líkami ykkar er heilagur.

Í myndbandinu „God‘s Greatest Creation“ (Gospel Library), ber Russell M. Nelson forseti vitni um hinn undursamlega líkama mannsins. Þegar þið horfið á þetta myndband, spyrjið ykkur þá sjálf: „Hvernig vill himneskur faðir að mér líði varðandi líkama minn?“ Hvernig er þetta frábrugðið skilaboðum sem þið gætuð heyrt frá öðrum?

2:51

Sum gætu sagt að það að vera skapaður í mynd Guðs merkti að allar hugsanir okkar, tilfinningar og þrár séu samþykktar af honum og að við þurfum ekki (eða getum ekki) bætt okkur. Hvað mynduð þið segja við þau? Hvaða skilning hljótið þið af Mósía 3:19 og Eter 12:27?

Sjá einnig Russell M. Nelson, „Your Body: A Magnificent Gift to Cherish,“ Liahona, ágú. 2019, 50–55.

„Adam og Eva sameinuðust í hjónabandi um tíma og alla eilífð, með valdi [hins] ævarandi prestdæmis“ (Russell M. Nelson, „Lessons from Eve,“ Ensign, nóv. 1987, 87). Íhugið þetta þegar þið lesið 1. Mósebók 1:27–28; 2:18–25; HDP Móse 3:18, 21–25; og Abraham 5:14–19. Hvernig getið þið umvafið hjónabandið þeirri helgi sem Guð hefur gefið því?

Sjá einnig 1. Korintubréf 11:11; „Fjölskyldan: Yfirlýsing til heimsins,“ Gospel Library.

Hvað segja 1. Mósebók 1:28; HDP Móse 2:28; og Abraham 4:28 um ábyrgð okkar á sköpunarverki Guðs? Hvaða frekari skilning hljótum við í Kenningu og sáttmálum 59:16–21 og 104:13–18?

Sjá einnig Gérald Caussé, „Ráðsmennska okkar á jörðu,“ aðalráðstefna, október 2022; Topics and Questions, „Environmental Stewardship and Conservation,“ Gospel Library.

Guð gerði hvíldardaginn heilagan og býður okkur að halda hann heilagan. Þegar þið lesið 1. Mósebók 2:2–3; HDP Móse 3:2–3; og Abraham 5:2–3, íhugið þá hvað það er sem gerir hvíldardaginn „blessaðan“ fyrir ykkur.

Sjá einnig Kenning og sáttmálar 59:9–13; „The Sabbath Is a Delight“ (myndband), Gospel Library.

0:50

• Hvernig getið þið gert námið um sköpunina skemmtilegt fyrir börn ykkar? Þið gætuð farið með þau í skoðunarferð úti til að sýna þeim hvað var skapað á hverju tímabili sköpunarinnar. Börn ykkar gætu líka skoðað myndir af því sem Jesús skapaði (sjá „Sköpun jarðar“ í Sögur úr Gamla testamentinu, 8–12). Þið og börn ykkar gætuð síðan rætt hvað ykkur finnst um Jesú Krist eftir að hafa lesið um sköpunina.

• Íhugið að syngja saman söng um okkar fallegu veröld, t.d. „Himnafaðir elskar mig“ (Barnasöngbókin, 16). Börn ykkar gætu ef til vill bætt fleiru sem Guð hefur skapað við sönginn sem hjálpar þeim að finna elsku hans.

• Börn ykkar geta þróað með sér lotningu og virðingu fyrir eigin líkama og líkama annarra, er þau læra að við vorum öll sköpuð í mynd Guðs. Til að hjálpa börnum ykkar að skilja hvað í þessu felst, gætuð þið látið þau horfa á sig sjálf í spegli eða á mynd af sjálfum sér meðan þið lesið HDP Móse 2:26–27 fyrir þau. Þið gætuð líka sýnt þeim hvernig ung dýr eru oft í „líkingu“ foreldra sinna (sjá til dæmis myndina í þessum lexíudrögum). Þetta gæti leitt til umræðna um það hvers vegna það er ykkur mikilvægt að vita að þið eruð sköpuð í mynd himnesks föður.

  

• Þið og börn ykkar gætuð haft gaman af því að teikna mannslíkama og klippa myndina í púsluspil. Þegar börnin ykkar raða púsluspilunum saman, gætu þau rætt hvernig þau geti sýnt himneskum föður að þau séu þakklát fyrir líkama sinn.

• Þegar þið lesið HDP Móse 3:2–3, biðjið þá börn ykkar að hlusta eftir því sem Guð gerði á sjöunda degi. Hjálpið börnum ykkar að finna eða teikna myndir af því sem þau geta gert á sunnudögum, til að gera hann að helgum degi og öðruvísi en aðra daga. Miðlið hvert öðru ástæðum þess að mikilvægt er fyrir ykkur að halda hvíldardaginn heilagan.

• Hjálpið börnum ykkar að fara í hlutverkaleik og útskýra fyrir vini af hverju þau velja að gera hluti á sunnudögum til heiðurs himneskum föður og Jesú. Leggið til að þau noti 1. Mósebók 2:2–3 við útskýringar sínar. Hvernig sýnir það elsku okkar til himnesks föður og Jesú Krists að halda hvíldardaginn heilagan?