Karikani Bwaai 1–2; Mote 2–3; Aberaam 4–5

E ngae ngke ti aki atai bwaai n ikabane bwa e kanga ni karikaki te aonaaba, e kakukurei ae na ataaki bwa tera ae e a tia n rineia bwa e na kaotia te Atua ibukin te Karikibwai. Tera ae reireiniko te Atua ibukina inanon Karikani Bwaai 1:1–25; Mote 2:1–25; ao Aberaam 4:1–25? Bukin tera E tangiria bwa ko na atai bwaai aikai? Ngkai ko iangoi inanom karaki aikai, ko kona naba n iangoa te bwai ae reireiniko ibukin te Tama are i Karawa, Iesu Kristo, te aonaaba, ao boni ngkoe.

Ni kanakoraoa am kamatebwai, iangoa warekan kiibu aikai inanoni menam itinaniku ibuakon ana karikibwai te Atua ke inanon ongoraam n te anene n aron “All Creatures of Our God and King” (Anene n Taromauri, nambwa 62). Ko kona ni kakaei tamnein Ana karikibwai are a buokiko n namakina te karinerine ibukin te tia Karikibwai. Iangoia n tibwauai tamnei aikai, n ikotaki ma am koaua, ma tabeman.

Taraa naba Reirei ao Berita aika Tabu 101:32–34.

Ngkai ko wareka Karikani Bwaai 1:26–27; Mote 2:26–27; ao Aberaam 4:26–27, iangoia inanom tera nanon ae ko karikaki “n aron” te Atua ke “ni katotongana,” mwaane ao aine. Bukin tera e kakawaki bwa ti na atai koaua inanon kiibu aikai? N aron te katooto, a kanga koaua aikai n roota arom ni bon taraiko, tabeman, ao te Atua? A kanga ni buokiko ngkana e buakaka am namakin i bon ibukim?

Ni buokiko n iangoi taekan titiraki aikai, kataia karina te taeka n aron ae teuana aei: “Ibukina I ataia bwa I karikaki ni katotongan te Atua, I rineia n …” Rinanoa “E tabu rabwatam” inanon Ibukin Kakorakoraia Kairake: Te Kairi ibukin Karaoan Rinerine (iteraniba 22–29) e kona n ibuobuoki. Iangoia n rinea teuana te bwai ae ko na karaoia ni kaotia nakon te Atua ae ko ataia bwa e tabu rabwatam.

N te witeo “God’s Greatest Creation” (Gospel Library), e kaota ana koaua Beretitenti Russell M. Nelson ibukin kamimiin rabwatan te aomata. Ngkai ko mataku n te witeo aei, titirakiniko i bon iroum, “E kanga ae tangiria te Tama are i Karawa bwa N na namakinna ibukin rabwatau?” E kanga ni kaokoro aei man rongorongo ake ko ongo mairoua tabeman?

2:51

A na bae n taku tabeman aomata bwa te karikaki n aron katotongan te Atua nanona bwa ara iango ni kabane, namakin ao are e bwaruia nanora a kariaiakaki mairouna ao anne ti aki riai n (ke n aki) tamaroa. Tera ae ko na taekinna nakon anne? Tera atatai aika ko karekei man Motiaea 3:19 ao Ita 12:27?

Taraa naba Russell M. Nelson, “Your Body: A Magnificent Gift to Cherish,” Riaona, Aokati 2019, 50–55.

“Atam ao Ewa a ikotaki inanon te mare n te tai ao ae akea tokina man mwaakan [te] nakoanibonga ae akea tokina” (Russell M. Nelson, “Lessons from Eve; Ensign,, Nob. 1987, 87). Iangoa aei ngkai ko wareka Karikani Bwaai 1:27–28; 2:18–25; Mote 3:18, 21–25, ao Aberaam 5:14–19. Ko na kanga ni kawakina te mare n te aro ae tabu are e anga te Atua?

Taraa naba 1 I-Korinto 11:11; “Te Utu: Te Katanoata nakon te Aonaaba,” Gospel Library.

Tera iango aika a taekinaki n Karikani Bwaai 1:28; Mote 2:28; ao Aberaam 4:28 ibukin mwiokora nakon ana karikibwai te Atua? Tera ae karinaki n Reirei ao Berita aika Tabu 59:16–21 ao 104:13–18 ae karakaa riki am atatai?

Taraa naba Gérald Caussé, “Mwiokora n te Aonaaba,” Riaona, Nob. 2022, 57–59; Topics and Questions, “Environmental Stewardship and Conservation,” Gospel Library.

Te Atua e kamimitonga te bong ae te Tabat, ao E tuangiira bwa tina kawakina mimitongina. Ngkai ko wareka Karikani Bwaai 2:2–3; Mote 3:2–3; ao Aberaam 5:2–3, iangoia tera ae karika te Tabati bwa te “kakabwaia” nakoim.

Taraa naba Reirei ao Berita aika Tabu 59:9–13; “The Sabbath Is a Delight” (video), Gospel Library.

0:50

• Ko na kanga ni karaoa reiakinan te Karikibwai bwa e na kaunga ibukiia am ataei? Ko kona ni kairiia ni karaoa te kakae i tinaniku iaon aekakin bwaai ake a karaoaki inanon tain te Karikibwai. A kona naba am ataei n tarai tamnein bwaai ake e karikii Iesu (taraa “Karikan te Aonaaba” inanon Karaki man te O Tetemanti, 8–12). Ngkanne ko kona ngkoe ma am ataei ni maroroakinna bwa e kanga am namakin ibukin Iesu Kristo imwiin warekan taekan te Karikibwai.

• Iangoia n bootaki n anenea te kuna ae taekan ara aonaaba ae tamaroa, n aron “My Heavenly Father Loves Me” (Aia Boki n Anene Ataei, 228–29). Tao a kona am ataei ni karini tabeua bwaai ake e kariki te Atua are e buokiia n namakaina Ana tangira.

• A kona am ataei ni karikirakea te namakin n rau ao ni karinerine ibon ibukiia ao ibukin oin rabwataia ao tabeman ngkai ataia bwa ti karikaki ni katotongan te Atua. Ni buokiia bwa a na mataata raoi bwa tera ae nanonaki n aei, ko kona n tuangiia am ataei bwa a na noora tamneia n te kiraati ke tamneia ngkai ko tabe ni wareka Mote 2:26–27 nakoia. Ko kona ni katoia naba nakoia bwa a kanga maan aika uarereke angin te tai ao bon “katotongaia” aia karo (taraa te tamnei inanon te kamataata aei: n aron te katooto). Aei e kona ni kaiira aron te marooro bwa bukin tera ngkai e kakawaki bwa ko na ataia ae ko karikaki ni katotongan Tamam are i Karawa.

  

• Ko na rangi n unga ma am ataei ni korea tamnein rabwatan te aomata ao ni korokorei tamnei nakon te kamwaninga ae na katomatomaaki. Ngkai a bane ni katomatomai mwakoro aia kamwaninga , a kona ni maroroakini kawai are a na kaoitia nakon te Tama are i Karawa bwa a rangi ni kakaitau ibukin rabwataia.

• Ngkai ko wareka Mote 3:2–3, tuangiia am ataei bwa ana kakauongo nakon te bwai ae karaoia te Atua n te kaitiua ni bong. Buokii am ataei ni kakaei ke ni korei tamnein bwaai ake a kona ni karaoi n te Tabati ni karaoia bwa bong ae tabu ao ni kaokoro man boong akea tabeua. Tibwatibwa imarenami bukin tera bwa e kakawaki bwa ti na kawakina te bong ae te Tabati n tabuia.

• Buokiia ataei ni katea kain te tamnei n te kaotioti are a kabwarabwara nakon raoraoia bwa bukin tera a rineia bwa a na karaoi bwaai n te Tabati are e karinea Tamara are i Karawa ao Iesu. Iangoia bwa a kabongana Karikani Bwaai 2:2–3 n aia kabwarabwara. E kanga kawakinan te bong ae te Tabati bwa te bong ae tabu ni kaota ara tangira ibukin Tamara are i Karawa ao Iesu Kristo?