Mote 1; Aberaam 3

“Ngke arona bwa e taetae ni kaineti nakoim te Uea,” E reirei Beretitenti Russell M. Nelson, “te moan bwai ae E na kakoauaa bwa kona mataata iai bon kinaakim ni koaua” (“Choices for Eternity” [worldwide devotional for young adults, May 2022], Gospel Library). E rimwiiaki ma aron Tatan n kataia ni kamangaoa otam i aon te koaua naba anne. Noora te banna ni katooto anne n ana rongorongo te Atua nakon Mote n Mote 1:4, 6 ao n ana rongorongo Tatan i nanon Mote 1:12. Tera ae ko reiakinna man kiibu aikai n taian kakaokoro i marenan te Atua ao Tatan?

E reirei naba Beretitenti Nelson, “Aron am iango n iangoia bwa antai raoi ngkoe e roota angiin am iango ake ko na karaoi” (“Choices for Eternity”). Iangoa karaoan rinanin rinerine ake ko karaoi ibukina bwa kinaakim ae ngkoe natin te Atua e roko i mwain taian ara tabeua.

Tera kiibu riki tabeua ke mwakoron n taeka i nanon Mote 1 ae buokiko n kamataata n arom mai karawa? Ko konaa naba n wareka riki ana rongorongo Unimwaane Nelson i nanon te mwakoro ae “Choices for Eternity” ae atuunaki n “First: Know the truth about who you are.” Tera ae ko namakinna ae e anaaki nanom bwa ko na karaoia ni kinaakim bwa natin te Atua bwa am kabanea n kakaawaki ni kinaaki?

Taraa naba “I Am a Child of God,” Boki n Anene n Taromauri (1985), no. 301; “Our True Identity” (witeo), Gospel Library; Topics and Questions, “Children of God,” Gospel Library.

3:39

N aron ae kaotia Mote 1 e kaotaki ni mataata, taneiai n tamnei aika a korakora tiaki nanona bwa ti na aki manga kaririaki. Ni kouana, teuana ana kawai Tatan bon kariiriara bwa ti na nanououa n taneiei aikai. Ngkai ko wareka ana kaeka Mote nakon Tatan i nanon kiibu 12–26, tera ae ko reiakinna ae e na kona ni buokiko n teimatoa ni kokoaua nakon te koaua are ko a tia ni karekea? Tera te bwai ae e a tia ni buoka Mote n tokin te tai n tokanikai i aon Tatan?

Teuana riki te reirei man ana taneiai Mote bwa Tatan e kaririira ma te kewe n ana koaua ao mwaakan te Atua. Iangoi tabeua tein bwaai aika a aki koaua, n ai aron te aroka ae karaoaki n te bai ke te taore ae te teei. Kona kanga n ataia bwa taian kewe? Ngkanne iangoi tabeua bwaai ni kewe ae kabonganai Tatan n boong aikai ni kamwaneko ke ni kaririiko iai. Tera ae ko reiakinna man Mote 1:13–18 bwa ko na kanga ni kinaa ao n totokoa ana kamwane ke ana kewe nako? E na kanga ni buokiko te Uea? (taraa Mote 1:24–26).

Taraa naba Mataio 4:1–11; Gary E. Stevenson, “Tai Mwamwanaai,” Riaona, Nob. 2019, 93–96; “I Am a Son of God” (witeo), Gospel Library.

6:31

Imwin nooran te mii ni burabeti n ana karikibwai te Atua, E taku Mote nakon te Uea: “Tuangai … a kanga n riki bwaai aikai” (Mote 1:30). Tera ae anaaki iai nanom n ana kaeka te Uea i nanon Mote 1:31–39? Tera te kaokoro i marenan te aki mamate ao te maiu ae akea tokina? (taraa Topics and Questions, “Eternal Life,” Gospel Library). E na kangaa ni buokira Iesu Kristo ni karekei ni kauoua? Iai naba miin n burabeti Aberaam, are koreaki i nanon Aberaam 3. Tera ae ko kunea i nanon kiibu 24–26 are e kona n ibuobuoki ni kaekaa ana bubuti Mote?

E rangi ni memeere ara atatai ibukin taekan maiura i mwain te maiu aei. Ma e mwaiti ae ti ataia ae reke man ana mii ni burabeti Aberaam i nanon Aberaam 3:22–28. Ngkai ko wareki kiibu aikai, korei ni karinanii koaua ake ko kunei—ni ikotaki ma koaua ibukim ao i aon Iesu Kristo. Bukin tera koaua aikai a kakaawaki iroumi? “Tera te bitaki ae a karekea i nanon maium?

Taraa naba Topics and Questions, “Premortal Life,” Gospel Library.

• Imwiin te ikotaki ni warekan ana rongorongo te Atua nakon Mote i nanon Mote 1:4, iangoia am ataei bwa a na taraa tamneia i nanon te tirotaam ao n anganiia te rongorongo ae ai arona ae: “Ngai natin te Atua.” Imwiina a kona n anga te rongorongo anne i marenaia: “Ngkoe naitn te Atua.” Ko konaa naba n kunei tamneia aomata aika a kakaokoro ao n kaoiia am ataei bwa a na kotea tamneia aomata n tatabemaniia ao n taekina, “Aio bon natin te Atua.” Tibwaia i marenami bwa bukin tera ko kukurei n ataia bwa ngkoe natin te Atua. E kangaa te ataibwai aei ni bita te aro are ko karaoa te waaki nakoim ao nakoia tabeman?

• Ko konaa ngke ao am ataei ni kabootaua ana rongorongo te Atua i nanon Mote 1:4 ma ana rongorongo Tatan i nanon te kibu 12. Ko na kanga ni buokiia am ataei ni kunea te kaokoro i marenan ana rongorongo te Atua nakoia ao ana rongorongo Tatan?

• Ngkai ko wareka Mote 1:6 ma am ataei, ko kona n marooro nakoia ibukin taekan ana “mwakuri” te Atua ibukin Mote. Iangoia ni kabonganaa te Gospel Art Book, nambwa. 13–16, ke Karaki man te O Tetemanti, iteraniba 64–84, ni buokiia am ataei n noori bwaai ake e kakoroa nanona Mote man ana ibuobuoki Tamara are i Karawa. Tera te mwakuri ae e tangiriira te Atua bwa ti na karaoia? (taraa, ibukin te katooto, Reirei ao Berita aika Tabu 11:20).

• Ngkai ko kamatebwaia Mote 1:12–26 ma am ataei, buokiia bwa a na kunea bwa tera are e karaoia Mote n totokoa Tatan (tarai kiibu 13, 15, 18, 20–22, 26). E na kona ni kakukurei irouia ngkana a kaoti bwaai are a konaa ni karaoia n totokoa te karirii (n aron te tataro, kitanakina, ao bubuti te buoka).

• Ataakin maiura i mwain te maiu aei e kona ni kaungai nanoia am ataei bwa a na karaoi rinerine aika a boboto i aon koaua mai karawa. Ni buokiia n reiakiniia taekana, ko konaa n anganiia tabeua taeka aika kakawaki ao mwakoro n taeka ae a na kunea i nanon Aberaam 3:22–28, n aron “i mwaain rikin te aonaaba,” “tamnei,” “karaoa te aonaaba,” ao “kaotia.” Tera ae a reireia nakoira kiibu aikai bwa bukin tera e kanakoira Tamara are i Karawa nako aon te aba?

• Te anene n aron “I Will Follow God’s Plan” (Aia Boki n Anene Ataei, 164–65) e konaa ni kamatoaa bwa tera ae reireia Aberaam 3 . Tao ko konaa ni kaoiia am ataei bwa a na korei tamnei are e kaineti ma taian taeka.

• Buokiia am ataei bwa a na iangoi waaki are a na kona iai n rineia bwa e riai ke e aki karaoan are e tuangiia te Atua (taraa Aberaam 3:25; taraa naba Ibukin Kakorakoraia Kairake: Te Kairi ibukin Karaoan Rinerine). Tuangiia bwa ana kataneiaia ke ni maroroakin kaeka nakon kangaanga akanne. E na kanga ni kona te Uea ni buokiira ngkana ti karaoi rinerine aika bure?