Genesis 1–2; Moses 2–3; Abraham 4–5

Inamo sise sinei mettoch meinisin ren ifa usun ewe fonufan a foruta, mi eingeing ne esinna pwe Kot a fen finata an epwe pwarano usun ewe Foruta. Met Kot a aiti ngonuk usun me non Genesis 1:1–25; Moses 2:1–25; me Abraham 4:1–25? Pwata I a mochen kopwe sinei ekkei mettoch? Nupwen ka ekipwichi ekkei uruo, ka tongen pwan ekieki met ra aituk usun Samach non Nang, Jises Kraist, ewe fonufan, me pwisin en.

Om kopwe ochueno om kaeo, ekieki kopwe anneani ekkei uwokisin nupwen ka tou nom nein ekkewe mettoch Kot a forata ika nupwen ka ausening ngeni echo kon usun “All Creatures of Our God and King” (Kon mi fen, no. 62). Ka tongeni kutta ekkoch sasingin An kewe foruta mi anisuk ne mefi sufon ngeni ewe Chon Forata. Ekieki ne nounou ekkei sasing, fiti om kapasen pwarata, ngeni ekkoch.

Nengeni pwan Doctrine and Covenants 101:32–34.

Nupwen ka anneani Genesis 1:26–27; Moses 2:26–27; me Abraham 4:26–27, ekipwichi met wewen ren mwan me fefin ra foruta non “ununun” ika “napanapen” Kot. Pwata mi ouchea ngonuk om sinei ekkewe ennet non ekkei uwokisin? Ren awewe, ifa usun ekkei ennet ra siwini napanapen om kuna pwisin inisum, ekkoch, me Kot? Ifa usun ra tongeni anisuk nupwen a wor om memmef mi ngaw usun pwisin inisum?

An epwe anisuk ne ekieki usun ekkei kapaseis, sotuni ne awesi eu sentence usun ei eu: “Pokiten ngang mi sinei ua foruta non ununun Kot, ua finata ne …” Attona sefani “Your body is sacred” non Ren ewe Pochokunen Serafo: Eu Emwen ne Fori Finiom (peich 22–29) ra tongeni aninis. Ekieki ne fini och mettoch kopwe fori ne pwar ngeni Kot pwe en mi sinei pwe inisum mi pin.

Non ewe fitio “God Greatest Creation” (Gospel Library), Preseten Russell M. Nelson a apasa an kapasen pwarata usun amwararen inisin aramas. Nupwen ka katon ei fitio, eisinuk pwisin, “Ifa usun Samach non Nang a mochen upwe mefi usun inisi?” Ifa usun ei mi sokkono seni ekkewe porous kopwe rong seni ekkoch?

2:51

Ekkoch aramas repwe apasa pwe ach foruta non ununun Kot a wewen pwe meinisin ach ekiek, memmef, me mochen ra mumuta me ren I me ese namot ngeni kich (are sise tongeni) murinono. Met kopwe apasa ngeni ena? Met mirit ka angei seni Mosaia 3:19 me Ether 12:27?

Pwan nengeni Russell M. Nelson, “Your Body: A Magnificent Gift to Cherish,” Liahona, Aug. 2019, 50–55.

“Adam me Eve ra chufengen non pupunu ren ei fansoun me ren fansoun esemuch me ren ewe manamanen [ewe] pristut fochofoch” (Russell M. Nelson, “Lesson from Eve,” Ensign, Nov. 1987, 87). Ekipwichi ei nupwen ka anneani Genesis 1:27–28; 2:18–25; Moses 3:18, 21–25; me Abraham 5:14–19. Ifa usun ka tongeni tumunu pupunu ren ewe pinino Kot a fen awora ngeni?

Nengeni pwan 1 Corinthians 11:11; “Ewe Famini: Eu Esinesin Ngeni ewe Fonufan,” Gospel Library.

Met Genesis 1:28; Moses 2:28; me Abraham 4:28 ra pesei usun wisach ngeni met kewe Kot a forata? Met Doctrine and Covenants 59:16–21 me 104:13–18 ra apacha ngeni om weweiti?

Nengeni pwan Gérald Caussé, “Our Earthly Stewardship,” Liahona, Nov. 2022, 57–59; Topics and Questions, “Environmental Stewardship and Conservation,” Gospel Library.

Kot a fori ewe ranin Sabbath epwe pin, me I a tingorei kich ach sipwe apwonueta epwe pin. Nupwen ka anneani Genesis 2:2–3; Moses 3:2–3; me Abraham 5:2–3, ekieki usun met a fori ewe Sabbath epwe “feioch” ngonuk.

Nengeni pwan Doctrine and Covenants 59:9–13; “The Sabbath Is a Delight” (video), Gospel Library.

0:50

• Ifa usun kopwe fori om kaeo usun ewe Foruta epwe apwapwa ngeni noum kewe semirit? Ka tongeni uweireu nuku ar repwe kutta ekkewe sokkun mettoch ir mi foruta fansoun eu me eu kinikinin ewe Foruta. Noum kewe semirit repwe pwan tongeni nenngeni sasingin mettoch Jises a forata (nengeni “The Creation of the Earth” non Porousen Testamen Noom, 8–12). Mwirin en me noum kewe semirit oua tongeni aporous ifa usun oua mefi usun Jises Kraist mwirin ami anneani usun ewe Foruta.

• Ekieki ami oupwe konu fengeni echo kon usun ach we fonufan mi ningoch, usun ren “My Heavenly Father Loves Me” (Noun Semirit Puken Kon, 228– 228). Meni noum kewe semirit ra tongeni apacha ngeni ewe kon ekkoch mettoch Kot a fen forata minne mi anisir ar repwe mefi an tong.

• Noum kewe semirit ra tongeni amari eu memmefin sufon me menin ren pwisin inisir me inisin ekkoch nupwen ra kaeo pwe kich meinisin sia for non ununun Kot. An epwe anisir ar repwe weweiti met wewen, ka tongeni mut ngeni noum kewe semirit repwe nennengenir me non eu kinas ika sasing nupwen ka anneani Moses 2:26–27 ngenir. Ka pwan tongeni pwar ngenir ifa usun monukon man ra kan usun “napanapen” pwisin semer me iner (nengeni ewe sasing non ei kokkot, ren awewe). Ei a tongeni emwen ngeni eu aporous usun pwata mi auchea ngonuk om kopwe sinei pwe ka foruta non ununun Samach non Nang.

  

• En me noum kewe semirit oupwe pwapwaiti ne chungani inisin emon aramas me fichietiw ekkewe chunga non kukkun kinikin. Nupwen noum kewe semirit ra apacha fengeni ekkewe kinikinin toropwe, ra tongeni porous fengen usun ekkoch aanen ar repwe tongeni pwar ngeni Semer non Nang pwe ra kinisou ren inisir kewe.

• Nupwen ka anneani Moses 3:2–3, eisini noum kewe semirit repwe ausening ngeni met Kot a fori non ewe efisuwen ran. Anisi noum kewe semirit ne kutta ika chungani ekkoch sasingin mettoch ra tongeni fori non Raninfel ne fori epwe eu ran mi pin me epwe sokkono seni ekkoch ran. Aporousa fengeni pwata mi auchea ngeni kemi ami oupwe apwonueta ewe ranin Sabbath epwe pin.

• Anisi noum kewe semirit repwe pwomweni ne awewei ngeni emon chiener pwata ra finata ar repwe fori mettoch non Raninfel mi asamonu Samach non Nang me Jises. Pesei pwe repwe aea Genesis 2:2–3 non ar awewei. Ifa usun ach apwonueta ewe ranin Sabbath epwe pin a pwarata ach tong ngeni Samach non Nang me Jises?