Nepoputan ewe Testamen Noom

Eu aanen kutta chommongun tumunun pekin ngun non ewe Testamen Noom ina om kopwe kutta ewe Pinewan Manau, Jises Kraist (nengeni John 6:48). Ren awewe, ifa usun ka kuna ewe Chon Amanau non ekkewe mi tetenitiw?

• Manna (Exodus 16:4, 11–15; John 6:35)

• Ewe asoren nam (Exodus 12:3–5; John 1:29)

• Ewe serepenit piras(Numbers 21:4–10; John 3:14)

• Jonah (Jonah 1:4–17; Matthew 12:38–41)

Met ekkei awewe ra aiti kich usun I? Met pwan ekkoch uwokisin ngeni Jises Kraist non ewe Testamen Noom ka fen sinei usur?

Non an porous “Jesus Christ Is the Treasure,” Elder Dale G. Renlund a pesei kich sipwe “chechemeni me anonga ach ekiek won Jises Kraist fansoun meinisin” (Liahona, Nov. 2023, 98). Ekieki ne anneani ei porous, nennengeni mettoch ka tongeni fori ne kutta Jises Kraist esap chok non ewe Testamen Noom nge pwan non manauom.

Nengeni pwan “Types or Symbols of Christ” non Guide to the Scriptures, “Jesus Christ,” Gospel Library; “Seek the Lord Early,” Noun Semirit Puken Kon, 108.

Preseten Dallin H. Oaks a aiti kich: Ewe Sam a esinei usun Noun we Anamon mi Achengicheng, Jises Kraist, pwe ach Chon Amanau me Chon Angasano me annuku ngeni kich sipwe ‘ausening ngeni I.’ Seni ei emwen sia asopwano pwe ekkewe pukefelin rekotun kapas ra kapas me ren ‘Kot’ ika ewe ‘Samon’ ir fansoun meinisin ekkewe kapasen Siowa, ach Samon mi manau, Jises Kraist” (“The Teachings of Jesus Christ,” Liahona, May 2023, 102).

14:7

Nupwen ekkewe souemwenin ekkewe chon Jew ra ungeni Jises usun ion I, A affata, “Me mwen Abraham, Ngang ua fen nom.” Ekkei kapas ra amairu ekkewe aramas kewe ra rong Jises, me ra monneta ar repwe mwonei I ngeni fau (nengeni John 8:58–59). Ekieki ne anneani Exodus 3:13–15; 6:3–5 kopwe kuna pwata ekkoch chon Jew ra song ren met Jises a apasa.

Pwata mi ouchea ngonuk om sinei pwe Jises Kraist i Siowa?

Non eu nemasepwi, ewe Samon a pwar ngeni Nifai ewe feiton ewe Paipen, a awewei pwe “chommong fatochun me auchean mettoch” repwe katuruno seni. Ekieki kopwe anneani 1 Nephi 13:21–29, 38–42, kukutta ifa usun ewe Samon a ota ne “affatano ekkewe fatochun me auchean mettoch.” Anongonong won 2 Nifai 3: 12, ifa usun ewe Paipen me Puken Mormon ra angang fengen?

Nupwen ka kaeo ewe Testamen Noom ei ier, kopwe pwan kaeo ekkoch ekkewe “pwan puk” Nifai a kuner. Ekkei mi pachenong:

• Ewe puken Moses, kinikinin an Joseph Smith chiakuni ewe Paipen. A eniwini sefani ekkewe ennet me uruo rese pwa non ekkewe mak iei non Genesis 1–6.

• Ewe puken Abraham, minne a pwano ngeni Joseph Smith nupwen i a atona makken Egypt me nom (nengeni Topics me Questions, “Book of Abraham,” Gospel Library).

• Ekkoch porous seni ewe Chiaku an Joseph Smith, ekkoch me neir ir mi pwa me non ewe awewe fan, ewe kapacheta ngeni ewe Paipen, me ewe Emwen ngeni ekkewe Pukefel.

Ikkei ekkoch awewen uruon Testamen Noom mi niwin sefan me ren Joseph Smith: An Enoch teninimwen Saion (Moses 7:18–19), An Abraham’ nemasepwi usun ewe apungupung non nang (Abraham 3:22–28), me ewe angangen afanafan an Melkisetek (Joseph Smith Translation, Genesis 14:25–40). Pwata ekkei uruo ra “fatoch me auchea” ngonuk?

Ewe Testamen Noom ina ewe porousen an Kot kutta an epwe fori kich sipwe Noun “mi sokkon achengichengich” seni pwon mi pin (Exodus 19:5). Ren ena popun, eu ochun aanen amonnata ne anneani ewe Testamen Noom ina ach sipwe kaeo usun pwon mi pin—akkaewin ewe pwon mi pin esemuch Kot a awora ngeni soufos me nom usun Abraham, Isaac, Jacob, me mwirimwirir. Me eu murinon aanen kaeo usun pwon mi pin ina sipwe kaeo an President Russell M. Nelson porous “Ewe Tempel me Om Nongonong non Pekin Ngun” (Liahona, Nov. 2022, 4–11).

Nupwen ka annea, eisinuk pwisin: Pwata pwon mi pin ra auchea ngeniei? Met “auchean sokkun tong me umoumoch” ua angei seni Kot nupwen ua apwonueta ai pwon mi pin ngeni I? Nupwen ka anneani ewe Testamen Noom ei ier, kakaton och ren mettoch Kot a mochen aituk usun om pwonen marar ngeni I.

Nengeni pwan Jeremiah 31:31–34.

• Ekkewe kapas me orenien ewe Testamen Noom meni repwe weires ngeni semirit ar repwe weweiti, nge ka tongeni anisir ne kuna Jises Kraist non esisin me tutunap. Meni en me noum kewe semirit oua tongeni nenengeni ewe sasing fan, The Prophet Isaiah Foretells Christ’s Birth. Mut ngeni noum kewe semirit ar repwe affatau ekkewe tichikin ra kuna. Awena ar nenngeni, akkaewin, ngeni ewe monukon Jises. Mwirin ka tongeni fitir ne anneani met Isaiah a makkei usun uputiwen ewe Chon Amanau non Isaiah 7:14; 9:6. Aporousa ngeni noum kewe semirit ifa usun ka mefi usun om kutta ewe Chon Amanau non ewe Testamen Noom ei ier.

  

• En me noum kewe semirit oua tongeni anneani Konupin 23 ika Isaiah 53:3–9 me kutta ekkoch kapas mi achema ngonuk usun Jises Kraist. Met ekkei kapas ra aiti kich usun Manauan me Achasefan?

• Pwon mi pin ir eu watten itenap non ewe Testamen Noom. Om kopwe esinei ei itenap ngeni noum kewe semirit, ka tongeni porous ngenir usun ekkewe pwon ra fori me apwonureta fiti ar famini ika chiechier me pwata apwonueta ekkei pwon mi auchea. Mwirin ka tongeni katon echo sasingin eu papatais me kapas usun ewe pwon, ika pwon mi pin, sia fori ngeni Kot nupwen sia papatais (nengeni Mosaia 18:10, 13). Ka pwan tongeni pwari echo sasingin ewe tempel me aporousa om memmef usun ekkewe pwon mi pin sia fori ikewe.

• Peichin urumotun ei wik a tongeni anisi noum kewe semirit ar repwe pwapwaiti ne fori me apwonueta pwon mi pin ngeni Samach non Nang. Ka pwan tongeni konu echo kon usun fori pwon mi pin, usun “When I Am Baptized” (Noun Semirit Puken Kon, 103).

• Noum kewe semirit ir mi sinei emon ewe a sokkono itan non neni mi sokkono? Meni emon sam/in ika sense a iteni och mi sokkono non angang, non imw, me non mwichefen. Kapas usun ekkena it; mwirin anneani Exodus 6:3 fengen me tingorei noum kewe semirit repwe kutta ekkewe it Jises Kraist a iteni me mwen I a uputiw (nengeni pwan ewe Chiakun Joseph Smith non awewen fan c).