Moses 1; Abraham 3

“Ika ewe Samon a kapas wenewen ngonuk,” Preseten Russell M. Nelson a aiti kich, “ewe aewin mettoch I epwe tumunuochu pwe kopwe weweiti ina ennetin fetanin manauom” (“Choices for Eternity” [mwichen unusen fonufan ren serafo mi mwukono, May 2022], Gospel Library). Mi pwan tapweto pwe Setan epwe sotuni ne osukosukok non ennetin fatanin manauom. Nennengeni ei tetten non an Kot porous ngeni Moses non Moses 1:4, 6 me non an Setan porous non Moses 1:12. Met ka kaeo seni ekkei wokisin usun ekkewe sokofesenin Kot me Setan?

Preseten Nelson a aiti kich, “Ewe napanapen om ekieki usun ennetin en ion ra anapanapa napengeni meinisin pekin finata kopwe fori” (“Choices for Eternity”). Ekieki om kopwe fori eu tettenin finata ka fori pokiten ika en ion usun emon noun Kot a akkom me mwen pwan ekkoch eiteit.

Met pwan ekkoch uwokisin ika kapas non Moses 1 ra anisuk ne weweiti aucheaom seni nang? Ka pwan tongeni anneani unusen an Preseten Nelson porous non ewe kinikinin “Choices of Eternity” itenapan “First: Know the truth about who you are.” Met ka mefi a amwasangok om kopwe fori ika en ion usun emon noun Kot pwe epwe ina akkauchean esisinom?

Nengeni pwan“Ngang emon Noun Kot,” Kon mi fen (1985), no. 57; “Our True Identity” (video), Gospel Library; Topics and Questions, “Children of God,” Gospel Library.

3:39

Usun Moses 1 a pwaraochueno, mettoch mi fis mi unusen manamanen ren pekin ngun esap wewen pwe sisap chiwen tongeni weri sossot sefan. Ennetin, eu me nein an Setan kewe kokkot ne sotuni kich pwe sipwe tipemwaramwar ren ekkei mettoch ra fen fis ngeni kich. Nupwen ka anneani an Moses ponuweni Setan non uwokisin 12–26, met ka kaeo epwe tongeni anisuk om kopwe soposopono ne ennet ngeni ewe kapasen pwarata ra fen angei? Met ewe a keran anisi Moses ne okkufu Setan?

Pwan eu nesen seni met a fis ngeni Moses pwe Setan a sotuni kich ren asokurun an Kot ennet me manaman. Ekieki ekkoch tipitipin kinikinin mettoch, usun ren efoch tipitipin ira ika emon monukon ningio. Ifa ussun om tongeni sinei pwe ir tipitipin chok? Mwirin ekieki ekkewe asokurun mettoch Setan a aea ikenai ne sotuni kich. Met ka kaeo seni Moses 1:13–18 ifa ussun om kopwe esinna me kose mochen etiwa an kewe osokurun mettoch ? Ifa usun ewe Samon a anisuk? (nengeni Moses 1:24–26).

Nengeni pwan Matthew 4:1–11; Gary E. Stevenson, “Deceive Me Not,” Liahona, Nov. 2019, 93–96; “I Am a Son of God” (video), Gospel Library.

6:31

Mwirin an kuna eu nemasepwi usun an Kot foruta, Moses a apasa ngeni ewe Samon: “Ureniei … pwata ekkei mettoch ra iei usur” (Moses 1:30). Met a amwasangok usun an ewe Samon ponuweni non Moses 1:31–39? Met ewe sokofesenin nefinen manau fochofoch me manau ese much? (nengeni Topics and Questions, “Eternal Life,” Gospel Library). Ifa usun Jises Kraist a anisi ne apwonueta me ru? Abraham a pwan ani eu nemasepwi, mi rekotitiw non Abraham 3. Met ka kuna non verses 24–26 mi tongeni pwonueni An Moses we tingor?

Sia sinei fokkun ekis chok usun manauach me mwen ei manau. Nge napengeni met sia sinei a feito seni an Abraham nemasepwi non Abraham 3:22–28. Nupwen ka anneani ekkei uwokisin, makkei eu tettenin ennet ka kuna—mi pachenong ennet usun pwisin inisum me usun Jises Kraist. Pwata ekkei ennet ra auchea ngonuk? Met sokkofesen ra fori non manauom?

Nengeni pwan Itenap me Kapaseis, “Manauach me mwen ei Manau,” Gospel Library.

• Nupwen oua annea fengeni an Kot porous ngeni Moses non Moses 1:4, ekieki om kopwe mut ngeni noum kewe semirit repwe nenengeni ngunuwer kewe non eu kinas me pwan pwisin ngenir ena chok pwan porous: “Ngang emon noun Kot.” Mwirin ra tongeni ena porous: “En emon noun Kot.” Ka tongeni pwan mwo kuna ekkoch sasingin sokopaten aramas me tingorei noum kewe semirit ne itini eu me eu me apasa, “Ei emon noun Kot.” Aporousa fengeni pwata oua uren kinisou ne sinei pwe ami noun Kot. Ifa usun ei mirit a siwini napanapen ami tumunu inisimi me ekkoch?

• En me noum kewe semirit oua tongeni anonno fengeni an Kot porous ngeni Moses non Moses 1: 4 ngeni an Setaan porous non uwokisin 12. Ifa usun ka tongeni anisi noum kewe semirit ne asokofeseni nefinen an Kot porous ngenir me an Setan?

• Nupwen ka anneani Moses 1:6 ngeni noum semirit, kopwe mochen kapas ngenir usun ewe “angang” a wor ren Kot fan iten Moses. Ekieki ne aea Gospel Art Book, nos. 13–16, ika Porousen Testamen Noom, peich 64–84, ne anisi noum kewe semirit repwe kuna met Moses a atawei me ren an Samach non Nang aninis. Met ewe angang a wor ren Kot fan itach ach sipwe fori? nengeni, ren awewe Doctrine and Covenants 11:20)

• Nupwen ka anneani Moses 1:12–26 ren noum kewe semirit, anisir ne kuna met Moses a fori an epwe ungeni Setan (nengeni uwokisin 13, 15, 18, 20–22, 26). Meni epwe apwapwa ngenir ne pwomwenau mettoch ra tongeni fori ne ungeni sossot (usun ren iotek, fetan seni, ika tingor aninis).

• Ach sinei usun manauach akkom me mwen ei manau a tongeni pesei noum kewe semirit ne fori pekin finata anongonong won ennet esemuch. Ren om kopwe anisir repwe kaeo usun, ka tongeni ngenir ekkoch kiien kapas me porous ne kutta non Abraham 3:22–28, usun “me mwen ewe fonufan,” “ngun,” “ra fori eu fonufan,” me pwarano.” Met ekkei uwokisn ra aiti kich ren ifa usun Samach non Nang a tinikicheto fonufan?

• Echo kon usun “I Will Follow God’s Plan” (Noun Semirit Puken Kon, 164–65) a tongeni apochokuna met Abraham 3 osukuna. Menin ka tongeni tingorei noum kewe semirit pwe repwe chungani ekkoch sasing minne mi fiti ekkewe kapas:

• Anisi noum kewe semirit repwe ekieki usun ekkoch nikinik non minne ra finata ika ara resap fori met Kot a tingorer repwe fori (nengeni Abraham 3:25; nengeni pwan Ren ewe Pochokunen Serafo: Eu Emwen ne Fori Finiom). Mut ngeni repwe kakaeo ekkoch tufichin ponuwan ekkei nikinik. Ifa usun ewe Chon Amanau a tongeni anisi kich nupwen sia finata mi muan?