Moses 1; Abraham 3

President Russell M. Nelson kyerɛkyerɛɛ dɛ, “Sɛ Ewuradze rekasa kyerɛ wo ankasa a, adze kor a Ɔbɔhwɛ no pefee dɛ etse ase nye wo nokwar nyimpa ban” (“Choices for Eternity” [wiadze nyina mpaabɔsom ma young adultfo, Esusow Aketseaba 2022], Asɛmpa Nwoma Korabea). Ɔkyerɛ dɛ Satan bɔbɔ mbɔdzen ama w’adwen mu aayɛ wo konsee wɔ dɛm asɛm kor noara ho. Hwehwɛ nhwɛdo yi wɔ Nyankopɔn n’asɛm ma Moses mu wɔ Moses 1:4, 6 mu na wɔ Satan n’asɛm mu wɔ Moses 1:12 mu. Ebɛnadze na isũa fi nyiyimu yinom mu fa nsonsonee a ɔda Nyankopɔn na Satan ntamu ho?

President Nelson kyerɛkyerɛɛ so dɛ, “Kwan a efa do dwen wo nyimpa ban ho no nya nsunsuando ankasa wɔ adwenpɔw biara a ebɔbɔ no do” (“Choices for Eternity”). Hwɛ dɛ ebɛkyerɛw nsanmuyi horow nkorkor a eyɛ osiandɛ wo su dɛ Nyame ne ba dzi kan ansaana ahyɛnsewdze biara aba.

Ebɛn nyiyimu anaa nsɛnsin horow wɔ Moses 1 mu na ɔboa wo ma etse wo krɔnkrɔn bo a esom ase? Ibotum so akenkan President Nelson ne nsɛm bi akã ho wɔ “Choices of Eternity” ɔfã mu a ne dzin dze ‘’First Know the truth about who you are.” Ebɛn nkenyan na inya dɛ dzi do ama wo nyimpa ban dɛ Nyankopɔn ba no ayɛ w’ahyɛnsew a ohia wo tsitsir?

Hwɛ “I Am a Child of God,” Asɔr na Mbofra Ndwom (1988), nkanee 61; “Our True Identity” (video), Asɛmpa Nwoma Korabea; Topics and Questions, “Children of God,” Asɛmpa Nwoma Korabea so.

3:39

Dɛ mbrɛ Moses 1 kyerɛ pefee no, sunsum mu sũahu a ɔyɛ ndam nnkyerɛ dɛ wɔnnkɔsɔ hɛn ahwɛ bio. Nokwar, Santan n’akwan kor nye dɛ ɔsɔ hɛn hwɛ ma yɛgye sũahu horow yinom ho kyim. Ber a ekenkan Moses no mbuae ma Satan wɔ nyiyimu 12-26 mu no, ebɛnadze na isũa a obotum aboa wo ma ayɛ nokwafo ama dase a enya no? Ebɛnadze na ɔboaa Moses ma ewiei no odzii Satan do konyim?

Adzesũadze kor so fi Moses no sũahu mu nye dɛ Satan dze Nyankopɔn no nokwar na tum ho ndaadaa dze sɔ hɛn hwɛ. Dwendwen ndaadaa ndzɛmba binom ho, tse dɛ dua artificial anaa abaduaba bi ho. Ibesi dɛn botum ehu dɛ wɔnnyɛ nokwar papa dze no? Nkyii hwɛ Satan ne ndaadaa a ɔdze dzi dwuma ndɛ dze sɔ wo hwɛ. Ebɛnadze na isũa fi Moses 1:13-18 mu a ɔfa mbrɛ ibesi bohu na apow ne ndaadaa no? Ewuradze besi dɛn botum aboa wo? (Hwɛ Moses 1:24–26).

Hwɛ Matthew 4:1–11; Gary E. Stevenson, “Deceive Me Not,” Liahona, Ɔberɛfɛw 2019, 93–96; “I Am a Son of God” (video), Asɛmpa Nwoma Korabea so.

6:31

Ohun Nyankopɔn n’abɔdze enyido-adzehu mu ekyir no, Mosea kãa kyerɛɛ Ewuradze dɛ: “Kã kyerɛ me … dɛn ntsi na ndzɛmba yinom tse dɛm” (Moses 1:30). Ebɛnadze na ɔyɛ wo ahomka wɔ Ewuradze no mbuae wɔ Moses 1:31–39 mu ho? Ebɛn nsonsonee na ɔda bɛkyebo na onnyiewiei nkwa ntamu? (hwɛ Topics and Questions, “Eternal Life,” Asɛmpa Nwoma Korabea). Jesus Christ si dɛn boa ma ebien no nyina ba mu? Abraham so nyaa enyido-adzehu a wɔakyerɛw no wɔ Abraham 3 mu. Ebɛnadze na ihu no wɔ nyiyimu 24–26 mu a obotum aboa eyi Moses n’ebisadze ano?

Yenyim hɛn abrabɔ ansaana yɛreba asaase do ho asɛm kakrabaa. Naaso dodow a yenyim no fi Abraham n’enyido-adzehu mu wɔ Abraham 3:22–28. Ber a ekenkan nyiyimu yinom no, kyerɛw nokwar horow a ihu no nkorkor—a nokwar horow fa woho na Jesus Christ ho kã ho. Ebɛnadze ntsi na nokwar horow yinom som bo ma wo? Ebɛn nsesa na wɔdze ba w’abrabɔ mu?

San so hwɛ Topics and Questions, “Premortal Life,’’ Asɛmpa Nwoma Korabea.

• Wɔabɔ mu akenkan Nyankopɔn n’asɛm ma Moses wɔ Moses 1:4 mu ekyir no, hwɛ dɛ ebɛma wo mbofra no ahwɛ hɔn sunsuma wɔ ahwehwɛ mu a wɔrekã nsɛm a ɔtse dɛm ma hɔnho, dɛ: “Meyɛ Nyame ne ba.” Nkyii wobotum akã nsɛm no akyerɛ hɔnho nkorkor dɛ: “Eyɛ Nyame ne Ba.” Ibotum mpo ahwehwɛ nyimpa asorɔtow binom hɔn mfonyin na ato nsa afrɛ wo mbofra no ma wɔatsen hɔn nsa wɔ kor biara do na wɔakã dɛ, “Iyi yɛ Nyame ne ba.’’ Hom nye hom ho nkyɛ siantsir a ɔyɛ hom enyigye dɛ wonyim dɛ wɔyɛ Nyame ne mba. Nyimdzee yi si dɛn sesa kwan a edze hwɛ woho na binom so?

• Ɔwo na wo mbofra no botum dze Nyankopɔn n’asɛm a Ɔkãa kyerɛɛ Moses wɔ Moses 1:4 atoto Satan n’asɛm ho wɔ nyiyimu 12. Ibesi dɛn botum aboa wo mbofra no ma woehu nsonsonee a ɔda Nyankopɔn ne nsɛm ma hɔn na Satan ne dze ntamu?

• Ber a enye wo mbofra kenkan Moses 1:6 no, ibotum nye hɔn akã “edwuma” a nna Nyankopɔn wɔ ma Moses ho asɛm. Hwɛ dɛ edze Gospel Art Book, no bedzi dwuma, nkanee 13-16, anaa Old Testament Stories, nkrataafa 64-84, dze aboa wo mbofra ma woehu dza Moses dze Ɔsor Egya no mboa yɛe. Ebɛn edwuma na Nyankopɔn wɔ ma hɛn dɛ yɛnyɛ? (Hwɛ, mfatoho, Nkyerɛkyerɛ na Ahyɛmudzi 11:20).

• Ber a enye wo mbofra sũa Moses 1:12-26 no, boa hɔn ma wonhu dza Moses yɛe dze gyinaa tsiaa Satan (hwɛ nyiyimu 13, 15, 18, 20–22, 26). Ɔbɛyɛ enyikã ama hɔn dɛ wɔyɛ ɔyɛkyerɛ wɔ ndzɛmba a wobotum ayɛ dze egyina etsia Satan no nsɔhwɛ (tse dɛ wɔrobɔ mpaa, wɔrotwe hɔnho efi ho, anaa woribisa mboa).

• Yeruhu hɛn abrabɔ ansaana yɛreba asaase do no botum ekenyan wo mbofra no ma wɔayɛ nsanmuyi horow a ogyina onnyiewiei nokwar horow do. Ebɔboa hɔn ma woesũa ho asɛm no, ibotum ama hɔn nsɛmfua na nsɛnsin horow etsitsir ma wɔahwehwɛ no wɔ Abraham 3:22–28 mu, tse dɛ “ansaana wiadze rebɛba no,” “esunsum,” “yɛ wiadze,” na “sɔ hwɛ.” Ebɛnadze na nyiyimu yinom kyerɛkyerɛ hɛn fa siantsir a Ɔsor Egya dze hɛn baa asaase do ho?

• Ndwom bi tse dɛ “I Will Follow God’s Plan” (Children’s Songbook, 164–65) botum ahyɛ dza Abraham 3 kyerɛkyerɛ no dzen. Bia ibotum ato nsa afrɛ wo mbofra no ma wɔadorɔw mfonyin a wɔnye nsɛmfua no nam.

• Boa wo mbofra no ma wɔndwendwen gyinabew horow mu a wɔasan mu eyi sɛ wɔmfa anaa mma wɔmmfa dza Nyankopɔn ase hɔn dɛ wɔnyɛ no (hwɛ Abraham 3:25; hwɛ For the Strength of Youth: A Guide for Making Choices so). Ma wonsũasũa mbuae horow a ɔbɛyɛ yie wɔ gyinabew horow yinom mu. Agyenkwa no besi dɛn botum aboa hɛn sɛ yɛyɛ nsamuyi a ɔnnyɛ a?