“January 5–11. “Emi Edi Utom ye Ubɔŋ Mi”: Moses 1; Abraham 3,” Edi, Etiene Mi—Eke Ufɔkiduŋ ye Ufɔk Abasi: Akani Testament 2026 (2026)
“January 5–11. “Emi Edi Utom ye Ubɔŋ Mi” Edi, Etiene Mi: 2026
January 5–11: “Emi Edi Utom ye Ubɔŋ Mi”
Moses 1; Abraham 3
Bible ɔtɔŋɔ ye mme ikɔ “ke eritɔŋɔ Abasi okobot enyɔŋ ye isɔŋ” (Genesis 1:1). Edi ewe ŋkpɔ okodu do mbemiso “eritɔŋɔ” emi? Ndien nsidi-ntak emi Abasi obotde kpukpru ŋkpɔ emi? Otode ke Prophet Joseph Smith, Jehovah ama anam mme mbume emi aŋwaŋa.
Nte uwutŋkpɔ, Enye edinɔ nnyin ŋwed abaŋa ŋkukut emi Abraham okokutde ndaha uwem nte mme spirit “mbemiso ererimbot ekedidu-du” (se Abraham 3:22–28). Jehovah nko ama ɔnɔ nnyin eti erikabare mme edifiak-nse eke mme akpa ibuot-ŋwed itiokiet eke Genesis, ekotde ŋwed Moses—emi mitɔŋɔke ye “ke eritɔŋɔ.” Edi, oro ɔtɔŋɔ ye ifiɔk-ukpep Moses emi Moses ekeneyenede emi ɔnɔde ubak ŋkpɔ eke mbuk Edibot. Ɔtɔkiet, mme ŋwed Abasi eke ukperedem usen emi edi eti ebiet nditɔŋɔ nnyin edikot Akani Testament koro mmɔ ebɔrɔ ubak akpan mbume emi ekemede edidiɔŋ edikot nnyin nte: Anie edi Abasi? Nnyin idi mme anie? Nso ŋkpɔ idi utom Abasi, ndien nso idi ndaha nnyin ke esit utom oro? Ekeme edikut mme ntɔŋɔ ibuot-ŋwed Genesis nte ibɔrɔ emi Jehovah ɔkɔnɔde ke ebeŋe Moses ete: “Yene mbɔm nnɔ isuŋutom fo, O Abasi, nyuŋ tiŋ nnɔ mi kabaŋa isɔŋ emi, ye mme andiduŋ do, ye mme heaven nko” (Moses 1:36).
Mme Ekikere ke Edibɔ-ukpep ke Ufɔkiduŋ ye ke Ufɔk Abasi
Moses 1
Nte eyen Abasi, ami mmenyene edisana akaŋa.
“Edieke Jehovah ekpenehede etiŋ ikɔ ɔnɔ fi,” President Russell M. Nelson ekekpep ke, “akpa ŋkpɔ emi Enye akpanamde afo ɔfiɔk edi ata mbiet fo” (“Mbumek eke Nsinsi” [worldwide devotional for young adults, May 2022], Gospel Library). Oro etiene ke Satan eyedomo nditimede fi ye ukem ukpep oro. Se yom usuŋ emi ke etop emi Abasi ɔnɔde Moses ke Moses 1:4, 6 ye ke etop eke Satan ke Moses 1:12. Nso ŋkpɔ ke afo ekpep oto mme ufaŋ-ŋwed emi kabaŋa mme ukpuhɔde ke ufɔt Abasi ye Satan?
President Nelson nKo ekpep ke, “Usuŋ nte afo ekerede abaŋa owo emi afo enehede edi enyene ŋkpɔ ndinam ye ata ofuri ubiere emi afo edinamde” (“Mbumek eke Nsinsi”). Kere-baŋa ndinam ibat mbumek emi afo anamde koro mbiet fo nte eyen Abasi edi akpa mbemiso mme ŋkpɔ efen edidiana.
Ewe ndadiana ufaŋ-ŋwed mme udim-ikɔ ke Moses 1 aŋwam fi ndifiɔk edisana ndaha fo? Afo nko emekeme ndikot ediwak etop President Nelson ke ikpehe eke “Mbumek eke Nsinsi” ekotde “Akpa: Diɔŋɔ akpanikɔ kabaŋa owo emi afo edide.” Ewe ŋkpɔ ke afo ekere ndinam man akpanam mbiet fo nte eyen Abasi edi ata akpan idiɔŋɔ?
Se ŋko “Ami Ndi Eyen Abasi,” Ikwɔ (1985), no. 301; “Our True Identity” (ndise-vidio), Gospel Library; Topics and Questions, “Children of God,” Gospel Library.
Our True Identity
Moses 1:12–26
Ye uŋwam Abasi, ami mmekeme ndisin Satan.
Nte Moses 1 enehede owut, ndinyene ɔsɔŋɔ ifiɔk-ukpep ke ŋkpɔ Abasi iwɔrɔke ke owo ididomoke nnyin aba. Ke akpanikɔ, kiet ke otu ŋkari Satan edi ndidomo nnyin ndiyik ifiɔk-ukpep emi. Nte afo okotde ibɔrɔ emi Moses ɔkɔnɔde Satan ke ufaŋ 12–26, nso ŋkpɔ ke afo ekpep emi ekemede ediŋwam fi ndinam akpanikɔ nnɔ ikɔ-ntiense emi afo ɔkɔbɔde? Nso ŋkpɔ ke akpatre akaŋwam Moses ndikan Satan?
Ukpep efen otode ifiɔk-ukpep Moses edi ke Satan odomo nnyin ye ŋkpɔ-abiaŋa kabaŋa akpanikɔ ye odudu Abasi. Kere baŋa ubak ndaha ŋkpɔ abiaŋa, oruk nte mbiet emi owo anamde mme nsekeyen ɔkpɔ. Didie ke afo ekeme edidiɔhɔ ke mmɔ edi ŋkpɔ-abiaŋa Ekem kere-baŋa mme ŋkpɔ-abiaŋa emi Satan adade mfin emi ndidomo nnyin. Nso ŋkpɔ ke afo ekpep oto Moses 1:13–18 kabaŋa nte edifiɔkde ndien esin abiaŋa esie? Didie ke Jehovah ekeme ediŋwam fi? (se Moses 1:24–26).
Se nko Matthew 4:1–11; Gary E. Stevenson, “Deceive Me Not,” Liahona, Nov. 2019, 93–96; “Ami Ndi Eyen Abasi” (video), Gospel Library.
I Am a Son of God
Ekeme ediduak ndinɔ-ukpep ke ufɔkiduŋ edi eyak oto ke edimemek. “Nti-ifet ndinɔ ukpepŋkpɔ ke ufɔkemana esiwak nditibe ke unana mbeŋeidem, ke ofuri ndaha—kini ediade udia, enamde ŋkpɔ ke isɔŋ ufɔk, ebrede mbre, [mme] ke ekade-isaŋ” (Ndikpep ke Usuŋ nte Andinyaŋa Ekekpepde, 31). Nte uwutŋkpɔ, ke edidian nnɔ edikot kabaŋa nte Moses ekesinde Satan ke Moses 1, afo emekeme edida esisit ini kini udia ndineme nte ufɔkemana kabaŋa nte afo ekesinde odudu eke andidiɔk.
Moses 1:27–39; Abraham 3
Utom ye ubɔŋ Abasi edi ndiŋwam mi nnyene nsinsi uwem.
Ke ama okokut ŋkukut edibot eke Abasi okure, Moses ɔdɔhɔ Jehovah ete: “Sian mi … ntak emi ŋkpɔ emi edide ntem” (Moses 1:30). Nso ŋkpɔ inem fi esit kabaŋa ibɔrɔ emi Jehovah ɔnɔde ke Moses 1:31–39? Nso ŋkpɔ idi ukpuhɔde ke ufɔt uwem-unan-mkpa ye nsinsi uwem? (se Topics and Questions, “Nsinsi Uwem,” Gospel Library). Didie ke Jesus Christ aŋwam ndinam ŋkpɔ mbiba emi etibe? Abraham ŋko ama enyene ŋkukut, emi ewetde ke Abraham 3. Nso ŋkpɔ ke afo okut ke ufaŋ 24–26 emi ekemede ndiŋwam mbɔrɔ ebeŋe eke Moses?
Abraham 3:22–28
Ami nkodu nte spirit mbemiso ami ndimana ke isɔŋ.
Nnyin idiɔŋɔ ata esisit kabaŋa akpa-edidu uwem nnyin. Edi ediwak se nnyin nnyin idiɔŋɔ oto ŋkukut Abraham ke Abraham 3:22–28. Nte afo okotde ufaŋ-ŋwed emi, nam ibat kabaŋa akpanikɔ emi afo okutde— esinede akpanikɔ kabaŋa idem fo ye kabaŋa Jesus Christ. Nsidi ntak emi akpanikɔ emi enyenede ufɔn ɔnɔ fi? Ewe ukpuhɔde ke mmɔ enam ke uwem fo?
Se also Ibuot-ikɔ ye Mbume, “Uwem Akpa-edidu,” Gospel Library.
Ke oyomde awak, se mme ŋwed-ndise eke ɔfiɔŋ emi Liahona ye Enɔde ke Ŋsɔŋɔnda eke Iwaad .
Mme Ekikere nnɔ Edikpep Nditɔŋwɔŋ
Moses 1:1–4, 6, 12
Ami ndi eyen Abasi.
-
Ke mbufo ema ekekot etop emi Abasi ɔkɔnɔde Moses ɔtɔkiet ke Moses 1:4, kere-baŋa ndiyak nditɔ mbufo ese mbiet-idem ke ukutiso ye ndinɔ mmɔ ukem etop oro ete: “Ami ndi eyen Abasi.” Ekem mmɔ ekeme editiŋ ukem etop oro enɔ kiet eken ete: “Afo edi eyen Abasi.” Afo emekeme nko ediyom ndise eke nsio-nsio owo ndien okot nditɔ mbufo ete etuuk kiet eken ndien edɔhɔ ete, “Emi edi eyen Abasi.” Ebuana ye kiet eken ntak emi mbufo ekopde inemesit ndidiɔŋɔ ke mbufo edi nditɔ Abasi. Didie ke ifiɔk emi ɔkpuhɔ usuŋ nte afo anamde-ŋkpɔ ye idem fo ye mbon efen?
-
Afo ye nditɔ mbufo emekeme ndida etop emi Abasi ɔnɔde Moses ke Moses 1:4 edomo ye eke Satan ke ufaŋ 12. Didie ke afo ekeme ndiŋwam nditɔ mbufo ndidiɔŋɔ ke ufɔt etop emi Abasi ɔnde mmɔ ye eke Satan ɔnɔde?
Moses Okutde Jehovah, otode Joesph Brickey (mbuk)
Mosiah 1:6, 39
Ete eke Enyɔŋ enyene utom ɔnɔ mi ndinam.
-
Nte afo okotde Moses 1:6 ye nditɔ mbufo, afo emekeme editiŋ nnɔ mmɔ kabaŋa “utom” emi Abasi ekenyenede ɔnɔ Moses. Kere-baŋa ndikama Gospel Art Book, nos. 13–16, mme Mbuk eke Akani Testament, pages 64–84, ndiŋwam nditɔ mbufo man ekut ŋkpɔ se Moses akanamde-okure ye uŋwam eke Ete Heaven. Nso ŋkpɔ idi utom emi Abasi enyenede ɔnɔ fi ete anam? (se, nte uwutŋkpɔ, Doctrine ye Covenants 11:20).
Moses 1:12–26
Ami mmekeme ndisin mme idomo eke Satan.
-
Nte afo okotde Moses 1:12–26 ye nditɔ mbufo, ŋwam mmɔ ndikut ŋkpɔ se Moses akanamde ndisin Satan (se ufaŋ 13, 15, 18, 20–22, 26). Oro ekeme edidi inem-ŋkpɔ ɔnɔ ndinam mme ŋkpɔ emi mmɔ ekemede edi-nam man esin idomo (oruk nte edibɔŋ-akam, edisaŋa-mbe, mme ndibup nyom uŋwam).
Abraham 3:22–28
Ami nkodu nte spirit mbemiso ami ndimana ke isɔŋ.
-
Ndidiɔŋɔ kabaŋa akpa edidu-uwem nnyin ekeme edidɔŋ nditɔ nyin ndinam mbumek emi ɔkɔŋɔde ke nsinsi akpanikɔ. Man eŋwam mmɔ ndikpep kabaŋa oro, afo emekeme ndinɔ mmɔ ubak ɔkpɔ ikɔ mme udim-ikɔ ete eyom ke Abraham 3:22–28, nte “mbemiso ekedibot ererimbot,” “mme spirit,” “enam isɔŋ,” ye “domo-se.” Nso ŋkpɔ ke ufaŋ-ŋwed emi ekpep nnyin abaŋa ntak emi Ete eke Enyɔŋ ɔkɔnɔde nnyin ete idi isɔŋ?
-
Ikwɔ nte “I Will Follow God’s Plan” (Children’s Songbook, 164–65) ekeme edisɔŋɔ ŋkpɔ se Abraham 3 ekpepde. Ekeme-ndidi afo emekeme edidɔhɔ mbufo ete eduri mme ndise emi asaŋade ye mme ikɔ emi.
-
Ŋwam nditɔ mbufo ndikere kabaŋa mme ndaha emi mmɔ enyenede ndimek mme ikpinam mme idinamke ŋkpɔ se Abasi ɔdɔhɔde ete mmɔ enam (se Abraham 3:25; se ŋko For the Strength of Youth: A Guide for Making Choices). Eyak mmɔ enam-ewut mme ibɔrɔ emi mmɔ ekemede edi-nam ke mme ndaha ini emi. Didie ke Andinyaŋa ekeme ediŋwam nnyin kini nnyin inamde idiɔk mbumek?
Ke oyomde awak, se ŋwed-ndise ɔfiɔŋ emi eke Ufan .