පරණ ගිවිසුම සඳහා හැඳින්වීම

පරණ ගිවිසුමේ පොහොසත් අධ්‍යාත්මික පෝෂණය සොයා ගැනීමට එක් ක්‍රමයක් වන්නේ ජීවනදායක කෑම වන යේසුස් ක්‍රිස්තුස්වහන්සේව සෙවීමයි (බලන්න යොහන් 6:48). උදාහරණයක් ලෙස, ඔබ පහත දැක්වෙන ඒවා තුළින් ගැලවුම්කරුවාණන්ව දකින්නේ කොහොමද?

• මන්නා (නික්මයාම 16:4, 11–15; යොහන් 6:35)

• පූජා කරන බැටළු පැටවා (නික්මයාම 12:3–5; යොහන් 1:29)

• පිත්තල සර්පයා (ගණන් කථාව 21:4–10; යොහන් 3:14)

• යෝනා (යෝනා 1:4–17; මතෙව් 12:38–41)

මෙම උදාහරණ උන්වහන්සේ ගැන උගන්වන්නේ මොනවාද? පරණ ගිවිසුමේ ඔබට දැනටමත් හුරුපුරුදු යේසුස් ක්‍රිස්තුස්වහන්සේ ගැන ඇති වෙනත් යොමුකිරීම් මොනවාද?

“යේසුස් ක්‍රිස්තුස්වහන්සේ නිධානයයි” යන වැඩිහිටි ඩේල් ජී. රෙන්ලන්ඩ්ගේ පණිවිඩයේ ඔහු අපව මෙසේ දිරිමත් කළා “යේසුස් ක්‍රිස්තුස්වහන්සේව මතක තබාගෙන සැමවිටම උන්වහන්සේ වෙත අවධානය යොමු කරන්න” (ලියහෝනා, නොවැ. 2023, 98). පරණ ගිවිසුමේ පමණක් නොවේ නමුත් ඔබේ ජීවිතය තුළද යේසුස් ක්‍රිස්තුස්වහන්සේව සොයා ගැනීමට ඔබට කළ හැකි දේවල් සොයමින්, ඔහුගේ පණිවිඩය කියවීම ගැන සලකා බලන්න.

සභාපති ඩැලන් එච්. ඕක්ස් මෙසේ ඉගැන්වුවා: “පියාණන්වහන්සේ තම ඒකජාතක පුත්‍රයාණන් වන යේසුස් ක්‍රිස්තුස්වහන්සේව අපගේ ගැලවුම්කරුවාණන් සහ මිදුම්කරුවාණන් ලෙස හඳුන්වා දී ‘උන්වහන්සේට ඇහුම්කන් දෙන්න’ යන ආඥාව අපට ලබා දුන්නා. මේ හේතුවෙන් ‘දෙවියන්වහන්සේ’ හෝ ‘ස්වාමින්වහන්සේ’ විසින් කථා කරන ලද වචනවල ශුද්ධලියවිලිමය වාර්තා සෑම විටම පාහේ යෙහෝවාවහන්සේගේ, එනම් උත්ථාන වූ අපගේ ස්වාමින් වන යේසුස් ක්‍රිස්තුස්වහන්සේගේ වචන බව අපි නිගමනය කරනවා” (“යේසුස් ක්‍රිස්තුස්වහන්සේගේ ඉගැන්වීම්,” ලියහෝනා, මැයි 2023, 102).

14:6

යුදෙව්වන්ගේ නායකයන් යේසුස්වහන්සේගේ අනන්‍යතාව ගැන උන්වහන්සේට අභියෝග කළ විට, “ආබ්‍රහම් උපදින්නට පළමුව මම සිටිමියි” ලෙස උන්වහන්සේ ප්‍රකාශ කළා. මෙම වදන් යේසුස්වහන්සේට ඇහුම්කන් දුන් ජනයාව කම්පනයට පත් කළ අතර, ඔවුන් උන්වහන්සේට ගල් ගැසීමට සූදානම් වුණා (බලන්න යොහන් 8:58–59). සමහර යුදෙව්වන් යේසුස්වහන්සේ කියූ දේට මෙච්චර කලබල වුණේ ඇයි කියා බැලීමට, නික්මයාම 3:13–15; 6:3–5 කියවීම සලකා බලන්න.

යේසුස් ක්‍රිස්තුස්වහන්සේ යනු යෙහෝවාවහන්සේ බව දැනගැනීම ඔබට වැදගත් වන්නේ ඇයි?

ස්වාමින්වහන්සේ නෙපීට බයිබලයේ පැමිණීම දර්ශනයකින් පෙන්වමින්, “බොහෝ සරල හා ශ්‍රේෂ්ඨ දේවල්” එයින් ලබාගන්නා බව පැහැදිලි කළා. ස්වාමින්වහන්සේ “සරල සහ ශ්‍රේෂ්ඨ දේවල් ප්‍රකාශ කිරීමට” සැලසුම් කළේ කෙසේදැයි සොයමින්, 1 නෙපී 13:21–29, 38–42 කියවීම සලකා බලන්න. 2 නෙපී 3:12 ට අනුව, බයිබලය සහ මොර්මොන්ගේ පොත එකට ක්‍රියා කරන්නේ කෙසේද?

ඔබ මේ වසරේ පරණ ගිවිසුම අධ්‍යයනය කරන විට, ඔබ නෙපී කලින් දුටු “වෙනත් පොත්” කිහිපයක්ද අධ්‍යයනය කරයි. මේවාට ඇතුළත් වන්නේ:

• ජෝසෆ් ස්මිත්ගේ බයිබල් පරිවර්තනයේ කොටසක් වන මෝසෙස්ගේ පොත. එය උත්පත්ති 1–6 හි වත්මන් පාඨයේ නොමැති සත්‍යයන් සහ වාර්තා නැවත ලබාදෙනවා.

• පුරාණ ඊජිප්තු පැපිරස් පරීක්ෂා කිරීමේදී ජෝසෆ් ස්මිත්ට එළිදරව් වූ ආබ්‍රහම්ගේ පොත.

• ජෝසෆ් ස්මිත් පරිවර්තනයේ විවිධ ඡේද වලින් සමහරක් Guide to the Scriptures තුළ දක්නට ලැබෙනවා.

ජෝසෆ් ස්මිත් හරහා නැවත පිහිටුවන ලද පරණ ගිවිසුමේ වාර්තා සඳහා උදාහරණ කිහිපයක් මෙහි දැක්වෙනවා: ඊනොක්ගේ සයොන නගරය (මෝසෙස් 7:18–19), ස්වර්ගයේ මන්ත්‍රණ සභාව පිළිබඳ ආබ්‍රහම්ගේ දර්ශනය (ආබ්‍රහම් 3:22–28) සහ මෙල්කිසදෙක්ගේ දේවසේවය (Joseph Smith Translation, Genesis 14:25–40). මෙම වාර්තා ඔබට “සරල සහ ශ්‍රේෂ්ඨ” වන්නේ ඇයි?

පරණ ගිවිසුම යනු දෙවියන්වහන්සේ ගිවිසුම මගින් අපව උන්වහන්සේගේ “අසහාය වස්තුවක්” බවට පත්කිරීමට උත්සාහ කරන කතාවයි (නික්මයාම 19:5). එම හේතුව නිසා, පරණ ගිවිසුම කියවීමට සූදානම් වීමට හොඳ ක්‍රමයක් තමයි—විශේෂයෙන් දෙවියන්වහන්සේ ආබ්‍රහම්, ඊසාක්, යාකොබ් වැනි පරණ අනාගතවක්තෘවරුන්ට සහ ඔවුන්ගේ පසු පරම්පරාවට පිරිනැමූ සදාකාලික ගිවිසුම වැනි—ගිවිසුම් ගැන ඉගෙන ගැනීම. ගිවිසුම් ගැන ඉගෙනගැනීමට හොඳ ක්‍රමයක් තමයි සභාපති රසල් එම්. නෙල්සන්ගේ “සදාකාලික ගිවිසුම” (ලියහෝනා, ඔක්තෝම්බර් 2022, 4–11) පණිවිඩය අධ්‍යයනය කිරීම.

ඔබ කියවන විට, ඔබෙන්ම මෙසේ අසන්න: මට ගිවිසුම් වැදගත් වන්නේ ඇයි? මම දෙවියන්වහන්සේ සමඟ මගේ ගිවිසුම් රකින විට උන්වහන්සේගෙන් මට ලැබෙන “විශේෂ ආකාරයේ ප්‍රේමය සහ දයාව” කුමක්ද? ඔබ මේ වසරේ පරණ ගිවිසුම කියවන විට, දෙවියන්වහන්සේ සමඟ ඔබේ ගිවිසුම් සම්බන්ධය ගැන ඔබට ඉගැන්වීමට උන්වහන්සේට අවශ්‍ය වන දේවල් ගැන විමසිල්ලෙන් සිටින්න.

තවත් බලන්න යෙරමියා 31:31–34.

• පරණ ගිවිසුමේ වචන සහ සංස්කෘතිය දරුවන්ට තේරුම් ගැනීමට අපහසු විය හැකි නමුත්, සංකේත සහ කථාන්දර වලින් යේසුස් ක්‍රිස්තුස්වහන්සේව දැකීමට ඔබට ඔවුන්ට උදව් වෙන්න පුළුවන්. සමහර විට ඔබට සහ ඔබේ දරුවන්ට පහත රූපය දෙස බලන්න පුළුවන්, The Prophet Isaiah Foretells Christ’s Birth [අනාගතවක්තෘ යෙසායා ක්‍රිස්තුස්වහන්සේගේ උපත ගැන පුරෝකථනය කරයි.] ඔබේ දරුවන්ට ඔවුන් දකින විස්තර පෙන්වා දෙන්නට ඉඩ දෙන්න. විශේෂයෙන්ම ළදරු යේසුස්වහන්සේ වෙත ඔවුන්ගේ අවධානය යොමු කරන්න. ඉන්පසු ඔබට යෙසායා 7:14; 9:6 හි ගැලවුම්කරුවාණන්ගේ උපත ගැන යෙසායා ලියා ඇති දේ ඔවුන් සමඟ කියවන්න පුළුවන්. මෙම වසරේ පරණ ගිවිසුම තුළ ගැලවුම්කරුවාණන්ව සෙවීම ගැන ඔබට හැඟෙන ආකාරය ඔබේ දරුවන් සමඟ බෙදාගන්න.

  

• ඔබට සහ ඔබේ දරුවන්ට ගීතාවලිය 23 හෝ යෙසායා 53:3–9 කියවා, ඔබට යේසුස් ක්‍රිස්තුස්වහන්සේව මතක් කර දෙන වචන සොයාගන්න පුළුවන්. උන්වහන්සේගේ ජීවිතය සහ වන්දිගෙවීම ගැන මෙම වචන අපට උගන්වන්නේ මොනවාද?

• ගිවිසුම් කියන්නෙ පරණ ගිවිසුමේ ප්‍රධාන තේමාවක්. මෙම තේමාව ඔබේ දරුවන්ට හඳුන්වා දීම සඳහා, ඔවුන් පවුලේ අය හෝ මිතුරන් සමඟ තබාගන්නා සහ ඉටුකරන පොරොන්දු ගැන සහ මෙම පොරොන්දු ඉටු කිරීම වැදගත් වන්නේ ඇයි කියා, ඔවුන් සමඟ ඔබට කතා කරන්න පුළුවන්. ඉන්පසු ඔබට බව්තීස්මය පිළිබඳ පින්තූරයක් දෙස බලා, අපි බව්තීස්ම වූ විට දෙවියන්වහන්සේ සමඟ ඇතිකරගන්නා පොරොන්දුව හෝ ගිවිසුම ගැන කතා කරන්න පුළුවන් (බලන්න මොසායා 18:10, 13). ඔබට දේවමාළිගාවේ පින්තූරයක් පෙන්වා, අප එහි ඇතිකරගන්නා ගිවිසුම් ගැන ඔබේ හැඟීම් බෙදාගන්නටත් පුළුවන්.

• මෙම සතියේ ක්‍රියාකාරකම් පිටුව මගින්, ඔබේ දරුවන්ට ස්වර්ගික පියාණන්වහන්සේ සමඟ ගිවිසුම් ඇතිකර ගැනීමට සහ තබාගැනීමට උද්යෝගිමත් වීමට උපකාර කරයි.

• විවිධ සැකසුම් තුළ විවිධ නම්වලින් හැඳින්වෙන කාව හෝ ඔබේ දරුවන් දන්නවාද? සමහරවිට දෙමාපියෙකුට හෝ ගුරුවරයෙකුට රැකියාවේදී, නිවසේදී සහ සභාවේදී වෙනස් වෙනස් ලෙස ආමන්ත්‍රණය කරන්න පුළුවන්. එම නම් ගැන කතා කරන්න; ඉන්පසු එකට එක්ව නික්මයාම 6:3 කියවා, යේසුස් ක්‍රිස්තුස්වහන්සේ ඉපදීමට පෙර උන්වහන්සේව හැඳින්වූ නම් සොයා ගැනීමට ඔබේ දරුවන්ට ආරාධනා කරන්න (නික්මයාම 6:3 හි ජෝසෆ් ස්මිත් පරිවර්තනය පැහැදිලි කරන්නේ අනාගතවක්තෘවරුන් වන ආබ්‍රහම්, ඊසාක් සහ යාකොබ් මෙම නාමයෙන් ස්වාමින්වහන්සේව දැන සිටි බවයි).