Хуучин Гэрээний оршил

Хуучин Гэрээнээс баялаг сүнслэг тэжээл олж авах нэг арга зам бол Амийн талх болох Есүс Христийг хайж олох явдал юм (Иохан 6:48-ыг үзнэ үү). Жишээлбэл: Та нар Аврагчийг дараах хэсгээс хэрхэн олж хардаг вэ?

• Манна (Гэтлэл 16:4, 11–15; Иохан 6:35)

• Тахилын хурга (Гэтлэл 12:3–5; Иохан 1:29)

• Хүрэл могой (Тооллого 21:4–10; Иохан 3:14)

• Иона (Иона 1:4–17; Матай 12:38–41)

Эдгээр жишээ Түүний талаар юу зааж байна вэ? Та нар Хуучин Гэрээнээс Есүс Христийн тухай өөр ямар ямар эшлэл мэдэх вэ?

Ахлагч Дэйл Г.Рэнланд “Есүс Христ бол үнэт эрдэнэ” хэмээх захиасандаа биднийг “Есүс Христэд төвлөрч, Түүнийг санахыг” урамшуулсан (Лиахона, 2023 оны 11-р сар, 96). Түүний захиасыг уншихдаа Есүс Христийг зөвхөн Хуучин Гэрээнээс төдийгүй амьдралаасаа хайж олохын тулд хийж чадах зүйлсээ эрэлхийл.

Түүнчлэн Gospel Library дахь Судруудын удирдамжаас “Есүс Христ” гэсэн сэдвийн “Христийн бэлгэдлийн хэлбэрүүд” хэсгийг болон Хүүхдийн дууны ном, 67, “Их Эзэнийг эрэлхийл” дууг үзнэ үү.

Ерөнхийлөгч Даллин Х.Өүкс ийн заасан: “Эцэг Өөрийн Төрсөн Ганц Хүү, Есүс Христийг бидний Аврагч бөгөөд Гэтэлгэгч байхаар илгээж, “Түүнийг сонс” хэмээн бидэнд тушаасан. Энэхүү тушаалаас үзэхэд сударт цэдэглэгдсэн “Бурхан” болоод “Их Эзэний” хэлсэн үгс нь ихэвчлэн бидний амилсан Их Эзэн Есүс Христ, Иеховагийн үгс байдаг хэмээн дүгнэж болно (“Есүс Христийн сургаал,” Лиахона, 2023 оны 5-р сар, 102).

14:7

Иудейчүүдийн удирдагчид Есүсээс Түүний хэн болохыг асуухад Тэрээр “Абрахамаас ч өмнөх нь Би байгаа юм” гэж айлдав. Эдгээр үг Есүсийг сонссон хүмүүсийг цочирдуулсан бөгөөд тэд Түүн рүү чулуу шидэхэд бэлэн байв (Иохан 8:58–59-ийг үзнэ үү). Гэтлэл 3:13–15, 6:3–5-ыг уншаад, зарим иудейчүүд Есүсийн хэлсэн зүйлд яагаад ийм их бухимдсаныг олж харахыг бод.

Есүс Христийг Иехова гэдгийг мэдэх нь таны хувьд яагаад чухал бэ?

Их Эзэн үзэгдлээр Нифайд Библиэс “олон тодорхой болоод эрхэм үнэт зүйл” авагдах болно гэдгийг тайлбарлаад үүний ирэлтийг үзүүлэв. 1 Нифай 13:21–29, 38–42-ыг уншаад, Их Эзэн хэрхэн “тодорхой болоод эрхэм үнэт зүйлүүдийг мэдүүлэхээр” төлөвлөснийг олж мэдэх талаар бодож үз. 2 Нифай 3:12-т цэдэглэснээр, Библи, Мормоны Ном хоёр хэрхэн хамтдаа ажилладаг вэ?

Та энэ жил Хуучин Гэрээг судлахдаа Нифайн урьдчилан харсан “зарим номыг” судлах болно. Үүнд:

• Мосегийн ном нь Иосеф Смитийн Библийн орчуулгын хэсэг юм. Энэ нь Эхлэл 1–6-ийн одоогийн бичвэрт байхгүй үнэнүүдийг болон түүхүүдийг сэргээдэг.

• Иосеф Смитийг эртний Египетийн үйсэн бичээсийг судалж байх үед түүнд илчлэгдсэн Абрахамын ном (Gospel Library дахь Сэдэв ба асуулт, “Абрахамын Ном”).

• Иосеф Смитийн Орчуулгын олон хэсэг, эдгээрийн зарим нь зүүлт тайлбар, Библийн хавсралт, Судруудын удирдамж зэрэгт байдаг.

Иосеф Смитээр дамжуулан сэргээгдсэн Хуучин Гэрээний түүхүүдийн хэдэн жишээнд Енохын Сион хот (Мосе 7:18–19), Абрахамын тэнгэр дэх зөвлөлийн тухай үзэгдэл (Абрахам 3:22–28), Мелкизедек (Иосеф Смитийн Орчуулга, Эхлэл 14:25–40) гэх зэрэг орно. Эдгээр түүх яагаад таны хувьд “тодорхой бөгөөд эрхэм үнэт” байдаг вэ?

Хуучин Гэрээ бол Бурханы түүх бөгөөд биднийг гэрээгээр дамжуулан Түүний “үнэт өмч” (Гэтлэл 19:5) болгохыг эрэлхийлдэг. Иймээс Хуучин Гэрээг уншихад бэлтгэх сайн арга бол гэрээнүүдийн тухай, ялангуяа Бурханы Абрахам, Исаак, Иаков нарт болон тэдний үр удам зэрэг эртний бошиглогчдод санал болгосон үүрдийн гэрээг судлах юм. Мөн гэрээнүүдийн талаар суралцах нэг гайхалтай арга бол ерөнхийлөгч Рассэлл М.Нэлсоны “Үүрдийн гэрээ” (Лиахона, 2022 оны 10-р сар, 4–11) захиасыг судлах явдал юм.

Уншихдаа гэрээнүүд яагаад надад чухал вэ? гэж өөрөөсөө асуу. Тухайлбал: Би Бурхантай хийсэн гэрээнүүдээ сахиснаар Бурханаас ямар “онцгой хайр ба нигүүлслийг” хүлээн авдаг вэ? Энэ жил Хуучин Гэрээг уншихдаа, Бурхан Өөртэй нь тогтоосон гэрээт харилцааны талаар юу заахыг хүсэж байгаа дээр анхаарлаа хандуул.

Мөн Иеремиа 31:31–34-ийг үзнэ үү.

• Хуучин Гэрээний үг болон соёлыг ойлгоход хүүхдүүдэд хэцүү байж болох ч та тэдэнд Есүс Христийг бэлгэ тэмдэг, түүхүүдээс олж харахад нь тусалж чадна. Та болон танай хүүхдүүд Бошиглогч Исаиа Христийн төрөлтийг зөгнөсөн нь гэдэг доор байгаа зураг руу харж болох юм. Хүүхдүүдээр харсан зүйлсийг нь нэгд нэгэнгүй яриул. Тэдний анхаарлыг ялангуяа нялх Есүс дээр хандуул. Дараа нь та Исаиа Аврагчийн төрөлтийн талаар Исаиа 7:14, 9:6 дээр юу гэж бичсэнийг тэдэнтэй хамт уншиж болно. Энэ жил Аврагчийг Хуучин Гэрээнээс хайж олох талаар юу гэж бодож байгаагаа хүүхдүүдтэйгээ хуваалц.

  

• Та болон танай хүүхдүүд Дуулал 23 эсвэл Исаиа 53:3–9-ийг уншаад, Есүс Христийн тухай танд сануулж буй үгсийг олж болно. Эдгээр нь Түүний амьдрал, Цагаатгалын талаар бидэнд юу зааж байна вэ?

• Гэрээнүүд бол Хуучин Гэрээний гол сэдэв юм. Энэ сэдвийг хүүхдүүддээ танилцуулахын тулд тэдний гэр бүлийнхэн, найз нөхдөдөө өгсөн мөн сахин биелүүлдэг амлалтуудын тухай мөн эдгээр амлалтдаа хүрэх нь яагаад чухал болох талаар тэдэнтэй ярилцаж болно. Дараа нь та нар баптисмын зураг руу хараад, баптисм хүртэх үед Бурхантай хийдэг амлалт эсвэл гэрээний тухай ярилцаж болно (Мозая 18:10, 13-ыг үзнэ үү). Та нар бас ариун сүмийн зураг үзүүлээд, тэнд хийдэг гэрээнүүдийн талаарх сэтгэгдлээ хуваалцаж болно.

• Энэ долоо хоногийн үйл ажиллагааны хуудас танай хүүхдүүдэд Тэнгэрлэг Эцэгтэй гэрээ хийж, сахихдаа баяртай байхад нь тусалж болно. Та нар мөн “Намайг баптисм хүртэхэд” (Хүүхдийн дууны ном, 53) гэх зэрэг гэрээ байгуулахтай холбоотой дуу дуулж болно.

• Өөр өөр нөхцөлд өөр өөр нэрээр явдаг хэн нэгнийг хүүхдүүд тань таньдаг уу? Магадгүй эцэг эх, багш нь ажил, гэр, сүм дээр өөр өөрөөр дуудагддаг байж болох юм. Эдгээр нэрийн талаар ярилцаад, дараа нь Гэтлэл 6:3-ыг хамтдаа уншаад, хүүхдүүдээсээ Есүс Христ төрөхөөсөө өмнө ямар нэрээрээ танил байсныг олж мэдэхэд урь (мөн Joseph Smith Translation in footnote c-г үзнэ үү).