Hyrje te Dhiata e Vjetër

Një mënyrë për të gjetur ushqim të pasur shpirtëror në Dhiatën e Vjetër, është të kërkojmë Bukën e Jetës, Jezu Krishtin (shihni te Gjoni 6:48). Për shembull, si e shihni Shpëtimtarin në sa vijon?

• Mana (Eksodi 16:4, 11–15; Gjoni 6:35)

• Qengji për flijim (Eksodi 12:3–5; Gjoni 1:29)

• Gjarpri prej bronzi (Numrat 21:4–10; Gjoni 3:14).

• Jona (Jona 1:4–17; Mateu 12:38–41)

Çfarë na mësojnë këta shembuj rreth Tij? Cilat referenca të tjera për Jezu Krishtin në Dhiatën e Vjetër i dini tashmë?

Në mesazhin e tij “Jezu Krishti Është Thesari”, Plaku Dejll G. Renland na nxiti që “ta kujto[jmë] dhe gjithmonë të përqendrohe[m]i te Jezu Krishti” (Liahona, nëntor 2023, f. 98). Merrni parasysh ta lexoni mesazhin e tij, duke kërkuar gjërat që mund të bëni për ta gjetur Jezu Krishtin jo vetëm në Dhiatën e Vjetër por edhe në jetën tuaj.

Shihni edhe zërin “Tipet ose Simbolet e Krishtit” tek Udhëzuesi për Shkrimet e Shenjta, “Jezu Krisht”, Gospel Library [Biblioteka e Ungjillit]; “Herët Zotin do Kërkoj”, Libri i Këngëve të Fëmijëve, f. 67.

Presidenti Dallin H. Ouks dha mësim: “Ati e paraqiti Birin e Tij të Vetëmlindur, Jezu Krishtin, si Shpëtimtarin dhe Shëlbuesin tonë, dhe na dha urdhrin që ta ‘dëgjoj[më A]të’. Nga ky udhëzim ne nxjerrim konkluzionin se analet e shkrimeve të shenjta që përmbajnë fjalët e thëna nga ‘Perëndia’ ose ‘Zoti’, janë pothuajse gjithmonë fjalët e Jehovës, Zotit tonë të ringjallur, Jezu Krishtit” (“Mësimet e Jezu Krishtit”, Liahona, maj 2023, f. 102).

14:6

Kur udhëheqësit e judenjve e sfiduan Jezusin rreth identitetit të Tij, Ai shpalli: “Para se të kishte lindur Abrahami, unë jam”. Këto fjalë i habitën njerëzit që e dëgjuan Jezusin dhe ata ishin gati ta godisnin Atë me gurë (shihni te Gjoni 8:58–59). Merreni parasysh të lexoni tek Eksodi 3:13–15; 6:3–5 për të kuptuar përse disa judenj ishin kaq të zemëruar me atë që tha Jezusi.

Përse është e rëndësishme që ju të dini se Jezu Krishti është Jehova?

Në një vegim, Zoti i tregoi Nefit daljen në dritë të Biblës, duke shpjeguar se “shumë gjëra të qarta dhe të çmueshme” do të hiqeshin prej saj. Merreni parasysh të lexoni te 1 Nefi 13:21–29, 38–42, duke kërkuar mënyrën se si Zoti planifikoi që t’i “bë[nte] të ditur[a] gjërat e qarta dhe të çmueshme”. Sipas vargut te 2 Nefi 3:12, si veprojnë së bashku Bibla dhe Libri i Mormonit?

Ndërsa e studioni Dhiatën e Vjetër këtë vit, ju gjithashtu do të studioni disa prej “librave të tjerë” që parashikoi Nefi. Këto përfshijnë:

• Libri i Moisiut, pjesë e përkthimit të Biblës prej Jozef Smithit. Ai rivendos të vërteta dhe rrëfime që nuk gjenden në tekstin e tanishëm te Zanafilla 1–6.

• Libri i Abrahamit, i cili iu zbulua Jozef Smithit teksa analizonte papiruset e lashta egjiptiane (shihni tek Tema dhe Pyetje, “Libri i Abrahamit”, Gospel Library [Biblioteka e Ungjillit]).

• Fragmente të ndryshme nga Përkthimi prej Joseph Smith‑it tek Udhëzuesi për Shkrimet e Shenjta.

Ja tek janë disa shembuj nga rrëfimet e Dhiatës së Vjetër të rivendosura nëpërmjet Jozef Smithit: qyteti i Enokut i quajtur Sion (Moisiu 7:18–19), vegimi i Abrahamit për këshillin në qiell (Abraham 3:22–28) dhe shërbesa e Melkizedekut (Përkthimi prej Joseph Smith‑it, Zanafilla 14:25–40). Përse janë këto rrëfime “të qarta dhe të çmueshme” për ju?

Dhiata e Vjetër është historia e Perëndisë duke u përpjekur që të na bëjë “thesari[n e Tij të] veçantë” nëpërmjet besëlidhjes (Eksodi 19:5). Për këtë arsye, një mënyrë e mirë për t’u përgatitur që ta lexoni Dhiatën e Vjetër është të mësoni rreth besëlidhjeve, veçanërisht besëlidhjes së përjetshme që Perëndia ua ofroi profetëve të lashtë si Abrahami, Isaku, Jakobi dhe pasardhësve të tyre. Një mënyrë e shkëlqyer për të mësuar rreth besëlidhjeve është që të studioni mesazhin e Presidentit Rasëll M. Nelson “Besëlidhja e Përjetshme” (Liahona, tetor 2022, f. 4–11; Mesazhi i Përmuajshëm për Revistën Liahona, Tetor 2022, f. 1–7).

Ndërsa lexoni, bëjini vetes pyetjet: Përse janë besëlidhjet të rëndësishme për mua? Çfarë “lloj[i] të veçantë dashurie e mëshire” marr nga Perëndia kur i mbaj besëlidhjet e mia me Të? Teksa e lexoni Dhiatën e Vjetër këtë vit, jini të vëmendshëm për gjërat që Perëndia dëshiron t’ju mësojë rreth marrëdhënies besëlidhëse me Të.

Shihni edhe te Jeremia 31:31–34.

• Fjalët dhe kultura e Dhiatës së Vjetër mund të jenë të vështira për t’u kuptuar nga fëmijët, por ju mund t’i ndihmoni ta shohin Jezu Krishtin te simbolet dhe ngjarjet. Mbase ju dhe fëmijët tuaj mund të shikoni figurën më poshtë, The Prophet Isaiah Foretells Christ’s Birth [Profeti Isaia Paratregon Lindjen e Krishtit]. Lejojini fëmijët tuaj që t’i vënë në dukje hollësitë që shohin. Tërhiqeni vëmendjen e tyre, në veçanti, te foshnja Jezus. Më pas mund të lexoni me ta atë që shkroi Isaia rreth lindjes së Shpëtimtarit tek Isaia 7:14; 9:6. Flisni me fëmijët tuaj se si ndiheni rreth kërkimit të Shpëtimtarit në Dhiatën e Vjetër këtë vit.

  

• Ju dhe fëmijët tuaj gjithashtu mund të lexoni te Psalmeve 23 ose Isaia 53:3–9 dhe të gjeni fjalë që ju kujtojnë Jezu Krishtin. Çfarë mësimi na japin këto fjalë rreth jetës dhe Shlyerjes së Tij?

• Besëlidhjet janë një temë kryesore në Dhiatën e Vjetër. Për t’ua paraqitur këtë temë fëmijëve tuaj, ju mund të flisni me ta rreth premtimeve që bëjnë dhe i mbajnë me familjarët ose miqtë dhe përse është e rëndësishme mbajtja e këtyre premtimeve. Më pas mund të shihni një figurë të një pagëzimi dhe të flisni rreth premtimit, ose besëlidhjes, që bëni me Perëndinë kur pagëzoheni (shihni te Mosia 18:10, 13). Gjithashtu mund të tregoni një figurë të tempullit dhe të shprehni ndjenjat tuaja rreth besëlidhjeve që bëjmë atje.

• Faqja e veprimtarisë së kësaj jave mund t’i ndihmojë fëmijët tuaj të jenë të ngazëllyer për të bërë dhe mbajtur besëlidhje me Atin Qiellor. Gjithashtu mund të këndoni një këngë rreth bërjes së besëlidhjeve, të tillë si “Kur Un’ t’Pagëzohem” (Libri i Këngëve të Fëmijëve, f. 53).

• A njohin fëmijët tuaj dikë që përdor emra të ndryshëm në mjedise të ndryshme? Ndoshta një prind ose mësues e thërrasin ndryshe në punë, në shtëpi dhe në kishë. Flisni për ata emra dhe më pas lexoni së bashku tek Eksodi 6:3 dhe ftojini fëmijët tuaj që të gjejnë emrat e Jezu Krishtit siç njihej përpara se Ai të lindte (shihni edhe te Përkthimi prej Joseph Smith‑it, poshtëshënimi c në Biblën në anglisht).