Lus Qhuab Qhia thiab Kev Khi Lus 137–138

Alvin Smith, tus Yaj Saub Joseph tus kwv, tau xiam rau xyoo ua ntej Vajtswv tau muab txoj cai ua kev cai raus dej txum tim rov qab los. Cov Neeg Ntseeg Khetos hauv xyoo 1836 feem coob to taub tias yog ib tug neeg tuag es nws tsis tau ua kev cai raus dej, ces tus ntawd yuav tsis mus saum ntuj ceeb tsheej. Joseph tau xav txog Alvin txoj kev cawm seej tau ntau xyoo—mus txog thaum nws tau txais kev tshwm sim nyob hauv Lus Qhuab Qhia thiab Kev Khi Lus 137.

Neeg feem coob niaj hnub no muaj tej lus nug tib yam li ntawd. Vim li cas Vajtswv hais tias yuav tsum ua kab ke thiab ua kev khi lus thaum ntau cov tib neeg tsis tau muaj sij hawm txais tej ntawd? Koj yuav hais li cas rau ib tug uas xav li no? Koj yuav ua li cas kom pab lawv txoj kev ntseeg Vajtswv thiab tej yam uas Nws hais kom ua thiaj tau kev cawm dim loj hlob? Nrhiav tej lus tseeb uas koj qhia tau nyob hauv tshooj 137 thiab nyob hauv tshooj 138:30–37, 57–60. Tej zaum koj kuj yuav xav nrhiav tej lus tseeb no nyob hauv zaj nkauj qhuas Vajtswv “The Glorious Gospel Light Has Shone” (Nkauj Qhuas Vajtswv, zaj. 283) thiab nyob hauv Thawj Tswj Hwm Henry B. Eyring zaj lus “Coj Vajtswv Tsev Neeg Los Sib Sau Ua Ke” (Liyahaunas, Tsib Hlis Ntuj 2017, 19–22).

Thaum koj nyeem thiab xav, tej zaum koj yuav xav sau koj tej kev tshoov siab thaum koj sau cov kab lus tiav li cov no:

• Vim los ntawm tej kev tshwm sim no, kuv paub tias Leej Txiv Saum Ntuj Ceeb Tsheej .

• Vim los ntawm tej kev tshwm sim no, kuv paub tias Leej Txiv txoj hau kev cawm seej.

• Vim los ntawm tej kev tshwm sim no, kuv xav .

Kuj saib Saints, 1:232–35.

Tej lub sij hawm peb txais tau kev tshwm sim txawm peb tsis tau nrhiav kev kom txais tau. Tiam sis feem ntau, peb txais kev tshwm sim vim peb rau siab npaj kom txais tau. Thaum koj nyeem Lus Qhuab Qhia thiab Kev Khi Lus 138:1–11, 25–30, nco qab txog tej yam uas Thawj Tswj Hwm Joseph F. Smith tau xav li cas thaum nws “lub qhov muag ntawm [nws] txoj kev to taub qhib.” Tej zaum koj kuj yuav xav muab nws zaj lus no piv rau 1 Nifais 11:1–6; Joseph Smith—Keeb Kwm 1:12–19. Ces cia li xav seb koj yuav ua li cas kom coj raws li Thawj Tswj Hwm Smith tus yam ntxwv. Piv txwv hais tias, koj xav tias koj yuav tsum hloov dab tsi rau koj tej kev nyeem vaj lug kub kom tiaj li txais tau kev tshwm sim?

Nyob hauv nws zaj lus hu ua “Kev Ua Yog Toog Pom txoj Kev Txhiv cov Neeg Tuag Kom Dim” (Liyahaunas, Kaum Ib Hlis Ntuj. 2018, 71–74), Thawj Tswj Hwm M. Russell Ballard tau hais lwm txoj kev uas Thawj Tswj Hwm Smith tau npaj txais kev tshwm sim no. Koj kawm dab tsi los ntawm tej yam nws tau ua? Cia li xav seb tus Tswv tau npaj koj li cas kom txais tej yam hauv koj lub neej tam sim no—thiab Nws npaj koj li cas tiaj txais tau tej yam thaum yav tom ntej.

Kuj saib Saints, 3:202–5; “Ministry of Joseph F. Smith: A Vision of the Redemption of the Dead” (vidi-aus), Txoj Moo Zoo cov Ntawv.

3:6

Thawj Tswj Hwm Russell M. Nelson tau qhia hais tias, “Peb zaj lus rau lub ntiaj teb yeej yooj yim thiab ncaj ncees: peb caw tag nrho Vajtswv cov me nyuam nyob ob sab ntawm daim ntaub thaiv kom los cuag lawv tus Cawm Seej, txais cov koob hmoov ntawm lub tuam tsev dawb huv, muaj kev xyiv fab, thiab ua neeg tsim nyog txais txoj sia nyob mus ib txhis” (“Cia Peb Sawv Daws Ua Vajtswv Tes Dej Num,” Liyahaunas, Tsib Hlis Ntuj 2018, 118–19). Cia li xav txog qhov no thaum koj nyeem phau Lus Qhuab Qhia thiab Kev Khi Lus 138:25–60. Tej zaum koj yuav xav txog tej lus nug no:

• Koj kawm dab tsi los ntawm tej nqe no txog tus Cawm Seej txoj hauj lwm uas tias li cas nyob hauv lub ntuj ntsuj plig? Vim li cas qhov uas koj paub tias lawv ua txoj hauj lwm no yog ib qho tseem ceeb?

• Koj txais kev tshoov siab dab tsi txog tus Tswv cov tub xa xov nyob hauv lub ntuj ntsuj plig?

• Txoj kev tshwm sim no ua rau koj txoj kev ntseeg Vajtswv txoj hau kev txhiv dim li cas?

Yog koj xav kawm ntxiv txog lub ntuj ntsuj plig, koj nyeem tau Thawj Tswj Hwm Dallin H. Oaks zaj lus “Tso Siab rau tus Tswv” (Liyahaunas, Kaum Ib Hlis Ntuj. 2019, 26–29).

Kuj saib “Susa Young Gates and the Vision of the Redemption of the Dead,” nyob hauv Revelations in Context, 315–22; “A Visit from Father” (vidi-aus), Txoj Moo Zoo cov Ntawv.

3:20

• Yog xav kawm seb yuav zoo li cas thaum Joseph Smith pom nws tsev neeg nyob hauv lub nceeg vaj xilethi-aus, tej zaum koj cov me nyuam yuav xav saib qhov vidi-aus “Ministry of Joseph Smith: Temples” (Txoj Moo Zoo cov Ntawv), los sis koj hais tau los ntawm Cov Dab Neeg hauv phau Lus Qhuab Qhia thiab Kev Khi Lus, 152–53 (los sis qhov vidi-aus nyob hauv Txoj Moo Zoo cov Ntawv). Tej zaum nej kuj yuav xav sib tham txog ib tug nej paub uas tau tas sim neej no ua ntej nws muaj cib fim ua kev cai raus dej. Phau Lus Qhuab Qhia thiab Kev Khi Lus 137:5–10 qhia dab tsi rau peb txog tus ntawd?

  

  2:20

  

  2:17

• Xav seb puas siv daim duab txog tus Cawm Seej lub ntxa (saib Phau Muaj Duab txog Txoj Moo Zoo, najnpawb. 58, los sis Bible Photographs, najnpawb. 14) thiab daim duab nyob hauv tus txheej txheej no qhia koj cov me nyuam tias Yexus tus ntsuj plig mus qhov twg thaum Nws lub cev nyob hauv toj ntxa. Ces nej nyeem Lus Qhuab Qhia thiab Kev Khi Lus 138:18–19, 23–24, 27–30 ua ke los tau kom kawm seb Yexus ua dab tsi thaum Nws nyob hauv. Nws ntsib leej twg? Nws hais kom lawv ua dab tsi? Vim li cas Nws tau ua li no?

  

• Koj kuj siv tau phab ntawv ntxim ua rau lub lim tiam no kom pab koj cov me nyuam muab tej uas cov tub txib qhia dab tsi nyob ntawm sab daim ntaub thaiv no (saib, piv txwv hais tias, Tej Nqe Kev Ntseeg 1:4) piv rau tej yam uas cov tub txib qhia hauv lub ntuj ntsuj plig (saib Lus Qhuab Qhia thiab Kev Khi Lus 138:33). Muaj tej yam dab tsi zoo tib yam hauv tej nqe no thiab muaj tej yam dab tsi uas txawv? Qhov no qhia peb dab tsi txog Leej Txiv Saum Ntuj Ceeb Tsheej thiab Nws txoj hau kev?

• Thaum koj thiab koj cov me nyuam nyeem phau Lus Qhuab Qhia thiab Kev Khi Lus 138:1–11 ua ke, koj caw tau lawv ua yeeb yam hais tias lawv yog Thawj Tswj Hwm Joseph F. Smith thiab ua tej yam mus nrog cov lus nyob hauv nqe 6 thiab 11. Tej zaum koj yuav xav muab daim duab txog Thawj Tswj Hwm Smith rau lawv pom (muaj ib daim nyob hauv tshooj no) thiab qhia rau lawv tias nws yog lub Koom Txoos tus Thawj Tswj Hwm thib rau. Tej zaum koj kuj yuav xav sib tham txog ib lub sij hawm thaum koj tau xav txog ib yam dab tsi hauv cov vaj lug kub thiab tus Vaj Ntsuj Plig Dawb Huv tau pab koj to taub yam ntawd.

• Xav seb nej puas hu ib zaj nkauj txog kev nyeem vaj lug kub xws li “Search, Ponder, and Pray” (Children’s Songbook, 109). Zaj nkauj no hais tias peb yuav tsum ua dab tsi kom to taub cov vaj lug kub?