Doktrin na ol Kavanen 135–136

Tingim samting yu inap pilim sapos yu bin stap long Nauvoo taim ol i kilim i dai Josep na Hiram Smit (lukim ol Seint, 1:554–55). Hau bai yu inap save long dispela samting nogut i bin kamap? Doktrin na ol Kavanen 135, bin kamaut tripela mun bihain, inap helpim yu. Taim yu painim dispela seksin, tingim ol samting inap helpim yu long kliagut na strongim bel bilong yu. Yu bai tok wanem long wanpela husat i askim yu olsem, ”Bilong wanem God i larim ol man i kilim i dai Profet bilong Em?” ( lukim Doktrin na ol Kavanen 136:37–39).

Yu gen painim aut tu seksen 135 long ol wod o hap tok we givim gutpela tingting long kamap feitful long Krais i go inap pinis, olsem Joseph na Hyrum.

Lukim tu Doktrin na ol Kavanen 5:21–22; ”Tingim Ol Man i Bin i Dai Olsem Martyrdom,” Revelesen long Konteks, 299–306; Ol Tising bilong Ol Presiden bilong Sios: Joseph Smith (2011), 522–23, 529–40; ”Testimoni bilong Buk Momon” (vidio), Gospel Library.

Doktrin na ol Kavanen 135:3 nemim sampela ol samting Joseph Smith bin kamapim “long sotpela hap taim long 20pela yia.” Hau na dispela i mekim sampela samting long relesensip bilong yu wantaim Papa long Heven na Jisas Krais? Tingim olsem wanem yu bai pinisim wanpela tok olsem: Bikos long wanem Bikpela bin mekim thru long Joseph Smith, Mi Yu inap rekotim tu na serim testimoni bilong yu bilong Profet Joseph Smith wantaim ol narapela.

Narapela rot bilong kisim save long wok bilong Josep Smit, em long raitim sotpela stori bilong em taim em i dai. Bai yu mekim wanem bilong strongim feit bilong yu long Krais na long restod gospel bilong Em? Ating yu laik kamapim ol impoten samting i bin kamap o ol samting yu bin mekim long Doktrin na ol Kavanen 135 o ol lain i stap long ol buk i stap daunbilo.

Jisas Krais bin autim planti tok tru long Em yet na Atonmen bilong Em thru long Joseph Smith. Tingim ol samting i bin painim yu taim yu stadim Doktrin na Ol Kavanen long dispela yia. Wanem ol tok tru i kamap klia long yu? Ating yu laik stori long ol dispela samting wantaim famili bilong yu, wantaim klas o kwarum membas, o wantaim ol narapela taim yu stadi long dispela wik. Dispela ol tok tru i helpim yu long save na kam klostu long Sevia?

Lukim tu “Joseph Smith: Profet bilong Restoresen“ (vidio), Gospel Library; Tad R. Callister, “Joseph Smith—Profet bilong Restoresen,“ Liahona, Nov. 2009, 35–37; “Praise to the Man,“ Ol Singsing Lotu, no. 27; Ol Topik na Kwesten, “Joseph Smith,“ Gospel Library.

62:4

Rileitet Musik

Singim dispela ol singsing lotu o lukim vidio inap invaitim Holi Gos o kirapim tingting long toktok long wok bilong Profet Joseph Smith na sakrifais bilong ol Seint husat i gohet bihain long em.

“A Poor Wayfaring Man of Grief” ol Singsing Lotu, no .29) Taim John Taylor i stap long kalabus long Carthage, em i mekim dispela singsing.

“Praise to the Man” (Singsing Lotu, no. 27; lukim tu vidio). Ol i raitim dispela singsing bilong litimapim nem bilong Joseph Smith.

6:16

“Kam, kam Yupela ol Saints,“ (Singsing Lotu, no. 30; lukim tu vidio).

4:58

“Feit i stap long Olgeta Samting mi Mekim” (lukim vidio).

5:32

Taim Josep Smit i dai pinis, ol i rausim ol Saints long Nauvoo. Nau ol i mas wokabaut inap 2,100 kilomita long ples wesan nating. Brigham Young, em President bilong Kwarum bilong Twelv-pela Aposel, em i tingting planti long ol Saints bai abrusim bagarap long dispela raun. Em i stap long wanpela hap ol i kolim Winter Quarters, na em i pre askim God long gaidim em. Bekim bilong Bikpela i stap long rekot long seksen 136. “Long rot bilong helpim ol Saints long tingim olsem pasin ol i mekim long taim bilong wokabaut bilong ol i bikpela samting olsem ples ol i go long en, Dispela revelesen i helpim ol long senisim pasin bilong ol long i go long hap wes, ol i kamap olsem impoten samting bilong ol long serim samting i kam long spirit” (“Dispela Bai Kamap Kavanen bilong Yumi,” long Reveleen long konteks, 308).

Tingim dispela taim yu stadi seksen 136. Wanem ol kaunsel yu inap painim we bai helpim long tanim wanpela traim insait long laip blong yu “i go long wanpela impotem samting bilong spirit“? Yu bai tingting hau dispela kausel inap helpim yu kamapim laik bilong Bikpela insait long laip bilong yu, olsem em bin helpim ol Seint long bipo long raun bilong ol.

Lukim tu “Dispela bai Kamap Kavanen bilong Yumi,“ insait long Revelesen long konteks, 307–14; “Kam, Kam, Yupela ol Seint,“ Ol Singsing Lotu, no.30; Sios Hisstri Topik, “Ol Man i wokim Wok Lida bilong Sios,“ Gospel Library.

• Samaraisim stroi long ol pikinini bilong yu Doktrin na ol Kavanen 135; 1 o serim “Sapta 57: Ol kilim dai Profet“ (insait long Doktrin na ol kavanen stori, 201–5, o vidio i stret long Gospel Library). Dispela em gutpela sans bilong yu na ol piknini bilong yu lon serim ol filings bilong yupela long sakrifais Joseph na Hyrum bin mekim bilong Sevia na gosple bilong Em.

  

  3:21

• Doktrin na ol Kavanen 135:4–5 i tok Hyrum Smith i bin ritim wanpela hap bilong Buk Momon bipo long em i go long kalabus long Carthage. Yu na ol pikinini bilong yu i ken ritim dispela hap tok wantaim (lukim Ita12:36–38). Olsem wanem ol dispela ves i givim bel isi long Hyrum? Yu i ken tu serim wanpela skripsa we i bringim bel isi taim yu tingting planti o bel hevi.

• Yu na ol pikinini bilong yu inap lukim ol piksa bilong ol profet (lukim Gosple Art Buk, nos.7, 14, 67) na toktok long sampela ol samting God askim profet long mekim. Ol dispela profet i sakrifaisim wanem samting bilong Sevia?

  

• Bilong helpim ol pikinini bilong yu long tingim na pilim tru olsem wanem Bikpela i bin blesim mipela long misin bilong Joseph Smith, yu inap soim wanpela samting we i makim ol samting Joseph Smith bin mekim, olsem Buk Momon, Doktrin na ol Kavanen, o piksa bilong temple (lukim tu dispela wik ektiviti peis). Bihain ol pikinini bilong yu ken lukluk long Doktrin na ol Kavanen 135; 3 bilong sampela ol samting Joseph Smith mekim long helpim yumi kam klostu long Papa long Heven na Jisas Krais. Invaitim ol pikinini bilong yu long serim wai ol i tok tenk yu long dispela ol samting.

• Tingim long putim piksa bilong Nauvoo Temple long wanpela sait bilong rum na kamapim wanpla liklik ples hait long narapela sait. Askim ol pikinini long bung klostu long piksa, na tokim ol long ol Seint husat bin lusim Nauvoo bihain long Joseph Smith bin dai (lukim Sapta 58, 60, na 62 long Doktrin na ol Kavanen Stori, 206–8, 211–16, 222–24, o vidio i ster long gospel Library). Stori gut long feit bilong ol dispela Seint bin gat long Jisas Krais, na singautim ol pikinini bilong yu long wokabaut i go long ples hait bilong makim rot i go long Winter Quarters. Ol ken singim wanpela singsing olsem “To Be a Pioneer” (Singsingbuk bilong Pikinini, 218–19) taim ol i wokabaut.

  

  1:31

  

  3:51

  

  2:29

• Stori long dispela long Doktrin na ol Kavanens 136, Bikpela bin givim kaunsel lon g helpim ol Seint long raun bilong ol long Salt lake Valley Helpim ol pikinini bilong yu painim sampela samting long dispela revelesen we bai givim ol strong long dispela wokabaut (lukim ves,4, 10–11, 18–30) Hau bai dispela kaunsel i helpim yumi wantaim ol traim yumi bungim tede?