Ol vois bilong Restoresen

Phebe Woodruff bin stap klostu taim Joseph Smith stat long tis i gat rot bilong kisim baptais bilong ol man i bin stap bipo. Em i raitim pas long man bilong em, Wilford, em i mekim wok misineri long Inglan:

“Brata Joseph i kisim save long revelesen olsem ol manmeri bilong dispela sios ol inap kisim baptais bilong helpim ol wanblut bilong ol i dai pinis na ol i no bin harim gospel, maski ol i pikinini bilong ol, papamama, ol brata, ol susa, ol bubu, ol ankol, na ol anti bilong ol. Taim ol i kisim baptais bilong helpim ol pren bilong ol, ol i lusim kalabus na ol inap kisim ol long taim bilong kirap bek na bringim ol i go insait long selesel kingdom—⁠ol i kisim dispela doktrin long bel bilong ol long sios na ol i go pas long planti lain, sampela bai kisim baptais inap 16 pela taim long wanpela de.”

Wilford Woodruff bihain i tok bilong dispela ol prinseple: “Taim mi harim dispela tok, bel bilong mi i hamamas tru. Mi kisim baptais long nem bilong olgeta wanblut bilong mi i dai pinis. Mi pilim olsem mipela i bin hamamas tru taim revelesen i kamap long mipela long kisim baptais bilong man i dai pinis. Mi pilim olsem mipela i gat rait long hamamas long ol blesing bilong heven.”

Olsem Sister Woodruff, Vilate Kimball bin harim man bilong em, Heber, i stap long narapela hap na i autim gospel. Em rait i go long em:

“Presiden Smith bin opim wanpela nupela na glori samting, ispela we ol i kirap bek long Sios. Dispela em, long kisim baptais long ol lain dai pinis. Paul i toktok long en long nambawan Korin sapta 15 ves 29. Buk revelesen i stori long dispela samting na em i kamapim klia moa long Joseph. Em i gutpela samting tru long dispela sios long kisim baptais bilong olgeta wanblut bilong ol husat i bin dai bipo long dispela Gospel i kamap: em i stret long ol tumbuna bilong ol na Mama bilong ol. Taim yumi mekim olsem, yumi stap olsem mausman bilong ol; na yumi givim gutpela wok long ol long kirap bek long namba wan kirap bek. Em i tok ol bai tokautim gosple long ol, tasol ol spirit i no inap kisim baptais. Long taim ol tokaut long gospel long hia, planti hevi i wok long kamap. Long taim bilong konferens i bin gat eit i go long tenpela ol Elda long riva long baptais. Mi laik kisim baptais long makim mama bilong mi. Yu ting em bai wet inap yu kam bek long haus, tasol laspela taim Josep i toktok long dispela samting, em i tokim olgeta long kirap na mekim wok, na helpim ol pren bilong ol long lusim kalabus hariap. Olsem na mi ting bai mi go pas long dispela wik, long wanem, planti lain i stap klostu ol tu i go pas. Sampela i bin kisim baptais planti taim pinis. Olsem na yu lukim i gat sans bilong helpim olgeta man. Dispela em i wanpela glori doktrin, a?”

Taim ol i pinisim wok bilong wokim wanpela haus bilong baptais long Nauvoo Temple, ol i kisim baptais long dispela haus na ol i no kisim baptais long wara. Phebe Chase, em wanpela meri bilong Nauvoo, em i bin raitim pas i go long mama bilong em long tempel, na em i tok dispela ples em i ples we ”yumi ken kisim baptais bilong ol man i dai pinis na kamap sevia long Maunten Saion.” Em i tok moa olsem: ”Mi kisim baptais long dispela ston bilong makim papa bilong mi na ol narapela pren bilong mi i dai pinis. Nau mi laik save long nem bilong papa na mama bilong yu na bai mi ken lusim ol, long wanem, mi laik helpim ol man i dai pinis. Bikpela i tok gen na em i mekim ol samting i kamap olsem bipo tru.

Taim Sally Randall i raitim pas i go long ol pren na famili bilong em long pasin bilong baptaisim ol wanblut bilong em i bin stap laip bipo, em i tingim bek taim pikinini man bilong em George i dai:

“O dispela bin wanpela hatpela taim bi long mi na em luk olsem mi no inap rekonsail long kisim, tasol papa bilong em bin baptais long makim em na em bin wanpela glori samting long yumi bilip na kisim fulnes bilong gospel e ol man i autim long nau nau, na mipela inap kisim baptais bilong kisim bek ol pren bilong mipela i dai pinis.

“Mi laik bai yu raitim nem bilong olgeta wan wan bilong mipela husat i dai pinis, olsem ol bubu man na ol bubu meri. Mi tingting long mekim olgeta samting mi inap mekim bilong helpim ol pren bilong mi, na mi bai hamamas tru sapos sampela bilong yupela i kam na helpim mi, long wanem, em i bikpela wok tru long wanpela man i mekim. Mi ting bai yu ting dispela em i narakain tok tasol, bihain bai yu luksave olsem em i tru.”