“Ol vois bilong Restoresen: Rilif Sosaiti,“Kam, Bihainim Mi—Bilong Hom na Sios: Doktrin na ol Kavanen 2025 (2025)
“Rilif Sosaiti,” Kam, Bihainim Mi—Bilong Hom na Sios: 2025
Ol vois bilong Restoresen
Rilif Sosaiti
Long 1842, na bihain long Rilif Sosaiti bin organaise long Nauvoo, Illinois, profet Joseph Smith i tok, “Sios i no bin i stap gut inap long taim ol meri i kamap olsem.“ Wankain olsem, wanpela stadi bilong Restoresen bilong Sios bilong Bikpela na prishud bilong Em i no pinis i go inap em inkludim stadi bilong Rilif Sosaiti, long em yet i “wanpela restoresen bilong pasin bilong bipo“ bilong ol meri disaipel bilong Jisas Krais.
Eliza R. Snow i bin helpim tru dispela wok bilong restoresen. Em bin stap taim Rilif Sosaiti bin nambawan taim organais na, olsem secretari bilong sosait, kisim ol nout long taim bilong ol miting. Em i bin lukim olsem Relief Sosaiti bin kamap “bihainim pasin bilong ol prishud.“ Dispela em ol tok em i bin raitim taim em i mekim wok olsem namba tu Jeneral Presiden bilong Relief Sosaiti, bilong helpim ol susa bilong em long kliagut long wok God i bin givim long ol pikinini meri bilong God.
Long lainim moa long hau Rilif Sosaiti bin kamap, lukim Ol Pikinini Meri Long Kingdom Bilong Mi: Histri Wok na Wok bilong Rilif Sosaiti(2017),1–25; Nambawan Fiftipela Yia bilong Rilif Sosaiti(2016),3–175.
Piksa bilong Relief Sosaiti em Paul Mann i wokim
Eliza R. Snow
“Maski dispela nem [Relief Society] i bilong nau, dispela lain i bin kamap long bipo yet. [Joseph Smith] i tokim mipela olsem, long bipo yet i gat wankain oganaisesen insait long sios, na sampela pas bilong Nupela Testamen i stori long dispela samting, mekim yus bilong taitel, ‘elek meri‘ [lukim2 John 1:1; Doktrin na ol Kavanen 25:3].
“Dispela oganaisesen i no inap i stap sapos i no gat lain Prishud, long wanem, em i kisim olgeta namba na strong bilong em long dispela lain prishud. Taim God i rausim lain Prishud long graun, dispela lain wantaim olgeta narapela hap bilong sios tru bilong Jisas Krais long ples graun, ol i no stap moa.
“Mi bin stap long taim ol i bin kamapim ‘Meri Rilif Sosaiti of Nauvoo,‘ na tu mi bin mekim planti wok insait long dispela lain, olsem na ating mi ken givim sampela tok bilong helpim ol pikinini meri bilong Saion long mekim dispela bikpela wok, em wok i gat planti nupela wok bilong mekim. Sapos sampela pikinini meri na mama long Israel i pilim olsem ol i no gat strong long mekim ol wok ol i mekim long nau, nau ol bai inap mekim olgeta samting ol i gat strong long mekim na ol inap mekim ol gutpela wok em God i bin givim long ol.
“Sapos wanpela i gat dispela kwesten, Wanem as na ol i kamapim Meri Rilif Sosaiti? Bai mi tok: “Yumi mas mekim gutpela pasin“ - yumi mas yusim olgeta strong bilong yumi long mekim gutpela pasin, na i no long helpim ol trangu lain tasol, nogat, long seivim ol sol. Sapos yumi wok gut wantaim, bai yumi inap mekim planti samting moa winim ol samting ol man wan wan i mekim.
Taim ol i givim ol samting long ol trangu lain, dispela Meri Rilif Sosaiti i gat narapela ol wok long karim aut na i no helpim ol long ol samting bilong bodi tasol. Ol man i no gat gutpela tingting na ol i gat bel i gat sik, ol tu i mas i gat gutpela tingting; na planti taim wanpela gutpela tok bilong helpim ol, sampela tok bilong givim gutpela tingting, o wanpela gutpela tok bilong holim han bilong ol, dispela bai helpim ol na ol bai hamamas long en, i no long winim gol.
Taim ol Seint i kam bung long ol narapela kantri, em ol man ol i no save long ol, na ol man i laik giamanim ol, ol inap giamanim ol, [Rilif Sosaiti i mas hariap long lukautim [ol], na bringim ol i go insait long dispela lain em bai mekim ol i kamap gutpela moa, na bikpela samting moa, em bai strongim ol long feit bilong Gospel, na long dispela rot ol inap helpim planti man long kisim laip.
“Em bai i mas i gat planti buk bilong kolim ol wok, ol gutpela wok, na ol wok em Sosaiti i mas mekim. Wok strong long mekim olsem (aninit long daireksen bilong bisop bilong yu) long pasin isi, tingting gut, strong, wanbel na pre, na God bai mekim wok bilong yu i kamap gutpela.”