Doktrin na ol Kavanen 125–128

Taim Brigham Young i kam bek long wanpela wok misin long Inglan - em wanpela bilong planti wok misin em i bin mekim - Bikpela i singautim em long mekim narapela bikpela wok moa. Ol i tokim em “long lukautim gut famili bilong [em]“ves 3, husat i bin karim pen long taim em i no stap. Taim yu stadim dispela seksin, tingim wai Bikpela sampela taim laikim sakrifais long sevis bilong mi. Yu inap mekim wanem bilong lukautim famili bilong yu?

Lukim tu “Lukautim Gut Famili bilong Yu,“ insait long Revelesen long Conteks, 242–49.

Long Ogas 1842, ol i sutim tok giaman long Joseph na ol i laik arestim em, olsem na em i mas hait gen. Na yet ol toktok em raitim long ol seint long dispela taim (nau Doktrin na ol Kavanen 127) i pulap long gutpela tingting na hamamas. Mekim wanem na ves 2–4 i tisim yu long God? taim ol man i tok bilas long yumi o birua long yumi? Wanem ol hap tok long dispela ol ves inap helpim taim ol man i meki nogut long yu? Tingting long rekotim hau Bikpela i wok long helpim yu insait long “dip wara“ bilong laip bilong yu.

Taim yu ritim Doktrin na ol Kavanen 127:5–8; 128:1–8, Lukim as na Bikpela i bin givim Joseph Smith dispela ol oda long rekotim baptais bilong ol man i dai pinis. Dispela i tisim yu wanem long Bikpela na wok bilong em? Yu ting dispela tok inap helpim yu long skelim ol samting famili bilong yu yet i bin raitim, olsem ol buk bilong yu yet?

Em i klia long wanem God i soim long Joseph Smith wai ol tumbuna lain bilong yumi husat i no kisim baptais long dispela laip i nidim yumi: Yumi baptais long makim ol olsem ol i ken sus long ekseptim o less long dispela odinens. Tasol Profet i tis tu olsem salvesen bilong ol tumbuna lain bilong yumi em “ol i nidim na em i bikpela samting long salvesen bilong yumi .“ Taim yu ritim Doktrin na ol Kavanen 128:15–18, Tingim wai em i olsem.

Ves 5 tis olsem ol odinens bilong kisim baptisim bilong man i dai bin “redi bipo long stat bilong dispela wol.“ Dispela tok tru em i tisim yu wanem long God na plen bilong Em? Tok bilong Elder Dale G. i minim wanem “Family History and Temple Work: Sealing and Healing“ helpim yu klia gut moa? (LiahonaMei 2028, 46–49).

Joseph Smith yusim ol hap tok olsem “pawa long pasim,“ welding lin,“ na “stretpela yunion“ taim wanpela i tis long prishud odinens na kisim baptais bilong man i dai pinis. Lukim ol dispela tok taim yu ritim Doktrin na ol Kavanen 128:5–25. Yu inap tingim sampela samting yu ken yusim long kamapim klia ol dispela tok, olsem wanpela sen o rop? Bilong wanem na ol dispela gutpela ol hap tok long stori long dispela doktrin?

Tingim dispela ol kwesten inap helpim yu tu long stadim dispela ol ves:

• Long tingting bilong yu, bilong wanem pasin bilong kisim baptais “bilong helpim ol man i dai pinis em i nambawan bikpela tok bilong gospel bilong i stap oltaim oltaim”? (ves 17). Wanem ol ekspiriens bin helpim yu filim olsem?

• Olsem wanem ples graun inap bagarap sapos i no gat “wanpela pasin bilong pas gut wantaim namel long ol papa na ol pikinini“? (ves 18).

• Wanem samting i kirapim tru tingting bilong yu long tok bilong Joseph Smith long ves 19–25? Ol dispela ves i mekim wanem long tingting bilong yu long Jisas Krais? long wok bilong tempel bilong ol tumbuna bilong yu? (lukim to “Kam, Hamamas,” Ol singsing, no. 9).

Bihain long stadim dispela ol ves, yu i mas pilim samting i kirapim tingting bilong yu long ol tumbuna bilong yu. Ol aidia long FamilySearch.org inap helpim.

Dispela ”Ol Vidio bilong Kirapim Tingting” insait long “Temple na Famili Histri” koleksen bilong Gospel Library inap givim yu ol gutpela ol stori bilong kirapim ol man long mekim ol samting, na ol tok bilong ol lida long ol samting i bin kamap long famili histri.

Lukim tu Kevin R. Duncan, “Wanpela vois bilong hamamas!,” Liahona, May 2023, 95–97.

Presiden Gordon B. Hinckley i tok:

“Atonemen bilong Jisas makim bikpela sakrifais. Em i soim pasin dispela we Em kamap proxsi bilong olgeta manmeri. Dispela pasin we wanpela man inap makim narapela i go long odinens bilong haus bilon Bikpela. Hia yumi serv long makim lain husat i dai na i no save long gospel. Laik bilong ol em i long ekseptim o givim baksait long ol odinens we i save kamap. Ol i stap wankain olsem ol man i wokabaut long ples graun. Ol man i dai pinis ol i gat wankain rot olsem ol man i stap laip. Na tu, wanpela Glori na Gutpela Samting i Kamap, Bikpela bin mekim thru long revelesen bilong Em long profet bilong Em” (“Ol Bikpela Samting God bin Soim,” Liahona, Mei 2005, 82-83).

• Long helpim ol pikinini bilong lainim long sevim ol famili membsa bilong ol, tingim long serim infomesen long Brigham Young long “Sapta 50: Ol Seint lon g Nauvoo“ Doktrin na ol Kavanen Stori, 184, o vidio i stret long Gospel Library) o stori long olgeta samting Doktrin na ol Kavanen 126 long tok bilong yu yet. Yu ken kamapim klia dispela tok: “Yu mas lukautim gut famili bilong yu“ (ves 3) na toktok wantaim ol pikinini long wanem em i minim long lukautim gut ol famili bilong yumi.

  

  1:33

• Ating yu na ol pikinini bilong yu i hamamas long lukim ol piksa bilong famili (o droim ol piksa) na toktok wantaim long ol rot bilong helpim ol long lukautim ol famili memba. Yu ken singim wanpela singsing olsem “Home Can Be a Heaven on Earth“ (Ol singsing, no. 298).

• Askim ol pikinini long painim aut long Doktrin na ol Kavanen 128:1 Wanem samting bin stap long tingting bilong Joseph Smith. Ol ken painim tu ves 17 long painim aut wanem samting em tingim bin “moa glori“ Larim ol serim wanem samting ol painim na toktok log wai dispela samting i kiraptim tru bel bilong man.

• Na tu, yu ken helpim ol long redi long (na stap) long baptisimol kavnen bilong ol yet, yu ken helpim ol save hau long helpim ol lain i no bin mekim ol dispela kavanen long taim ol i stap laip yet. Yu ken tokim ol pikinini long wanpela husa save long en husat bin dai pinis na i no kisim baptais yet. Bihainn yupela ken ritim Doktrin na ol Kavanen 128; 5 na lukluk long wanpela piksa bilong temple baptismol font (olsem dispela long pinis bilong autlain). Tokim ol piknini hau yu pilim taim yu bin baptais insait long temple long makim ol lain husat bin dai olsem we olgeta man i gat sans long mekim ol kavanen wantaim Papa long Heven.

• Ating yu na ol pikinini bilong yu bai amamas long wokim wanpela string pepa i gat nem bilong papamama, ol bubu, ol tumbuna bilong ol, na ol narapela ( lukim dispela wik ektiviti peis). Bihain yu ken serim wantaim ol narapela wanem samting yu save long dispela ol tumbuna lain. Rit wantaim Doktrin na ol Kavanen 128:18 long paini aut wanem dispela “welding link“ we save mekim ol famili histri“ “olgeta samting i stap gut“. Yu ken tu lukim dispela vidio bilong “Sanap Strong: Mi Ting Mi Kisim long Em“ (Gosple Library).

  

  1:38

• Ol narapela samting yu ken mekim bilong helpim ol pikinini long insait long famili histri i stap long “Temple na Plen bilong Hamamas“ long Apendix B o long FamilySearch.org.