“Novemba 17–23: ‘Yupela Redi long Kam bilong Man bilong Marit’: Doktrin na ol Kavanen 133–134,” Kam, Bihainim Mi—Bilong Hom na Sios: Doktrin na ol Kavanen 2025(2025)
“Doktrin and Kavanen 133–134,” Kam, Bihainim Mi—Bilong Hom na Sios: 2025
Tenpela Yanpela Meri, Jorge Cocco i mekim
Novemba 17–23: “Yupela Redi long Kam bilong Man bilong Marit”
Doktrin na ol Kavanen 133:134
Long 1833, Ol man nogut i kam na bagarapim ol samting bilong wokim ol buk bilong Sios. Wanpela bilong ol wok ol i mekim long dispela taim em Buk Bilong Ol Komanmen—em i nambawan wok bilong Sios long bungim ol tok God i bin kamapim long ol leta de seint i go inap long wanpela buk. Ol man nogut i bin rausim ol pepa, na maski ol strongpela ol Seint i bin lukautim sampela bilong ol, i gat sampela kopi tasol bilong Buk Bilong Ol Lo i stap yet.
Long nau yumi save olsem seksen 133 bilong Doktrin na Kavanen i bilong i stap olsem apendiks bilong Buk Bilong Ol Lo, olsem wanpela mak bilong singaut long pinis bilong Bikpela. Em i tok lukaut long wanpela de bilong kot i laik kamap na em i kolim gen dispela singaut i stap long olgeta buk revelesin bilong nau: Larim ol pasin bilong dispela graun i stap, olsem Babylon i makim. Bildim Saion. Redi long Nambatu Kam Bek. Na autim dispeka tok “i go long olgeta nesen, na ol wanlain, na ol tok ples, na ol lain manmeri” (ves 37). Ol nambawan plen bilong ol Buk bilong Lo i no bin kamap. tasol dispela revelesin em long em i wanpela tok bilong kirapim tingting na witnes olsem wok bilong Bikpela bai go yet, “blong wanem em bai mekim han holi bilong em, na olgeta hap bilong dispela ples graun bai lukim salvesen bilong God bilong ol“ (ves 3).
Ol aidia long lainim long Hom na long Sios.
Doktrin na ol Kavanen 133:4–14
Jisas Krais kolim mi long sakim Babylon na kam long Saion.
Saion i narakain long Babylon—em wanpela siti bilong bipo na long olgeta hap bilong skripsa em i makim pasin nogut na kalabus bilong spirit. Taim yu ritim Doktrin na ol Kavanen 133:4–14, na kisim tingting long hau Sevua em kolim yu long “go aut long Babylon” (ves 5) na ”go long Saion” (ves 9). Yu mekim wanem long kolin bilong Em? Wanem narapela ol samting yu lainim long Saion i kam long Elda D. Todd Christofferson “ Kam long Saion”? (Liahona, Nov. 2008, 37–40).
Doctrine and Covenants 133:1– 19, 37–39
Mi ken redi nau long namba tu kam bek bilong Seivia.
Tupela seksen 1, Tok i go pas bilong Bikpela long buk Doktrin na Ol Kavanen, na seksen 133, dispela nambawan apendiks bilong Buk bilong Lo, stat wantaim wankain tok i kam long Bikpela: “Harim tok, Yupela pipol bilong Sios bilong mi” Doktrin na ol Kavanen 1;1; 133:1). Ating yu ken stadim Doktrin na ol Kavanen 133:1–19, 37–39 na mekim lis long ol toktok Bikpela askim yu long “harim tok” long en (harim na bihainim) taim yu redi long Nambatu Kam Bek bilong Em. Na tu, yu ken raitim list bilong ol samting Em i laik bai yu mekim (1) redim yu yet na (2) helpim long redim dispela wol long kam bek bilong Em. Wanem samting yu lainim long dispela lis?
Presiden Russell M. Nelson i serim ol impoten tok tru long ol samting bai kamap taim Sevia i kam bek—na hau long kamap redi. Lukluk long dispela ol tok tru long ol toktok bilong em “Ol samting bai kamap long Sios long dispela taim: Redim Wol bilong Nambatu Kam Bek bilong Sevia” (Liahona, Epri. 2020, 6–11). Wanem samting i kirapim yu long mekim— o gohet long mekim—long “redim wol bilong kam bek bilong Sevia”? (“Aaronik Prishud kwarum Stori,” Gospel Library).
Lukim tu Matyu 25:1–13; Russell M. Nelson, “Feit Long Ol Samting Bai Kamap Bihain,” Liahona, Nov. 2020, 73–76; “Kam, Yupela ol Pikinini bilong Bikpela,” Ol singsing, no. 58; Ol Topik and Kwesten, “Nambatu Kam Bek bilong Jisas Krais,” Gospel Library.
Doktrin na ol Kavanen 133:19–56
Nambatu Kam Bek bilong Jisas Krais ol stretpela man bai hamamas.
Taim yu ritim stori bilong taim Sevia bai kam bek ves 19–56, yu amamas long lukim wanem samting? Wanem ol wod o hap tok tok klia long lav bilong Bikpela long ol lain bilong Em? Tingim pasin bilong rekotim stori long ol samting i bin painim yu wantaim “pasin bilong God long laikim tru yu, na olgeta gutpela samting em i bin givim long [yu]” ves 52).
Doktrin na Ol kavanen 134.
“God i bin kamapim ol gavman bilong helpim ol man.”
Ol samting i bin kamap namel long ol Saints na gavman long bipo em i bikpela samting. Taim ol i rausim ol Saints long Jackson Kaunti, Missouri, long 1833, ol i askim gavman bilong dispela hap na gavman bilong kantri long helpim ol, tasol ol i no kisim helpim. Long wankain taim, sampela lain i stap ausait long Sios i ting ol tok bilong Saion i makim olsem ol Seint i sakim wok bilong ol gavman bilong graun. Doktrin na ol Kavanen 134 Ol i raitim dispela bilong kamapim klia tingting bilong posisen bilong Sios long gavman. Dispela hap i kamapim wanem tingting long ol Seint i mas i gat long gavman?
Taim yu stadim seksen 134, tingim ol prinsiple bilong gavman na wok bilong ol sitisen. Olsem wanem ol dispela tingting inap helpim ol Seint bilong pastaim? Olsem wanem ol dispela lo i stret long hap yu stap long en?
Lukim tu “Ol Bilip 1:11–12; Ol Tokpik na Kwesten, “Fri bilong Lotu,“ Gospel Library.
Ol aidia long Tisim ol pikinini
Doktrin na ol Kavanen 133:4–5, 14
Bikpela i laikim mi long stap longwe long man birua long dispela wol.
-
Yu na ol pikinini bilong yu inap mekim lis long sampela ol ples na samting Bikpela laikim yumi long stap longwe long en. Bihain yu inap skelim dispela ol ples na samting long minin bilong “Babel, Babylon” long Gaid i go long ol Skripsa (Gospel Library). Ol ken bihain ritimDoktrin na ol Kavanen 133:4–5, 14. Em minim wanem long “go aut long Babylon“? (ves 5). Yu ken mekim wankain is bilong ol ples na samting Bikpela invaitim yumi long skelim displa lis long minin bilong “Saion” long Gaid i go long ol Skripsa.
Doktrin na ol Kavanen 133:19–21, 25
Jisas Krais bai kam gen.
-
Ol pikinini bilong yu i ken hamamas long ekim aut wanem em i luk olsem long redi long samting, olsem wanpela spot tonamen, wanpela impoten visita, o wanpela holide long laik bilong yu. Bilong wanem em i bikpela samting long redi gut? Yupela ken rit wantaim Doktrin na ol Kavanen 133:17–19, 21, na askim ol pikinini long painim wanem samting Bikpela askim yumi long redi long en. Yu ken soim ol ol piksa long dispela wik autlain na askim ol pikinini bilong yu wanem samting ol save long Nambatu Kam Bek bilong Jisas Krais. Wanem narapela ol samting yumi lainim long ves 19–25, 46–52? Wanem samting yumi ken mekim long redi gut long dispela wanpela bikpela de bilong Hamamas?
-
Yu ken haitim sampela ol piksa o piksa bilong samting yumi ken mekim long redim long Nambatu Kam Bek bilonh Jisas Krais (olsem ritim ol skripsa, serim gospel, o sevim ol famili bilong yumi). Larim ol pikinini bilong yu painim ol piksa o samting na toktok long hau dispela ol samting inap helpim yumi kamap redi long mitim Sevia taim em Kam Bek.
-
Yu ken singim wanpela singsing wantaim long Nambatu Kam Bek, olsem “When He Comes Again“ (Singsingbuk bilong ol Pikinini, 82–83). Serim wantaim narapela lav bilong yu long Sevia na ol filings bilong yu long taim Em kam Bek.
Doktrin na ol Kavanen 133:52–53
Jisas Krais em i laving na gat gutpela pasin.
-
Yu na ol pikinini bilong yu ken lukluk long ol piksa we i soim Jisas Krais em laving na gat gutpela pasin. (Olsem eksample, lukim Gospel Art Buk, nos. 42, 47.) Wanem gen Jisas bin mekim long soim lav na gutpela pasin bilong Em? Rit wantaim Doktrin na ol Kavanen 133; 52, na helpim ol pikinini tingting long ol wei ol ken “tokaut long laving na gutpela pasin bilong Bikpela” long ol narapela.
Tisim ol man long ol tok i klia na doktrin em i isi. Bikpela i tisim gosple bilong Em long “putim ol toktok em i klia stret na i isi long save” (Doktrin na ol Kavanen 133; 57). Dispela ol toktok i givim wanem tingting long yu long tisim gospel long famili o klas bilong yu?
Doktrin na Ol Kavanen 134:1--2
Bikpela i laikim me long bihainim lo bilong Em.
-
Ol pikinini bilong yu inap mekim lis bilong ol rul o lo ol save bihainim. Laip bai olsem wanem sapos nogat wanpela man i bihainim dispela ol lo? Bihain yu ken ritim Doktrin na ol Kavanen 134; 1–2 wantaim ol, helpim ol long save sampela ol wod o hap tok ol no inap save. Bilong wanem na God i laikim yumi long bihainim lo? (lukim tu Ol Bilip 1:12 ).
Long kisim moa aidia, lukim megasin bilong dispela munFriendmegasin.