Nsanananmu ne Ndze horow

Okun Dɔfo,

Menya kwan a medze bɔsoma me nyɛnko bi no, mobɔ mbɔdzen dɛ mebɛkyerɛw, mbom merennkyerɛw m’atsenka koraa, osiandɛ gyinabew a ewɔ mu no, afasu, mpuna, daagow, esutsen a wɔrepem kɔ, akoko a wɔremema do, bɔnsa horow a wɔremem nye sar a ɔrodɔr a ɔtsetsew hɛn ntamu, na etsirmɔdzen atsɛnkyew a ɔdze wo too efiadze na ɔdaho ayer wo wɔ hɔ, nye ndzɛmba ahorow pii, ma munntum nkã m’atsenkã ho hwee.

Ɔnnyɛ dɛ minyim dɛ nnyim ho hwee, na ɔsor ehumbɔbɔr a otwitwaa gyee me a, nkyɛ megye dzi dɛ murunntum nnsɔw amandzehu a mafa mu no … ; naaso meda ho tse ase na mayɛ krado dɛ mubohu amandze bio sɛ ɔyɛ Ɔsor yamuyiefo ne pɛ wɔ ɔwo ntsi a.

Sesei hɛn nyina hɛnho ye, gyedɛ Fredrick nko a ɔayɛr ara yie.

Alexander Kakraba a sesei ɔda m’abasa mu yi nye abodomaba fɛɛfɛw a ehu pɛn wɔ w’abrabɔ mu. Noho yɛ dzen ara ma onya egua no mboa a obotu mbirika ekyin dan no mu nyina. …

Obiara nnyi hɔ kã Nyame nko na onyim m’adwen mu na m’akoma mu atsenkã ber a mutui fii hɛn fie, na migyaa biribiara a yɛwɔ kã hɛn Mbofra nkakraba no pɛr, na mutuu kwan fii Missouri ɔman mu, gyaa wo a wɔnye wo ato efiadze ankonam no mu. Mbom no ho nkaakaa no bor dza ɔdasanyi botum asoa. …

… Mowɔ enyidado dɛ nda pa bɛba ama hɛn ara. … [Me]yɛ wodze ɔdɔ mu ara daapem.

Emma Smith

Ɔyer—na ɔdɔ mu ara—Dɔfo.

Yawda anafua ber a ewia rokɔtɔ no metsenaa ase, ber a yɛhwɛɛ efiadze ankonam no mpuna no mu, dze akyerɛw wo ama maama ehu me gyinabew. Megye dzi dɛ abosoom enum na nda esia abɛsen a mehyɛ ɔweɔmfo ase anafua na adzekyee, na efiadze a n’afasu no mu no, mpuna na daadze abobow a ɔyɛ dede, ankonam, sunkamm a hɔ ayɛ fĩ mu. Medze atsenka a Nyame nko nyim kyerɛw krataa yi. Dza m’adwen adwendwen ho no wɔ gyinabew yinom mu no akyerɛwdua, anaa takyerɛma, anaa Abɔfo nnkotum akã, anaa wɔada no edzi akyerɛ nyimpa bi a onnhyiaa dza yerefa mu yi dabiarada. … Yɛtwer Jehovah n’abasa, na nnyɛ obiara, ma hɛn ɔgye, na sɛ ɔno ɔannyɛ a, wɔnnkɛyɛ, nya awerɛhyɛmu, osiandɛ ɔman yi hɔn kɔn dɔ hɛn mbɔgya; nnyɛ dɛ yɛafom wɔ biribiara ho. … Me Emma Dɔfo, modwen ɔwo na mbofra no hɔn ho aber nyina. … Mepɛ dɛ muhu Frederick kakraba, Joseph, Julia, Alexander, Joana, na ɔkõfo dadaw [ebusua bɔdɔm no]. … Mebɛnantsew enyigye mu aba wo nkyɛn a mennhyɛ mpaboa, me tsir ho kwatserkwa, na mennhyɛ me sortar, dze ebohu wo na madwen ho dɛ ɔyɛ enyigyedze kɛse, na mennkɛfa no dɛ ɔyɛ edwuma dzen. … Medze enyimia sɔw m’abrɛbrɛsɛ nyina, na dɛmara na hɔn wɔkã mo ho reyɛ, hɛn mu biara egyina pintsinn. Mepɛ dɛ nnkɛma [hɛn mbofra] no hɔn werɛ befir me. Kã kyerɛ hɔn dɛ Egya dze ɔdɔ mapã dɔ hɔn, na ɔreyɛ biribiara a obotum dze efi dɔm no hɔ aba hɔn nkyɛn. … Kã kyerɛ hɔn dɛ Egya se ɔwɔ dɛ wɔyɛ mbofra pa, na wotsie hɔn nã. …

Wodze,

Joseph Smith, Kakraba.