Fankwa 29–Ɔbɛsɛ 5: ‘Ɔyɛ Wo Fie, Wo Krɔnkrɔnbea’: Nkyerɛkyerɛ na Ahyɛmudzi 109–110,” Bra, Bɛka Mo Do—Ma Fie na Asɔr: Nkyerɛkyerɛ na Ahyɛmudzi 2025 (2025)
“Nkyerɛkyerɛ na Ahyɛmudzi 109–110,” Bra, Bɛka Mo Do—Dze Ma Fie na Asɔr: 2025
A Glorious Light—Kirtland Temple [Enyimnyam Kandzea—Kirtland Temple], Glen S. Hopkinson yɛɛ nsaano mfonyin no
Fankwa 29–Ɔbɛsɛ 5: “Ɔyɛ Wo Fie, Wo Krɔnkrɔnbea”
Nkyerɛkyerɛ na Ahyɛmudzi 109–110
Kirtland Temple mbobow no nna ɔnnsɛ dɛ wobue gyedɛ Ebɔw 27, 1836 wɔabɔ anapa ndɔnwɔtwe. Naaso nna Ahotseweefo a wɔpɛ dɛ wɔba tu hyɛ Nyame nsa som no bi no ahyɛ ase rotow santsen anapa ndɔnsuon. Okehiaa bea a hɔn a wɔabor do no bɛtsena na nkyii nhyiamu a otsia ebien akã ho ana hɔn nyina enya hɔ kwan. Na nna nnyɛ atseasefo nko na hɔn enyi aber dɛ wɔbɛba hɔ. Adasefo dodowara hun sor abɔfo wɔ temple no mu na n’etsifi mpo, ber a wɔreyɛ tu hyɛ Nyame nsa som no. Nna ɔyɛ dɛ ma “ɔsor nsordaafo” aba nye Latter-day Saintfo no “robɔtow ndwom na wɔatsẽatsẽa mu” (“Nyame no Sunsum,” Ndwom, nkanee 2).
Dɛn ntsi na enyigye kɛse yi—wɔ ntwamutam no n’afã ebien no? Mfe aha aha ekyir no, Ewuradze ne fie aba asaase do bio. Nna Ewuradze rehyɛ N’anohoba mã dɛ Ɔdze adom akyɛdze “tum a ofi sor” (Nkyerɛkyerɛ na Ahyɛmudzi 38:32) bɛma N’Ahotseweefo. Na Ɔkãa dɛ iyi nye “nhyira no n’ahyɛse” ara (Nkyerɛkyerɛ na Ahyɛmudzi 110:10). Mber a sesei yɛtse mu yi—temple edwuma rokɔ do ntsɛntsɛm na atseasefo na ewufo ɔpepe nsa tum kã ayɛdze horow—n’ahyɛse no fir Kirtland, ber a “nwanta a ɔwɔ asaase do ahyɛase retsetsew” (“Nyame no Sunsum”).
Hwɛ Saints, 1:232–41; “A House for Our God,” wɔ Revelations in Context, 169–72 so.
Adwenkyerɛ horow ma Adzesũa wɔ Fie na wɔ Asɔr
Ewuradze dua temple ahyɛmudzi horow mu ma me nhyira akɛse.
Nna Kirtland Temple no yɛ soronko fi temple horow a yenyim no ndɛ no hɔn ho. Mfatoho, nna afɔrmbukyia na enuma nsubura biara nnyi hɔ. Mbom nhyira a wɔakã ho asɛm wɔ ɔfa 109, Kirtland Temple no tu hyɛ Nyame nsa mpaabɔ mu no, nsa kã no Ewuradze ne fie ndɛ. Bobɔ nyiyimu a odzi do yinom do fa hu nhyira yinom mu bi, na dwendwen mbrɛ obotum ahyɛ wo nkitahodzi a enye Ɔsor Egya na Jesus Christ wɔ no dzen.
Nyiyimu 5, 12–13 (hwɛ Nkyerɛkyer na Ahyɛmudzi 110:6–8 so): Ewuradze ne fie mu no, Obotum ada Noho edzi akyerɛ me, na mubotum atse No tum nkã.
Nhyira horow binom so:
Sɛ akɔ Ewuradze ne fie da a, dwen mbrɛ anohoba yinom esi ahyɛ mã wɔ w’abrabɔ mu.
Asɔr ndwom “Nyame no Sunsum” (Asɔr na Mbofra Ndwom, nkanee 2) wɔkyerɛwee maa Kirtland Temple no tu hyɛ Nyame nsa som no—na fitsi dɛm ber no wɔatow no wɔ temple biara no tu hyɛ Nyame nsa som ase. Susu dɛ ebɔtow anaa ibetsie dze ayɛ w’adzesũa na asɔryɛ ne fã bi. Ebɛn temple nhyira horow na ihu dɛ wɔakã ho asɛm wɔ asɔr ndwom yi mu?
Mpaabɔ yɛ yɛnye Ɔsor Egya rinya nkitahodzi.
Ɔfã 109 yɛ tu hyɛ Nyame nsa mpaabɔ a woduaa nyikyerɛ mu dze maa Nkɔnhyɛnyi Joseph Smith (hwɛ ɔfã ne tsir). Ebɛnadze na isũa fa mpaabɔ ho fi ɔfã yi mu? Mfatoho, ibotum akyerɛw nsɛnsin wɔ dza Nkɔnhyɛnyi no daa ase wɔ ho na nhyira horow a obisae. Ebɛnadze bio na ɔkãa no wɔ mpaabɔ yi mu? Ber a irusũa no, bia ibotum eker wankasa wo nkitahodzi a enye Ɔsor Egya wɔ. Ebɛnadze na isũa fa Ɔno na Ne Ba ho fi mpaabɔ yi mu?
Sɛ epɛ dɛ ekenkan temple binom tu hyɛ Nyame nsa mpaabɔ, a temple a ɔbɛn wo yie kã ho a, sera temple no ne krataafa wɔ temples.ChurchofJesusChrist.org.
Nkyerɛkyerɛ na Ahyɛmudzi 110:1–10
Ewuradze botum ada Noho edzi akyerɛ me wɔ Ne fie.
Ber a ekenkan Agyenkwa no ho nsɛm a wɔakã no wɔ Nkyerɛkyerɛ na Ahyɛmudzi 110:1–10, a ɔfã tsir no kã ho no, dwendwen dza nyiyimu yinom susu fa No ho.
Jesus Christ si dɛn da Noho edzi—anaa Ɔma ihu No—wɔ Ne fie? Osi dɛn boa wo ma ihu dɛ Ɔagye w’afɔrbɔ ato mu?
Kirtland Temple no mu.
Nkyerɛkyerɛ na Ahyɛmudzi 110:10–16
Agyenkwa no dua asɔfodzi nsaafee do dze hwɛ N’edwuma do.
Ansaana Moses, Elias, na Elijah puei wɔ temple no mu dze asɔfodzi nsaafee resan ananmu aba no, Jesus Christ see dɛ, “Iyi nye nhyira a wobohue egu mo nkorɔfo hɔn etsir do no n’ahyɛse” (Nkyerɛkyerɛ na Ahyɛmudzi 110:10). Ber a ekenkan nyiyimu 11–16 no, dwen nhyira horow a Agyenkwa no ruhue gu wo do a odua edwuma no a nsaafee yinom hwɛ do no do. Mfatoho:
-
Nyiyimu 11: Moses na nsaafee a wɔdze bɔboaboa Israel ano (anaa asɛmpakã dwuma). Ewuradze esi dɛn edua N’Asɔr asɛmpakã mbɔdzembɔ do ehyira ɔwo na w’ebusua?
-
Nyiyimu 12: Elias na Abraham asɛmpa no nsaafee a Abraham Ahyɛmudzi no kã ho. Ewuradze besi dɛn botum ehyira ɔwo na “mbasantsen a wodzi [w’ekyir] osian wo ahyɛmudzi ntsi. (Hwɛ Russell M. Nelson, “The Everlasting Covenant,” Liahona, Ɔbɛsɛ 2022, 4–11; Kyerɛwsɛm no Kwankyerɛ, “Elias,” Asɛmpa Nwoma Korabea.)
-
Nyiyimu 13–16: Elijah na nsɔwano tum no, a odua temple na ebusua abakɔsɛm edwuma mu da edzi. Dɛn ntsi na edwen dɛ, Ɔsor Egya pɛ dɛ idua temple ayɛdze mu nye w’ewuakɔr nya nkitahodzi? (Hwɛ Gerrit W. Gong, “Happy and Forever,” Liahona, Ɔberɛfɛw 2022, 83–86.)
Ebɛn nkitahodzi na ihu dɛ ɔda nsaafee yinom na hɛn asodzi wɔ Nyame no nkwagye na nkwagye ntowdo edwuma mu (edze asɛmpa no robɔ bra, erohwɛ hɔn a wɔwɔ hia mu, eroto nsa afrɛ obiara ma wɔabɛgye asɛmpa no, na erekã ebusua ebusua bɔ mu afebɔɔ)?
Ebɛn sũahu na enya wɔ Nyame no nkwagye na nkwagye ntowdo ho edwuma mu? Ebɛnadze na sũahu yinom rekyerɛkyerɛ wo fa Agyenkwa no, N’Asɔr, na N’edwuma ho?
Hwehwɛ akwan horow enye binom nkã ho. Sɛ erekyerɛkyerɛ Nkyerɛkyerɛ na Ahyɛmudzi 110:11–16 ho nsɛm a, ibotum esusu ama adzesũanyi biara ma woesũa Moses, Elias, anaa Elijah na nsaafee a ɔdze san ananmu bae no ho asɛm. Nkyii adzesũafo no botum nye hɔnho akyɛ dza woekohu no. Kwan a ɔtse dɛm ma obiara dze noho hyɛ adzesũa na adzekyerɛ mu. (Hwɛ Teaching in the Savior’s Way, 24–27).
Epɛ adwenkyerɛ horow bi akã ho a, hwɛ bosoom yi Liahona na For the Strength of Youth dawurbɔ nkrataa mu.
Adwenkyerɛ horow ma Erekyerɛkyerɛ Mbofra
Nkyerɛkyerɛ na Ahyɛmudzi 109:12–13; 110:1–7
Temple no nye Ewuradze ne fie.
-
Ɔwo na wo mbofra botum akasa afa biribi a hom pɛ wɔ hom fie ho. Nkyii hom botum ahwɛ Kirtland Temple no mfonyin na wɔdze Nkyerɛkyerɛ na Ahyɛmudzi 109:12–13; 110:1–7 akasa afa mbrɛ wosii tuu dɛm temple no hyɛɛ Nyame nsa ma ɔbɛyɛɛ Ewuradze ne fie ho (hwɛ “Chapter 39: The Kirtland Temple Is Dedicated,” wɔ Doctrine and Covenants Stories, 154, anaa video a ɔnye no kɔ do wɔ Asɛmpa Nwoma Korabea so). Hom nye homho nkyɛ dza hom pɛ wɔ Ewuradze ne fie ho.
2:17Chapter 39: The Kirtland Temple Is Dedicated: January–March 1836
-
Bia ɔwo na wo mbofra botum adwen ho dɛ nyɛnko bi rohwehwɛ hɔn fie. Yebesi dɛn bɔboa hɛn nyɛnko no ma oehu fie kor a ɔyɛ hɛn dze? Yesi dɛn hu dɛ temple no yɛ Ewuradze ne fie? (Hwɛ Nkyerɛkyerɛ na Ahyɛmudzi 109:12–13).
Agyenkwa no rudua asɔfodzi nsaafee do rihyira No nkorɔfo.
-
Ibotum dze dapɛn yi no dwumadzi krataafa anaa “Chapter 40: Visions in the Kirtland Temple” (wɔ Doctrine and Covenants Stories, 155–57, anaa video a ɔnye no kɔ do wɔ Asɛmpa Nwoma Korabea) dze akã akyerɛ mbofra no afa ɔsor nyimpa horow a wɔbɛseraa temple no. Ibotum so edze mfonyin no a ɔwɔ n’apɔwdo n’apɔwdo yi n’ewiei no edzi dwuma.
1:17The Kirtland Temple
-
Ama woeesũa dza osii wɔ Kirtland Temple no ho hia a ohia no, ɔwo na wo mbofra botum akasa afa dza nsaafee yɛ ho. Bia wo mbofra no botum aba kan nkorkor a wokitsa nsaafee na woepetuw dɛ worubue abow a wɔato mu. Boa hɔn ma wɔnhwehwɛ nkasafua nsaafee wɔ Nkyerɛkyerɛ na Ahyɛmudzi 110:11–16 mu, na kasa fa nhyira horow a nsaafee yinom botum ebue ho nsɛm. Bia ebɛkyerɛkyerɛ mu dɛ asɔfodzi nsaafee no yɛ kwan a Nyankopɔn ma wɔdze dzi N’Asɔr no kan. Kyɛ wo enyisɔ dɛ Ewuradze maa hɛn asɔfodzi nsaafee.
Nkyerɛkyerɛ na Ahyɛmudzi 110:15
Agyenkwa no pɛ dɛ medan m’akoma kɔ m’ewuakɔr do.
-
Wɔabɔ mu akenkan Nkyerɛkyerɛ na Ahyɛmudzi 110:15 ewie no, kã sũahu bi ho asɛm a ɔboae dze daan w’akoma kɔɔr w’ewuakɔr do kyerɛ wo mbofra no. Wobotum so abɔ mu atow ndwom bi tse dɛ “Family History—I Am Doing It” (Children’s Songbook, 94).
-
Ebɛnadze na obotum aboa wo mba “adan hɔn akoma” akɔ hɔn ewuakɔr do? Ibotum ehu adwenkyerɛ binom a ɔyɛ enyigye wɔ FamilySearch.org/discovery. Hom botum abɔ mu ayɛ edwuma ahwehwɛ hɔn ewuakɔr a wohia temple ayɛdze horow. Dɛn ntsi na Jesus pɛ dɛ yɛyɛ dɛm edwuma yi?
Epɛ adwenkyerɛ horow bi akã ho a, hwɛ bosoom yi Nyɛnko dawurbɔ krataa mu.