సిద్ధాంతము మరియు నిబంధనలు 121–123

మనము లేదా మనం ప్రేమించేవారు బాధపడుతున్నప్పుడు, మన గురించి దేవుడికి తెలుసా అని ఆశ్చర్యపోవడం అతిసాధారణం. మీరు సిద్ధాంతము మరియు నిబంధనలు 121:1–6 చదువుతున్నప్పుడు, జోసెఫ్ స్మిత్‌కు కలిగినటువంటి ప్రశ్నలు లేదా భావాలు మీకు కలిగిన సమయాల గురించి ఆలోచించండి. మీకు అలాంటి ప్రశ్నలు లేదా భావాలు కలిగినప్పుడు మీకు సహాయపడేలా ప్రభువు యొక్క జవాబు నుండి మీరేమి కనుగొంటారు? ఉదాహరణకు, 7–10, 26–33 వచనములలో ఆయన వాగ్దానమిస్తున్న దీవెనలను గమనించండి. “సహించడం” అంటే అర్థమేమిటని మీరనుకుంటున్నారు? దీనిని చేయడానికి రక్షకుడు మీకేవిధంగా సహాయపడతారు?

మీరు 122వ ప్రకరణము చదువుతున్నప్పుడు, మీ ప్రతికూలతలను మీరు ఏవిధంగా చూడాలని ప్రభువు కోరుతున్నారో పరిగణించండి. మీ శ్రమల నుండి కలిగిన అనుభవాలు మరియు అవి “[మీ] మేలు కొరకు” (7వ వచనము) ఎలా ఉండవచ్చో మీరు ధ్యానించవచ్చు.

క్వింటిన్ ఎల్. కుక్, “కష్ట కాలములలో వ్యక్తిగత శాంతి,” లియహోనా, నవ. 2021, 89–92 కూడా చూడండి.

ప్రాపంచిక శక్తి బలవంతంగా పరిశుద్ధులను మిస్సోరి నుండి బయటకు మరియు జోసెఫ్ స్మిత్‌ను జైలులోకి నెట్టింది. కానీ జోసెఫ్ అక్కడ ఉన్నప్పుడు, ప్రభువు అతనికి వేరే రకమైన శక్తి గురించి బోధించారు: ఆయన శక్తి, “పరలోక శక్తులు.” సిద్ధాంతము మరియు నిబంధనలు 121:34–46లో ఆ శక్తి గురించి చదవడం ఆ శక్తిని ఎలా పొందాలో మరియు ఇతరులను ఆశీర్వదించడానికి దానిని ఎలా ఉపయోగించాలో తెలుసుకోవడానికి మీకు సహాయం చేస్తుంది. పరలోక శక్తులు మరియు ప్రాపంచిక శక్తి అని పేరు పెట్టబడిన నిలువు వరుసలతో మీరు నేర్చుకున్న వాటిని మీరు పట్టికలో నమోదు చేయవచ్చు. ఈ రెండు రకాల శక్తి ఎలా భిన్నంగా ఉంటుంది? ప్రభువు యొక్క శక్తి గురించిన ఈ వర్ణనలు ఆయన గురించి మీకు ఏమి బోధిస్తాయి?

మీరు 41వ వచనములో ప్రభావం అనే పదాన్ని కూడా ధ్యానించవచ్చు. బహుశా కుటుంబ సంబంధంలో, పాఠశాలలో, పనిలో లేదా సంఘ నియామకంలో మీరు మంచి ప్రభావం చూపాలని కోరుకునే కొన్ని పరిస్థితులు ఏవి? దేవుడు తన పిల్లలను ఎలా ప్రభావితం చేస్తారనే దాని గురించి 41-46 వచనముల నుండి మీరేమి నేర్చుకుంటారు? ఇలాంటి వాక్యాన్ని పూర్తి చేయడం ద్వారా మీరు నేర్చుకున్న వాటిని మీరు సంగ్రహించవచ్చు: “మంచి కోసం ప్రభావితం చేయడానికి, నేను చేస్తాను.”

జెఫ్రీ ఆర్. హాలండ్, “లోకమిచ్చునట్టుగా నేను మీకనుగ్రహించుటలేదు,” లియహోనా, మే 2021, 35–38 కూడా చూడండి.

9:14

యేసు క్రీస్తు “[అన్నిటికంటే] హీనమైన వాటిని అనుభవించెను” అంటే అర్థమేమిటని మీరనుకుంటున్నారు? ఈ వాక్యభాగాన్ని అర్థం చేసుకోవడంలో మీకు సహాయపడే కొన్ని అదనపు వచనాలు ఇక్కడ ఉన్నాయి: యెషయా 53:3–4; హెబ్రీయులకు 2:17–18; 1 నీఫై 11:16–33; ఆల్మా 7:11–13. మీరు నేర్చుకున్న దానిపై ఆధారపడి, సిద్ధాంతము మరియు నిబంధనలు 122:8 ని మీ స్వంత పదాలలో తిరిగి చెప్పడాన్ని పరిగణించండి. అన్నిటికంటే హీనమైన వాటిని అనుభవించినందుకు యేసు క్రీస్తుకు మీరు మీ కృతజ్ఞతను ఎలా చూపించగలరు?

అధ్యక్షులు డాలిన్ హెచ్. ఓక్స్ నుండి వచ్చిన ఈ అంతర్దృష్టి మీ అవగాహనను ఎలా ప్రభావితం చేస్తుంది? “అన్నిటికంటే హీనమైన వాటిని అనుభవించిన తరువాత, [యేసు క్రీస్తు] మనలను ఉద్ధరించడానికి మరియు మన కష్టాలను సహించడానికి అవసరమైన శక్తిని ఇవ్వడానికి సంపూర్ణంగా ఉంచబడ్డారని కూడా మనం చెప్పవచ్చు”(“Strengthened by the Atonement of Jesus Christ,” Liahona, Nov. 2015, 64).

సిద్ధాంతము మరియు నిబంధనలు 123:7–8లో, జోసెఫ్ స్మిత్ పరిశుద్ధులు హింసించబడడంతో సహా బాధలకు దారితీసిన తప్పుడు నమ్మకాలను సూచించాడు. 1839 మార్చిలో, భయంకరమైన వారి పరిస్థితిని మార్చడానికి పరిశుద్ధులు చేయగలిగినది ఏమీ లేదనిపించియుండవచ్చు. కానీ లిబర్టీ చెరసాల నుండి వ్రాసిన తన లేఖలలో, వారు చేయగలిగిన దాని గురించి జోసెఫ్ వారితో చెప్పారు: “అన్నిటి జ్ఞానమును [సేకరించి], దేవుని రక్షణను చూచుటకు మిక్కిలి నిశ్చయముతో నిలిచియుండుము” (సిద్ధాంతము మరియు నిబంధనలు 123:1, 17). నేటి ప్రపంచంలో ఉన్న సమస్యలను మీరు పరిగణించినప్పుడు, “[మీ] సామర్థ్యము మేరకు” వాటిని పరిష్కరించగల విధానాల గురించి ఆలోచించండి (12, 17 వచనములు). మరియు అకారణంగా “చిన్న విషయాలు” విస్మరించవద్దు (15వ వచనము). ఈ విషయాలను “సంతోషముతో” చేయడం ఎందుకు ముఖ్యము? (17వ వచనము).

ఈ లేఖలో జోసెఫ్ అడిగిన వృత్తాంతాలలో అనేకము ప్రభుత్వానికి సమర్పించబడ్డాయి మరియు Times and Seasons (టైమ్స్ అండ్ సీజన్స్) అనే నావూ వార్తాపత్రికలో 11 వరుస భాగాలుగా ప్రచురించబడ్డాయి (see “A History, of the Persecution, of the Church of Jesus Christ, of Latter Day Saints in Missouri, December 1839–October 1840,” [josephsmithpapers.org]).

• తర్వాత మీరు సిద్ధాంతము మరియు నిబంధనలు 121:1–9 ను కలిసి చదవవచ్చు మరియు జోసెఫ్ శాంతిని అనుభవించడానికి రక్షకుడు ఎలా సహాయం చేసారో మీరు మాట్లాడవచ్చు. కష్ట సమయాల్లో సైతం మనం ఏవిధంగా రక్షకుని యందు శాంతిని కనుగొంటాము?

  

  2:36

  

  62:4

• మన శ్రమలు “[మన] మేలు కొరకే” (సిద్ధాంతము మరియు నిబంధనలు 122:7) అని మీ పిల్లలు గుర్తించడంలో సహాయపడడానికి, మనం బరువుగా ఉన్న వస్తువును మోసినప్పుడు మన కండరాలు ఎలా పెరుగుతాయనే దాని గురించి మీరు వారితో మాట్లాడవచ్చు. మీరు ఒక భారీ వస్తువును ఎత్తడానికి కూడా వారిని ఆహ్వానించవచ్చు. తర్వాత—మనం సహాయం కోసం ప్రభువు వైపు తిరిగినప్పుడు, కష్ట సమయాలను ఎదుర్కోవడం మన ఆత్మలు ఎదగడానికి ఎలా సహాయపడగలదు అనే దాని గురించి మీరు మాట్లాడవచ్చు. మీ జీవితం నుండి కొన్ని ఉదాహరణలను పంచుకోండి.

• బహుశా ఒక పోలిక “పరలోక శక్తులను” అర్థం చేసుకోవడానికి మీ పిల్లలకు సహాయపడుతుంది. ఉదాహరణకు, మీరు దేవుని శక్తిని విద్యుచ్ఛక్తితో పోల్చవచ్చు. శక్తిని పొందడం నుండి ఒక విద్యుత్తు ఉపకరణమును ఏది నిరోధిస్తుంది? ఏది మన ఆధ్యాత్మిక శక్తిని తగ్గిస్తుంది? ఏది పెంచుతుంది? (సిద్ధాంతము మరియు నిబంధనలు 121:34–46లో పదాలు మరియు వాక్యభాగాల కొరకు చూడండి; ప్రధాన చేతిపుస్తకము, 3.5, 3.6, సువార్త గ్రంథాలయము కూడా చూడండి.)

• మీ పిల్లలతో కలిసి సిద్ధాంతము మరియు నిబంధనలు 122:7–9 చదివిన తరువాత, కష్టమైన సమయంలో రక్షకుడు మీతో ఉన్నట్లు మీరు భావించిన ఒక అనుభవాన్ని మీరు పంచుకోవచ్చు. మీరు యేసు క్రీస్తు గురించి ఒక పాటను కలిసి పాడవచ్చు మరియు యేసు క్రీస్తు మనకు సహాయం చేయగలరని సాక్ష్యమివ్వవచ్చు, ఎందుకంటే మనం ఎలా భావిస్తామో ఆయనకు తెలుసు.

• మీ పిల్లలకు సిద్ధాంతము మరియు నిబంధనలు 123:15–17 అర్థం చేసుకోవడంలో సహాయపడేందుకు, మీరు వారితో ఒక పెద్ద ఓడ మరియు చిన్న చుక్కాని చిత్రాన్ని పంచుకోవచ్చు లేదా “నా సువార్త సూత్రములు” (లియహోనా, మే 2021, 125–26) లో ఎల్డర్ డేవిడ్ ఎ. బెడ్నార్ గారి వివరణను వారితో పంచుకోవచ్చు. అప్పుడు మీరు మన కుటుంబం మరియు స్నేహితులకు మనము సంతోషంగా సేవ చేయగల చిన్న మార్గాల గురించి మాట్లాడవచ్చు.

15:0