მოძღვრება და აღთქმები 115–120

პრეზიდენტმა რასელ მ. ნელსონმა თქვა, რომ ეკლესიის სახელი არის „დიდად მნიშვნელოვანი საკითხი“ („ეკლესიის სწორი სახელწოდება“, Liahona, ნოემ. 2018 წელი, 87). მოძღვრება და აღთქმები 115:4–6-ს კითხვისას დაფიქრდი, რატომ არის ეს სიმართლე. რა კავშირშია ეკლესიის სახელწოდება მის საქმიანობასთან და მისიასთან?

იხილე ასევე 3 ნეფი 27:1–11.

როდესაც სწავლობ ძლიერ გამოსახულებებს მოძღვრება და აღთქმები 115:5–6-ში გაითვალისწინე, რა როლის შესრულება სურს უფალს შენგან, როგორც ეკლესიის წევრისგან. მაგალითად, რა შეგიძლია გააკეთო იმისათვის, რომ „წარმოდ[გე] და გაბრწყინდ[ე]“ ან „ერებისთვის … [იყო] ალამი“? (მუხლი 5). რა სულიერ ქარიშხლებს ამჩნევ შენს გარშემო? როგორ პოულობ „თავშესაფარს“ შეკრების გზით? (მუხლი 6).

იხ. აგრეთვე “Brightly Beams Our Father’s Mercy,” Hymns, no. 335.

წარმოიდგინე, რომ ხარ ნუელ კ. უიტნი ან მისი ცოლი, ელიზაბეთი, რომლებიც აყვავებული ცხოვრებით ცხოვრობდნენ კირტლენდში, რომლის დატოვებასაც სთხოვენ. რა აღმოაჩინე მოძღვრება და აღთქმები 117:1–11 -ში, რაც დაგეხმარებოდა ამ მსხვერპლის გაღებაში? რა მსხვერპლს გაიღებ ღმერთისთვის? რას გასწავლის ეს მუხლები იმის შესახებ, თუ ვინ არის ღმერთი და რას აკეთებს ის?

ოლივერ გრეინჯერისგან მოთხოვნილი შესაწირავი განსხვავდებოდა უიტნიებისგან: უფალმა დაავალა კირტლანდში დარჩენა და ეკლესიის საფინანსო საკითხების მოგვარება. მიუხედავად იმისა, რომ იგი პატიოსნად წარმოადგენდა ეკლესიას, საბოლოოდ არ იყო ძალიან წარმატებული. გაითვალისწინე მოძღვრება და აღთქმები 117:12–15 -ში უფლის მიერ ნათქვამი სიტყვები და გამოიყენე ის, რაც მან გთხოვა.

იხილე ასევე “Far West and Adam-ondi-Ahman,” Revelations in Context, 239–40.

ნაწილი 119 და 120 -ის მითითებებში დაზუსტებულია, თუ რას ნიშნავს მეათედი: ჩვენ ყოველწლიურად შევიტანთ შემოსავლის „ერთ მეათედს“ (იხილე მოძღვრება და აღთქმები 119:4). მაგრამ ეს გამოცხადებები მხოლოდ განმარტებას როდი იძლევა. უფალმა უთხრა წმინდანებს, რომ მეათედი „განწმ[ენდს] სიონის მიწა[ს]“. და ამ კანონის გარეშე, მან თქვა, „ეს თქვენთვის სიონი… არ იქნება“ (მუხლი 6). ოდესმე გიფიქრია მეათედზე ამ კუთხით? როგორ დაგეხმარება მეათედის გადახდა, უფრო განწმენდილი, უფრო მომზადებული იყო სიონისთვის?

რას სწავლობ ამ გამოცხადებებიდან იმის შესახებ, თუ როგორ იყენებენ უფლის მსახურები მეათედის სახსრებს? რა არის შენთვის მნიშვნელოვანი ფრაზაში „მათთვის მიმართული ჩემი პირადი ხმისგან“ მოძღვრება და აღთქმები 120?

უხუცესმა დევიდ ა. ბედნარმა მოგვცა სასარგებლო აღწერა, თუ როგორ გამოიყენება მეათედი და კურთხევები, რომლებიც მოდის აღნიშნული კანონის მორჩილებით: “The Windows of Heaven” (Liahona, ნოემ. 2013 წელი, 19–20). შემდეგი კითხვები შეიძლება დაგეხმაროს შეისწავლო მისი გზავნილი:

16:55

• ვინ განსაზღვრავს, თუ როგორ გამოიყენება მეათედი მას შემდეგ რაც მას ეკლესიას გადავუხდით?

• რისთვის გამოიყენება მეათედი?

• რა კურთხევები მოდის მეათედის გადახდის შედეგად? მაგალითად, როგორ აძლიერებს მეათედის გადახდა შენს ურთიერთობას მამაზეციერთან და იესო ქრისტესთან?

• რა შეგიძლია ისწავლო უხუცეს ბედნარის მოწვევიდან?

• როგორ შეგიძლია დაეხმარო სხვებს, მოემატოთ რწმენა უფლის მეათედის კანონის მიმართ?

იხილე ასევე მალაქია 3:8–12; “The Tithing of My People,” Revelations in Context, 250–55.

• იმისათვის, რომ დაეხმარო შენს ბავშვებს ისწავლონ ეკლესიის სახელი და გააცნობიერონ, თუ რატომ არის ეს მნიშვნელოვანი ჰკითხე, შეუძლია თუ არა რომელიმე მათგანს ეკლესიის სრული სახელის წარმოთქმა. შენ შეგიძლია აჩვენო მათ სახელი მოძღვრება და აღთქმები 115:4 -დან და გაამეორებინო ის შენთან ერთად. როდესაც აღნიშნულს განახორციელებ, გაითვალისწინე გამოყო მნიშვნელოვანი სიტყვები და რაში გამოიხატება მათი მნიშვნელობა. შეგიძლიათ ასევე განიხილოთ “Chapter 43: Jesus Christ Names His Church” (in Doctrine and Covenants Stories, 164, შესაფერისი ვიდეო სახარების ბიბლიოთეკაში ან იღეროთ “The Church of Jesus Christ” (Children’s Songbook, 77).

0:37

• შენი ბავშვები შეიძლება იცნობდნენ ადამიანებს, რომლებიც ჭიდილში არიან და სჭირდებათ „თავშესაფარი“ „ცხოვრებისეული ქარიშხლებისგან“(მუხლი 6). როგორ შეუძლიათ მათ ამ ადამიანების დახმარება? სთხოვე ბავშვებს ფეხზე ადგნენ, როდესაც წაიკითხავ სიტყვას წამოდექით მოძღვრება და აღთქმები 115:5-ში. მათ შეუძლიათ გაშალონ თითები, როგორც მზის სხივები, როდესაც წაიკითხავ სიტყვას გაბრწყინდით. შეახსენე შენს ბავშვებს, რომ სინათლე მოდის იესო ქრისტესგან და დაეხმარე იფიქრონ იმ გზებზე, რომლის საშუალებითაც მათ შეუძლიათ „იბრწყინონ“ როგორც იესო ბრწყინავს.

• შენს ბავშვებს შეუძლიათ დახატონ მოძღვრება და აღთქმები 115:6. მაგალითად, მათ შეიძლება დახატონ „ქარიშხალი“ და ხალხი, რომელიც ეკლესიის შენობას აფარებს თავს. რას შეიძლება ნიშნავდეს ქარიშხალი? როგორ ეხმარება მაცხოვრის ეკლესია? დაეხმარე შენს ბავშვებს იფიქრონ გაჭირვებულ მეგობარზე, ოჯახის წევრზე ან მეზობელზე. როგორ შეგვიძლია მოვიწვიოთ ისინი იესო ქრისტეს ეკლესიაში დახმარების საპოვნელად?

• მოიწვიე ბავშვები წარმოიდგინონ, რომ ისინი ნუელ კ. უიტნი არიან. რას იგრძნობდნენ ისინი, უფალს რომ ეთხოვა, მიეტოვებინათ წარმატებული საქმე და გადასულიყვნენ ახალ ადგილას? (შესაძლოა ამაში დაგეხმარებათ “Chapter 41: Trouble in Kirtland,” Doctrine and Covenants Stories, 158–60, ან შესაფერისი ვიდო სახარების ბიბლიოთეკაში.) როდესაც კითხულობთ ერთად მოძღვრება და აღთქმები 117:1–11-ს, სთხოვე შენს ბავშვებს შეგაწყვეტინონ, როცა გაიგებენ ისეთ რამეს, რაც მათ ხელს შეუწყობს უფლის მიმართ მორჩილების რწმენის განმტკიცებაში. რა მსხვერპლს ვიღებთ, როდესაც უფალს ვემორჩილებით? როგორ გვაკურთხებს ის?

2:20

• ბევრი ბავშვი, რომელსაც ასწავლი, შეიძლება ძალიან ახალგაზრდა იყოს ფულის შოვნისა და მეათედის გადასახდელად, მაგრამ მათთვის კარგია იმის გაგება, თუ როგორ უწყობს ხელს მეათედი უფლის მუშაობას მთელ მსოფლიოში. გამოიყენე სურათები და გასართობი გვერდი ამ მონახაზის ბოლოს, რათა დაეხმარო მათ გაიგო,ნ რა არის მეათედი. (იხ. ასევე “Chapter 44: Tithing,” Doctrine and Covenants Stories-ში, 165–66 ან შესაფერისი ვიდეო სახარების ბიბლიოთეკაში.) როგორ იყენებს მამაზეციერი მეათედს თავისი შვილების კურთხევისთვის? გაუზიარე შენი გრძნობები მეათედის კანონისა და იმის შესახებ, თუ როგორ გაკურთხებს იგი.

1:33