მოძღვრება და აღთქმები 111–114

1836 წლისთვის ეკლესიას, უფლის საქმის შესრულებისას, დიდი ვალები დაუგროვდა. ჯოზეფ სმითი და სხვები წუხდნენ ამ ვალების გამო და განიხილავდნენ მათი გადახდის გზებს (იხილე მოძღვრება და აღთქმები 111-ე ნაწილის სათაური).

როდესაც კითხულობ ნაწილი 111-ს, დაფიქრდი იმაზე, თუ რა მხრივ შეიძლება შეგეხოს უფლის სიტყვები, თქმული ჯოზეფის მიმართ —ასევე იმას, რაც გაწუხებს. მაგალითად, როდის გრძნობდი ღვთის სიყვარულს „მიუხედავად [შ]ენი უგუნურობისა“ (მუხლი 1)? როგორ დაგეხმარა უფალი მოულოდნელი „საგანძურ[ის]“ პოვნაში (მუხლი 10)? რა გააკეთა მან იმისათვის, რომ „[შენს] სასიკეთოდ [მოემოქმედებინა] ყოველივე“ (მუხლი11)? რას გასწავლის მამაზეციერის შესახებ ფრაზა „იმ სისწრაფით, როგორც შეძლებთ ამის მიღებას“?

იხილე ასევე მათე 6:19–21, 33; “More Treasures Than One,” Revelations in Context, 229–34.

თომას ბ. მარში, თორმეტ მოციქულთა ქვორუმის პრეზიდენტი, განაწყენდა, რომ ჯოზეფ სმითმა, მისი რჩევის გარეშე, ინგლისში სახარების საქადაგებლად თავისი ქვორუმის ორი წევრი მოიხმო. იგი შეხვდა წინასწარმეტყველს, რომელმაც მიიღო გამოცხადება, რაც დაეხმარა თომასს, განშორებოდა მტკივნეულ გრძნობებს. ეს გამოცხადება ჩაწერილია მოძღვრება და აღთქმები 112-ში.

გაითვალისწინე ეს კონტექსტი მოძღვრება და აღთქმები 112-ს სწავლისას. შენი აზრით, რას შეეძლო თომასის გრძნობების განკურნება? მუხლები 3–15 და 22-ში შენ შეგიძლია მოძებნო პასუხები ისეთ შეკითხვებზე, როგორიცაა: რა არის თავმდაბლობა? რას ნიშნავს, რომ უფალი „ხელჩაკიდებული“ გაგიძღვება? როგორ ფიქრობ, რატომ გეხმარება თავის დამდაბლება, მიიღო უფლის მითითება? შეგიძლია მოიძიო დამატებითი პასუხები „თავმდაბლობის ნიმუში“-ში უხუცეს ჯოზეფ ვ. სიტატის გზავნილში „მოწაფეობის ნიმუშები“ (Liahona, ნოემ. 2022 წელი, 87–88).

იფიქრე ისეთ ვინმეზე, ვინც თავმდაბალია. რას აკეთებს ეს პიროვნება თავისი თავმდაბლობის საჩვენებლად? რას სწავლობ მაცხოვრისგან თავმდაბლობის შესახებ? ალბათ შეგიძლია იპოვო უფლის ცხოვრებიდან გარკვეული სურათები, როდესაც ის თავმდაბლობას ავლენდა.

როდის იგრძენი, რომ უფალი წინ გაგიძღვა მას შემდეგ, რაც თავი დაიმდაბლე?

იხილე ასევე ულისეს სოარესის, “Be Meek and Lowly of Heart,” Liahona, ნოემ. 2013 წელი, 9–11; “The Faith and Fall of Thomas Marsh,” Revelations in Context, 54–60; თემები და საკითხები, “Humility,” სახარების ბიბლიოთეკა; “Be Thou Humble,” Hymns, no. 130.

ის ფაქტი, რომ 1837 წელს ზოგიერთი მოციქული წინასწარმეტყველს აღუდგა, კარგი შეხსენებაა, რომ მიუხედავად ეკლესიაში ჩვენი მოწოდებისა და რამდენადაც ბევრი არ უნდა ვიცოდეთ სახარების შესახებ, ყოველმა ჩვენგანმა სათითაოდ უნდა იზრუნოს იესო ქრისტესკენ მოსაქცევად. შესაძლოა, როდესაც წაიკითხავ მოძღვრება და აღთქმები 112:12–26, 28, 33–34 -ს და მოიძიებ ჭეშმარიტებებს, ეს დაგეხმარება რწმენასთან დაკავშირებული სირთულეების გადალახვაში ან უფრო სრულფასოვნად უფლისკენ მოქცევაში. შენ შეიძლება აღტაცების გრძნობა დაგეუფლოს იმის გაზიარებით, თუ რა აღმოაჩინე ისეთი, რაც სხვას დაეხმარება, გააძლიეროს ქრისტესკენ მოქცევაში.

ესაია წინასწარმეტყველი იესეს ერთ-ერთ შთამომავალს „ყლორტს“ და „ფესვს“ უწოდებდა. (ესაია 11:1, 10). ნაწილი 113-ში უფალმა განმარტა, რომ ეს შთამომავალი, ქრისტეს მსახური, ხელს შეუწყობს უფლის ხალხის შეკრებას უკანასკნელ დღეებში (იხილე მოძღვრება და აღთქმები 113:4, 6). აღნიშნული წინასწარმეტყველება საკმაოდ კარგად აღწერს წინასწარმეტყველს ჯოზეფ სმითს. როგორ შეიძლება ამ და სხვა ჭეშმარიტებებს ნაწილი 113 -ში გაემხნევებინა წმინდანები იმ არეულობის ჟამს, რაც მათ განიცადეს კირტლანდში? რა აღმოაჩინე ამ გამოცხადებაში, რაც შთაგაგონებს, დღეისათვის იყო ძლიერი და განაგრძო უფლის საქმეში მონაწილეობა?

იხილე ასევე Guide to the Scriptures, “Jesse,” სახარების ბიბლიოთეკა; 2 ნეფი 21:10–12; ჯოზეფ სმითი—ისტორია 1:40.

• შენ და შენმა შვილებმა შეიძლება დახატოთ ის, რაც გახსენდებათ სიტყვა საგანძური-ს მოსმენისას. შემდეგ, შეგიძლიათ ერთად წაიკითხოთ მოძღვრება და აღთქმები 111:2, 10–11 და შეადაროთ მიწიერი საგანძური იმას, რაც უფლისთვის არის ფასეული. (იხილეთ მიმდინარე კვირის გასართობი გვერდი.) როგორ შეგვიძლია უფრო მეტად დავაფასოთ ღვთის საქმეები?

• მოძღვრება და აღთქმები 112:10 -ს ერთად წაკითხვის შემდეგ თქვენ შვილებთნ ერთად შეგიძლიათ იმღეროთ „Be Thou Humble” (საგალობლები, no. 130). მოძღვრება და აღთქმების 112:10-ს ერთად წაკითხვის შემდეგ, თქვენ შეგიძლიათ ითამაშოთ თამაში, რომელიც გულისხმობს ერთმანეთის გაძღოლას „ხელჩაკიდებით“ (დაბრკოლების გეზის მსგავსი). როგორ მიგვიძღვება უფალი „ხელჩაკიდებული“, მიუხედავად იმისა, რომ ის ფიზიკურად ჩვენთან არ არის? რისთვის გვჭირდება უფლის გაძღოლა წინ? როდის ვიგრძენით, რომ უფალი წინ გვიძღვება?

• შენ და შენმა ბავშვებმა შეგიძლიათ დაწეროთ სიტყვები მოძღვრება და აღთქმები 112:10 -დან და ხაზი გაუსვათ კურთხევებს, რომლებსაც უფალი გვაძლევს, როცა თავმდაბლად მივმართავთ მას. წაახალისე შენი ბავშვები, გააზიარონ, როდის სთხოვდნენ თავმდაბლად უფალს დახმარებას და როგორ მიიღეს პასუხები თავიანთ ლოცვებზე ან როდესაც რამე კარგი საქმის კეთებისკენ უბიძგეს (იხილე მორონი 7:13, 16).

• შეგიძლიათ შვილებთან ერთად რიგრიგობით წაიკითხოთ „Chapter 41: Trouble in Kirtland” (in Doctrine and Covenants Stories, 158–60). ვინ კიდევ უფრო მეტად დაამძიმა კირტლანდის პრობლემები? ვინ ცდილობდა მათ გამოსწორებას? შენ და შენს ბავშვებს შეგიძლიათ წაიკითხოთ მოძღვრება და აღთქმები 112:11 და ისაუბროთ იმაზე, თუ რატომ სურს მაცხოვარს, რომ ყველა გვიყვარდეს. როდის გამოავლინა უფალმა სიყვარული იმ ადამიანების მიმართ, რომლებიც მის მიმართ არაკეთილგანწყობილნი იყვნენ? (მაგალითად, იხილე ლუკა 23:34). თქვენ ასევე შეგიძლიათ იმღეროთ სიმღერა სხვების სიყვარულის შესახებ, მაგ: “I’ll Walk with You” (Children’s Songbook, 140–41).

2:20

• მას შემდეგ რაც წაიკითხავთ მოძღვრება და აღთქმები 112:24–26-ს, შენ და შენს შვილებს შეგიძლიათ ისაუბროთ იმაზე, თუ რა განსხვავებაა ვინმეს სახელის ცოდნასა და მის პირადად ცნობას შორის. რა სწავლებები მუხლები 11–14 -დან გვეხმარება ჩვენ, გავიგოთ, რას ნიშნავს იცნობდეთ უფალს?