“Cuaj Hlis Ntuj 29–Kaum Hli Ntuj 5: ‘Yog Koj lub Tsev, Ib qho Chaw rau Koj txoj Kev Dawb Huv’: Lus Qhuab Qhia thiab Kev Khi Lus 109–110,” Los, Nrog Kuv Mus—Siv hauv Tsev thiab lub Koom Txoos: Lus Qhuab Qhia thiab Kev Khi Lus 2025 (2025)
“Lus Qhuab Qhia thiab Kev Khi Lus 109–110,” Los, Nrog Kuv Mus—Siv hauv Tsev thiab lub Koom Txoos: 2025
Txoj Kev Kaj uas Muaj Yeeb Koob—Lub Tuam Tsev Kirtland, los ntawm Glen S. Hopkinson
Cuaj Hlis Ntuj 29–Kaum Hli Ntuj 5: “Yog Koj lub Tsev, Ib qho Chaw rau Koj txoj Kev Dawb Huv”
Lus Qhuab Qhia thiab Kev Khi Lus 109–110
Cov qhov rooj rau lub Tuam Tsev Kirtland yuav tsis qhib mus txog thaum yim teev sawv ntxov ntawm lub Peb Hlis Ntuj 27, 1836. Tiam sis Haiv Neeg Ntseeg uas cia siab tias lawv yuav muaj cib fim koom kev sib ntsib muab fij tseg twb pib tos ntxov li xya teev. Yuav tsum npaj ib qhov chaw ntxiv ces tsim ib tuas thib ob kom thiaj li haum txhua tus. Es tsis yog cov uas tseem ciaj sia uas xav nyob ntawd. Muaj ntau tus neeg uas ua tim khawv tias lawv pom cov tim tswv, nyob hauv lub tuam tsev thiab nyob saum ruv tsev, thaum muab lub tuam tsev fij tseg thiab tom qab ntawd. Yeej zoo li “cov tub txib [saum ntuj]” twb tau los “hu nkauj qhuas Vajtswv” nrog Tsoom Haiv Neeg Ntseeg hauv Hnub Nyoog Kawg (“Vajtswv tus Ntsuj Plig,” Cov Nkauj Qhuas Vajtswv, zaj 2).
Vim li cas muaj kev zoo siab kawg—nyob ob sab ntawm daim ntaub thaiv? Tom qab ob txhiab xyoo tas lawm, rov qab muaj tus Tswv lub tsev nyob hauv ntiaj teb. Tus Tswv twb ua raws li Nws tau cog lus tias yuav “muab lub hwj chim saum ntuj los ua vaj txiaj ntsim” rau Nws Haiv Neeg Ntseeg (Lus Qhuab Qhia thiab Kev Khi Lus 38:32). Thiab Nws hais tias, qhov no yeej yog “qhov pib ntawm txoj koob hmoov” uas Nws yuav muab (Lus Qhuab Qhia thiab Kev Khi Lus 110:10). Lub caij nyoog uas peb nyob tam sim no—uas yog ib lub caij rau peb ua hauj lwm hauv lub tuam tsev ntau thiab ua kab ke rau cov ciaj thiab cov tuag coob kawg—twb pib hauv Kirtland, thaum daim ntaub thaiv tab tom yuav tawg (“Vajtswv tus Ntsuj Plig”).
Kuj saib Saints, 1:232–41; “A House for Our God,” Revelations in Context, 169–72.
Tej Tswv Yim Pab Qhia hauv Tsev thiab lub Koom Txoos
Lus Qhuab Qhia thiab Kev Khi Lus 109
Tus Tswv muab cov koob hmoov ntau nplua mias rau kuv dhau los ntawm tej kev khi lus.
Lub Tuam Tsev Kirtland yeej txawv ntawm lwm lub tuam tsev uas peb paub niaj hnub nim no. Ua piv txwv, tsis muaj tej thaj thiab tsis muaj lub dab ua kev cai raus dej. Tiam sis cov koob hmoov uas tshooj 109 hais txog, uas yog ib zaj lus thov Vajtswv muab lub Tuam Tsev fij tseg, yog cov koob hmoov uas peb txais nyob hauv tus Tswv lub tsev niaj hnub no. Cia li nyeem tej nqe no kom nrhiav tau ib feem ntawm cov koob hmoov no, thiab xav txog qhov uas cov koob hmoov no yuav ua rau koj haj yam sib raug zoo nrog Leej Txiv Saum Ntuj Ceeb Tsheej thiab Yexus Khetos.
Nqe 5, 12–13 (kuj saib Lus Qhuab Qhia thiab Kev Khi Lus 110:6–8): Nyob hauv lub tuam tsev tus Tswv yuav muab Nws tus kheej tshwm sim rau kuv, thiab kuv hnov tau Nws lub hwj chim.
Lwm cov koob hmoov:
Yog tias koj tau mus rau tus Tswv lub tsev, cia li xav seb tau muaj li cas hauv koj lub neej thiaj muaj raws li tej lus cog tseg no.
Zaj nkauj qhuas Vajtswv hu ua “Vajtswv tus Ntsuj Plig” (Cov Nkauj Qhuas Vajtswv, zaj 2) los twb sau rau txoj kev muab lub Tuam Tsev Kirtland fij tseg—thiab txij lub sij hawm ntawd los peb hu zaj nkauj no thaum muab txhua lub tuam tsev fij tseg. Xav seb puas hu nkauj los sis mloog ua ib feem ntawm koj txoj kev kawm thiab txoj kev hawm Vajtswv. Koj nrhiav tau tej koob hmoov twg los ntawm lub tuam tsev nyob hauv zaj nkauj qhuas Vajtswv no?
Lus Qhuab Qhia thiab Kev Khi Lus 109
Kev thov Vajtswv yog kev sib tham nrog Leej Txiv Saum Ntuj Ceeb Tsheej.
Tshooj 109 yog ib zaj lus thov Vajtswv muab lub tuam tsev fij tseg uas tus Tswv tau muab tshwm sim rau tus Yaj Saub Joseph Smith (saib zaj lus piav txog tshooj). Koj kawm dab tsi txog kev thov Vajtswv los ntawm tshooj no? Piv txwv hais tias, tej zaum koj yuav xav sau lub cim txog tej yam uas tus Yaj Saub hais kom ua Vajtswv tsaug thiab nws tau thov kom tau cov koob hmoov twg. Nws tau hais dab tsi ntxiv nyob hauv nws zaj lus thov Vajtswv? Thaum koj kawm, tej zaum koj yuav xav ntsuam xyuas koj txoj kev sib txuas lus nrog Leej Txiv Saum Ntuj Ceeb Tsheej. Koj kawm dab tsi txog Nws thiab Nws Leej Tub los ntawm kev thov Vajtswv no?
Yog koj xav nyeem zaj lus thov Vajtswv muab lub tuam tsev fij tseg los ntawm lwm lub tuam tsev, tsis hais lub tuam tsev nyob ze tshaj plaws los yog, cia li mus saib phab ntawv rau lub tuam tsev ntawd nyob ntawm temples.ChurchofJesusChrist.org.
Lus Qhuab Qhia thiab Kev Khi Lus 110:1–10
Tus Tswv muaj peev xwm qhia txog Nws tus kheej nyob hauv Nws lub tsev.
Thaum koj nyeem tej zaj lus piav txog tus Cawm Seej nyob hauv Lus Qhuab Qhia thiab Kev Khi Lus 110:1–10, tsis hais zaj lus piav txog tshooj los yog, cia li xav seb tej nqe no qhia dab tsi txog Nws.
Yexus Khetos ua li cas kom muab Nws tus kheej tshwm sim—los sis tshwm sim rau koj—nyob hauv Nws lub tsev? Nws ua li cas kom pab koj paub tias Nws pom zoo rau koj tej hauj lwm thiab koj tej kev txi?
Nyob hauv lub Tuam Tsev Kirtland
Lus Qhuab Qhia thiab Kev Khi Lus 110:10–16
Tus Cawm Seej coj Nws txoj hauj lwm dhau los ntawm cov yawm sij pov thawj hwj.
Ua ntej Mauxes, Eli-as, thiab Eliyas tshwm sim hauv lub tuam tsev kom muab cov yawm sij pov thawj hwj txum tim rov qab los, Yexus Khetos hais tias, “Qhov no yog qhov pib ntawm txoj koob hmoov uas yuav muab nplua mias foom rau saum kuv cov neeg taub hau” (Lus Qhuab Qhia thiab Kev Khi Lus 110:10). Thaum koj nyeem nqe 11–16, cia li xav txog cov koob hmoov uas tus Cawm Seej foom pub rau koj nplua mias dhau los ntawm txoj hauj lwm uas siv cov yawm sij no. Piv txwv hais tias:
-
Nqe 11: Mauxes thiab cov yawm sij ntawm kev muab Ixayees sau los ua ke (los sis cov tub txib txoj hauj lwm). Tus Tswv tau ua li cas kom foom koob hmoov rau koj thiab koj tsev neeg los ntawm cov tub txib txoj hauj lwm hauv Nws lub Koom Txoos?
-
Nqe 12: Eli-as thiab cov yawm sij ntawm Anplaham txoj moo zoo, tsis hais Anplaham txoj kev khi lus los yog. Tus Tswv yuav ua li cas kom foom koob hmoov rau koj thiab “txhua tiam neeg tom qab [koj]” vim nej ua raws li nej tej kev khi lus? (Saib Russell M. Nelson, “Kev Khi Lus uas Kav Ib Txhis,” Liyahaunas, Kaum Hli Ntuj 2022, 4–11; Phau Qhia txog Vaj Lug Kub, “Eli-as,” Txoj Moo Zoo cov Ntawv.)
-
Nqe 13–16: Eliyas thiab lub hwj chim khi tseg cia, uas muab tshwm sim los ntawm tej hauj lwm hauv lub tuam tsev thiab ua tsev neeg zaj keeb kwm. Vim li cas Leej Txiv Saum Ntuj Ceeb Tsheej xav kom muab koj txuas rau koj cov poj koob yawm txwv dhau los ntawm lub tuam tsev cov kab ke? Saib Gerrit W. Gong, “Zoo Siab thiab Tas Mus Li,“ Liyahaunas, Kaum Ib Hlis Ntuj 2022, 83–86.
Koj pom tej yam twg uas muab cov yawm sij no txuas rau peb txoj kev lav ris ua Vajtswv txoj hauj lwm cawm seej thiab tsa nto (ua neej raws li txoj moo zoo, saib xyuas cov neeg txom nyem, caw txhua tus txais txoj moo zoo, thiab muab tsev neeg koom ua ke mus ib txhis li)?
Koj tau ua Vajtswv txoj hauj lwm cawm seej thiab tsa nto thaum twg? Tej lub sij hawm no qhia dab tsi rau koj txog tus Cawm Seej, Nws lub Koom Txoos, thiab Nws txoj hauj lwm?
Nrhiav tej kev kom lwm tus pab qhia. Yog koj qhia txog Lus Qhuab Qhia thiab Kev Khi Lus 110:11–16, tej zaum koj yuav xav txib txhua tus neeg kawm txog Mauxes, Eli-as, los sis Eliyas thiab cov yawm sij uas tus ntawd muab txum tim rov qab los. Ces cov neeg kawm no yuav qhia tej yam uas lawv tau kawm lawm. Txoj kev no ua li no pab txhua tus kawm thiab qhia ib yam. (Saib Kev Qhia Raws Li tus Cawm Seej txoj Kev, 24–27).
Yog xav tau tswv yim ntxiv, saib tej phau xov xwm Liyahaunas thiab Ntxiv Dag Zog rau cov Tub Hluas Ntxhais Hluas rau lub hlis no.
Tej Tswv Yim Pab Qhia cov Me Nyuam
Lus Qhuab Qhia thiab Kev Khi Lus 109:12–13; 110:1–7
Lub tuam tsev yog tus Tswv lub tsev.
-
Tej zaum koj thiab koj cov me nyuam yuav nyiam sib tham txog ib yam uas nej nyiam txog nej lub tsev. Ces tej zaum nej yuav xav saib ib daim duab txog lub Tuam Tsev Kirtland thiab siv Lus Qhuab Qhia thiab Kev Khi Lus 109:12–13; 110:1–7 kom sib tham txog txoj kev uas tau muab lub tuam tsev fij tseg thiaj los ua tus Tswv lub tsev (kuj saib “Tshooj 39: Muab lub Tuam Tsev Kirtland Fij Tseg,” nyob hauv Cov Dab Neeg hauv phau Lus Qhuab Qhia thiab Kev Khi Lus, 154, los cov vidi-aus uas nyob hauv Txoj Moo Zoo cov Ntawv). Cia ib leeg qhia ib leeg txog tej yam uas nej nyiam txog tus Tswv lub tsev.
2:17Chapter 39: The Kirtland Temple Is Dedicated: January–March 1836
-
Tej zaum koj thiab koj cov me nyuam yuav nyiam xav txog ib tug phooj ywg uas sim nrhiav koj lub tsev. Peb yuav ua li cas kom pab peb tus phooj ywg paub lub tsev twg yog peb li? Peb yuav ua li cas kom paub tias lub tuam tsev yog tus Tswv lub tsev? (saib Lus Qhuab Qhia thiab Kev Khi Lus 109:12–13).
Lus Qhuab Qhia thiab Kev Khi Lus 110
Tus Cawm Seej siv cov yawm sij pov thawj hwj kom foom koob hmoov rau Nws cov neeg.
-
Tej zaum koj yuav xav siv phab ntawv ntxim ua rau lub lim tiam no los sis “Tshooj 40: Tej Kev Ua Yog Toog hauv lub Tuam Tsev Kirtland” (nyob hauv Cov Dab Neeg hauv phau Lus Qhuab Qhia thiab Kev Khi Lus, 155–57, los sis cov vidi-aus nyob hauv Txoj Moo Zoo cov Ntawv) kom qhia cov me nyuam txog cov tim tswv uas tuaj xyuas lub tuam tsev. Koj siv tau daim duab uas nyob hauv tus txheej txheem qhia no.
1:17The Kirtland Temple
-
Kom kawm seb tej yam uas tshwm sim hauv lub Tuam Tsev Kirtland tseem ceeb npaum li cas, tej zaum koj thiab koj cov me nyuam tham tau txog tej yam uas yus siv cov yawm sij ua. Tej zaum koj cov me nyuam yuav xav tuav cov yawm sij thiab ua yeeb yam txog kev qhib ib lub qhov rooj uas tau muab xauv. Pab lawv nrhiav lo lus yawm sij nyob hauv Lus Qhuab Qhia thiab Kev Khi Lus 110:11–16, thiab sib tham txog cov koob hmoov uas cov yawm sij no qhib. Tej zaum koj yuav xav piav hais tias cov yawm sij pov thawj hwj yog Vajtswv txoj kev tso cai kom coj lub Koom Txoos. Qhia tias koj ris tus Tswv txiaj vim Nws tau muab cov yawm sij pov thawj hwj rau peb.
Lus Qhuab Qhia thiab Kev Khi Lus 110:15
Tus Cawm Seej xav kom kuv mub kuv lub siab tig mus rau kuv cov poj koob yawm txwv.
-
Tom qab nej nyeem Lus Qhuab Qhia thiab Kev Khi Lus 110:15 ua ke, qhia koj cov me nyuam txog ib lub sij hawm uas tau pab koj muab koj lub siab tig mus rau koj cov poj koob yawm txwv. Tej zaum nej kuj yuav xav hu ib zaj nkauj zoo li “Family History—I Am Doing It” (Children’s Songbook, 94).
-
Muaj dab tsi uas yuav pab koj cov me nyuam “lub siab tig mus” rau lawv poj koob yawm txwv? Tej zaum koj nrhiav tau tej lub tswv yim lom zem nyob ntawm FamilySearch.org/discovery. Tej zaum nej yuav xav ua hauj lwm ua ke kom paub txog cov poj koob yawm txwv uas xav tau cov kab ke hauv lub tuam tsev. Vim li cas Yexus xav kom peb ua txoj hauj lwm no?
Yog xav tau tswv yim ntxiv, saib phau xov xwm Phooj Ywg rau lub hlis no.