Reirei ao Berita aika Tabu 109–110

Te Kirtland Tembora e kaokoro ma tembora aika ti atai ni bong aikai. Bon akea te baonikarea ao te nei ni bwabetito, teuana te katooto. Ma kakabwaia aika a kabwarabwaraaki i nanon te mwakoro 109, te tataro ni katabu ibukin te Kirtland Tembora, bon kakabwaia aika a tauraoi n ana auti te Uea n te bong aei. Rinanoi taian kibu aikai ni kakaei tabeua kakabwaia aikai, ao iangoia bwa a kanga ni buokiko ni kakorakoraa reitakim ma Tamara are i Karawa ao Iesu Kristo.

Kiibu 5, 12–13 (taraa naba Reirei ao Berita aika Tabu 110:6–8): I nanon ana auti te Uea, E kona te Uea ni kaotia nakoiu, ao I kona n namakina Mwaakana.

Kiibu 9, 15–19, 26, 78–79:

Kiibu 21–23:

Kiibu 24– 33, 42–46:

Kiibu 35–39:

Kakabwaia Tabeua:

Ngkana ko a tia n roko n ana auti te Uea, iangoia bwa a kanga kakabwaia aikai n tia ni kakoroaki nanoia i nanon maium.

Te anene “Tamnein te Atua” (Anene n Taromauri, nambwa 2) e koreaki ibukin katabuan te Kirtland Tembora—ao e a tia n aneneaki n taian katabu ni kabane n te tembora ake a tia ni karaoaki. Iangoia n anenea ke n ongora iai bwa mwakoron am kamatebwai ao nebonebo. Tera kakabwaia n te tembora ae ko kunea ae kabwarabwaraaki n te anene aei?

Mwakoro 109 bon te tataro ni katabu are e anganaki Iotebwa Timiti n te kaotioti (taraa atuun te mwakoro). Tera ae ko reiakinna ibukin te tataro n te mwakoro aei? Te katooto, ko kona ni korei bwa tera ae e anga ana kakaitau iai te Burabeti ao tera kakabwaia aika e bubuti ibukina. Tera riki ae e taekinna n te tataro aei? Ngkai ko kamatebwai, ko na bae n rinanoa aron am reitaki ma Tamara ae i Karawa. Tera ae ko reiakinna ibukina ao i aon Natina man te tataro aei?

Ngkana ko tangiria ni wareka tataron te katabu n tembora ake tabeua, ni ikotaki ma te tembora are e kaan nakoim, nakon ana iteraniba te tembora n temples.ChurchofJesusChrist.org.

Ngkai ko wareka taekan kabwarabwaraan te Tia Kamaiu n Reirei ao Berita aika Tabu 110:1–10, n raonaki ma atuun te mwakoro, iangoia bwa tera ae a taekinna kiibu aikai Ibukina.

E kanga Iesu Kristo ni kaoti—ke ni kaotia nakoim—i nanon Ana auti? E kanga ni buokiko n ataia ae E butimwaea am anganano?

Bon i mwaain kaotiia Mote, Eriati, ao Eria n te tembora ni kaoki kiing n te nakoanibonga, e taku Iesu Kristo, “Aio te moan kakabwaia are e na bwaro nako aon atuuia au aomata” (Reirei ao Berita aika Tabu 110: 10). Ngkai ko warekii kiibu 11–16, iangoi taian kakabwaia are e kabwaroi te Tia Kamaiu iaom rinanon te mwakuri man kiing aikai. Te katooto:

• Te kibu 11: Mote ao kiing ni ikoikotaia Iteraera (ke te mwakuri ni mitinare). E kanga te Uea ni kakabwaiako ao am utu rinanon te mwakuri ni mitinare n Ana Ekaretia?

• Te kibu 12: Eriati ao kiingin te euangkerio are e anganaki Aberaam, n raonaki ma te Berita ae Tabu nakon Aberaam. E kanga te Uea ni kakabwaiako ao te “roro ake [i mwiim]” ibukin am berita aika tabu? (Taraa Russell M. Nelson, “Te Berita ae Tabu ae Akea Tokina,” Riaona, Okitobwa 2022, 4–11; Bwai ni Kairi nakon Koroboki aika Tabu, “Eriati,” Gospel Library.)

• Kiibu 13–16: Eria ao te mwaaka ni kabaebae, e kaotaki rinanon tembora ao mwakuri n rongorongon te utu. Bukin tera n am iango ngkai Tamara are i Karawa e tangiriira bwa ti na reitaki ma ara bakatibu rinanon taian otenanti n te tembora? (Taraa Gerrit W. Gong, “Kukurei ao N Akea Tokina,” Riaona, Nobembwa 2022, 83–86.)

Tera te irekereke ae ko nooria i marenan kiing aikai ao tabera n ana mwakuri te Atua n te kamaiuaki ao te karietataaki (maiuakinan te euangkerio, tabeakiniia naake a kainnano, kaoakiia ni kabane bwa a na karekea te euangkerio, ao katiteuanaakiia utu n akea tokiia)?

Tera taneiai ae ko a tia ni karekei ma ana mwakuri te Atua n te kamaiuaki ao te karietataaki? Tera ae reke man taneiai aikai ae e reireiniko i aon te Tia Kamaiu, Ana Ekaretia, ao Ana mwakuri?

• Ngkoe ao am ataei kam kona ni marooro ibukin baike kam tangiri ibukin mweengami. I mwiina ko kona n taraa tamnein te Tembora are i Kirtland ao kabongana Reirei ao Berita aika Tabu 109:12–13; 110:1–7 ni maroroakinna bwa e kanga te tembora ni katabuaki ao n riki bwa ana auti te Uea (taraa naba “Mwakoro 39: E Katabuaki te Kirtland Tembora,” n “”Karaki man Reirei ao Berita aika Tabu,, 154, ke te witeo ae irekereke n te Gospel Library). Tibwaia i marenami te bwai ae kam tangiria i aon Ana auti te Uea.

  

  2:17

• Tao kam kona ngkoe ao am ataei ni iangoa ae raoraomi e kataia ni kakaea ami auti. Ti na kanga ni buokiia raoraora n ataia bwa e ngaa iai ara auti? Ti kanga n ataia ae te tembora bon ana auti te Uea? (taraa Reirei ao Berita aika Tabu 109:12–13).

• Ko kona ni kabongana te iteraniba n te waaki ni kukurei n te wiiki aei ke “Mwakoro 40: Mii ni burabeti n te Kirtland Tembora” (inanon Karaki man Reirei ao Berita aika Tabu,, 155–57, ke te witeo ae irekereke n te Gospel Library) n tuangiia ataei taekaia kaain karawa ake a roko nakon te tembora. Ko kona naba ni kabongana te tamnei are ni banen te kamataata aei.

  

  1:17

• N reiakina aron kakawakin te bwai ae riki n te Kirtland Tembora, ngkoe ao am ataei kam kona ni marooro bwa tera ae karaoaki ma kiing. Tao a kona am ataei ni ikaruoruo n tauii kiing ao ni iangoia bwa aongkoa a na kauka te mataroa ae roka. Buokiia bwa a na kunea te taeka ae kiing inanon Reirei ao Berita aika Tabu 110: 11–16, ao marooro iaon kakabwaia ake a kaukaki man kiing aikai. Ko na bae ni kabwarabwaraa ae kiingin te nakoanibonga bon kariaia mairoun te Atua ni kaira Ana Ekaretia. Tibwaa am kakaitau ngkai te Uea e anganiira kiingin te nakoanibonga.

• I mwiin warekan Reirei ao Berita aika Tabu 110:15 ni bootaki, kaongoia am ataei taekan am taneiai are e buokiko ni raira nanom nakoia am bakatibu. Kam kona naba n anenea te anene n aron “Family History—I Am Doing It“ (Aia Boki n Anene Ataei,, 94).

• Tera ae e na buokiia n “rairi nanoia” am ataei nakoia aia bakatibu? Kam kona ni karekei iango aika a kaunga n te FamilySearch.org/discovery. Kam kona ni bootaki ni mwakuri ni kinaia ami bakatibu aika a kainnanoi otenanti n te tembora. Bukin tera e tangiria te Atua bwa ti na karaoa te mwakuri aei?