“Ngondu wa Tshitema 22–28: ‘Mulongu wa Muana wa Nzambi’: Dilongesha ne Bipungidi 106–108,” Luaku, Undonde—Bua mu Dîku ne mu Ekelezia: Dilongesha ne Bipungidi 2025 (2025)
“Dilongesha ne Bipungidi 106–108,” Luaku, Undonde—Bua mu Dîku ne mu Ekelezia: 2025
Ngondu wa Tshitema 22–28: “Mulongu wa Muana wa Nzambi”
Dilongesha ne Bipungidi 106–108
Ngumvuilu wa Dilongesha ne Bipungidi 107 udi umueka muikala anu pa bulongolodi bua milongu ya buakuidi bua mushindu wa bulombodi bua Ekelezia wa Mukalenga. Ku mutantshi mula dibuluila edi diakedibua patoka, bungi bua bidimba bia Ekelezia buvua bupita bukola bua balombodi bavua koku. Mu kuleja midimu ne majitu bia Bulombodi Bukulu bua Kumpala ne Mpuilu wa Bapostolo Dikumi ne Babidi, Makumi Muanda Muteketa, ne mpuilu ya bulombodi Bukulu bivua bushuwa bia mushinga ne biambuluisha. Kadi kudi bia bungi ku diludika dia bunzambi mu tshitupa 107 bitamba mushindu udi bulombodi bua Ekelezia mua kuikala bulongolodibua. Apa, Mukalenga udi utulongesha pa bukola ne bukokeshi bienda, “Buakuidi bua Tshijila, bilondeshila Mulongu wa Muana wa Nzambi” (kanungu 3). Kipatshila ka buakuidi kadi bua kukangula mabenesha onsu a nyuma a ekelezia bua bana bonsu ba Nzambi badi mua kuikala ne diûlu diunzulukibua buabu ne basanka mu bobumua ne kumpala kua Nzambi Tatu, ne kua Yezu mutuangaji wa tshipungidi tshipia-tshipia (kanungu 18–19). Mu ditulongesha pa buakuidi buenda, Mupandishi udi utulongesha pa yeya nkayenda ne mushindu utudi mua kulua kudiye.
Tangila “Restoring the Ancient Order,” mu Revelations in Context, 208–12.
Ngenyi bua Kulonga mu Dîku ne mu Ekelezia
Dilongesha ne Bipungidi 106; 108
Mukalenga udi untua mpanda padiye umbikila bua kusadila.
Mu Dilongesha ne Bipungidi 106 ne 108, Mukalenga wakafila mibelu ne milayi kudi bidimba bibidi bivua bibikidibua bua kusadila mu Ekelezia. Muwudi ulonga mibelu eyi, udi mua kuela meji pa majitu eba nkayeba bua kusadila Mukalenga—ku misangu dipeshibua dia bukubi, dibikidibua mu Ekelezia, majitu mu dîku dieba, anyi buenzeji bua nyuma bua kuenza bimpa.
Tshinyi tshiwudi umvua pa mukenji wa Mukalenga kûdi tshidi mu mabuluila â? Biambilu kayi bidi bimueka ne mushinga wa pabuawu kûdi? Mona bimua bikesa bia mushinga:
-
Musangu kayi uvua Mukalenga mukupesha ngasa anyi diambuluisha dia bunzambi ne dituishibua bua kuikala mukumbana bua kumusadila? tangila (Dilongesha ne Bipungidi 106:8).
-
Tshinyi tshiwudi wela meji tshidi tshiumvuija kukankamika bakuabu “mu bienzedi bieba bionsu”? tangila (Dilongesha ne Bipungidi 108:7).
Pavua Mukulu Carl B. Cook mupeta mudimu mukola mu Ekelezia, wapeta bukola kupitshila ku dimanya dia nkambua. Bala pa biobi mu mukenji wenda “Serve” (Liahona, Ngondu wa Dikumi ne Umua 2016, 110–12). Ela meji bua kufunda mukanda bua kukankamika ndelanganyi yeba—anyi bueba nkayeba—bua kuitaba bipolu bia kusadila Mukalenga. Ela mu mukanda weba malelela awudi mulonga mu mukenji wa Mukulu Cook, Dilongesha ne Bipungidi 106 ne 108, dimanya dieba nkayeba.
Tangila Kabidi Henry B. Eyring, “Walk with Me,” Liahona, Ngondu Muitanu 2017, 82–85; Biena Bualu ne Nkonku, “Serving in Church Callings,” Tshisangi tshia Lumu Luimpa; “Warren Cowdery” ne “‘Wrought Upon’ to Seek a Revelation,” mu Revelations in Context, 219–23, 224–28.
Dilongesha ne Bipungidi 107:1–4, 18–20
Buakuidi budi bulondeshila Mulongu wa Muana wa Nzambi.
Mukalenga mubanga “dibuluila dienda pa buakudi” (Dilongesha ne Bipungidi 107, mutu wa tshitupa) mu kutulongesha dîna dia ntuadijilu dia Buakuidi bua Melekisedeke (tangila kanungu 1–4). Buatshinyi udi wela meji ne bidi bia mushinga bua kubimanya? Mushindu kayi udi dîna edi dikoka mushindu uwudi wela meji pa buakuidi?
Lama ngenyi eyi mu mutu weba pawudi ubala pa buakuidi, nangananga mu kanungu 18–20. Tshinyi tshidi tshiumvuija kuikala ne dîulu diunzulukibua? Tshinyi tshidi tshiumvuija “kusanka mu bobumua ne buikadi bua Nzambi Tatu, ne Yezu”? Mushindu kayi udi bukola ne bukokeshi bia buakuidi bia Mupandishi bikumbaja bionsu ebi kûdi?
Tangila kabidi Alama 13:2, 16; Dilongesha ne Bipungidi 84:19–27.
Shindamena pa Yezu Kilisto. “Kudi bintu bia bungi bia kulongesha pa lumu luimpa lupinguluja lua Yezu Kilisto—nshindamenu, mikenji, mabuluila, ne miyuki ya mu mifundu. Kadi bionsu ebi bidi matamba a mutshi umua, bualu bionsu bidi ne kipatshila kamua: bua kuambuluisha bantu bonsu bua balua kudi Kilisto ne bikala bajalama mu Yeya (tangila Yaloma 1:11; Moloni 10:32). Nansha bionsu biwudi ulongesha, vuluka ne udi bushuwa ulongesha pa Yezu Kilisto ne mushindu kayi wa kulua bu Mudiye” (Teaching in the Savior’s Way, 6). Tshilejilu, pawudi ulongesha—ne ulonga—pa buakuidi mu Dilongesha ne Bipungidi 107, ikala ukonku ne, “Tshinyi tshitudi tulonga pa Mupandishi?”
Dilongesha ne Bipungidi 107:22
Basadidi ba Mukalenga badi bakankamikibua kudi lulamatu, ditabuija, ne disambila bia Ekelezia.
Tshinyi tshiwudi wela meji tshidi tshiumvuija kukankamika basadidi ba Mukalenga kudi lulamatu lueba? kudi ditabuija dieba? kudi disambila diebe?
Tangila kabidi “God Bless Our Prophet Dear,” Hymns, no. 24.
Dilongesha ne Bipungidi 107:23–24, 33–35, 38, 91–92
Bambi ne Bapostolo badi bajadika bua Yezu Kilisto.
Joseph Smith mutangalaja tshitupa 107 mu 1835 ne babikidibua bapia-bapia ba Mpuilu wa Bapostolo Dikumi ne Babidi (tangila muntu wa tshitupa) Tshinyi tshidi Mukalenga mubalongesha pa dibikila diabu mu kanungu 23–24, 33–35, 38? Mushindu kayi uvua bujadiki bueba bua Yezu Kilisto bukoleshibua kudi malongesha ne bukubi bua Bapostolo ba moyo?
Mu kanungu 91–92, Mukalenga mmulongesha pa mu Mupostolo Mununu, Mulombodi Mukulu wa Ekelezia. Mushindu kayi udiye “mufuanangana ne Mose”? (tangila Buludiki bua mu Mifindu, “Mose,” Tshisangi tshia Lumu Luimpa)
Tangila kabidi David A. Bednar, “Chosen to Bear Testimony of My Name,” Liahona, Ngondu wa Dikumi ne Umua 2015, 128–31.
Dilongesha ne Bipungidi 107:27–31, 85–89
Mukalenga udi ukumbaja mudimu wenda kupitshila ku bipangu.
Ela meji pa tshidi Mukalenga mulongesha pa bipangu mu Dilongesha ne Bipungidi 107: 27–31, 85–89. Tshinyi tshidi tshienza tshipangu tshimpa? Mushindu kayi uwudi bua kuteka nshindamenu eyi mu tshienzedi mu dibikila dieba mu Ekelezia, mu dîku dieba, anyi mu majitu eba makuabu?
Tangila kabidi M. Russell Ballard, “Family Councils,” Liahona, Ngondu Muitanu 2016, 63–65; Mukanda Munena wa Maludiki, 4.3–4.4, Tshisangi tshia Lumu Luimpa.
Mukalenga udi ubikila mêku bua kuenza bipangu pamua.
Bua ngenyi ya bungi, tangila malu a ngondu ewu a Liahona ne makazina a Bua Dikankamika dia Bansonga .
Ngenyi bua Kulongesha Bana
Dilongesha ne Bipungidi 107:18–20
Yezu Kilisto udi umbenesha kupitshila ku bukola bua buakuidi.
-
Wewa ne bana beba nudi mua kubala pamua mu Dilongesha ne Bipungidi 107:18–19, imanyina pa tshiambilu “mabenesha onsu a nyuma.” Pamuapa wewa ne bana beba nudi mua kuenza lista wa mabenesha adi afumina ku buakuidi. Udi mua kuenza dinayi diawu—tangila udi mua kuenza lista mutamba kulepa. Bana beba badi mua kuzola anyi kupeta bimfuanyi bidi mua kuleja mabenesha â (tangila dibeji dia tshibiludia lumingu elu). Udi mua kuakula pashisha mudi milulu ya buakuidi (bu mudi ditambula anyi biadidia bia tshijila) mituambuluisha bua kupeta mabenesha a Nzambi.
Dilongesha ne Bipungidi 107:21–26, 33–35, 91–92
Mukalenga musungula basadidi bua kulombola Ekelezia wenda.
-
Tshiena bualu tshionsu tshia mpungilu tshia Liahona kuela ne dibeji dia bimfuanyi bia Balombodi Banena. Ela meji bua kubandila bimfuanyi ebi ne bana beba pawudi ubala pa majitu abu mu Dilongesha ne Bipungidi 107:21–26, 33–35, 91–92. Wewa ne bana beba nudi mua kuakula pa buatshinyi nudi ne tshivulukilu pa majitu adi Mukalenga mubapesha.
-
Bana beba badi mua kulonga bia bungi pa basadidi ba Mukalenga pa “General Church Leadership” pa ChurchofJesusChrist.org. Pamuapa yonsu wa ku bana beba udi mua kulonga pa umua wa ku balombodi aba ne kulongeshangana pa mulombodi muluma anyi mukaji. Abanyanganayi pa mushindu unudi bamanya ne balombodi aba badi basadidi balelela ba Yezu Kilisto.
-
Panyima pa dibala Dilongesha ne Bipungidi 107:22 pamua, wewa ne bana beba nudi mua kukuata nuenda nunyungisha tshimfuanyi tshia Bulombodi Bukulu bua Kumpala ne utangalaja mushindu unudi mua kubatua mpanda bu basadidi ba Mukalenga.
Bulombodi Bukulu bua Kumpala
Dilongesha ne Bipungidi 108:3
Ndi bua kuikala ne budimu mu kuteka bipungidi bianyi mu tshienzedi.
-
Bua kubanga diyukilangana pa kanungu aka, udi mua kubikila bana beba bua kuenza tshintu tshidi tshilomba ntema ya pabuayi, bu mudi kuwûja dikopu kakuyi ditshikija. Tshinyi tshidi mua kufika patudi katuyi ne budimu? Udi mua kubala Dilongesha ne Bipungidi 108:3 bua kupeta tshidi Mukalenga mujinga bua tuenza ne budimu “Mitshipu” kayi (milayi anyi bipungidi) bitudi tuenza ne Nzambi? Mushindu kayi utudi mua kutamba kuikala ne budimu pa kubilama? Udi mua kuyisha bitupa bia mukenji wa Muanetu Mukaji Becky Craven “Careful versus Casual” (Liahona, Ngondu Muitanu 2019, 9–11) biwudi umvua ne bidi mua kupesha bana beba lungenyi lua nyuma bua kulama bipungidi. Udi kabidi mua kuimba musambu pa bipungidi, bu mudi “I Will Be Valiant” (Children’s Songbook, 162).
Mu budimu kuela mâyi kudi mua kufuanyikijibua ne kulama ne budimu bipungidi bietu.
Bua ngenyi ya bungi, tangila malu a ngondu ewu bua makazina a Mulunda .