Dilongesha ne Bipungidi 109–110

Ntempelo wa Kirtland uvua mushilangana ne ntempelo itudi bamanya lelu to. Bu tshilejilu, Kakuvua bioshelu ne muaba wa kutambuisha. Kadi mabenesha mamba mu tshitupa 109, disambila dia kujidila bua Ntempelo wa Kirtland, didi kabidi koku mu Nzubu wa Mukalenga lelu. Monununa tunungu tudi tulonda etu bua kupeta amua a ku mabenesha awu, ne ela meji mushindu udiwu bua kuambuluisha kukolesha malanda eba ne Tatu wa mu Diûlu ne Yezu Kilisto;

Tunungu 5, 12–13 (tangila kabidi Dilongesha ne Bipungidi 110:6–8): Mu Nzubu wa Mukalenga, udi bua kudimuesha kundi, ne ndi bua kumvua bukola buenda.

Tunungu 9, 15–19, 26, 78–79:

Tunungu 21–23:

Tunungu 24–33, 42–46:

Tunungu 35–39:

Mabenesha makuabu:

Wewa mumana kuya ku nzubu wa Mukalenga, ela meji pa mushindu udi milayi eyi mikumbajibua mu moyo weba.

Musambu “The Spirit of God” (Hymns, no. 2) uvua mufundibua bua dijidila dia Ntemplo wa Kirtland—ne udi muimbibua ku dijidila dionsu dia ntempelo. Ela meji wimba anyi uwumvua bu tshitupa tshieba tshia kulonga ne kusambila. Mabenesha kayi a ntempelo awudi mupeta mamba mu musambu ewu?

Tshitupa 109 tshidi disambila dia kujidila divua difidibua kudi Muambi Joseph Smith ku dibuluila (tangila mutu wa tshitupa). Tshinyi tshiwudi mulonga pa disambila mu tshitupa etshi? Bu tshilejilu, udi mua kufunda bidi Muambi musakidila ne mabenesha kayi avuayi mulomba. Tshinyi tshikuabu tshidiyi mulomba mu disambila edi? Pawudi ulonga, udi mua kupima diyikilangana dieba ne Tatu wa mu Diûlu. Tshinyi tshiwudi mulonga pa yeya ne muanenda mu disambila?

Wewa mujinga mua kubala disambila dia dijidila bua ntempelo mikuabu, kuela ne ntempelo udi bapuipi neba, mona dibeji dia ntempelo pa temples.ChurchofJesusChrist.org

Pawudi ubala diumvuija dia Mupandishi mu Dilongesha ne Bipungidi 110:1–10, kuela ne tshitupa tshia mutu, nana meji pa bidi tunungu etu tuleja pa yeya.

Mushindu kayi udi Yezu Kilisto mudileja nkayenda—anyi mudimanyisha nkayenda kûdi—mu nzubu wenda. Mushindu kayi udiye mukuambuluisha bua kumanya ne muitaba milambu yeba?

Kumpala kua Mose, Elisha, Eliya kumuenekibua mu ntempelo bua kupinguluja nsapi ya buakuidi, Yezu Kilisto wakamba: Etshi tshidi ntuandijilu wa mabenesha adi mua kuikala mapumuibua pa mitu ya bantu banyi (Dilongesha ne Bipungidi 110:10). Muwudi ubala tunungu 11–16, ela meji pa mabenesha adi Mupandishi uku pumuina kupitshila ku mudimu muludika kudi nsapi eyi. Bu tshilejilu:

• Kanungu 11: Mose wakafila nsapi ya disangisha dia Isalela (anyi mudimu wa bukenji). Mushindu kayi udi Mukalenga mukubenesha wewa ne dîku dieba kupitshila ku mudimu wa bena bukenji ba ekelezia wenda?

• Kanungu 12: Elisha wakafila nsapi ya lumu luimpa lua Abalaham, kuela ne tshipungi dia Abalaham. Mushindu kayi udi Mukalenga mukubenesha wewa ne ndelanganyi ya panyima peba kupitshila ku bipungidi bieba? (Tangila Russell M. Nelson, “The Everlasting Covenant,” Liahona, Ngondu wa Dikumi 2022, 4–11; Buludiki bua mu Mifundu, “Elisha,” Tshisangi tshia Lumu Luimpa .)

• Tunungu 13–16: Elisha ne bukola bua kusuika, wakamuenekibua kupitshila ku ntempelo ne mudimu wa malu a kala a dîku. Udi wela meji ne buatshinyi Tatu wa mu Diûlu udi mujinga bua wewa kuikala mutuangajibua kudi bankambua beba kupitshila ku milulu ya ntempelo? (Tangila Gerrit W. Gong, “Happy and Forever,” Liahona, Ngondu wa Dikumi ne Umua 2022, 83–86.)

Dituangaja kayi diwudi mumona pankatshi pa nsapi eyi ne bujitu buetu mu mudimu wa lupandu ne dizanjikibua bia Nzambi (kuteka lumu luimpa mu tshienzedi, kuambuluisha badi mu majinga, kubikila bakuabu bua kupeta lumu luimpa, ne kusangisha mêku bua tshiendelela?

Mamanya kayi awuvua mupeta kupitshila ku mudimu wa lupandu ne dizanjikibua bia Nzambi? Tshinyi tshidi mamanya â makulongesha pa Mupandishi, Ekelezia wenda, ne mudimu wenda?

• Wewa ne bana beba nudi mua kuakula pa tshintu tshinudi bananga pa nzubu wenu. Pashisha nudi mua kutangila mu tshindidimbi tshia Ntempelo wa Kirtland ne kuenzela Dilongesha ne Bipungidi 109:12–13; 110:1–7 bua kuakula pa mushindu uvua ntempelo mujidibua ne mulua nzubu wa Mukalenga. Abanyangana ne umua ne umua tshintu tshiwudi munanga pa nzubu wa Mukalenga.

  

  2:17

• Kumisangu wewa ne bana beba nudi mua kufuanyikija ne mulunda udi uteta kupeta nzubu wenu. Mushindu kayi uwudi mua kumuambuluisha bua kumanya nzubu kayi udi wenu? Mushindu kayi utudi tumanya ne ntempelo udi nzubu wa Mukalenga? (tangila Dilongesha ne Bipungidi 109:12–13).

• Udi bua kuenzela dibeji dia tshibilu dia lumingu elu anyi bua kuambila bana beba pa bantu ba mu diûlu bavua balua mu ntempelo. Udi bua kuenzela bimfuanyi bidi ku ndekelu kua tshifuanyi etshi.

  

  1:17

• Bua kulonga pa mushinga wa bivua bienzeka mu Ntempelo wa Kirtland, wewa ne bana beba nudi mua kuakula pa nsapi kayi ya kuenzela. Kumisangu bana beba badi mua kukudimuna bakuata nsapi ne bafuanyikija bua kunzulula tshibi tshikanga. Bambuluisha bua kupeta muaku nsapi mu Dilongesha ne Bipungidi 110:11–16, ne kuakula pa mabenesha adi nsapi yunzulula. Udi mua kumvuija ne nsapi ya buakuidi idi dianyisha dia Nzambi bua kulombola Ekelezia wenda. Leja disakidila dieba ne Mukalenga mutupesha nsapi ya buakuidi.

• Panyima pa dibala Dilongesha ne Bipungidi 110:15 pamua, ambila bana beba pa dimanya divua dikuambuluisha bua kukudimuna mutshima weba kudi bankambua beba. Nudi kabidi mua kuimba pamua musambu pa malu a kala a dîku.

• Tshinyi tshidi mua kuambuluisha bua “kukudimuna mitshima“ ya bana beba kudi bankambua? Udi mua kupeta ngeyi mikuabu isekesha pa FamilySearch.org/discovery Nudi mua kuenza mudimu pamua bua kujingulula bankambua benu badi dijinga ne kupeta milulu ya ntempelo. Bua tshinyi Yezu mujinga bua tuenza mudimu ewu?