Mêyi a Dipinguluja

“Mishinga ya dijidila, muntu udi bua kuakula bivua bienzeka dituku adi, kadi kakuena muakulu wa tshifuaka udi mua kumvuija madimueshi a ku diûlu a dituku edi dia tshivulukilu. Banjelu bakamueshibua kudi bamua, pavua muenenu wa dîkala dia bunzambi umueshibua kudi bonsu bavuaku, ne mutshima onsu uvua muwujibua ne disanka divu kadiyi kuamba ne butumbi ntenta.’”

“Tshimua tshia ku bivulukilu bianyi bia kumpala tshivua dijidila dia ntempelo. Tatu wetu uvua mutuambula pa mutu wa binu bienda ne utuambila bua tshinyi tuvua tuya ne tshinyi tshivua tshiumvuija kujidila nzubu kudi Nzambi. Ne muntshivua muana tshikondu atshi, ndi mvuluka bimpa musangu awu. Ngela meji pa tshibilu etshi tshipita bidimu bia bungi tshiotshi tshimana kuenzeka ne mona mumvua mona kabidi Muambi Joseph Smith, muimana ne bianza bienda biela mulu, mpala wenda kayi ukenka, binsonji bipuekela pa matama enda bu muvuayi wakula mu dituku adi dia tshivulukilu. Bantu bonsu bamueneka bikala ne binsonji. Ntempelo uvua ne musumba, bana bavua basomba pa mutu pa binu bia bantu bakulumpa; muanetu wa bakaji musomba pa mutu pa binu bia tatu, mema pa bia mamu. Ndi mua kuvuluka bilamba bituvua bavuala. Lungenyi luanyi lutshivua lupuekela mu tshikondu atshi bua kukuata ngumvuilu wa bionsu, kadi mudi tshikondu tshipita ndi mbiumvua bimpa bikola, ne ndi ne tshivulukilu ne mvua wa diakalenga bua kuikala koku.”

“Mu dilolo adi ngakasambakena ne balombodi ba ekelezia mu nzubu wa Mukalenga. Nyuma wakapumunyibua—ngakamona butumbi bua Nzambi, bu ditutu dinena, dipueka ne dimana pa nzubu, ne ngakamvua bia momumua ku ntempelo wa Kirtland bu tshipepela tshinena. Mema kumona kabidi ndimi ya kapia, bu kapia kimana pa ba bungi, … pavuabu bakula miakulu mikuabu ne bamba ku nyuma.”

“Bimonyi bia bungi [bivua] bimueshibua. Umua kumona dikunji anyi divuba dimana pa mutu pa nzubu, bunkenka buenza bu patu diba dikenka pa ditutu bu ngôlo. Bakuabu babidi kumona bantu basatu bimana mulu munda mua nzubu ne nsapi ikenka mu bianza biabu, ne kabidi ne nshena ukenka mu bianza.”

“Nzambi uvuapu, banjelu benda bavuapu, Nyuma wa Tshijila uvua munkatshi mua bantu … ne bavua buwujibua ne bukola ne dipetela meji kudi Nzambi bia Nyuma wa Tshijila kutuadija ku tshifulu tshia butumbi tshia nsuki yabu tô ne muinshi mua makasa abu.”

“[Pavua] Ntempelo mujika ne mujidibua … bivua matuku abidi a disanka a moyo wanyi. Musambu wa pabuawu uvua muenjibua bua tshipolu atshi uvua ‘The Spirit of God Like a Fire is Burning.’ Bivua bushuwa bilelela ne buenzeji bua mu diûlu kutuluka pa mutu pa nzubu. … Ngakumvua ne tshivua bu diûlu pa buloba.”