“Ngondu wa Dikumi 13–19: Mulambu Wenda Newikala Mutamba Tshijila Kupitshila Tshipeta Tshienda: Dilongesha ne Bipungidi 115–120,” Luaku, Undonde—Bua mu Dîku ne mu Ekelezia: Dilongesha ne Bipungidi 2025 (2025)
“Dilongesha ne Bipungidi 115–120,” Luaku, Undonde—Bua mu Dîku ne mu Ekelezia: 2025
Far West, Missouri, kudi Al Rounds
Ngondu wa Dikumi 13–19: Mulambu Wenda Newikala Mutamba Tshijila Kupita Tshipeta Tshienda
Dilongesha ne Bipungidi 115–120
Kuvua kabingila bua Bansantu kuikala ne ditekemena pa muaba wabu wa kusangila wa newest, Far West, Missouri. Tshimenga tshivua tshitanta ne lukasa, buloba buvua bumueneka ne bufuka, ne pabuipi kuvua Adam-Ondi-Ahman, muaba uvua ne diumvuija dia nyuma dinena mu matuku mashala ne mu matuku alua (tangila Dilongesha ne Bipungidi 107:53–56; 116). Nansha nanku, bitshivua anu bikola bua Bansantu kubenga kuela meji pa tshivuabu bajimija. Kabidi benzejibua bua kumbuka mu Independence, muaba wa munkatshi mua Siona, Bansantu bavua kabidi ne bua kunyema Kirtland, kushiya ntempelo wabu munanga kunyima kua bidimu amu bibidi bia dimuibaka. Ne tshikondu atshi tshimvundu katshivua amu tshikeba kudi baluishi pambelu pa Ekelezia to—bindimba bikavua bitombokela Joseph smith, biangata bidimba binayi bia mu Mpuilu wa Bapostolo Dikumi ne Babidi.
Pamutu pa kushindamena pa bivuabu bajimija, bena lulamatu bakatungunuka ne kuibaka Siona, tshikondu atshi mu Far West. Bakenza malongolola bua ntempelo mupiamupia. Bapostolo banayi bakuabu bakabikidibua. Bakumvua ne kuenza mudimu wa Nzambi kakuena kumvuija ne muntu kêna mua kupona nansha; bidi bimvuijane udi ujuka kabidi. Nansha biwikala mua kuenza milambu, milambu ayi idi ya tshijila kudi Nzambi, nansha mitamba tshijila… kupita tshipeta tshieba (Dilongesha ne Bipungidi 117:13).
Tangila Saints, 1:296–99.
Ngenyi bua Kulonga mu Dîku ne mu Ekelezia
Dilongesha ne Bipungidi 115:3–6
Dina dia Ekelezia didi ne mushinga kudi Mukalenga.
Mulombodi Mukulu Russell M. Nelson wakamba ne dina dia Ekelezia didi “bualu bua mushinga munena” (“The Correct Name of the Church,” Liahona, Ngondu wa Dikumi ne Umua 2018, 87). Ela meji pa buatshinyi etshi tshidi ne mushinga pawudi ubala Dilongesha ne Bipungidi 115: 4–6. Tshinyi tshidi dina dia Ekelezia ne tshia kuenza mu dipetangana ne mudimu ne bukenji bienda?
Tangila kabidi 3 Nefi 27:1–11.
Dilongesha ne Bipungidi 115:5–6
Siona ne makunji enda adi afila tshisokomenu ku tshipupu.
Pawudi ulonga tshifuanyikijilu tshia bukola mu Dilongesha ne Bipungidi 115:5–6, ela meji pa mudimu udi Mukalenga musua bua wewa, bu tshidimba tshia Ekelezia Wenda, ukumbaja. Tshilejilu, tshinyi tshiwudi mua kuenza bua kujuka ne kukenka anyi kuikala tshilejilu bua bisamba? (kanungu 5). Bipupu kayi bia nyuma biwudi ujandula mu nyunguluilu weba? Mushindu kayi uwudi upeta tshisokomenu kupitshila ku disangila? (kanungu 6).
Tangila kabidi “Brightly Beams Our Father’s Mercy,” Hymns, no. 335.
Ekelezia wa Mupandishi udi mua kuikala bukenka ne tshisokomenu ku tshipupu tshia moyo.
Dilongesha ne Bipungidi 117
Milambu yanyi idi ya tshijila kudi Mukalenga.
Ela meji ne uvua Newel K. Whitney anyi muena kuenda, Elizabeth, bavua bapeta moyo wa ditanta mu Kirtland ne pashisha balombibua bua kumbuka. Tshinyi tshiwudi upeta mu Dilongesha ne Bipungidi 117:1–11 tshivua mua kuikala tshikuambuluisha bua kuenza mulambu ewu? Milambu kayi iwudi wenza bua Nzambi? Tshinyi tshidi tunungu etu tukulongesha pa nganyi udi Nzambi ne tshinyi tshidiye wenza?
Mulambu uvua mulombibua kudi Oliver Granger uvua mushilangana ne wa Whitney: Mukalenga wakamulomba bua kushala mu Kirtland ne kujikija malu a mpetu ne mabanza a Ekelezia. Pavuaye muimanyina Ekelezia ne bulelela, wakapangila bia bushuwa. Ela meji pa mushindu udi mêyi a Mukalenga mu Dilongesha ne Bipungidi 117:12–15 enzeka mu bintu bidiye mulomba kuwudi.
Tangila kabidi “Far West and Adam-ondi-Ahman,” mu Revelations in Context, 239–40.
Dilongesha ne Bipungidi 119–120
Kufuta kuanyi kua tshiadikumi kudi kuambuluisha bua kuibaka bukalenga bua Nzambi.
Maludiki mu bitupa 119 ne 120 adi atokesha pa tshidi kufuta tshiadikumi kuikala: tudi tufila “tshia pa dikumi” tshia tshipeta tshietu (anyi bipeta) tshidimu tshionso (tangila Dilongesha ne Bipungidi 119:4). Kadi mabuluila â adi enza mapita kufila diumvuija. Mukalenga wakambila Bansantu ne kufila tshiadikumi kuvua mua kumvuija buloba bua Siona bua tshijila. Ne kakuyi mukenji ewu to, Wakamba ne, kakuakuikala Siona mu nuenu to (kanungu 6). Ukatu muela meji pa kufuta tshiadikumi mushindu ewu anyi? Mushindu kayi udi difuta tshiadikumi tshikuvuija wa tshijila mushuwa, mulongolodibua bikola bua Siona?
Tshinyi tshiwudi ulonga ku mabuluila â pa mushindu udi musadidi wa Mukalenga wenzela pa mpetu ya tshiadikumi ? Tshinyi tshidi tshiumvuija kuwudi tshiambilu etshi “ku dîyi dianyi kudibu“ mu Dilongesha ne Bipungidi 120?
Mukulu David. A Bednar mmufila diumvuija didi diambuluisha pa mushindu udibu bakuata mudimu ne tshiadikumi ne mabenesha adi afuma ku ditumikila mukeji ewu “The Windows of Heaven” (Liahona, Ngondu wa Dikumi ne Umua 2013, 19–20). Nkonku idi ilonda eyi idi mua kuambuluisha pawudi ulonga mukenji wenda:
The Windows of Heaven
-
Nganyi udi ujadika mushindu udibu bakuata mudimu ne tshiadikumi panyima pa tshifutshibua ku Ekelezia?
-
Mudimu kayi udibu benza ne tshiadikumi?
-
Mabenesha kayi adi alua bu tshipeta tshia difuta tshiadikumi? Tshilejilu, mu mushindu kayi udi difuta dia tshiadikumi dikankamika malanda eba ne Tatu wa mu Diûlu ne Yezu Kilisto?
-
Tshinyi tshiwudi mua kulonga ku dibikila dia Mukulu Bednar?
-
Mushindu kayi uwudi mua kuambuluisha bakuabu bua kukumbaja ditabuija diabu mu mukenji wa Mukalenga wa tshiadikumi?
Tangila kabidi Malachi 3:8–12.
Ambuluisha bakuabu bua kuenzela bidibu balonga. Nansha padi muntu musua kufuta tshiadikumi, misangu mikuabu kayi mumanya mushidu wa kuenza. Pawikala ulongesha dîku dieba anyi kalasa, ela meji bua kuangata tshikondu kampanda bua kumvuija mushindu wa kufuta tshiadikumi, pa nshinga anyi pa kabeji ka Tshiadikumi ne Mikuabu Milambu. (Tangila Teaching in the Savior’s Way, 27.)
Bua ngenyi ya bungi, tangila malu a ngondu ewu a Liahona ne Makazina a Bua Dikankamika dia Bansonga.
Ngenyi bua Kulongesha Bana
Dilongesha ne Bipungidi 115:4–5
Ndi nsanganyibua mu Ekelezia wa Yezu Kilisto wa Bansantu ba Matuku a Ndekelu.
-
Bua kuambuluisha bana beba bua kulonga dina dia Ekelezia ne kumvua bua tshinyi didi ne mushinga, ela meji bua kuebeja pikala umua wa kudibu mua kuamba mu kabujima dina dia Ekelezia. Udi mua kubaleja pashisha dina ku Dilongesha ne Bipungidi 115:4 ne kudiambulula nabu. Pawudi wenza, ela meji pa kupatula miaku ya mushinga ne buatshinyi idi ne mushinga. Udi kabidi mua kutangununa “Chapter 43: Jesus Christ Names His Church” (mu Doctrine and Covenants Stories, 164, anyi video wabuena ewu mu tshisangi tshia lumu luimpa) anyi imba “The Church of Jesus Christ” (Mukanda wa Misambu ya Bana, 77).
Chapter 43: Jesus Christ Names His Church: April 1838
Dilongesha ne Bipungidi 115:4–6
Tshilejilu tshianyi tshidi mua kuambuluisha bakuabu bua kulua kudi Kilisto ne kupeta bukubi.
-
Bana beba badi mua kumanya bantu badi baluangana ne bajinga tshisokomenu ku bipupu bia moyo. (kanungu 6). Mushindu kayi udibu mua kuambuluisha bantu aba? Ela meji bua kubikila bana beba bua bimana kulu pawudi ubala muaku juka mu Dilongesha ne Bipungidi 115:5. Badi mua kunyungisha minu yabu bu mudi nsesa ya diba pawudi ubala kenkesha. Vuluija bana beba ne bukenka buetu budi bufuma kudi Yezu Kilisto, ne bambuluisha bua bela meji pa mishindu idibu mua “kukenka” bu mudiye ukenka.
-
Bana beba badi mua kuzola tshimfuanyi tshileja Dilongesha ne Bipungidi 115: 6. Tshilejilu, badi mua kuzola tshipupu ne bantu basokomena mu tshibambalu tshia Ekelezia. Tshipupu tshidi mua kuleja tshinyi? Mushindu kayi udi Mupandishi ufila diambuluisha? Ambuluisha bana beba bua kuela meji pa mulunda, tshidimba tshia dîku, anyi muena mutumba mu dijinga. Mushindu kayi utudi mua kubabikila bua kupeta diambuluisha mu Ekelezia wa Yezu Kilisto?
Dilongesha ne Bipungidi 117
Milambu yanyi idi ya tshijila kudi Mukalenga.
-
Bikila bana beba bua kufuanyikija ne badi Newel K. Whitney. Mushindu kayi udibu mua kumvua pikala Mukalenga mubalomba bua kumbuka ku mudimu wabu mushema ne kuya mu muaba mukuabu mupiamupia. (Bidi mua kuambuluisha bua kutangununa “Chapter 41: Trouble in Kirtland,” mu Doctrine and Covenants Stories, 158–60, anyi video wa momumua mu tshisangi tshia lumu luimpa.) Panudi nubala pamua Dilongesha ne Bipungidi 117:1–11, lomba bana beba bua kukuimanyika padibu bumvua tshintu kampanda tshidi mua kubambulusiha bua kuikala ne ditabuija dia kutumikila Mukalenga. Milambu kayi itudi tuenza bua kutumikila Mukalenga? Mushindu kayi udiye utubenesha?
Chapter 41: Trouble in Kirtland: 1837–1838
Dilongesha ne Bipungidi 119-20
Tatu wa mu Diûlu udi wenzela tshiadikumi bua kubenesha bana benda.
-
Ba bungi ba ku bana bawudi ulongesha badi mua kuikala bapuekela bikola bua kupeta makuta anyi kufuta tshiadikumi, kadi bidi bimpa buabu bua kumvua mushindu udi tshiadikumi tshiambuluisha ku mudimu wa Mukalenga mu buloba bujima. Ela meji bua kuenzela bimfuanyi ne dibeji dia tshibilu ku ndekelu kua tshifundu bua kubambuluisha bua bumvua tshidi tshikala tshiadikumi. (Tangila kabidi “Chapter 44: Tithing,” mu Doctrine and Covenants Stories, 165–66, anyi video wa momumua mu tshisangi tshia lumu luimpa.) Mushindu kayi udi Tatu wa mu Diûlu wenzela tshiadikumi bua kubenesha bana benda? Fila ngumvuila yeba pa mukenji wa tshiadikumi ne mushindu uditshi tshikubenesha.
Chapter 44: Tithing: July 1838
Patudi tufuta tshiadikumi, tudi tuleja ditabuija dietu mu Yezu Kilisto.
Bua ngenyi ya bungi, tangila malu a ngondu ewu a Makazina a Mulunda.