Dilongesha ne Bipungidi 98–101

Imua ya ntatu yetu mu moyo idi mienza ku masungula etu nkayetu. Mikuabu idi mienza kudi masungula a bakuabu. Ne ku misangu bintu bitu bifika bidi tshitupa tshia moyo wa tshifuaka. Nansha bidi bibifikisha ku dienza, buluishi budi mua kuambuluisha kukumbaja tuipatshila tua bunzambi mutudi tupingana kudi Nzambi.

Etshi tshivua bulelela bua Bansantu mu Missouri 1833 ne tshidi bulelela buetu lelu. Muwudi ubala tshidi Mukalenga muambila Bansantu mu Dilongesha ne Bipungidi 98 ne 101, nana meji mudi mukenji ewu wenzela matêta mashilashilangana anyi ntatu iwudi mua kupeta. Eyi idi imua nkoku ne biambuluishi bua kukuambuluisha.

Pikala ditêta didi tshipeta tshia:

• Masungula a nkaya: Mubelu—ne mulayi kayi—biwudi mupeta mu Dilongesha ne Bipungidi 98:11–12; 101:1–9? Tshinyi tshiwudi mulonga pa tunungu etu pa Tatu wa mu Diûlu ne Yezu Kilisto? Tshinyi tshiwudi umvua Nzambi mujinga bua wewa kuenza?

• Masungula a bakuabu: Busambi kayi buwudi mupeta mu Dilongesha ne Bipungidi 98:1–3, 22; 101:10–16, 22? Tshinyi tshidi Mukalenga mujinga bua tuandamuna pa dinyangila, dikanyina, anyi tshinyangu? (Tangila Diambuluisha dia Moyo, “Abuse,” Tshisangi tshia Lumu Luimpa; Biena Bualu ne Nkonku, “Abuse,” Tshisangi tshia Lumu Luimpa.) Tshinyi tshidi tunungu etu tulongesha pa mushinga wa kuteka dieyemena dietu mu Mukalenga?

• Ntatu ya moyo wa tshifuaka: Lumonu kayi luwudi mupeta mu Dilongesha ne Bipungidi 98:1–3; 101:22–31, 36? Tshinyi tshiwudi mulonga kupitshila ku Matêta eba? Tshinyi tshiwudi mua kuenza bua kukeba diambuluisha dia Nzambi? Mushindu kayi udiye ukuambuluisha?

Bua kumanya bia bungi pa mushindu udi Nzambi mua kuenza bua ne malu onsu awudi mupitshila ikala bua bimpa bieba (Dilongesha ne Bipungidi 98:3), tangila kabidi diyisha dia Elder Anthony D. Perkins “Remember Thy Suffering Saints, O Our God” (Liahona, Nov. 2021, 103–5). Udi mua kukeba malu mamba mu mukenji wenda adi mua kukuambuluisha bua kumvua mushindu kayi udi Mupandishi mukubikila bua kumona ntatu yeba. Mu mishindu kayi idi ntatu yeba mienza mudimu pamua bua bimpa bieba anyi kukumbaja tuipatshila tua Nzambi?

Tangila kabidi Lomo 8:28; 2 Nefi 2:2; Dilongesha ne Bipungidi 90:24; D. Todd Christofferson, “Come to Zion,” Liahona, Ngondu wa Dikumi ne Umua 2008, 37–40; “Trial of Adversity,” “Feeling the Lord’s Love and Goodness in Trials,” “The Refiner’s Fire” (videos), ChurchofJesusChrist.org.

2:40

4:17

5:2

Mulombodi Mukulu Russel M. Nelson wakalongesha ne: “Balondi ba Yezu Kilisto badi ne bua kuleja tshilejilu bua buloba bujima kulonda. Ndi nusengelela bua nuenza monsu munudi mua kuenza bua kuimanyika matandu a nkaya adi mpindiewu atumba mu mioyo yenu” (“The Power of Spiritual Momentum,” Liahona, Ngondu Muitanu 2022, 97).

Padi bintu bionsu kabiyi mu Dilongesha ne Bipungidi 98:23–48 neatekibua ku mayukilangana eba ne bakuabu, nshindamenu kayi uwudi mupeta udi mua kukuludika mua kujikija matandu a nkaya mu moyo weba? Udi mua kupeta malelela muakuabu mu misambu pa ditalala ne dibuikidila bu mudi “Truth Reflects upon Our Senses” (Hymns, no. 273).

Mabuluila mu tshitupa 99 ne 100 avua mafila kudi bantu bavua ne majitu manena mu Ekelezia kadi avua kabidi atangila mêku abu. Tshinyi tshiwudi mupeta mu mabuluila â tshivua mua kuikala tshibambuluisha? Mukenji kayi udi Mukalenga nawu bueba mu mabuluila â?

Tangila kabidi “John Murdock’s Missions to Missouri” mu “‘I Quit Other Business’: Early Missionaries” ne “A Mission to Canada,” mu Revelations in Context, 87–89, 202–7.

Lusumuinu mu Dilongesha ne Bipungidi 101:43–62 ludi lumvuija mushindu kayi udi Mukalenga witabijila Bansantu bua kuipatshibua mu Siona. Pawudi ubala tunungu etu, udi mumona imua mishindu iwudi bu basadidi mu lusumuinnu anyi? Mushindu kayi uwudi uleja Nzambi ne udi ujinga bua kuikala muludika mu mushindu mululama ne muimpa bua lupandu lueba? (tangila kanungu 63–65).

• Udi mua kubanga ne diyukilangana mu kukonka bana beba pa imua ya ntatu idi bana ba mulongu wabu bapeta. Nudi pashisha bua kubala pamua Dilongesha ne Bipungidi 98:1–3 ne kuakula pa mushindu udi Yezu Kilisto mua kukudimuna matêta mu mabenesha. Udi mua kuabanyangana ne bana beba bilejilu bia mushindu uvuaye mukudimuna matêta eba mu mabenesha.

Bia Kumanya: Pawudi ulongesha bana beba mushinga wa dibuikidila, tuishibua ne badi kabidi bumvua ne pikala muntu mu batapa ku mutshima, badi mua kuambila misangu yonsu muntu mukulumpa udibu beyemena.

• Shapita 34 ne 35 mu Doctrine and Covenants Stories (128–34) bidi mua kukuambuluisha bua kulongesha mushindu uvuabu benza Bansantu mu Missouri mu 1833. Wewa ne bana beba nudi mua kuakula pa mushindu uvua Bansantu ne mua kumvua. Pashisha nudi mua kubala pamua Dilongesha ne Bipungidi 98:23, 39–40 bua kupeta tshidi Mukalenga mujinga bua tuenza. Wewa ne bana beba nudi mua kuakula pa misangu iwuvua mujinga bua kubuikidila muntu ne mushindu uvua Mupandishi mukuambuluisha.

• Udi mua kuleja kabidi bana beba bimfuanyi bia mpala wa disanka ne mpala wa dibungama. Akula bua malu adi muntu uvua kayi ne disanka, ne leja mishindu ya kuandamuna. Ambuluisha bana beba bua kusungula pikala diandamuna dionsu bua kubasangisha anyi kubabungamija mu kufukuna mpala udi upetangana. Buatshinyi Yezu mujinga bua tuikala tubuikidilangana, nansha aba badi kabayi netu bimpa?

2:42

2:10

• Panyima pa kubala Dilongesha ne Bipungidi 101:16, ambuluisha bana beba bua kumanya ngumvuilu ya ditalala idi ifika patudi tuimana talalâ ne tuela meji pa Yezu—tshilejilu, patudi tusambila anyi tuangata biakudia bia tshijila. Udi kabidi mua kuimba musambu pamua pa kanemu, bu mudi “Reverently, Quietly” anyi “To Think about Jesus” (Mukanda wa Misambu ya Bana, 26, 71). Mushindu kayi utudi mua kumvua ditalala Dienda mu dîku dietu?

• Bana beba badi mua kuikala badifila bua kulonga pa tshinyi tshikala moyo ewu mufuanangana palua Yezu Kilisto kabidi. Bala Dilongesha ne Bipungidi 101:23–32 pamua, ne akula pa bintu bidibu bapeta mu tunungu etu bidi mua kutuala disanka paluayi. Buatshinyi bidi biambuluisha bua kumanya pa bintu ebi patudi mu tshikondu tshikola?