Dilongesha ne Bipungidi 94–97

Mu Dilongesha ne Bipungidi 94, Mukalenga udi ufila maludiki pa dibaka dia tshibambalu tshiambuluishi mu Kirtland—bilo ne nzubu wa dipatula mabeji. Tshinyi tshidi ne mushinga bueba pa tshidi Mukalenga muamba pa tshibambalu etshi mu Dilongesha ne Bipungidi 94:2–12? Mushindu kayi udibi bifuanyikija ne bidiye muakula pa ntempelo mu 97:10–17?

Tshinyi tshidi tshiumvuija bueba kuikala mudijidila yonsu kudi Mukalenga?

Pavua dibuluila dia tshitupa 95 dipetshibua, ngondu mitua ku itanu ivua mipita katshia Mukalenga wuelela Bansantu mukenji wa kuibaka nzubu wa Nzambi (tangila Dilongesha ne Bipungidi 88:117–19—ne kabavua banji kubanga to. Funda mushindu uvua Mukalenga mubatandisha mu dibuluila edi. Udi mua kuenza kabidi lista wa nshindamenu iwudi mupeta bua kufila buakaji bua lungenyi lua nyuma. Tshinyi tshiwudi mulonga pa Mukalenga ku mushindu uvuaye mutandisha Bansantu bende?

Tangila kabidi Dilongesha ne Bipungidi 121:43–44; D. Todd Christofferson, “As Many as I Love, I Rebuke and Chasten,” Liahona, Ngondu Muitanu 2011, 97–100.

8:40

Panyima pa kuikala banyokibua bua kubenga kuibaka nzubu wa Nzambi mu kirtland, balombodi ba Ekelezia bakasungula muaba mu buloba bua mamvua uvuabu bua kuibaka. Hyrum Smith, muanabu ne Muambi, pankabi wakaya bua kupeta muela bua kubanga kuakaja muaba. “Tudi badilongolola bua kuibaka nzubu wa Nzambi,” muvuayi wamba, “ne Ndi mudifila bua kuikala wa kumpala ku mudimu” (mu Teachings of Presidents of the Church: Joseph Smith [2007], 271, 273). Mushindu kayi uwudi wela meji ne Hyrum uvua mudifila bua kuibaka ntempelo? Nana meji pawudi ubala Dilongesha ne Bipungidi 95:8, 11–17; 97:10–17..

Mu tshikondu tshietu, Mukalenga “udi ubandisha lubilu lutudi tuibaka nalu ntempelo” (Russell M. Nelson, “Focus on the Temple,” Liahona, Ngondu wa Dikumi ne Umua 2022, 121). Pikala muntu mukukonka ne buatshinyi Ekelezia wa Yezu Kilisto udi wibaka ntempelo ya bungi, tshiwudi mua kuamba ntshinyi? Tangila bua mandamuna adiku mu:

• Mukenji wa Mulombodi Mukulu Russell M. Nelson umanyisha ntempelo mipia-mipia (bu mudi “Now Is the Time,” Liahona, Ngondu Muitanu 2022, 126).

• “Why Latter-day Saints Build Temples” (temples.ChurchofJesusChrist.org).

• Video ya “Ntempelo” (Tshisangi tshia Lumu Luimpa).

5:41

Udi mua kufuanyikija didienzeja dia Bansantu bua kuibaka ntempelo wa Kirtland ku dienzeja dieba bua kudilongolola bua mamanya a pabuawu ne Mukalenga mu ntempelo. Mushindu kayi uwudi mua kuleja ngikadilu umua wa lukasa luvua Hyrum Smith mumvua kumpala kua Nzubu wa tshijila wa Mukalenga? Tshilejilu, tshinyi tshiwudi mua kuenza tshidi mua kuikala bu kutokesha muaba, bu muvua Hyrum muenza? Milambu kayi iwudi umvua Mukalenga mujinga bua wewa kuenza? (tangila Dilongesha ne Bipungidi 97:12).

Tangilla kabidi “Holy Temples on Mount Zion,” Misambu, no. 289; Biena bualu ne Nkonka, “Ntempelo,” Tshisangi tshia Lumu Luimpa.

Ela meji pa diba diwuvua muanyishibua—anyi kuyi muanyishibua—mu dingomba anyi mu tshisumbu. Mushindu kayi udibi bifuanangana anyi bishilangana ne bidi mu Dilongesha ne Bipungidi 97:8–9 bilongesha pa tshidi tshiumvuija kuikala muanyishibua kudi Mukalenga? Mushindu kayi uwudi wela meji ne Mukalenga udi uteta bua kulongesha ne lusumuinu mu kanungu 9?

Tangila kabidi Erich W. Kopischke, “Being Accepted of the Lord,” Liahona, Ngondu Muitanu 2013, 104–6.

Kudi Basantu mu 1831, Siona uvua muaba. Mu dibuluila mu tshitupa 97, Mukalenga mutantshisha diumvuija bua kuleja bantu bena—“mutshima mukezuka” (kanungu 21). Pawudi ubala kanungu 18–28, udi mua kupingajilula diumvuija edi pawudi ubala muaku Siona. Tshinyi tshidi tshiumvuija kuwudi kuikala mukezuka mu mutshima?

Tangila kabidi Mose 7:18.

• Bua mamanya makuabu mu tshitupa 95 ne 97, udi mua kuabanyangana ne bana beba “The Kirtland Temple” mu Doctrine and Covenants Stories for Young Readers (Tshisangi tshia Lumu Luimpa; tangila kabidi Saints, 1:210). Bana beba badi mua kusanka, bela meji ne badi bambuluisha bua kuibaka ntempelo wa Kirtland (kukosa dibaya, kututa misonsu, kulaba bimanu mukubu, ne bikuabu). Udi mua kubaleja kabidi tshimfuanyi tshia ntempelo wa kirtland, bu mudi ebi bidi mu tshifundu etshi, pawudi ubala Dilongesha ne Bipungidi 95:8 bua kulongesha bana beba bua tshinyi Mukalenga mmujinga bua tuetu tuibaka ntempelo.

1:17

• Panyima pa kubala pamua Dilongesha ne Bipungidi 97:15–16, wewa ne bana beba nudi mua kuabanyangana buatshinyi ntempelo udi wa pabuenda bueba. Udi mua kuimba kabidi musambu bua kuambuluisha bana beba bua bumvua kanemu bua nzubu wa Mukalenga, bu mudi “I Love to See the Temple” (Mukanda wa Misambu ya Bana, 95). Buatshinyi ntempelo udi wa tshijila?

• Bua kuambuluisha bana beba bumvua tshinyi tshidi muaku mukezuka mua kumvuija mu Dilongesha ne Bipungidi 97:21, udi mua kutangila mu dikopu dia mulangi wa mâyi mimpa pamua ne kukumbaja tshintu mu mâyi bua kuenza makoyika (bu mudi manyanu anyi ndungu). Buatshinyi bidi ne mushinga bua mâyi kuikala makezuka? Pashisha bana beba badi mua kubala kanungu 21 ne kuteka minu pa muaku mukezuka. Tshinyi tshidi tshiumvuija bua mitshima yetu kuikala mikezuka? Tunungu 1–2 ne 8–9 tudi mua kufila ngenyi mikuabu. Mushindu kayi udi Mupandishi wambuluisha bua kuenza mitshima yetu mikezuka?

• Bana beba mbamanya bipungidi bitudi tuenza ne Mukalenga patudi batambuishibua anyi mu ntempelo? Ela meji bua kumonununa bipungidi abi nabu mu kubala Mosiya 18:9–10 anyi Mukanda Munena wa Maludiki, 27.2. Abanyanganayi mushindu unudi nudienzeja bua “kunemeka bimpungidi [bienu] kupitshila ku mulambu” (Dilongesha ne Bipungidi 97:8).

• Udi mua kubikila bana beba bua kuzola bimfuanyi bidi Dilongesha ne Bipungidi 97:9 tshiumvuija. Mudibu babanyangana bimfuanyi biabu, akula pa mushindu udi Mukalenga mukubenesha mu kulama bipungidi bieba. Mushindu kayi udi mabenesha â mua kuikala mutshi wa mamuma a bungi udi mukuna babuipi ne musulu mukezuka?