Nkyerɛkyerɛ na Ahyɛmudzi 106–108

Nkyerɛkyerɛ na Ahyɛmudzi 106 na 108 mu no, Ewuradze dze afotu na anohoba maa asɔrmba beenu a wɔfrɛɛ hɔn dɛ wɔnsom wɔ N’Asɔr mu no. Ber a isũa N’afotu no, ibotum adwendwen ɔwoara w’akwan pii a ewɔ dɛ esom Ewuradze ho—bia erosom dwumadzi, Asɔr ɔfrɛ, asodzi wɔ w’ebusua mu, anaa sunsum mu nkenyan dɛ yɛ papa.

Etse nkã dɛ Ewuradze n’asɛm ma wo no wɔ nyikyerɛ yinom mu nye ebɛnadze? Ebɛn nsɛnsin tsitsir ara na ɔyɛ mfaso ma wo? Kakra nye yi dɛ ebɔhwɛ:

• Mber bɛn na Ewuradze ama wo “adom [anaa mboa krɔnkrɔn] na awerɛhyɛmu’’ ma eetum dze asom No? (Nkyerɛkyerɛ na Ahyɛmudzi 106:8).

• Edwendwen ho dɛ hyɛ binom dzen “wɔ wo ndzeyɛɛ nyina mu’’ n’asekyerɛ nye dɛn? (Nkyerɛkyerɛ na Ahyɛmudzi 108:7).

Mber a Elder Carl B. Cook nyaa Asɔr dwumadzi a ɔyɛ dzen no, ɔtwee ahoɔdzen fii ewuakɔr bi ne sũahu mu. Kenkan ho asɛm wɔ n’asɛm “Serve” mu (Liahona, Ɔberɛfɛw 2016, 110–12). Hwɛ dɛ ebɛkyerɛw krataa dze ahyɛ w’asefo nkuran—anaa wora woho nkuran ndaamba bi—dɛ ebɛgye akwanya horow atõ mu dze asom Ewuradze. Fa nokwar a esũa fi Elder Cook n’asɛm mu, Nkyerɛkyerɛ na Ahyɛmudzi 106 na 108, na ɔwoara wo sũahu horow hyɛ wo krataa no mu.

San hwɛ Henry B. Eyring, “Walk with Me,” Liahona, Esusow Aketseaba 2017, 82–85; Topics and Questions, “Serving in Church Callings,” Gospel Library; “Warren Cowdery” na “‘Wrought Upon’ to Seek a Revelation,” in Revelations in Context, 219–23, 224–28.

Ewuradze hyɛ Ne “nyikyerɛ wɔ asɔfodzi no do’’ ase (Nkyerɛkyerɛ na Ahyɛmudzi 107, ɔfã ne tsir) ber a ɔrekyerɛkyerɛ hɛn Melchizedek Asɔfodzi no n’ahyɛse dzin no (hwɛ nyiyimu 1–4). Ebɛnadze ntsi na edwendwen dɛ ohia dɛ ihu no dɛm? Dzin yi si dɛn nya nhyɛdo wɔ kwan a edwenedwen asɔfodzi no ho do?

Kae adwendwen yinom ho wɔ w’adwen mu ber a ekenkan asɔfodzi no ho asɛm, tsitsir ara wɔ nyiyimu 18–20. “Wobue sor’’ no n’asekyerɛ nye dɛn? “Wɔba Nyame Egya no, nye Jesus enyim na wɔnye hɔn kasa’’ n’asekyerɛ nye dɛn? Agyenkwa no n’asɔfodzi tum na tumdzi si dɛn ma iyi nyinara wɔ hɔ ma wo?

San hwɛ Alma 13:2, 16; Nkyerɛkyerɛ na Ahyɛmudzi 84:19–27.

Edwendwen ho dɛ edze w’awerɛhyɛmu fua, wo gyedzi fua, wo mpaabɔ fua Ewuradze no nkowaa n’asekyerɛ nye dɛn?

Hwɛ “God Bless Our Prophet Dear,” Hymns, nkanee 24 so.

Joseph Smith nye Asomafo Duebien no hɔn Quorum a wɔafrɛ hɔn fofor no kyɛɛ ɔfã 107 wɔ afe 1835 mu (hwɛ ɔfã ne tsir no). Ebɛnadze na Ewuradze kyerɛkyerɛɛ hɔn fa hɔn ɔfrɛ no ho wɔ nyiyimu 23–24, 33–35, 38 mu? Wo dasee wɔ Jesus Christ ho esi dɛn ayɛ dzen ɔnam N’asomafo atseasefo hɔn nkyerɛkyerɛ na som do?

Nyiyimu 91–92 mu no, Ewuradze kyerɛkyerɛ Ne Ɔsomafo panyin, Asɔr no ne President, no ho asɛm. Osi dɛn “tse dɛ Moses’’? hwɛ Guide to the Scriptures, “Moses,” Gospel Library).

San hwɛ David A. Bednar, “Chosn to Bear Testimony of My Name’’, Liahona, Ɔberɛfɛw. 2015, 128–31.

Hyɛ dza Ewuradze kyerɛkyerɛɛ fa abaguafo ho wɔ Nkyerɛkyerɛ na Ahyɛmudzi 107: 27– 31, 85– 89 mu no nsew. Ebɛnadze na ɔma abaguafo yɛ ndam? Ibesi dɛn botum dze fapem yinom edzi dwuma wɔ w’Asɔr ɔfrɛ, wo fie, anaa asodzi bi so mu?

San hwɛ M. Russell Ballard, “Family Councils,” Liahona, Esusow Aketseaba 2016, 63–65; General Handbook, 4.3–4.4, Gospel Library.

• Ber a enye wo mbofra bɔ mu kenkan Nkyerɛkyerɛ na Ahyɛmudzi 107:18–19 no, tsĩ asɛnsin “sunsum mu nhyira nyina’’ mu. Bia enye wo mbofra no botum akyerɛw nhyira a ofi Asɔfodzi mu ba no nkorkor. Wobotum ayɛ ho agordze—hwɛ nyia a obotum akyerɛw nhyira tsentsenntsen pa. Wo mbofra botum asan adorɔw anaa wɔahwehwɛ mfonyin dze egyina ama nhyira yinom (hwɛ dapɛn yi ne dwumadzi krataafa). Nkyii ibotum akã mbrɛ asɔfodzi ayɛdze horow (tse dɛ enuma anaa sacrament no) si boa hɛn ma yenya Nyankopɔn ne nhyira ho asɛm.

• Ehyiadzi biara ne Liahona no Wiadze mfendzanan Etumdzifo hɔn mfonyin krataafa kã ho. Hwɛ dɛ enye wo mbofra bɔhwɛ mfonyin yinom ber a ekenkan hɔn asodzi horow ho asɛm wɔ Nkyerɛkyerɛ na Ahyɛmudzi 107:21–26, 33–35, 91–92. Enye wo mbofra botum akã siantsir a hom enyisɔ dɛ Ewuradze ama hɔn asodzi horow yinom ho asɛm.

• Wo mbofra botum esũa beberee afa Ewuradze no nkowaa ho wɔ “General Church Leadership” wɔ ChurchofJesusChrist.org. Bia wo mbofra hɔn mu kor biara botum esũa baanodzifo yinom kor ho asɛm na wɔdze ho asɛm no akyerɛkyerɛ hɔn ho. Hom nye hom ho nkyɛ mbrɛ hom si nyim dɛ baanodzifo yinom yɛ Jesus Christ no nkowaa nokwarfo.

• Wɔabɔ mu akenkan Nkyerɛkyerɛ na Ahyɛmudzi 107:22 ekyir no, enye wo mbofra botum asesa esuo President a Odzi Kan na n’Apamfo hɔn mfonyin no wɔ sor na wɔakyɛ akwan a wobotum ama hɔn tsipia dɛ Ewuradze no nkowaa.

• Ebɛhyɛ nkɔmbɔdzi ase afa nyiyimu yi ho a, ibotum atõ nsa afrɛ wo mbofra no ma wɔayɛ adze bi a ohia ahwɛyie asokyɛn, tse dɛ iruhue adze egu kɔɔpow mu a bi runngu famu. Sɛ yɛannyɛ ahwɛyie a ebɛnadze na osi? Nkyii ibotum akenkan Nkyerɛkyerɛ na Ahyɛmudzi 108:3 dze ahwehwɛ dza Ewuradze pɛ dɛ yɛyɛ no ahwɛyie mu ara. Ebɛn “ntam’’ (ahyɛmudzi horow anaa anohoba horow) na yɛnye Nyankopɔn dzi? Yebesi dɛn botum ayɛ ahwɛyie mbordo wɔ hɔn sie ho? Ibotum akyɛ Akyerɛbaa Becky Craven n’asɛm “Careful versus Casual” ne fã (Liahona, Esusow Aketseaba 2019, 9–11) etse nkã dɛ obotum ekenyan wo mbofra ma woesie hɔn ahyɛmudzi horow. Hom botum asan atow ndwom a ɔfa irisie ahyɛmudzi horow ho, tse dɛ “I Will Be Valiant’’ (Children’s Songbook, 162).