సిద్ధాంతము మరియు నిబంధనలు 102–105

102వ ప్రకరణము ఒహైయోలోని కర్ట్‌లాండ్‌లో సమావేశము యొక్క ముఖ్యాంశాలను కలిగియుంది, అక్కడ సంఘము యొక్క మొదటి ఉన్నత సలహామండలి ఏర్పాటు చేయబడింది. గంభీరమైన తప్పులు చేసిన వారి కోసం సభ్యత్వ సలహాసభలు జరుపబడినప్పుడు, ఉన్నత సలహామండళ్ళు అనుసరించే విధానాలను 12–23 వచనములలో ప్రభువు వివరించారు.

అధ్యక్షులు ఎమ్. రస్సెల్ బాల్లర్డ్ ఇలా బోధించారు: “సంఘ [సభ్యత్వ] సలహాసభలు ఎందుకు జరుపబడతాయని కొన్నిసార్లు సభ్యులు అడుగుతారు. మూడు ముఖ్య ఉద్దేశాలున్నాయి: అతిక్రమకారుని ఆత్మను కాపాడుట, అమాయకులను రక్షించుట, సంఘము యొక్క స్వచ్ఛత, నిజాయితీ మరియు మంచి పేరును కాపాడుట” (“A Chance to Start Over: Church Disciplinary Councils and the Restoration of Blessings,” Ensign, Sept. 1990, 15).

పరిశుద్ధులు మిస్సోరిలో తమ వాగ్దాన స్థలాన్ని ఎందుకు కోల్పోయారు? అనేక కారణాలు ఉండవచ్చు—కనీసం ఒకటి, “నా జనుల అపరాధములు” అని ప్రభువు చెప్పారు. అది కాకపోతే, సీయోను “విమోచించబడియుండేది” (సిద్ధాంతము మరియు నిబంధనలు 105:2). మీరు సిద్ధాంతము మరియు నిబంధనలు 103:1–12, 36; 105:1–19 చదువుతున్నప్పుడు, మిస్సోరిలో సీయోను స్థాపనను ఆటంకపరచిన విషయాలు మరియు దానికి సహాయపడగల విషయాలు కొన్నింటిని మీరు గమనించవచ్చు. మీ హృదయములో, ఇంటిలో మరియు సమాజములో సీయోనును స్థాపించడానికి మీకు సహాయపడగలిగేలా మీరేమి నేర్చుకుంటారు?

అనేక విధాలుగా, సీయోను దళములో పాల్గొనడం ఒక విశ్వాసపు పరీక్ష. ప్రయాణము సుదీర్ఘమైనది, వాతావరణం వేడిగలది మరియు కొన్నిసార్లు అన్నపానీయాలు కరువయ్యేవి. వారు అన్నిటిని సహించిన తర్వాత, పరిశుద్ధులను వారి స్థలానికి తిరిగి తీసుకురావడంలో సీయోను దళము ఇప్పటికీ విఫలమైంది. సీయోను దళము‌లో అతని లేదా ఆమె అనుభవంతో ప్రభువుపై విశ్వాసం కదిలించబడిన ఒక సభ్యునికి లేఖ రాసే అవకాశం మీకు లభించిందని ఊహించండి. ఈ వ్యక్తిని ప్రోత్సహించడానికి మీరు ఏమి చెప్పగలరు? సహాయపడగలిగేలా సిద్ధాంతము మరియు నిబంధనలు 103:5–7, 12–13, 36; 105:1–6, 9–19లో ఏ సత్యాలను మీరు కనుగొంటారు?

అప్పుడు మీరు సీయోను దళము వంటి శ్రమ యొక్క మరింత ఆధునిక ఉదాహరణ గురించి ఆలోచించవచ్చు—అంటే కష్టపడి పనిచేసే సువార్తికుడు, కానీ అతని లేదా ఆమె ప్రయత్నాల కారణంగా ఎవరూ సంఘములో చేరరు. మీరు చదివిన దానిపై ఆధారపడి, అతని లేదా ఆమె నియమితకార్యము ఇప్పటికీ విజయవంతమైందని చూడడానికి ఆ సువార్తికునికి మీరు ఎలా సహాయం చేస్తారు?

“అనేక శ్రమల తర్వాత” ప్రభువు మిమ్మల్ని ఎలా దీవించారు? (సిద్ధాంతము మరియు నిబంధనలు 103:12).

1 నీఫై 11:16–17; ఆల్మా 7:11–12; సిద్ధాంతము మరియు నిబంధనలు 6:33–36; 84:88; 101:35–36 కూడా చూడండి.

శ్రమల యొక్క ఉద్దేశ్యం గురించి ఎల్డర్ ఓర్సన్ ఎఫ్. విట్నీ యొక్క సలహాను పరిగణించండి: “మనం అనుభవించే బాధ, మనం అనుభవించే ఏ శ్రమ వృధా కాదు. అది మన విద్యకు, సహనం, విశ్వాసం, దృఢత్వం మరియు వినయం వంటి లక్షణాల అభివృద్ధికి తోడ్పడుతుంది. మనం భరించేవన్నీ మరియు మనం సహించేవన్నీ, ముఖ్యంగా మనం ఓపికగా భరించినప్పుడు, మన స్వభావాలను నిర్మిస్తాయి, మన హృదయాలను శుద్ధి చేస్తాయి, మన ఆత్మలను విస్తరింపజేస్తాయి మరియు మనల్ని మరింత మృదువుగా, దాతృత్వం కలిగియుండేలా, దేవుని పిల్లలు అని పిలువబడడానికి మరింత యోగ్యులుగా చేస్తాయి … దుఃఖం మరియు బాధలు, శ్రమలు మరియు కష్టాల ద్వారానే మనం ఇక్కడ పొందడానికి వచ్చిన విద్యను పొందుతాము మరియు అది మనల్ని మరింతగా పరలోకంలో ఉన్న మన తండ్రిలా మరియు తల్లిలా తయారుచేస్తుంది” (in Spencer W. Kimball, Faith Precedes the Miracle [1972], 98).

మిస్సోరిలోని శ్రమలకు అదనంగా, 1834లో సంఘము అధికమొత్తంలో అప్పులు మరియు ఖర్చులతో ఆర్థికపరమైన కష్టాలను ఎదుర్కొంది. 104వ ప్రకరణములో సంఘము యొక్క ఆర్థిక పరిస్థితిపై ప్రభువు ఉపదేశమిచ్చారు. మీ స్వంత ఆర్థిక నిర్ణయాలకు 11–18 మరియు 78–83 వచనములలోని సూత్రాలను మీరెలా అన్వయించగలరు?

20:32

3:42

• మీరు సిద్ధాంతము మరియు నిబంధనలు 103:9 చదువుతున్నప్పుడు, మీరు మీ పిల్లలను లైట్ బల్బు, కొవ్వొత్తి లేదా మరొక కాంతి వనరు యొక్క చిత్రాలను పట్టుకోవడానికి ఆహ్వానించవచ్చు. మనము యేసు క్రీస్తును అనుసరిస్తున్నప్పుడు, మనము ఇతరులకు ఒక వెలుగుగా ఎలా ఉండగలము?

• దేవుడు వారికిచ్చిన ఆశీర్వాదాల జాబితా (ఆహారం, దుస్తులు, ప్రతిభ, విశ్వాసం మరియు ఇల్లు వంటివి) చేయడానికి మీరు మీ పిల్లలకు కొన్ని నిమిషాలు ఇవ్వాలనుకోవచ్చు. వీలైనన్నింటిని జాబితా చేయమని వారిని ప్రోత్సహించండి. తర్వాత ఇలాంటి ప్రశ్నలకు సమాధానాల కోసం వెదుకుతూ, సిద్ధాంతము మరియు నిబంధనలు 104: 13–18ని మీరు కలిసి చదవవచ్చు: అన్నింటికి నిజమైన యజమాని ఎవరు? వీటితో మనము ఏమి చేయాలని ఆయన కోరుతున్నారు? ఎవరైనా మీకు అవసరమైన వాటిని ఇచ్చిన అనుభవాలను మీరు మరియు మీ పిల్లలు పంచుకోవచ్చు.

  

  2:8

• 104వ ప్రకరణములో ప్రభువు తన ఆజ్ఞలను విశ్వాసంతో పాటించే వ్యక్తులకు అనేకసార్లు “విస్తారమైన దీవెనలు” వాగ్దానమిచ్చారు. “విస్తారమైన” అంటే ఏమిటో అర్థం చేసుకోవడానికి పిల్లలకు సహాయపడేందుకు, మీరు ఒక వృత్తాన్ని గీసి, వృత్తా‌ల సంఖ్యను గుణించడంలో మీకు సహాయం చేయమని మీ పిల్లలను అడగవచ్చు-రెండు, ఆపై నాలుగు, ఎనిమిది, ఆపై పదహారు మొదలైనవి. మీరు వృత్తా‌లను జోడించిన ప్రతిసారీ, పరలోక తండ్రి వారికిచ్చిన ఒక ఆశీర్వాదం గురించి ఆలోచించడంలో మీ పిల్లలకు సహాయపడండి.

• సీయోను దళము యొక్క కథను తెలుసుకోవడానికి మీ పిల్లలకు సహాయం చేయడానికి మీరు “Chapter 36: Zion’s Camp” (Doctrine and Covenants Stories, 135–39లో) పంచుకోవచ్చు. సీయోను దళము నుండి మనం నేర్చుకోగల పాఠాల గురించి మాట్లాడడానికి నిర్ణీత సమయాల్లో ఆగండి—ఉదాహరణకు, మనం వాదించుకోవడం మరియు పోరాడడం కంటే శాంతియుతంగా, కలిసి పనిచేయాలని ప్రభువు కోరుకుంటున్నారు. (రస్సెల్ ఎమ్. నెల్సన్, “సమాధానపరచువారు కావాలి,” లియహోనా, మే 2023, 98–101 కూడా చూడండి).

• మీరు సిద్ధాంతము మరియు నిబంధనలు 105:38–40ని కూడా చదవవచ్చు మరియు “శాంతి” అనే పదం విన్న ప్రతిసారీ పిల్లలను లేచి నిలబడమని అడగవచ్చు. దయలేని వ్యక్తులతో శాంతిని నెలకొల్పాలని ప్రభువు పరిశుద్ధులను కోరుకున్నారని వివరించండి. సమాధానపరచువారిగా ఉండేందుకు మీ పిల్లలు చేయగలిగిన విషయాల గురించి ఆలోచించడంలో సహాయపడండి మరియు కొన్ని సందర్భాలను నటించి చూపడానికి వారిని ఆహ్వానించండి.

4:24