Сургаал ба Гэрээ 94–97

Их Эзэн Сургаал ба Гэрээ 94 дээр ажлын байр, хэвлэлийн газар зэрэг Көртланд дахь удирдлагын байрыг барих заавар өгсөн. Сургаал ба Гэрээ 94:2–12 дээр эдгээр барилгын талаар Их Эзэний хэлсэн юу таныг гайхшируулсан бэ? Үүнийг 97:10–17 дээрх ариун сүмийн талаарх Түүний хэлсэнтэй хэрхэн харьцуулж болох вэ?

“бүхэлдээ Их Эзэнд онцгойлон адислагдах” гэдэг нь юу гэсэн утгатай гэж та бодож байна вэ?

Их Эзэн гэгээнтнүүдэд ариун сүм барихыг зарлигласнаас хойш тав орчим сарын дараа (Сургаал ба Гэрээ 88:117–119-ийг үзнэ үү) 95-р хэсэг дэх илчлэл өгөгдсөн ба тэд энэ ажлыг эхлээгүй л байв. Энэ илчлэлд Их Эзэн тэднийг хэрхэн зэмлэн, залруулсныг анзаар. Та сүнслэг нөлөө бүхий залруулга өгөх зарчмуудын жагсаалтыг гаргаж болох юм. Та Их Эзэний Өөрийн гэгээнтнүүдийг хэрхэн засаж залруулж байгаагаас Түүний тухай юу мэдэж авсан бэ?

Сургаал ба Гэрээ 121:43–44; Д.Тодд Кристоффэрсон, “Би хайрладаг хүмүүсээ зэмлэдэг, сахилгажуулдаг юм,” 2011 оны 4-р сарын Ерөнхий чуулган, 104–107-г мөн үзнэ үү.

8:40

Их Эзэний өргөөг Көртландад бариагүйн улмаас зэмлүүлсэн Сүмийн удирдагчид тариан талбайг ариун сүм барих газар болгон сонгожээ. Бошиглогчийн ах Хайрум Смит тэр даруйд барилгын газрыг цэвэрлэх гар хадуур авчрахаар гүйж гарахдаа, “бид Их Эзэний өргөө барихаар бэлтгэж байна. Би уг ажлыг эхлэх хамгийн түрүүчийн хүн болохоор шийдлээ” гэв (Сүмийн ерөнхийлөгчдийн сургаалаас: Иосеф Смит [2007], 309). Яагаад Хайрум ариун сүм барих гүн хүсэл эрмэлзэлтэй байсан гэж та бодож байна вэ? Сургаал ба Гэрээ 95:8, 11–17, 97:10–17-г уншихдаа энэ тухай тунгаан бод.

Өнөө үед Их Эзэн “бидний ариун сүм барих явцыг улам хурдасгаж байна” (Рассэлл М.Нэлсон, “Ариун сүмд анхаарлаа төвлөрүүл,” Лиахона, 2022 оны 11-р сар, 121). Хэрэв хэн нэгэн танаас Есүс Христийн Сүм яагаад ийм олон ариун сүм барьдаг юм бэ гэж асуувал та юу гэж хариулах вэ? Боломжит хариултыг дараахаас олно уу.

• Ерөнхийлөгч Рассэлл М.Нэлсоны шинэ ариун сүмүүдийг зарлаж буй захиаснууд (“Цаг нь ирлээ,” Лиахона, 2022 оны 5-р сар, 126).

• “Why Latter-day Saints Build Temples” (temples.ChurchofJesusChrist.org).

• “Temples” (Gospel Library) видео.

5:41

Та гэгээнтнүүдийн Көртландын ариун сүмийг барих хичээл зүтгэлийг ариун сүмд Их Эзэнтэй утга учиртай туршлага хуримтлуулахад бэлтгэх өөрийн хичээл зүтгэлтэй харьцуулж болно. Та хэрхэн Хайрум Смит шиг Их Эзэний ариун өргөөнд хойшлуулшгүй байдлаар хандаж болох вэ? Жишээлбэл: Хайрум талбайг цэвэрлэсэнтэй адил та юу хийж болох вэ? Их Эзэн таныг ямар золиослол гаргаасай гэж хүсэж байна вэ? (Сургаал ба Гэрээ 97:12-ыг үзнэ үү).

Мөн “Сион уулан дээрх ариун сүмүүд,” Дуулал, д.148; Topics and Questions, “Temples,” Gospel Library-г үзнэ үү.

Та ямарваа нэг бүлэг эсвэл багт хүлээн зөвшөөрөгдсөн эсвэл хүлээн зөвшөөрөгдөөгүй үеэ сана. Энэ нь Их Эзэнээр хүлээн зөвшөөрөгдөх талаар Сургаал ба Гэрээ 97:8–9 дээр зааж буй зүйлтэй юугаараа адил эсвэл юугаараа өөр байна вэ? 9-р шүлэг дэх зүйрлэлээр дамжуулан Их Эзэн танд юу заахыг хичээж байна гэж та бодож байна вэ?

Эрик В.Копишкэ, “Их Эзэнээр хүлээн зөвшөөрөгдөх нь,” 2013 оны 4-р сарын Ерөнхий чуулган, 2013 оны 4-р сар, 122–124-ийг үзнэ үү.

1830-аад оны гэгээнтнүүдийн хувьд Сион бол тодорхой нэг газар нутаг байв. 97-р хэсэг-т Их Эзэн уг тодорхойлолтыг өргөжүүлж “зүрх сэтгэлдээ цэвэр ариун” (21-р шүлэг) хэмээн хүмүүсийг дүрсэлсэн юм. Та 18–28-р шүлэг-ийг уншиж байхдаа Сион гэдэг үгийг энэхүү тодорхойлолтоор орлуулж уншиж болно. Зүрх сэтгэлдээ цэвэр ариун байх гэдэг нь таны хувьд юу гэсэн утгатай вэ?

Мөн Мосе 7:18-ыг үзнэ үү.

• Та 95 ба 97-р хэсэг-ийн түүхэн нөхцөл байдлын талаар Doctrine and Covenants Stories for Young Readers дэх “The Kirtland Temple” гэснийг хүүхдүүддээ хуваалцаж болно (Gospel Library; Гэгээнтнүүд, 1:210-ыг мөн үзнэ үү). Хүүхдүүд тань Көртландын ариун сүм барихад тусалж байгааг (мод цавчих, хадаас хадах, хана будах гэх мэтээр) дүрслэн үзүүлэхэд дуртай байж магадгүй. Та мөн Сургаал ба Гэрээ 95:8-ыг унших явцдаа Их Эзэн яагаад биднээс ариун сүмүүд барихыг хүсдэгийг заахын тулд энэхүү тойм дахь зураг шиг Көртландын ариун сүмийн зургийг тэдэнд үзүүлж болох юм.

1:17

• Сургаал ба Гэрээ 97:15–16-г хамтдаа уншсаныхаа дараа ариун сүм та нарт яагаад онцгой болохыг нэг нэгэнтэйгээ хуваалцаж болно. Та мөн “Би ариун сүм харах дуртай” (Хүүхдийн дууны ном, д.99) зэрэг Их Эзэний өргөөг хүндлэн бишрэхэд туслах дууг хүүхдүүдтэй хамт дуулж болно. Яагаад ариун сүм ариун нандин бэ?

• Сургаал ба Гэрээ 97:21 дээрх цэвэр ариун гэх үг ямар утгатайг ойлгоход хүүхдүүддээ туслахын тулд та нар хамтдаа шилэн аягатай цэвэр усыг хараад дараа нь усыг бохир болгох (шороо, перец гэх мэт) зүйл нэмж хий. Яагаад ус цэвэр байх нь чухал вэ? Дараа нь хүүхдүүд тань Сургаал ба Гэрээ 97:21-ийг уншаад, цэвэр ариун гэдэг үгэн дээр хуруугаа тавихыг хүс. Зүрх сэтгэлээ цэвэр ариун байлгах гэдэг нь юу гэсэн үг вэ? 1–2, 8–9-р шүлэг-ээс санаа авах боломжтой. Аврагч бидэнд зүрх сэтгэлээ цэвэр ариун байлгахад хэрхэн тусалдаг вэ?

• Хүүхдүүд тань баптисм хүртэхдээ эсвэл ариун сүмд Их Эзэнтэй ямар ямар гэрээ байгуулдгийг мэдэх үү? Мозая 18:9–10, 13 эсвэл Ерөнхий гарын авлага, 27.2-ыг тэдэнтэй хамт уншиж тэдгээр гэрээг эргэн санаад үзээрэй. Та нар хэрхэн “гэрээнүүдээ золиослолоор дагахад” (Сургаал ба Гэрээ 97:8) хичээж буйгаа нэг нэгэнтэйгээ хуваалц.

• Та Сургаал ба Гэрээ 97:9 дээр дүрсэлсэн зүйлийг хүүхдүүдээрээ зуруулж болох юм. Тэднийг зургаа үзүүлэх үед та гэрээнүүдээ сахиснаар Их Эзэн таныг хэрхэн адисалсныг ярь. Тэдгээр адислал “үр жимс нэн ихийг ургуулдаг, цэвэрхэн горхины дэргэд … таригддаг мод”-той хэр адил байна вэ?