Сургаал ба Гэрээ 98–101

Бидний амьдралын зарим сорилт бэрхшээл өөрсдийн маань сонголтоос болдог. Зарим нь бусдын сонголтоос шалтгаалдаг. Түүнчлэн зарим зүйл зүгээр л мөнх бус амьдралын нэг хэсэг байдаг. Ямар шалтгаан гэдгээс үл хамааран, хэрэв бид Бурханд хандвал саад тотгор нь тэнгэрлэг зорилгыг гүйцэлдүүлэхэд тусалж болно.

Энэ нь 1833 онд Миссури дэх гэгээнтнүүдийн хувьд үнэн байсан бөгөөд өнөөдөр ч бидний хувьд үнэн юм. Их Эзэн Сургаал ба Гэрээ 98 болон 101 дээр гэгээнтнүүдэд хандан юу гэж хэлснийг уншаад зовлон, бэрхшээлтэй үед Түүний захиас танд хэрхэн туслахыг тунгаан бод. Танд туслах асуулт, мөн эх сурвалжуудыг энд оруулав.

Хэрэв зовлон бэрхшээл:

• Хувийн сонголтуудаас үүдэлтэй бол: Та Сургаал ба Гэрээ 98:11–12; 101:1–9 дээрээс ямар зөвлөгөө болон амлалтыг олж мэдсэн бэ? Та эдгээр шүлгээс Тэнгэрлэг Эцэг, Есүс Христ хоёрын талаар юу сурч мэдсэн бэ? Бурхан танаар юу хийлгэнэ гэж та бодож байна?

• Бусдын сонголтоос үүдэлтэй бол: Сургаал ба Гэрээ 98:1–3, 22; 101:10–16, 22 дээрх юу таныг тайвшруулж байна вэ? Их Эзэн биднийг зүй бус байдал, дээрэлхэл, хүчирхийлэлд хэрхэн хариулаасай гэж хүсдэг вэ? (Амьдралд зориулсан тусламж, “Хүчирхийлэл,” Gospel Library; Topics and Questions, “Abuse,” Gospel Library-г үзнэ үү.) Эдгээр шүлэг Их Эзэнд өөрийн найдварыг хэрхэн тавих талаар юу зааж байна вэ?

• Мөнх бус амьдралын саад бэрхшээлээс үүдэлтэй бол: Та Сургаал ба Гэрээ 98:1–3; 101:22–31, 36-аас ямар ойлголт авсан бэ? Та зовлон бэрхшээлээсээ юу сурч мэдэж байна вэ? Та Бурханаас тусламж хүсэж юу хийж байна вэ? Тэр танд хэрхэн тусалж байна вэ?

Бурхан хэрхэн “та нарын зовж зүдэрсэн бүх зүйл[ийг] … та нарын сайн сайхны төлөө ажиллах” (Сургаал ба Гэрээ 98:3) болгож чадахыг мэдэхийг хүсвэл ахлагч Антони Д.Пэркинсийн хэлсэн “Ай бидний Бурхан Та, зовсон гэгээнтнүүдээ санаач” үгийг судлаад үзээрэй (Лиахона, 2021 оны 11-р сар, х.103–105). Та түүний захиаснаас Аврагч таныг сорилт бэрхшээлээ хэрхэн хараасай гэдгийг ойлгоход туслах хэсгийг хайж болно. Сорилт бэрхшээлүүд тань ямар байдлаар таны сайн сайхны төлөө ажиллаж эсвэл Бурханы зорилгыг гүйцэлдүүлж байсан бэ?

Ром 8:28; 2 Нифай 2:2; Сургаал ба Гэрээ 90:24; Д.Тодд Кристоффэрсон, “Сионд ирэгтүн”, 2008 оны 10-р сарын Ерөнхий чуулган, х.45–49; “Trial of Adversity,” “Feeling the Lord’s Love and Goodness in Trials”, “The Refiner’s Fire” (видеонууд) ChurchofJesusChrist.org-ыг үзнэ үү.

2:40

4:17

5:2

Ерөнхийлөгч Рассэлл М.Нэлсон ийн заасан: “Есүс Христийн дагалдагчид бүх дэлхийнхний дагах үлгэр дуурайлыг үзүүлэх ёстой. Өөрсдийн зүрх сэтгэлд болон амьдралд одоо болж байгаа хувийн зөрчилдөөнүүдийг эцэслэхийн тулд чадах бүхнээ хийхийг би та нараас хичээнгүйлэн гуйж байна” (“Сүнслэг инерцийн хүч,” Лиахона, 2022 оны 5-р сар, х.97).

Сургаал ба Гэрээ 98:23–48 дээрх бүх зүйл таны бусадтай харилцах хувийн харилцаанд хамаарахгүй ч гэсэн амьдрал дахь хувийн зөрчилдөөнүүдээ эцэслэхийн тулд таныг удирдан чиглүүлж чадах ямар зарчмыг та олж мэдсэн бэ? Та “Truth Reflects upon Our Senses” (Hymns, no. 273) гэх мэт амар амгалан, уучлалын талаарх дуунаас нэмэлт үнэнийг олж болно.

99 болон 100-р хэсэг дэх илчлэл нь Сүмд чухал үүрэг хариуцлагатай хэдий ч гэр бүлдээ санаа зовнисон хүмүүст өгөгдсөн. Тэдэнд тусалж болох ямар зүйлийг та эдгээр илчлэлээс олж мэдсэн бэ? Их Эзэний бидэнд зориулсан ямар захиас эдгээр илчлэлд байна вэ?

“John Murdock’s Missions to Missouri” in “‘I Quit Other Business’: Early Missionaries” and “A Mission to Canada,” in Revelations in Context, 87–89, 202–207-г мөн үзнэ үү.

Сургаал ба Гэрээ 101:43–62 дээрх сургаалт зүйрлэл Их Эзэн гэгээнтнүүдийг Сионоос явахыг зөвшөөрсөн шалтгааныг тайлбарладаг. Эдгээр шүлгийг уншиж байхдаа, та сургаалт зүйрлэл дээрх зарц нартай ямар талаараа ижил төстэй байгаагаа анзаарсан уу? Та “[өөрийн] авралын тулд зөв хийгээд зохих замаар удирдагдахыг хүсэж” (63–65-р шүлэг-ийг үзнэ үү) буйгаа Бурханд хэрхэн үзүүлдэг вэ?

• Та хүүхдүүдээсээ үеийнхэнд нь тулгардаг зарим бэрхшээлийн талаар асууж ярилцлага эхлүүлж болно. Дараа нь Сургаал ба Гэрээ 98:1–3-ыг хамтдаа уншаад, Есүс Христ хэрхэн зовлон бэрхшээлийг адислал болгон өөрчилж чадах талаар ярилцаж болно. Тэрээр хэрхэн таны зовлон бэрхшээлийг адислал болгосон жишээг хүүхдүүддээ ярьж өгч болох юм.

Тайлбар: Уучлан өршөөх талаар хүүхдүүддээ заахдаа, хэрэв тэднийг хэн нэгэн доромжлон гомдоосон бол энэ тухай итгэл даах насанд хүрсэн хүнд хэлэх хэрэгтэйг ойлгуулахад анхаар.

• 1833 онд Миссури дэх гэгээнтнүүдэд хэрхэн хандсаныг заахад Сургаал ба Гэрээний түүхүүд номын 34 болон 35-р бүлэг танд тусална. Тэдгээр гэгээнтэнд ямар санагдаж байсан талаар та хүүхдүүдтэйгээ ярилцаж болох юм. Дараа нь Сургаал ба Гэрээ 98:23, 39–40-ийг хамт уншаад, Их Эзэн тэднээс юу хийхийг хүссэнийг олж мэд. Хэн нэгнийг уучлах хэрэгтэй байсан үеэ мөн Аврагч хэрхэн тусалсан талаар та хүүхдүүдтэйгээ хамт ярьж болно.

• Мөн та хүүхдүүддээ жаргалтай ба гунигтай хүний царай харуулж болно. Хэн нэгэн эелдэг бус хандсан нөхцөл байдлын талаар ярьж, үүнд хэрхэн хариулах арга замуудыг санал болго. Хариулт бүр нь тэднийг баярлуулах уу эсвэл гунигтай болгох уу гэдгийг сонгоход нь хүүхдүүддээ тохирох царайг зааж тусал. Яагаад Их Эзэн биднээс өөрсдөд маань найрсаг бус хандсан хүмүүсийг уучлахыг хүсдэг вэ?

2:42

2:10

• Сургаал ба Гэрээ 101:16-г уншсаныхаа дараа, чимээгүй байж, Есүсийн тухай бодоход ирдэг—жишээлбэл, биднийг залбирч эсвэл ариун ёслолоос хүртэж байхад амар амгалан мэдрэгддэг мэдрэмжийг ялган танихад хүүхдүүддээ тусал. Та мөн “Даруухнаар, намуухнаар,” Есүсийн талаар бодон хичээн суух нь” (Хүүхдийн дууны ном, 11, 143) зэрэг бишрэл хүндэтгэлийн дууг хамтдаа дуулж болно. Бид хэрхэн Түүний амар амгаланг гэр орондоо мэдэрч чадах вэ?

• Хүүхдүүд тань Есүс Христ дахин ирэхэд амьдрал ямар байх талаар мэдэх сонирхолтой байж магадгүй. Сургаал ба Гэрээ 101:23–32-ыг хамт уншаад, Түүнийг дахин ирэх үед бидэнд баяр хөөр авчрах ямар зүйлийг эдгээр шүлгээс олж мэдсэнээ ярилц. Яагаад хүнд хэцүү цаг үед эдгээрийн тухай мэдэх нь тустай вэ?