“Tebetembwa 1–7: ‘Ibukin Kamaiuan Tion’: Reirei ao Berita aika Tabu 94–97,” Nakomai, Iriirai—Ibukin te Mweenga ao te Taromauri: Reirei ao Berita aika Tabu 2025 (2025)
“Reirei ao Berita aika Tabu 94–97,” Nakomai, Iriirai—Ibukin te Mweenga ao te Taromauri: 2025
Te Tembora i Kirtland,, iroun Al Rounds
Tebetembwa 1–7: “Ibukin Kamaiuan Tion”
Reirei ao Berita aika Tabu 94–97
N taai ake ngkoa, e tuangaki Mote iroun te Uea bwa e na katea te tabaenako, ni kaineti ma te baeten are e kaotaki [nakoina] i aon te maunga” (Ebera 8:5; taraa naba Te Otinako 25:8–9). Te tabaenako e na tei i nukan aia kaembwa kain Iteraera n te rereua (taraa Warekaia Iteraera 2:1–2).
N te 1833, e tua te Uea nakon Iotebwa Timiti bwa e na katei tembora “tiaki n aron are e karaoia te aonaaba” ma “n aron ae N na tuangko” (Reirei ao Berita aika Tabu 95:13–14; taraa naba 97:10). N aron te tabaenako i nanon te rereua, e nanonaki te tembora bwa te mwaake ae kakawaki n te aba i Kirtland (taraa Reirei ao Berita aika Tabu 94:1).
N te bong aei, a kona n kuneaki tembora n katobibia te aonaaba. E ngae ngke aki kuneaki i nanon ara kaawa, a kairiira nakon Kristo, are e riai n riki bwa boton maiura. E ngae ngke a kakaokoro tembora nako n tarakiia, i nanona ti reiakina te tamnei mai ieta ae ti tebo—te babaire mai i karawa ni uotiira rikaaki nako matan te Atua. Otenanti aika tabu ao berita aika a tabu a reitiira nakon Kristo ao n kakorakoraia ara utu “tiaki n ana kawai te aonaaba” ma n ana kawai te Atua are kaotia nakoira.
Taraa Saints, 1:169–70; “A House for Our God,” n Revelations in Context, 165–73.
Iango ibukin te Kamatebwai n te Mweenga ao n te Taromauri
Reirei ao Berita aika Tabu 94; 97:10–17
I kona n “katabuaki ni kabane nakon te Uea.”
N Reirei ao Berita aika Tabu 94, e anga te kaetieti te Uea ibukin katean autin te aobiti i Kirtland—te aobiti ao te auti n boreeti. Tera ae anaa nanom ibukin ana taeka te Uea ibukin kateitei aikai n Reirei ao Berita aika Tabu 94:2–12? Tera aron kabotauana ma are E taekinna ibukin te tembora n 97:10–17?
Tera ae nanonaki iroum n “katabuaki ni kabane nakon te Uea”?
E boaia naake E tangiriia te Uea.
Ngke e karekeaki te kaotioti n mwakoro 95 tao nimaua te namwakaina n tia n nako man te tai are e anga te tua te Uea nakoia Aomata aika Itiaki n katea ana auti te Atua (taraa Reirei ao Berita aika Tabu 88:117–19)—ao a tuai man waakinna. Nooria bwa e kangaa n kaetiia te Uea n te kaotioti aei. Ko kona n karaoa rinanin moan tuua ake ko kuneai ibukin anganakin kaetieti aika a kairaki. Tera ae ko reiakinna ibukin te Uea man te kawai are E kaetiia iai Ana Aomata aika Itiaki?
Taraa naba Reirei ao Berita aika Tabu 121:43–44; D. Todd Christofferson, “As Many as I Love, I Rebuke and Chasten,” Riaona, Meei 2011, 97–100.
God Loves His Children
Reirei ao Berita aika Tabu 95:8, 11–17; 97:10–17
Te tembora bon ana auti te Uea.
I mwiin are a boaaki ibukin aki katean ana auti te Uea i Kirtland, taan kairiiri n te Ekaretia a rinea te tabo n onaroka n te wiita are ana kateia iai. E waekoa n biri n karekea te bwai n koro uteute Hyrum Smith, tarin te Burabeti, ao ni moanna ni kaitiaka te tawaana. “Ti a katauraoi ni katea te auti ibukin te Uea,” e taku, “ao e unga nanou n riki bwa te moan aomata ni mwakuri i aona” (i nanon Aia Reirei Beretitenti n te Ekaretia: Iotebwa Timiti [2007], 271, 273). Bukin tera n am iango ngkai E tangiria ni katea te tembora n waekoa Hyrum? Iangoa raoi aio ao wareka Reirei ao Berita aika Tabu 95:8, 11–17; 97:10–17.
N ara bong, E “kawaekoa te tai are ti na katea iai tembora” te Uea (Russell M. Nelson, “Kabanea am iango i aon te Tembora,” Riaona, Nobembwa. 2022, 121). Ngkana temanna ae titirakiniko bwa bukin tera e katei tembora aika a mwaiti ana Ekaretia Iesu Kristo, tera ae ko na taekinna? Tarai kaeka i nanon:
-
Ana rongorongo Beretitenti Russell M. Nelson n katanoatai tembora aika a boou (n aron “Ngkai Bon te Tai,” Riaona, Meei 2022, 126).
-
“Why Latter-day Saints Build Temples” (temples.ChurchofJesusChrist.org).
-
The witeo “Temples” (Gospel Library).
What Is a Temple?
Ko kona n kabotaua korakoraia Aomata aika Itiaki n katean te Tembora i Kirtland nakon korakoram n katauraoi ibukin taneiai aika a kakawaki ma te Uea n te tembora. Ko na kanga n kaota te namakin ae katawe are e namakinna Hyrum Smith nakon ana auti ae tabu te Uea? Te katooto, tera ae ko kona n karaoia ae kanga ai aron kaitiakan te tawaana, n aron ae karaoia Hyrum? Tera angabwai ae ko namakinna bwa e tangiria te Uea bwa ko na karaoia? (taraa Reirei ao Berita aika Tabu 97:12).
Taraa naba “Holy Temples on Mount Zion,” Te Boki n Anene n Taromauri, nambwa. 289; Topics and Questions, “Temples,” Gospel Library.
E kaitiaka te aba Hyrum Smith ibukin te Tembora i Kirtland.
Reirei ao Berita aika Tabu 97:8–9
“A butimwaeaki irou.”
Iangoa te tai teuana ngke ko butimwaeaki—ke ko aki butimwaeaki—nakon te kurubu ke te tiim. E kangaa n ti te arona anne ke n kaokoro man are n Reirei ao Berita aika Tabu 97:8–9 e reireia bwa tera nanon te butimwaeaki iroun te Uea? Tera n am iango ae e kataia n reiakiniko te Uea ma te kabotau n te kibu 9?
Taraa naba Erich W. Kopischke, “Being Accepted of the Lord,” Riaona, Meei 2013, 104–6.
Karaoa te tabo n tamnei ibukin te kamatebwai ao te angareirei. “Te Tamnei ae Raoiroi,” e berita Iesu, “e na reireiniko bwaai ni kabane” (Ioane 14:26). Ao tao ko reiakinaki i bon iroum ke ma tabeman, karikia bwa te moanbwai n kaoa te Tamnei. Anene aika a tabu, tataro, ao reitaki n tangira a kona n buoka karekean te raoi, te tabo n tamnei are e kona n reireiniko iai te koaua te Tamnei Ae Raoiroi.
Reirei ao Berita aika Tabu 97:18–28
Tion ake “a itiaki nanoia.”
Nakoia Aoma aika Itiaki n te 1830 tabun, Independence Tion bon te tabo. N te kaotioti n mwakoro 97, e kabuburaa kabwaranakoan nanon kabwarabwaraaia aomata—“ake a itiaki nanoia” (kibu 21). Ngkai ko wareki kiibu 18–28, ko kona n onea mwiiin nanona ngkana ko wareka te taeka ae Tion. Tera ae nanonaki iroum n te nano ae itiaki?
Taraa naba Mote 7:18.
Ibukin iango riki tabeua, taraa te beeba ni kaongora n te namwakain aio n te Riaona ao Ibukin Kakorakoraia Kairake maekatiin.
Iango ibukin Reiakinaia Ataei
Reirei ao Berita aika Tabu 95:8; 97:10–17
Te tembora bon Ana auti te Uea.
-
Ibukin taekan mwakoro 95 ao 97, ko kona n tibwaia ma am ataei “The Kirtland Temple” n Karaki man Reirei ao Berita aika Tabu ibukia Taan Wareware aika Kairake (Gospel Library; taraa naba Saints, 1:210). A kona am ataei n kukurei n bakan karaoan aia ibuobuoki n katean te tembora i Kirtland (a korea te kai, a oroi neera n te aama, a beniia te oo, ao a mwaiti riki). Ko kona naba n kaotia nakoia tamnein te Tembora i Kirtland, n aron ae kaotaki, ngkai ko wareka Reirei ao Berita aika Tabu 95:8 n reiakiniia am ataei bukin tera e tangiriira te Uea n katei tembora.
The Kirtland Temple
-
I mwiin botakimi n wareka Reirei ao Berita aika Tabu 97:15–16, kam kona n tibwaia ma am ataei bwa bukin tera a kakawaki nakoim te tembora. Kam kona naba n bootaki n anenea te kuna are e na buokiia ataei n namakina te rau ibukin ana auti te Uea, n aron “I Love to See the Temple” (Aia Boki n Anene Ataei,, 95). Bukin tera ngkai e tabu te tembora?
Reirei ao Berita aika Tabu 97:1–2, 8–9, 21
Tion bon “ake a itiaki nanoia.”
-
N buokiia am ataei n mataata n te taeka ae itiaki ae nanonaki iai n Reirei ao Berita aika Tabu 97:21, kam kona n taraa te kiraati n ran ae itiaki n bootaki ao n ikota te bwai nakon te rau are e na karika aki itiakina (n aron te baereka ke te bebwa). Bukin tera e kakaawaki te ran bwa e na itiaki? A kona am ataei i mwiina n wareka te kibu 21 ao n katuka tabon baia i aon te taeka ae itiaki. Tera nanon ae a riai n itiaki nanora? Kiibu 1–2 ao 8–9 a kona n katauraoi iango tabeua. E kanga te Tia Kamaiu ni ibuobuoki n karika nanora bwa a na itiaki?
E tangirai Tamara are i Karawa bwa e na itiaki nanou.
Reirei ao Berita aika Tabu 97:8–9
E kakabwaiaia aomata te Uea ake a kawakin aia berita aika a tabu ma Ngaia.
-
A ataia am ataei bwa tera berita aika a tabu ake ti karaoi ma te Uea ngke ti bwabetitoaki ke ti mena n te tembora? Iangoa manga rinanon riki berita aika tabu ma ngaia man warekan Motiaea 18:9–10, 13 ke Aeniboki n Kabuta, 27.2. Tibwaia i marenami bwa ko na kanga n keiaki n “tararuaa [am] berita aika a tabu man te anga karea” (Reirei ao Berita aika Tabu 97:8).
-
Ko kona n kaoiia am ataei bwa a na korei tamnei n Reirei ao Berita aika Tabu 97:9 ake a kabwarabwaraaki. N aia tai n tibwai aia tamnei, maroorakinna bwa e kanga te Uea n kakabwaiako n kawakinan am berita aika a tabu. A kanga kakabwaia akanne n riki bwa kanga ai aron te aroka ae e rangi ni kariki ua … i rarikin te karaanga”?
Ibukin iango riki tabeua, taraa te beeba ni kaongora n te namwakaina aio n te Te Rao maekatiin.