Reirei ao Berita aika Tabu 98–101

Tabeua man rawawatara n te maiu aei a riki bon man ara rinerine. Tabeua a riki man aia rinerine aomata tabeman. Ao n tabetai a bon riki bwaai aika kanoan te maiu ae mamate. N aki tarai bukin rikiia, a kona n ibuobuoki karawawata n kakokoroa bukin rikira mai karawa ngkana ti ukora te Atua.

E koaua aio ibukiia Aomata aika Itaki i Missouri n 1833, ao e bon koaua naba ibukira n boong aikai. N warekan are e tua te Uea nakoia Aomata aika Itiaki n Reirei ao Berita aika Tabu 98 ao 101, iangoia raoi bwa e kanga Ana rongorongo ni kaineti nakon kataaki aika a kakaokoro ke kangaanga ake ko na kona ni kaitara ma ngaia. Aikai tabeua titiraki ao bwaai n ibuobuoki aika a kona n buokiko.

Ngkana te kataaki e reke man:

• Ana rinerine te aomata: Tera reirei—ao berita—ae ko kunei n Reirei ao Berita aika Tabu 98:11–12; 101:1–9? Tera ae ko reiakinna man kiibu aikai ibukin Tamara are i Karawa ao Iesu Kristo? Tera ae ko namakinna bwa e tangiria mairoum te Atua bwa ko na karaoia?

• Aia rinerine tabeman: Tera te karaunano ae ko kona n kunea n Reirei ao Berita aika Tabu 98:1–3, 22; 101:10–16, 22? Tera arora ae tangiria te Uea nakon mwakuri n aonikai, waaki n kammaraki, ke iowaawa? (Taraa Life Help, “Abuse,” Gospel Library; Topics and Questions, “Abuse,” Gospel Library.) Tera ae a reireia kiibu aikai bwa ti aonga n katuka ara onimaki iroun te Uea?

• Taian kangaanga n te maiu aei: Tera noonori ae ko karekea man Reirei ao Berita aika Tabu 98:1–3; 101:22–31, 36? Tera ae ko reiakinna man kataakim? Tera ae ko karaoia ni kaoa ana ibuobuoki te Atua? E kangaa ni buokiko?

N reiakina riki taekana bwa e kanga te Atua ni karaoi “bwaai ni kabane ake kam a tia n karawawataki iai … a na mwakuri ni kabane ibukin ae raoiroi ibukimi” (Reirei ao Berita aika Tabu 98:3), iangoia n kamatebwaia ana rongorongo Unimwaane Anthony D. Perkins “Uringiia Am Aomata aika Itiaki n Rawawataia, O Atuara” (Riaona, Nobembwa 2021, 103–5). Tao kona bae n tarai kibuntaeka are e na buokiko ni mataata bwa e kanga n kaoko te tia Kamaiu n tarai am kangaanga. N te anga raa ae a bane n ibuobuoki kataakim nakon ae raoiroi ibukim ke n kakoroa bukin ana kaantaninga te Atua?

Taraa naba I-Rom 8:28; 2 Nibwaai 2:2; Reirei ao Berita aika Tabu 90:24; D. Todd Christofferson, “Come to Zion,” Riaona, Nobembwa. 2008, 37–40; “Trial of Adversity,” “Feeling the Lord’s Love and Goodness in Trials,” “The Refiner’s Fire” (videos), ChurchofJesusChrist.org.

2:40

4:17

5:2

E reirei Beretitenti Russell M. Nelson: “Taan iriira Iesu Kristo a riai ni katei banna ni katoto ibukin te aonaaba ni kabane bwa a na iriiria. Au kakaewenako nakoimi bwa kam na katoka te unraa are mena n nanom, ao ni maium” (“Mwaakan Karaoan ae Raoiroi,” Riaona, Meei 2022, 97).

E ngae ngke tiaki bwaai ni kabane n Reirei ao Berita aika Tabu 98:23–48 ae a na kaineti nakon oin am reitaki ma aomata, tera moan tuua aika ko kunei ae kona n kairiko ngkana iai ae bure nakoim? Ko kona n kunei riki koaua n anene ibukin te rau ao te kabwarabure, n aron “Truth Reflects upon Our Senses” (Te Boki n Anene n Taromauri, nambwa 273).

Te kaotioti n mwakoro 99 ao 100 a anganaki aomata ake iai tabeia ae kakawaki n te Ekaretia ma a bon bati naba aia raraoma ibukia aia utu. Tera ae ko kunea i nanon kaotioti aikai ae e kona n buokiia? Tera ana rongorongo te Uea ibukim man kaotioti aikai?

Taraa naba “John Murdock’s Missions to Missouri” n “‘I Quit Other Business’: Early Missionaries” ao “A Mission to Canada,” n Revelations in Context, 87–89, 202–7.

Te taetae ni kaikonaki n Reirei ao Berita aika Tabu 101:43–62 e kabwarabwara bwa bukin tera e kariaia te Uea bwa a na kakionakoaki Aoma aika Itiaki mai Tion. Ngkai ko wareki kiibu aikai, iai kawai aika ko noori aika titebo ma aroia tooro n te kaikonaki? Ko na kanga n kaotia nakon te Atua bwa ko “tauraoi n kairaki n te kawai ae eti man raoiroi ibukin kamaiuaki[m]”? (tara kiibu 63–65).

• Ko kona ni moanna ma te marooro man titirakinaia am ataei taekan tabeua kangaanga ake a kaitarai ataei aika roroia. Kam kona n bootaki n wareka Reirei ao Berita aika Tabu 98:1–3 ao n maroroakina aron Iesu n bita te kataaki nakon kakabwaia. Ko kona naba n tibwai katooto ma am ataei bwa e kanga Ngaia n bitii kataaki nakon kakabwaia.

Te Bwai ae na Taraaki: Ngkai ko reireiniia am ataei kakaawakin te kabwarabure, kakoaua bwa a ota naba bwa ngkana iai temanna ae e kaikoakiia, a riai n tainako n tuanga te ikawai ae onimakinaki.

• Mwakoro 34 ao 35 n Karaki man Reirei ao Berita aika Tabu (128–34) e kona n buokiko n angareirei n taekan aroia Aomata bwa tera ae karaoaki nakoia i Missouri n 1833. Ko kona n marooro ma am ataei bwa tera aron aia namakin ake a tia n namakinna Aomata aika Itiaki. I mwiina kam kona n bootaki n wareka Reirei ao Berita aika Tabu 98:23, 39–40 ni karekea bwa tera ae e tangiriia te Uea bwa a na karaoia. Ko kona n marooro ma am ataei taekan taai ake ko riai n kabwara ana bure temanna ao e kanga n tia n buokiko te tia Kamaiu.

• Ko kona naba n kaota tamnein te ubu ae kukurei ao te ubu ae nanokawaki nakoia am ataei. Marooroakina naba aron temanna n riibuaka, ao kaoti kawai ake ko kona ni kaeka iai. Buokiia am ataei n rineia ngkana kaeka n tatabeua nako a kakukureiia ke a karawawataia man kotean tein te ubu are kaineti ma ngaia. Bukin tera Iesu e tangiriira bwa ti na kabwarai aia bure aomata, riki naake a aki raoiroi nakoira?

2:42

2:10

• Imwiin warekan Reirei ao Berita aika Tabu 101:16, buokiia ataei bwa a na kinaa te namakin ae rau are e roko ngkana ti tiku n rau ao n iangoa taekan Iesu—te katooto, ngkana ti tataro ke n anaa te toa. Ikotaki anenea te kuna ae taekan te karinerine, n aron “Reverently, Quietly” ke “To Think about Jesus” (Aia Boki n Anene Ataei,, 26, 71). Ti na kanga n namakina Ana rau i nanon mweengara?

• A kona n kukurei am ataei n reiakinna bwa tera aron te maiu ngkana e a manga oki Iesu Kristo. Wareka Reirei ao Berita aika Tabu 101:23–32 n bootaki, ao marooroakin bwaai ake a kunei n kiibu aikai ake a na uota te kimwareirei ngkana E roko. Bukin tera e ibuobuoki ataakin bwaai aikai ngkana ti rinanon tai ni kaangaanga?