Nkyerɛkyerɛ na Ahyɛmudzi 93

Joseph Smith kyerɛkyerɛɛ dɛ, “Sɛ nyimpa nntse Nyankopɔn no su ase a, wɔnntse hɔn ara hɔnho ase” (Teachings: Joseph Smith, 40). Ber a isũa Agyenkwa no ho asɛm ber a irusũa Nkyerɛkyerɛ na Ahyɛmudzi 93 no, hwehwɛ dza woara so sũa fa woho. Mfatoho, ebɛnadze na isũa fa No ho fi nyiyimu 3, 12–13, 21, na 26? Ebɛn nokwar a ɔtse dɛm bi na ihu no wɔ wo ho wɔ nyiyimu 20, 23, na 28–29? (san hwɛ 1 John 3:2; 3 Nephi 27:27). Nsɛmbisa a odzidzi do no botum aboa wo ma aatse ase na edze nokwar a ɔwɔ ɔfã yi mu edzi dwuma:

• Ehwɛ a irinya “fi adom mu kɔ adom mu’’ na erokɔ do “fi adom mu kɔ adom mu’’ n’asekyerɛ nye dɛn? (nyiyimu 12–13). Sɛ ɔbɔboa a, ibotum akenkan “Adom” wɔ Kyerɛwsɛm no Kwankyerɛ (Gospel Library) mu.

• Ebɛnadze na ihu wɔ nyikyerɛ yi mu fa mbrɛ Nyankopɔn si boa wo ma inyin na isũa adze ho? Iruhu iyi si dɛn nya nsusuando wɔ kwan a ehwɛ binom— na woho do?

• Ebɛnadze na isũa fa “mbrɛ wosi sɔr, na … dza rosɔr’’ ho? (nyiyimu 19; san hwɛ Kyerɛwsɛm no Kwankyerɛ, “Sɔr,” Gospel Library).

Ibotum ehu dɛ nsɛmfua tse dɛ enyimnyam, kan, na nokwar taa pue wɔ nyikyerɛ yi mu. Ber a isũa nkanka nyiyimu 20–39 no, kyerɛw nokwar a isũa fa nsɛmfua yinom ho nkorkor. Erehyehyɛ no tse dɛ kor yi botum aboa:

Ebɛnadze na ihu no wɔ nyiyimu yinom mu a wokenyan wo ma ehwhwɛ kan na nokwar kɛsenara? Ebɛnadze ntsi na kan na nokwar yɛ edzin apapa ma Jesus Christ? (hwɛ John 8:12; 14:6). Nokwar yinom si dɛn nya nsunsuando wɔ w’abrabɔ do?

Ibotum asan akyerɛw anohoba horow a ɔfa wo onnyiewiei hyɛber ho wɔ nyiyimu 20, 22, 28, 33– 35. Ebɛn nkitahodzi na ɔda anohoba horow yinom na irinya kan ntamu?

Hwɛ dɛ ebɔhwehwɛ “Walk in God’s light’’ (For the Strength of Youth: A Guide for Making Choices [Ma Mbabun Enya Ahoɔdzen: Akwankyerɛ ma Nsanmuyi.], 18–21) mu dze ehu dza ibotum ayɛ dze enya kan na mbrɛ Ewuradze si bɔ anohoba horow dɛ obehyira wo. Video horow “Kan na Nokwar, Ɔfã 1’’ na “Ɔfã 2’’ (Gospel Library) botum ama adwenkyerɛ akã ho.

San hwɛ “Teach Me to Walk in the Light,” Asɔr Ndwom, nkanee 304; Topics and Questions, “Holy Ghost,” Gospel Library.

6:40

6:52

Ahyɛdze no dɛ “Siesie wankasa wo fie yie.” (nyiyimu 43) mmfa erehyehyɛ kɛpbɔɔd na efuradze korabea ho mbom ɔfa erekyerɛkyerɛ—na irusũa—“kan na nokwar” ho asɛm (nyiyimu 42). Hwɛ mbrɛ irisi bɔ mbɔdzen dɛ ibedzi afotu yi do. Ebɛn taferbanyinmbɔmu na ihyia? Nokwar bɛn na ɔwɔ Nkyerɛkyerɛ na Ahyɛmudzi 93 mu a obotum aboa?

Ebɛn nhumu na inya fi Elder David A. Bednar ne nkyerɛkyerɛ yinom mu?

“Mo ɔfese no ewifua haban n’adorɔw fɛɛfɛw bi san hɔ. Adorɔw no yɛ ankorankor brɔɔso nsensanee mboano kakrakanara bi—a hɔn mu kor biara tsew no ho a ɔnnyɛ enyikã anaa ahomka koraa. Nokwar, sɛ igyina bɛn wer no a, dza ibotum ehu nyinara yɛ paint a kokɔangoa na sika na kɔben nsensanee asorɔtow na wɔnnyɛ fɛw na wɔabɔmu kɛsenara kor. Naaso, sɛ eyɛ nkakrankakra fi wer no ho a, ankorankor brɔɔso nsensanee no boa ano bɔ mu na woyi ewifua haban asaase fɛfɛɛfɛw bi. Ankorankor brɔɔso nsensanee, pii a wɔnnyɛ nwanwa bɔ mu yɛ edwuma dze nya adorɔw fɛɛfɛw a ɔyɛ ahomka.

“Ebusua mpaabɔ kor biara, ebusua kyerɛwsɛm adzesũa aber kor biara, nna fie ewimbir nhyiamu kor biara yɛ adorɔw nsansenee kor wɔ hɛn akoma adorɔw tam do. Adze kor biara a osi rennyɛ dɛ ma ɔyɛ fɛw anaa nkaadze dodoodow. Mbom dɛ ma ‘paint’ akokɔangoa na sika na kɔben nsaneensanee bɔ mu bɛyɛ mfonyin fɛɛfɛw no, dɛm ara so na hɛn nwɔwdo dze yɛ ndzɛmba a ɔyɛ dɛ osusuar no begya akɔ sunsum mu nsunsuando akɛse ho. ‘Dɛm ntsi, mma hom mmberɛ wɔ papayɛ ho, osiandɛ hom rotow dwumadzi kɛse bi ne fapem. Na ndzɛmba nkakraba mu na dza ɔyɛ akɛse fi mu ba’ [Nkyerɛkyerɛ na Ahyɛmudzi 64:33]. Nwɔwdo yɛ fapem tsitsir ber a yɛtow edwuma kɛse ne fapem wɔ hɛn ankorankor abrabɔ mu na ber a yɛbɛyɛ enyimpisi yie na yɛhwɛ hɛnara hɛn efiefie yie’’ (“More Diligent and Concerned at Home,” Liahona, Ɔberɛfɛw 2009, 19–20).

San hwɛ Henry B. Eyring, “A Home Where the Spirit of the Lord Dwells,” Liahona, Esusow Aketseaba 2019, 22–25.

• Hwɛ dɛ edze Agyenkwa ne mfonyin rekyerɛ na iribisa wo mbofra siantsir a ohia dɛ yesũa Jesus Christ ho asɛm na yedzi n’ekyir. Nkyii wobotum abɔ mu akenkan Nkyerɛkyerɛ na Ahyɛmudzi 93:19 dze ahwehwɛ siantsir a ohia kor.

• Epɛ a ibotum asan mu eyi nokwar beberee a ɔfa Christ ho wɔ ɔfã 93 mu a wokenyan wo na boa wo mbofra ma wɔnhwehwɛ na wɔntse ase (san hwɛ “Chapter 33: A Revelation about Jesus Christ,” in Doctrine and Covenants Stories, 126–27, anaa video a ɔnye no kɔ wɔ Gospel Library). Nokwar biara a ebɛsan mu eyi no, ibotum ama wo mbofra no kasafua anaa kasasin bi ma woetsie ber a wɔbɔ mu kenkan nyiyimu no. Mfatoho, Jesus Christ

  • Yɛɛ Egya no ndwuma (nyiyimu 5).

  • Yɛ Wiadze no ne Kan no (nyiyimu 9).

  • Yɛ wiadze no Bɔfo (nyiyimu 10).

  • Gyee sor na asaase do tum nyinara (nyiyimu 17).

  • Ahyɛse no nna Ɔnye Nyankopɔn wɔ hɔ (nyiyimu 21).

  

  1:18

• Agyenkwa no tsĩi mu mpɛn ebiasa wɔ ɔfã 93 mu dɛ yɛnye Nyankopɔn tsenae “ahyɛse no’’ (nyiyimu 23, 29, 38). Ebɔboa wo mbofra ma woeehu iyi no, ibotum ato nsa afrɛ hɔn ma wɔakenkan Nkyerɛkyerɛ na Ahyɛmudzi 93:23, 29, 38 na wɔahwehwɛ nokwar bi a ɔfa hɔnho na woesi do wɔ nyiyimu yinom mu. Ebɛnadze ntsi na Ɔsor Egya pɛ dɛ yehu nokwar yi? Ibotum asan ebisa wo mbofra dza wonyim no wɔ hɛn abrabɔ wɔ Ɔsor Egya ne nkyɛn ansaana wɔrobɔwo hɛn ho. Ma aboa hɔn ma woesũa beberee no, enye hɔn nkenkan kyerɛwsɛm nsɛnsin a odzidzi do no mu kor anaa beberee: Jeremiah 1:5; Nkyerɛkyerɛ na Ahyɛmudzi 138:53–56; Moses 3:5; Abraham 3:22–26.

• Wobotum asan abɔ mu atow “I Am a Child of God” anaa “I Lived in Heaven” (Children’s Songbook, 2–3, 4) na wɔapɛnsampɛnsa nokwar a yesũa fi ndwom yinom mu fa hɛn botae a yɛdze ba asaase do mu.

• Ama aaboa wo mbofra ma wɔdze nokwar a ɔfa setsie ho wɔ Nkyerɛkyerɛ na Ahyɛmudzi 93 abɔ bra no, hwɛ na kyerɛw kyerɛwsɛm nhwehwɛmu kakra fi ɔfã yi mu wɔ nkrataa do. Wɔ nkrataa afofor do no, kyerɛw nokwar a nyiyimu yinom kor biara kyerɛkyerɛ. Wo mbofra botum ayɛ edwuma abɔ mu akenkan nyiyimu no na wɔdze nokwar ma kyerɛwsɛm nhwehwɛmu no afam ho. Mfatoho botum ayɛ:

  • Nyiyimu 24: Nokwar nye inyim ndzɛmba a ɔyɛ nokwar a ɔwɔ hɔ wɔ nkaano no, seseiara, nye ndaamba.

  • Nyiyimu 28: Mubotum enya kan na nokwar ber a mesie mbrasɛm no.

  • Nyiyimu 37: Sɛ mowɔ kan na nokwar, mutum pow emumuyɛ.

  • Nyiyimu 39: Sɛ meyɛ asokyew a meyew kan na nokwar.

  Epɛ a ibotum akyɛ nokwar ho mfatoho a ebohu ber a esie Ewuradze ne mbrasɛm no.