Nkyerɛkyerɛ na Ahyɛmudzi 88

Nda kakra ekyir ara wɔbɔɔ kɔkɔ dɛ ɔkõ “[be]si aman nyina mu’’ no (Nkyerɛkyerɛ na Ahyɛmudzi 87:2), Ewuradze dze nyikyerɛ bi mae a Joseph Smith ftoo ne dzin “olive ahataw,’’ a ɔyɛ amambra asomdwee sɛnkyerɛdze (Nkyerɛkyerɛ na Ahyɛmudzi 88, ɔfã tsir; san hwɛ Genesis 8:11). W’adzesũa nyina mu wɔ ɔfã 88 dapɛn yi, hwehwɛ Ewuradze n’asɛm fa asomdwee ma wo ho.

Nkasafua kan na mbra woesi do akãno mpɛn pii wɔ ɔfã 88. Sensan nyiyimu anaa hyɛ no nsew wɔ beebi a ihu nsɛmfua yinom wɔ nyiyimu 6–67, na kyerɛw dza isũa fa kan na mbra ho—na wɔ Jesus Christ ho. Ebɛnadze na etse ho nkenyan dɛ yɛ fa nya kan na fa “Christ ne mbra’’ no bɔ bra? (nyiyimu 21).

San hwɛ Isaiah 60:19; John 1:1–9; 3 Nephi 15:9; Timothy J. Dyches, “Light Cleaveth unto Light,” Liahona, Esusow Aketseaba 2021, 112–15; Sharon Eubank, “Christ: The Light That Shines in Darkness,” Liahona, Esusow Aketseaba 2019, 73–76.

Ebɛn sũahu horow na wɔakyerɛ wo dɛ anohoba horow a wɔwɔ nyiyimu yinom mu no yɛ nokwar? Ebɛn anamɔn a odzi do na irutu ama “aatwe abɛn’’ Christ? Hwɛ dɛ edze asɔr ndwom “Nearer My God to Thee” (Hymns, nkanee 100) bɛkã w’adzesũa na asɔryɛ ho.

Ewuradze n’ahyɛdze dɛ “hom ntsew homho’’ pue mpɛn ebien wɔ ɔfã 88 mu (nyiyimu 68, 74). Edwendwen ho a asɛnsin yi n’asekyerɛ nye dɛn? Bia ibotum ahwehwɛ nsɛnsin bi mu wɔ “Sanctification” ase wɔ Guide to the Scriptures [Kyerɛwsɛm no Kwankyerɛ] mu (Gospel Library). Hɛnho si dɛn tsew? Ma asɛmbisa yi nkyerɛ w’adzesũa kwan fa Nkyerɛkyerɛ na Ahyɛmudzi 88:67–76ho, na kyerɛw sunsum mu nhumu biara a inya no.

Ewuradze kãa kyerɛɛ Ahotseweefo no dɛ wonsi “nkɔnhyɛfo skuul’’ wɔ Kirtland (Nkyerɛkyerɛ na Ahyɛmudzi 88:137). Nkyerɛkyerɛ no dodow wɔ ɔfã 88 kyerɛkyerɛɛ hɔn mbrɛ wobesi wɔbɛyɛ no. Nkyerɛkyerɛ yi botum so aboa wo ma “esi … nwomasũa fi’’ (nyiyimu 119) wɔ woara w’abrabɔ mu. Nokwar, ibotum ahwɛ nyiyimu 77–80 na 118–126 dɛ nhyehyɛɛ a wodzi do dze “yɛ wo fie [anaa w’abrabɔ] fofor ma ayɛ asɛmpa adzesũa ne fapem’’ na gyedzi guandɔbea’’ (Russell M. Nelson, “Becoming Exemplary Latter-day Saints,” Liahona, Ɔberɛfɛw 2018, 113). Obotum ayɛ enyikadze dɛ ebɔdorɔw dza wankasa wo “fofor’’ botum ayɛ, a nsɛnsin fi nyiyimu yinom mu a etse dɛ ihia dɛ edze bɔ bra ka ho.

Obotum asan aboa dɛ ebɔhwehwɛ nsɛmbisa yinom: Ebɛnadze ntsi na adzesũa na nwomasũa hia ma Ewuradze? Ebɛnadze na Ɔpɛ dɛ musũa? Ɔpɛ dɛ misi dɛn sũa adze? Hwehwɛ nyiano ma nsɛmbisa yinom wɔ nyiyimu 77–80 na wɔ “Truth will make you free” (For the Strength of Youth: A Guide for Making Choices [Ma Mbabun Enya Ahoɔdzen: Akwankyerɛ ma Nsanmuyi.], 30–33) mu.

Edwendwen ho dɛ “hom ndua adzesũa nye gyedzi so do’’ nsũa n’asekyerɛ nye dɛn? (nyiyimu 118). Ebɛn nhumu na inya fi Elder Mathias Held n’asɛm “Seeking Knowledge by the Spirit” mu”? (Liahona, Esusow Aketseaba, 2019, 31–33).

San hwɛ Topics and Questions, “Seeking Truth and Avoiding Deception,” Gospel Library; “A School and an Endowment,” wɔ Revelations in Context mu, 174–82.

• Ibotum ahyɛ mpɛnsapɛnsa mu ase afa Nkyerɛkyerɛ na Ahyɛmudzi 88:33 ho ber a iribisa wo mbofra no ma wɔkasa fa akyɛdze horow a wɔdze ama hɔn ho—dza enyigye mu ara wɔgyee na dza wɔanngye nyinara. Bia wobotum wɔayɛ wɔdze enyigye regye akyɛdze ɔyɛkyerɛ. Nkyii wobotum akã akyɛdze horow a Ɔsor Egya dze ma hɛn ho asɛm (tse dɛ Sunsum Krɔnkrɔn n’akyɛdze no). Yesi dɛn dze enyigye gye akyɛdze horow yinom?

• Nkyerɛkyerɛ na Ahyɛmudzi 88:63 wɔ nyɛe nsɛmfua a obotum ekenyan enyigye dwumadzi horow dze ahyɛ mbofra no nkuran ma wɔahwehwɛ Ewuradze n’enyim wɔ hɔn abrabɔ mu. Mfatoho, ana enye wo mbofra botum adwendwen agordzi bi ho a wɔdze bɛpɛnsapɛnsa nsɛnsin “hom nhwehwɛ me enyiberdo na hom bohu me” (oetsĩ mu akã ho) mu anaa “hom mbɔ mu, na wobobue ama hom” mu?

• Ibetsĩ Agyenkwa no no ɔfrɛ mu dɛ “hom ntwe mbɛn me’’ do no,’’ ibotum ebisa abofra kor ma woesuo Jesus ne mfonyin mu (tse dɛ mfonyin no a ɔwɔ nhyehyɛɛ yi n’ewiei no) wɔ dan no mu n’afã ber a mbofra nkaa no gyina n’afã hɔ no so. Ber a wo mbofra dwendwen ndzɛmba a wobotum ayɛ dze atwe abɛn Agyenkwa no yie ho no, wobotum etu anamɔn kor akɔ mfonyin no ho, na abofra a oesuo mfonyin no mu no botum etu anamɔn kor akɔ mbofra nkaafo no hɔ. Enye wo mbofra no nkã mbrɛ isi twe bɛn Agyenkwa no na mbrɛ Osi twe bɛn wo no ho asɛm. Ibotum asan nye mbofra no atow ndwom afa asɛntsir yi ho, tse dɛ “I Feel My Savior’s Love’’ (Children’s Songbook, 74–75).

• Bisa wo mbofra no ma wɔnkã dza worusũa no wɔ skuul anaa Primary ho asɛm nkyerɛ wo. Ɔwo so botum akyɛ ndzɛmba a irusũa no. Nkyii ibotum dze nkasafua ebɛnadze, siantsir, na isi dɛn akyerɛ wo mbofra no. Boa hɔn ma wɔnhwehwɛ Nkyerɛkyerɛ na Ahyɛmudzi 88: 77– 79 mfa nhwehwɛ dza Ewuradze pɛ dɛ yesũa ho asɛm. Nkyii wɔmbɔ mu nhwɛ nyiyimu 80 mu mfa nhwehwɛ siantsir a ɔpɛ dɛ yesũa adze na wɔ nyiyimu 118 mfa nhwehwɛ mbrɛ ɔwɔ dɛ yesi sũa adze.

• Ber a ekenkan Nkyerɛkyerɛ na Ahyɛmudzi 88:119. kyerɛ wo mbofra no, wobotum wɔdze hɔn abasa ayɛ temple n’etsifi sorɔmm no mber biara a wɔtse kasafua “fi’’ no. Kyerɛkyerɛ mu dɛ nna Ɔsor Egya pɛ dɛ Joseph Smith na Ahotseweefo no si temple, anaa “Nyankopɔn ne fi.’’

• Ibotum ebisa wo mbofra no ma wɔasan mu eyiyi nsɛmfua esuon a ɔkã hɔn fie ho asɛm. Nkyii boa hɔn ma wɔnhwehwɛ no wɔ Nkyerɛkyerɛ na Ahyɛmudzi 88: 119 mu, nsɛmfua esuon no a Ewuradze dze kã Ne fi ho asɛm no. Yebesi dɛn botum ayɛ ma hɛn fie ayɛ “Nyankopɔn ne fi”?