Whakaakoranga me ngā Kawenata 84

I a koe e whakaaro ana e pā ana ki te kupu tohungatanga, he aha te mea e toko ake ana ki te hinengaro? He aha ngā hua o te mana o te tohungatanga o te Atua i tō oranga?

Whai muri i tō whakaaro ki ēnei pātai, māu e rangahau Whakaakoranga me ngā Kawenata 84:17–32, e rapu ana, nā, e hiahia ana te Atua kia mōhio koe ki te aha e pā ana ki Tana mana tohungatanga. Me huri ō whakaaro ki tāu hei whakamahi i ēnei whiti hei whakamārama i te tohungatanga me ōna pūtake ki tētahi tangata.

Ko tētahi mea e kitea ai e koe, arā, mā roto i ngā tikanga tapu o te tohungatanga “kua whakakitea mai te mana o te atuatanga” (tirohia whiti 19–21). Māu pea e whakarārangi i ngā tikanga tapu o te tohungatanga kua mahia e koe (ka āwhina mai ngā rārangi i te General Handbook, 18.1, 18.2). Me pēhea ēnei tikanga tapu—me ngā kawenata e hāngai ana—i tōia ai te mana o te Atua i roto i tō oranga? Kua pēhea tō oranga i rerekē mehemea kāore ērā mea?

Nā Tumuaki Russell M. Nelson i ako: “E āhei ana e ngā wāhine katoa me ngā tāne katoa e meatia nei ngā kawenata ki te Atua, ā, e puritia ana hoki aua kawenata, ā, e meatia ana ngā tikanga tapu o te tohungatanga, ki te toro tōtika atu ki te mana o te Atua” (“Spiritual Treasures,” Liahona, Noema 2019, 77). Me rangahau e koe te karere a Tumuaki Nelson, e rapua ana ngā huarahi e taea ai te “tō mai i te mana o te Kaiwhakaora ki roto i [tō] oranga.”

Tirohia anōtia Doctrine and Covenants 25:10, 13, 15; 121:34–37, 41–46; ngā Kaupapa me ngā Pātai, “Priesthood,” “Joseph Smith’s Teachings about Priesthood, Temples, and Women,” Wharepukapuka Rongopai; General Handbook, 3.6,Wharepukapuka Rongopai.

Kei te oati me te kawenata o te tohungatanga (tirohia Whakaakoranga me ngā Kawenata 84:31-44) tētahi hāngaitanga motuhake mō ngā ngā tama a te Matua i te Rangi kua whakamanaia ki tētahi tūranga tohungatanga, engari e wātea ana ngā manaakitanga maha kua whakaaria mai nei i roto i ēnei whiti ki ngā tamariki a te Atua. He aha ēnei whakaari, ā, he aha tā te Atua e tono ai hei mahi mā tātou kia whakawhiwhia ai aua mea?

Nā Erata Paul B. Pieper i ako: “He mea harakoa kei roto i te oati me te kawenata o te tohungatanga [tirohia Whakaakoranga me ngā Kawenata 84:31–44], e whakamahia ana e te Ariki ngā tūmahi riro me te whiwhi. Kāore Ia e whakamahia ana te kupu whakamana. Kei roto rā i te temepara te tāne rāua ko te wahine—ngātahi—e riro ai, e whiwhi ai i ngā manaakitanga me te mana o te Tohungatanga o Arona, o Merekihereke hoki” (“Revealed Realities of Mortality,” Ensign, Hānuere 2016, 21).

I a koe e rangahau ana i Whakaakoranga me ngā Kawenata 84: 31–44, me huri ō whakaaro ki te tikanga o te “riro” me te “whiwhi” i te tohungatanga. Me pēhea ēnei e rerekē ai i tā te whakamanatanga ki tētahi tūranga tohungatanga? He aha atu ngā mea e tonoa nei koe e te Ariki hei whiwhi i roto i ēnei whiti? He aha tāu e pērā ai?

He aha tāu e kite nei, nā, e whakaaweawe i a koe kia nui ake tō ū pono ki te whakawhiwhi i te Kaiwhakaora, Tōna Matua, Ana pononga, me Tana mana tohungatanga?

Tirohia anōtia Whakaakoranga me ngā Kawenata 121: 36–46.

He aha ngā tikanga e kitea nei e koe i Whakaakoranga me ngā Kawenata 84:43–61 mā konā kua āwhina i a koe ki te rangahau i te kupu a te Atua? Kia aro ki te rerekētanga i waenganui i te māramatanga me te pōuritanga i ēnei whiti; me pēhea tō “ū kaha ki ngā kupu o te oranga tonutanga” hei kukume mai i te māramatanga, te pono, me “te Wairua o Ihu Karaiti” ki roto i tō oranga? (whiti 43, 45).

Tirohia anōtia 2 Nīwhai 32:3.

I a koe e pānui ana i ēnei whiti, me rapu ngā kōrero i kī ake ai te Ariki e pā ana ki Tāna hei tautoko i Ana pononga. Me pēhea ēnei whakaari e hāngai ai ki te mahi kua tonoa mai koe e Ia hei mahi? Hei tauira, me pēhea ēnei whakaari i whiti 88 i whakatutukihia ai i tō oranga?

He aha tāu e ako ai i ēnei whiti e pā ana ki tā te Ariki whakatutuki i Tana mahi? He aha ngā tohutohu me ngā manaakitanga e kitea nei e koe? Me whakaaro anō koe ki te āhua i “whakamāramahia ake [koe] i runga i te māhaki katoa” nā te mea i mahi koe i te taha o tētahi tangata “Wairua kaha,” tae atu ana ki ngā mema o tō whānau.

• Hei āwhina i ō tamariki kia mārama ai he aha te tikanga tapu, me titiro tahi ki ngā pikitia o ētahi o ngā tikanga tapu o te tohungatanga, pērā i Gospel Art Book, nos. 103–8, pērā rānei i te whārangi mahimō tēnei wiki. Tonoa rātou ki te whakamārama mai e aha ana i tēnā pikitia, i tēnā pikitia. Kātahi ka pānui tahi i Whakaakoranga me ngā Kawenata 84:19–22. He aha te Matua i te Rangi e hiahia ai kia whiwhi tātou i ēnei tikanga tapu? Me kī atu ki ō tamariki e pā ana ki ngā wā i rongo ai koe i te mana o te Atua nā ngā tikanga tapu i whiwhi ai koe me nga kawenata i meatia ai e koe. Tirohia anōtia “Priesthood Power, Authority, and Keys” i āpitihanga A te āpitihanga Brānei.)

• Whai muri iho i te pānui ngātahi i Whakaakoranga me ngā Kawenata 84:77, me pātai ki ō tamariki he aha te tikanga o te tū hei hoa ki tētahi. Ka kōrero pea koe mō ngā hoa pai o mua. He aha tā Ihu hei whakaatu mai ki a tātou kei te hiahia Ia kia a tātou hei hoa Mōna? Me pēhea tātou e whakaatu ai kei te hiahia hoki tātou kia pērā? Mā tētahi waiata pērā i “I’m Trying to Be like Jesus” (Children’s Songbook, 78–79) e āwhina ai kia huataki i ngā kōrero.

• Ka pai pea ō tamariki ki te whakarongo atu e pā ana ki ngā mihingare e āwhina ana i a koe, tō whānau, ō tūpuna rānei e rongo ai rātou i te rongopai. Kātahi ka taea e koe te hura atu i tētahi whakaari motuhake i meatia ai e te Ariki ki ngā mihingare i Whakaakoranga me ngā Kawenata 84:88. Tērā pea me rapu whakaaro ō tamariki i ngā ā-ringa e hāngai ana ki tēnei whiti. Me kōrero pea mō tētahi wā i te mahi koe ki te Ariki, ā, i rongo koe i reira Ia, pērā i ngā whakamāramatanga i whiti 88. Māu anō ō tamariki e āwhina kia rapu whakaaro e pā ana ki ngā huarahi e taea ai e rātou te tū hei mihingare ināianei. Me tuku whakaaturanga mō tā te Matua i te Rangi āwhina i a tātou kia mōhio ai he aha hei kōrero mā tātou i a tātou e kōrero ana mō Ihu Karaiti.