Whakaakoranga me ngā Kawenata 85–87

Kia aro koe ki tā te Ariki hiahia kia whakaurua ai ki roto i te “hītori” kua whakamāramahia i Whakaakoranga me ngā Kawenata 85:1–2. Ki ō whakaaro, he aha Ia e pīrangi ai kia puritia e Ana Hunga Tapu tētahi hītori? He aha ngā mea e taea ana e koe te tuhi mō te “āhuatanga o [tō] oranga, [tō] whakapono, me ngā mahinga” tērā pea ka tū hei manaakitanga ki a koe me ngā whakatipuranga anamata? Ka pēhea te tuhi hītori e āwhina ai kia haere mai ki te Karaiti?

Tirohia anōtia “Journals: ‘Of Far More Worth than Gold’,” Teachings of Presidents of the Church: Wilford Woodruff (2011), 125–33; “Turning Hearts” (whitiāhua), ChurchofJesusChrist.org.

3:6

Kia whakaarohia ngā kupu i whakamahia e Hōhepa Mete hei whakamāramahia te Wairua i Whakaakoranga me ngā Kawenata 85:6. He aha ngā āhuatanga e mea ai ko te reo o te Wairua he “ngāwari” ā, he “kōhimuhimu”? Me aro ki ēnei whakamāramatanga i homai ai mā roto i a Hōhepa Mete: Whakaakoranga me ngā Kawenata 6:22–24; 8:2–3; 9:7–9; 11:12–13; 128:1. Me pēhea te Wairua e kōrero ai ki a koe?

Tirohia anōtia Ruka 24:32; Mōhia 5:2; Arami 32:28; Heramana 5:30; Whakaakoranga me ngā Kawenata 6:22–23; 11:12–13.

E mau ana i Whakaakoranga me ngā Kawenata 86 tētahi whakamāramatanga mō te pakitairite o te wīti me ngā taru, e kitea nei i Matiu 13:24–30, 37–43. I a koe e ako ana e pā ana ki te tikanga o tēnei pakitairite, me whakakī pea i tētahi tēpara pēnei i tēnei:

Anei ētahi atu pātai hei tāpiri atu:

• Whai muri iho i te whakamāramatanga i te pakitairite, i kōrero te Ariki e pā ana ki te tohungatanga, te whakahokinga, me te whakaoranga o Tōna iwi (tirohia whiti 8–11). He aha ngā hononga i waenganui i ēnei kaupapa me te pakitairite o te wīti me ngā taru?

• He aha tāu hei “māramatanga ki ngā Tauiwi” me “tētahi kaiwhakaora ki te iwi [o te Ariki]”? (whiti 11).

E whakatūpatoria ana e te wāhanga 87 e pā ana ki ngā mōrearea ā-tinana e hāngai ana ki te pakanga i ngā rā whakamutunga. Engari e hāngai ana aua tohutohu ki ngā mōrearea ā-wairua. Whakaaroarohia ngā pātai pērā i ngā mea e whai ake nei:

• He whakakitenga te poropititanga mai i te Atua ki te poropiti, i te nuinga o te wā e pā ana ki ngā wā e heke mai ana. He aha ētahi tauira o ngā poropititanga kua homai e ngā poropiti onamata me ngā poropiti o ēnei rā? (tirohia Hoani 3:14; Mōhia 3:5; Heramana 14:2–6). I whakatutukihia e te aha? (tirohia Ruka 23:33; Matiu 15:30–31; 3 Nīwhai 1:15–21).

• He aha ngā manaakitanga e hua ake i tō whakaae ki ngā poropititanga a ngā poropiti a te Atua?

I runga i ērā whakaaro, pānuitia te wāhanga 87. (Kia mārama ki te horopaki hītori, tērā pea ka hiahia koe ki te pānui i te whakatakinga ki tēnei whakatakotoranga mahi.) He aha ngā akoranga māu e pā ana ki te poropititanga mai i tēnei whakakitenga me te āhua i whakatutukihia ai? He aha tāu kōrero ki tētahi e ngākau ruarua ki tētahi poropititanga nā te mea kāore i whakatutukia i taua wā tonu?

He aha ngā tohutohu a te Ariki i whiti 8? Ko hea ō “wāhi tapu” e rongo ai koe i te rangimārie me te haumarutanga? Nā te aha e tapu ai tētahi wāhi? Hei āpiti atu ki ngā wāhi, tērā pea he wā tapu, he mahi tapu, he whakaaro tapu rānei e puta ai te rangimārie i reira. Hei tauira, me pēhea ngā kupu a ngā poropiti a te Atua e tū ai hei wāhi tapu mōu? He aha te tikanga o te kōrero kia “tū” kia “kaua e whakanekea” i ēnei wāhi?

Tirohia anōtia “Where Love Is,” Children’s Songbook, 138–39; Saints, 1:163–64; “Peace and War,” i Revelations in Context, 158–64.

• He aha te kōrero a ō tamariki mehemea i uia rātou me pēhea rātou e mōhio ai mēnā rānei kei te kōrero te Wairua Tapu ki a rātou? Tonoa rātou kia pānuitia tētahi o ngā whakamāramatanga a Hōhepa Mete mō te reo o te Wairua i Whakaakoranga me ngā Kawenata 85:6. Kātahi ka taea e rātou te parakatihi ki te whakarongo atu me te kōrero i runga i te reo kōhimuhimu ngāwari. Māu pea e kōrero mō ngā wā i kōrero te Wairua ki a koe tonu i tētahi reo kōhimuhimu ngāwari.

• Hei āwhina i ō tamariki kia mārama ki te rerenga kōrero “reo kōhimuhimu ngāwari,” ka taea te whakatangi ngāwari i tētahi waiata pērā i “The Holy Ghost” (Children’s Songbook, 105). Tonoa tētahi o ngā tamariki kia whakaaro ake he aha te waiata i te wā tonu e hoihoi ana ērā atu tamariki. Kātahi ka taea te tōai taua waiata engari karekau he hoihoi. He aha ngā hoihoi e taea ana te whakataha atu i ō tātou oranga kia kaha ake te rongo atu i te Wairua?

• Hei āwhina i ō tamariki kia mārama ki te pakitairite e whakamāramahia ana i wāhanga 86, māu e whakarite ngā pikitia iti, ngā whakaahua rānei o ngā wīti kātahi ka hunaia huri noa i te ruma. Whakamāramahia atu ki ō tamariki te pakitairite o ngā wīti me ngā taru (tirohia Matiu 13:24–30), kātahi ka pānuitia tahitia ngā kōrero a te Ariki i Whakaakoranga me ngā Kawenata 86:1–7. Kātahi ka taea e ō tamariki te kohikohi i ngā pikitia o ngā wīti kātahi ka tuhia ki runga rā tētahi ingoa o tētahi e taea ana e rātou te “whakakao” ki a Ihu Karaiti. He aha te tikanga o te whakakao i ngā tāngata ki a Ihu Karaiti? He aha ētahi huarahi e taea ai e tātou te pēnei?

• Anei ētahi pātai e taea te ui atu ki ō tamariki i a koutou e whakawhiti kōrero ana mō Whakaakorangā me ngā Kawenata 86:11: Me pēhea te māramatanga e manaaki ai i a tātou? He aha te āhua ina karekau he māramatanga? Me pēhea tātou e tū ai hei māramatanga ki ētahi atu? Āwhinatia ō tamariki kia whakaarohia ake ētahi huarahi e taea ai te “ū tonu i tō [Ihu] painga” me te tohatoha atu ki ētahi atu.

• Pānuitia ngātahitia Whakaakoranga me ngā Kawenata 87:6 kia ako ai e pā ana ki ngā mea i kī ai te Ariki ka puta ake hei ngā rā whakamutunga. Kātahi ka taea e koutou te kōrero mō ngā uauatanga e huapae ana ki a koutou ko ō tamariki. Hei te whiti 8, he aha tā te Ariki kōrero e taea te mahi i ngā wā uaua?

• Āwhinatia ō tamariki kia meatia tētahi whakarārangi mō ngā wāhi tapu, ngā whakaaro tapu, me ngā mahi tapu e āwhina ai i a rātou kia tū atu ki ngā mōrearea ā-wairua. Mō ētahi atu whakaaro, tirohia ngā whitiāhua “Standing in Holy Places” and “Stand Ye in Holy Places—Bloom Where You’re Planted” (Wharepukapuka Rongopai).

  

  5:36

  

  4:36